radheef.info
ރަދީފު


ރަސް
ނއ (1) ރަސްގެފާނަށް ނުވަތަ ރަސްކަމަށް ނިސްބަތްވާ (2) މޮޅު މިސާލު: ރަސްއައިން (3) އެންމެބޮޑު މިސާލު: ރަސްމަގު (4) އެންމެ ލޯބިވާ މިސާލު: މަގޭ ރަސްދަރިފުޅު (5) ނ ފަސްއޮށްކުޅޭއިރު ވިދިވިދިގެން ހަތްލަނޑުދިނީމާ ނުވަތަ ހުސްފުށަތުން ލާއިރު އޮށްބައި އެކަށް ހިފުނީމާ ކިޔާނަން
މާރާދަކަން
ނ ކަންގަތި ކޮއްޔެއްގެ ނަން. މިކޮލި ލެވިފައިވާ ބޭކަލުން ކުރައްވަން ޖެހޭކަމަކީ ދައުލަތުގެ އެންމެމަތީ ވެރިޔަކަށް ހުންނަވާ ބޭފުޅަކަށް ލަފާދެއްވުމާއި ބޮޑެތި ޢިއްޒަތުގެ ރަސްމިއްޔާތު ތަކުގައި އެރަސްމިއްޔާތުތައް ފުރިހަމަ ކުރެއްވުމުގެ ގޮތުން ބައިވެރިވެ ވަޑައިގަތުމެވެ
މާބަނޑޭރި
ނ (1) ރަސްކަލެއްގެ އަމުރުފުޅުގެ ދަށުން ރަސްކަމުގެ ކޮއިލުތެރޭގެ ހުރިހާ ކަމެއް ބެލެހެއްޓުމުގެ އެންމެމަތީ ވެރިޔާ
މާބަނޑޭރިކަން
ނ ރަސްކަލެއްގެ އަމުރުފުޅުގެ ދަށުން ރަސްކަމުގެ ކޮއިލުތެރޭގެ ހުރިހައިކަމެއް ބެލެހެއްޓުމުގެ އެންމެމަތީ ވެރިކަން
މާމެދުމީހުން
ނ ކަލާސީންގެ ބައިތަކުގެ ތެރެއިން ހޮވައިގެން ނެގޭބައެއް އިހުގައި ބަނޑޭރިގޭގައި އޮންނަ ރަސްމީ ފަރީއްކޮޅުތަކާބެހޭ ކަންތައް ކުރުމަކީ މިމީހުންގެ މަސައްކަތެކެވެ
މާފޭރިގަނޑޮ
ނ )ޏ ސ ( ދުމަށީގެ ހުރަސްތައް ބެހެއްޓިފައި އޮންނަ ވަކަރު
މާޗްޕާސްޓްކުރުން
މ ރަސްމިއްޔާތެއްގެ ޝަރަފުވެރި މެހްމާނަކަށް ސެލިއުޓްދީގެން އެކަމަށް ޚާއްޞަ ކުރެވިފައިވާ ބަޔަކު އެބޭފުޅެއްގެ ކުރިފުޅުމަތިން ދިއުން.
މުރުސަލު
ނ ރަސްރަސްކަލުންގެ ޢިއްޒަތުގެ ތެރޭގައި ގެންގުޅެވޭ ޚާއްޞަ އެއްޗެއް މިއީ ސާމަރާދޫނީގެ ފަތާއި ކެނދިފަށުއިފަދަ އެއްޗެހިން ހަދައިފައި ހުންނަ އެއްޗެކެވެ މީގެ ބޭނުމަކީ މެހި ފޮޅުމެވެ. މިއަށް ހުންނާނީ މީރުވަސްދުވާ އަތަރު ޖަހައިފައެވެ.
މުއްދަތިލާގާގަނޑު
ނ މެދުމާ ދޮރޯށީން ނުކުމެގެން އިރު މައްޗަށް ދާއިރު އެސްޖެހިގަނޑުވަރުގެ އުތުރު ހުޅަގުގައްޔާއި ވެޔޮދޮށު ގަނޑުވަރުގެ އިރުދެކުނުގައި އޮންނަ ބޮޑު ދެގާގަނޑު ރަސްކަމަށް ކޮލިލުމުގެ ރަސްމިއްޔާތުގައި އަޅާ ހަތްގެކޮޅުން އެންމެ މުހިއްމު ކަންތައް ހިނގާގެކޮޅު ހުންނަނީ ދެކުނުގާގަނޑު އޮންނަ ތާނގައެވެ
މުޝްރިކުން
ނ (1) މާތްﷲ ގެ ރަސްކަންފުޅާ އެހެން ފަރާތަކާ ބައިވެރިކުރާ މީހުން (2) މާތްﷲ ފިޔަވާ އެހެން ފަރާތަކަށް އަޅުކަންކުރާ މީހުން
މެދުރީމީހުން
ނ ގަނޑުވަރުތެރޭގެ ރަސްމީފަރީއްކޮޅުތަކާއި އަޑަފިކޮޅުގެކަންތަކާއި ތިނޯހު މަސައްކަތުގެ ކަންތައްކުރުމަށް ސަރުކާރުން ލައްވައިފައި ތިބޭބައެއް މިކަމަށް ތިބޭނީ އަންހެނުންނެވެ މިމީހުންގެ ވެރިޔަކަށްވެސް އިންނާނީ އަންހެނެކެވެ
މޭނާކަން
ނ ކަންގަތި ކޮއްޔެއްގެ ނަން. މިކޮލި ލެވިފައިވާ ބޭކަލުން ކުރައްވަން ޖެހޭ ކަމަކީ ދައުލަތުގެ އެންމެމަތީ ވެރިޔަކަށް ލަފާ ދެއްވުމާއި ބޮޑެތި ޢިއްޒަތުގެ ރަސްމިއްޔާތު ފުރިހަމަ ކުރެއްވުމުގެ ގޮތުން ބައިވެރިވަޑައިގަތުމެވެ
މޯރާބޭލުން
މ (1) ރިޔަލުގެ ކަނިބޭލުން (2) ރިޔަލުގެ ކަނި ހުރަސްކުރުން
ފަންގިފިލާ
ނ (1) ގޭގޭގެ ހުރަސް ވަކަރުމަތީ ފިލާއަޅައި އެއްޗެހި ބެހެއްޓޭގޮތަށް ހަދައިފައިވާ ތަން. (2) މަތީބުރީގައި އުޅެވޭގޮތަށް އުސްކޮށް ރާނައިފައި ހުންނަ ގޭގޭގެ މަތީބުރީގައި އުޅޭ މީހުން ހިނގާ ބިނގާވާތަން. (3) ދެވަނަ ނަމްބަރުގައި ބުނެފައިވާ ތަންތަނުގެ ދަށުގައްޔާއި ފުރާޅު ނިވާކުރުމަށް ފުރާޅުދަށުގައި ލަކުޑިން ނުވަތަ ސިމެންތި ފިލައިން ނުވަތަ އެނޫންވެސް އެއްޗަކުން ޖަހާނިވައި
ފަންސަފުރަދާނަ
ނ )ބދ ( އިހުގައި ރަސްކަމުގެ ކަންތައް ހިންގަވަން ތިއްބަވާ ފަސް ވަޒީރުން
ގެޒެޓުކުރެވުން
މ ރައްޔިތުންގެ މަޖްލިސުން ފާސްކުރާ ބިލެއް ރަސްކަލަކު ނުވަތަ ރައީސަކު ތަސްދީޤު ކުރެއްވުމަށްފަހު ދައުލަތުގެ ގެޒެޓުގައި ޝާއިއު ކުރެވުން
ސަމާ
ނ ރަސްކަމަށް ކޮލިލުން ނުވތަ ގަނޑުވަރުތެރޭ ބޭފުޅުން ރައްކައުވުން ނުވަތަ ޚިތާނުފުޅު ކުރުން މިކަންކަމުގައި ރަސްމީގޮތުން ގުޅަކުޅޭ ފަސްގަނޑުގައި ކުޅޭ ކުޅިވަރެއް މި ކުޅިވަރު ކުޅޭނީ ބެރު ދުންމާރި ތާޅަފިލި ފުމެފައި ފަސްގަނޑުގައި ކުޅިޖަހައިފައެވެ
ޑަންގުންދީދީ
ނ އިހުގައި ކުޑަކުދިންގެ ބަހުރުވައިގައި ރަސްގެފާނަށް ކިޔާނަން
ޑައިމީޓަރު
ނ ދިގުހުރަސް
ފައިންޕުޅުހިފުން
މ ރަސްގެފާނު ފައިންޕުޅު ދައްކަވަން އިންނަވާއިރު ހަނގު ބޭކަލުންނާއި ދެންވެސް ފައިންޕުޅު ހިފަންޖެހޭ މީހުން ފައިންޕުޅުގައި އަތްލައިފައި ތެދުވެ ކުރުނީސް ކުރުން
ފައިންޕުޅުއެޅުއްވުން
މ ރަސްރަސްކަލުންނަށް ޚާއްޞަބަހެއް ތަނަކަށް ދިއުން މިބަސް ރަސްރަސްކަލުންނާމެދު ބުނާގޮތް