radheef.info
ރަދީފު


ނުވަތަ
އ (1) ނޫންނަމަ (2) އެހެންނާ (3) އެހެންޏާ
ނާނާ
ނ (1) ހަމައެކަނި އަޑުން އަޅުވާލާ ރާގު މިސާލު: ނާނަޔޭނާނާ އޫނ އޫނ އޫނ (2) ކުދިން ނިންދަވަން ކިޔާލަވަ (3) އ ނޫނެކޭ ބުނުން ގަދަކުރުމަށް ބުނާގޮތް (4) މަޖާޒު: ކިޔާއެއްޗެއް ނުފިލާގޮތަށް ނުވަތަ އަޑުއަހާމީހުން ފޫހިވާ ގޮތަށް ދައްކާވާހަކަ (5) ކިޔާއެއްޗެއް އޮޅުން ނުފިލާގޮތަށް ކިޔާ އެއްޗެހި
ނާރޮވައްފަލުދަ
ނ )ޏ ( ބަނބުކޭލުގައި ހަދާ ފޮނިކާއެއްޗެއް މިހަދާގޮތަކީ ބަނބުކެޔޮ ފެނުކައްކައި މަޑުކޮށް ފުނޑައި ހިމުންކޮށް ދިޔާހަކުރު އޭގެތެރެއަށް އަޅައިގެން ހިލާ ވެށޭވަރަށް ހިލުމަށްފަހު ގުޅަވަށާ އޭގެ ސިފައަށް ގެނެސް ދޮލަގުގާ އަތުރާ ނުވަތަ ފިނިފެންމާ އަޅައިފައި އަވީލަނީއެވެ މިކެއްކުމުގައި ދޯބުރާލި ހަކުރުކޮޅެއްވެސް އަޅައެވެ
ނާބަ
ނ މަޣްރިބު ނަމާދަށް މާލޭ ހުކުރު މިސްކިތު މުންނާރުން ބަންގި ގޮވާ ނިމުމާއި ވިދިގެން ނާބުސްޚާނުން ޖަހައި އުޅުނު ބެރު. ރަސްމީ ބެރުޖެހުން އޮންނަރޭރެއަށް ނާބަ ޖަހައި އުޅުނީ އެބެރުގެ ފަހުގައެވެ. ބޮޑުދެހިތީގައި ޖަހާއުޅުނީ ހިތިގެދޮށުގައެވެ. ރަޖަބު ރަމްޟާން ޝައްވާލު މިމަސްމަހަށް ހަނދުބަލާރޭރޭ މިބެރުޖަހައި އުޅުނީ ބަޑިޖެހުމުގެ ފަހުގައި ނުވަތަ ހަނދު ފެނުނުކަން އެގުނީމައެވެ
ނިއައު
ނ (1) އެއްޗެއްގެ ނުވަތަ ކަމެއްގެ ނިމޭ ނިމުން (2) މަރުވާ މަރުވުން (3) ކަމެއްގެ މައްޗަށް އަންނަ ހުކުމް (4) ޢަދުލް އިންޞާފު
ނިއާމަ
ނ (1) ފަސޭހަ (2) ނިޢުމަތް މިބަސް ގިނައިން ބުނެއުޅެނީ ދަތުރާއި ވިދިގެންނެވެ މިސާލު: ނިޔާމަ ދަތުރު ނުވަތަ ފަހި ދަތުރު
ނިއުޅުން
މ (1) އޮޅާފައި އޮތް ފޮތި ނުވަތަ ދޫލަ ރޯލެއް ފަތުރައިލުން. (2) އެތައް ފައްތަކެއް ހަރުކޮށް އެއް އުޅިއަކަށް ހަދައިފައިވާ ގޮތް ކެނޑި ފައްތަށް ވަކިވަކިކުރުން (3) އެއްޗެއްގައި ހުންނަ މަޢުނަވީ ބަންދުކަމެއް މޮހެލުމަށް ފަންޑިތަވެރިންކުރާ ކަމެއް
ނިއުޅުންކުރުން
މ އެއްޗެއްގައި ހުންނަ މަޢުނަވީ ބަންދުކަމެއް މޮހައިލުމަށް ފަންޑިތަހެދުން ނުވަތަ ހަދާފައިވާ ފަންޑިތައިގެ ބާރު ކެނޑުވުމަށް ކަމެއް ކުރުން
ނިވައި
ނ (1) ތަނެއްގެ ނުވަތަ އެއްޗެއްގެ ވައިދަށް (2) މަޖާޒު: މީހެއްގެ ފަރާތުން ލިބޭ ރައްކައުތެރިކަން
ނިވައިދަށް
ނ ތަނެއް ނުވަތަ އެއްޗެއްގެ ވައިދަށް ފަރާތް
ނިވާއެޅުން
މ އަލި ނުވަތަ ވައިހުރަސްވާގޮތް ހެދުން
ނިވާފަތްގަނޑު
ނ (1) އެއްޗެއް ނިވާކުރުމަށާއި ރައްކާތެރި ކުރުމަށްޓަކައި ޖަހާނިވާ (2) މަޖާޒު: މީހަކަށް ނުވަތަ ބަޔަކަށް ރައްކާތެރިކަންދޭ މީހާ
ނިވާލުން
މ (1) އަލިފާން ނެއްތައިލުން (2) ހޫނު ފެނަށް ހިހޫ ފެންއަޅައިގެން ހޫނުކަން މަޑުކޮށްލުން (3) އިންޖީނާއި ރޭޑިޔޯއާއި ފަންކާ ފަދަ ހިނގަހިނގާ ހުންނަ ތަކެތީގެ ހިނގުން ހުއްޓައިލުން (4) އަވިމަޑުވެލުން ނުވަތަ ހަނދުވަރު ފަނޑުވެލުން
ނިވުން
މ (1) އަލިފާން ހުރެފައި ނެތުން. (2) ދިއްލިފައި ހުރިއެއްޗެއްގެ އަލިކަން ދިޔުން. (3) ހޫނުފެނަށް ހިހޫފެން އަޅައިގެން ހޫނުކަން މަޑުކުރުން. (4) އިންޖީނު ރޭޑިޔޯ ފަންކާ ފަދަ ހިނގަހިނގާ ހުންނަ ތަކެތީގެ ހިނގުން ހުއްޓުން (5) އަވި މަޑުވުން ނުވަތަ ހަނދުވަރު ފަނޑުވުން
ނިމަ
ނ (1) ރަށްރަށުގެ ރައްޔިތުންކުރާ ދަތުރުތަކުގައި ރައިވެރިންނަށް ނުދެވޭތީ އެމީހުން އަތުން ނަގައި އުޅުނު ހަކުރު ނުވަތަ ތަކެތި (2) ދަތުރުވެރިންނަށް ބައެއް ރަށްރަށުން ހަދިޔާއަށް ދީއުޅުނު ތަކެތި މިތަކެތިދީ އުޅުނީ އެރަށްރަށުގެ ފަޅަށް ދަތުރުދޯނި ވަނީމައެވެ
ނިސްބަތް
ނ (1) މީހަކާ ނުވަތަ އެއްޗަކާ ނުވަތަ ފަރާތަކާ ގުޅުވާ ގުޅުވުން (2) މީހަކާ ނުވަތަ އެއްޗަކާ ނުވަތަ ފަރާތަކާ ހިމަނާ ހިމެނުން
ނިސްބަތްކުރުން
މ މީހަކާ ނުވަތަ އެއްޗަކާ ގުޅުވައި ކިއުން
ނިސްބަތްވުން
މ މީހަކާ ނުވަތަ އެއްޗަކާ ނުވަތަ ފަރާތަކާ ގުޅިފައިވުން މިސާލު: މަޖީދީމަގު ނިސްބަތްވެފައިވަނީ ޢަބުދުލްމަޖީދު ރަންނަ ބަނޑޭރި ކިލެގެފާނާ އެވެ
ނުހިކޭފާރު
ނ (1) ބޭހުން ފަސޭހަނުވެ އުމުރަށްވެސް ހުންނަފާރު. މަޖާޒު: (2) ތިމާ އިންމީހެއް ނުވަތަ ހިތާވި މީހެއްގެ ނުފިލާ ހުންނަ ހަނދާން (3) ނުފުދިފައި ހުންނަ އެދުން
ނުރަސްމީދަތުރުފުޅު
ނ ދަޢުލަތުގެ އެންމެ މަތީވެރިޔާ ނުވަތަ ސަރުކާރު ހިންގަވާ ވެރިޔާ ކުރައްވާ އަމިއްލަފުޅު ދަތުރު
ނުކުޅަދާނަ
ނއ (1) ކުޅަދާނައިގެ އިދިކޮޅު (2) ނުފޮރުއްޕާން (3) މީހެއްގެ ނުވަތަ އެއްޗެއްގެ ނުވަތަ ކަމެއްގެ ސަބަބުން ކެތްކުރަން ދަތިވާވަރަށް ލިބޭ އުނދަގޫ