radheef.info
ރަދީފު


ނަން
ނ އެލަފުޒަކުން މީހެއްކަން ނުވަތަ ތަނެއްކަން ނުވަތަ އެއްޗެއްކަން ނުވަތަ ކަމެއްކަން ނުވަތަ ސިފައެއްކަން ދޭހަވާ ކޮންމެ ލަފުޒެއް
ވަރުމައްތެނަނު
ނ )ޏ ސ ( ބޮޑުކަންނެލި ބާނަން ފައްތާ ނަނު
)މުސްކުޅިބަހެއް( ހިނގަހިނގާ ހުރިކަމެއް ހުއްޓިލައިފައި އަނެއްކާ ފެށޭއިރު އިހަށްވުރެ ކުރިއަށް ހިނގާގޮތް ވީމާ ދީއުޅޭ މިސާލެއް ވަރުލައިގަންނަންނާ ބޮޑު އިހާ ޖަހާނެއެވެ
ވަޅިފަން
ނ ރޯ ފަނުން ހަދާ ބަށި. ބުޅާ ގޮހޮރު ކަރަކަންދާލި ފަދަ އެއްޗިއްސަށް ޖުމްލަކޮށް ކިޔާނަން
ވަޅު
ނ (1) އެކިއެކި ބޭނުމަށްޓަކައި ކޮނެފައި ހުންނަ ތަންތަން. (2) ބައެއް ޚާއްޞަ ތަންތަނަށް ނަން އިތުރަކާ ގުޅައިގެން މަރުވަޅު ފުރޯވަޅު ސަޖިދަވަޅު ފުއްވަޅު މިގޮތްގޮތަށް ކިޔައެވެ. (3) ފެން ބޭނުންކުރުމަށްޓަކައި ބިންގަނޑު ކޮނެ ފެނުތެރޭގައި ބައެއް ހުންނާނޭހެން ރާނައިގެންނާއި އެ ނޫން ގޮތްގޮތަށް ތައްޔާރުކުރާ އެއްޗެއް (4) )ލ ( ވަޅި
ވަޅޮމުތް
ނ )ޏ ( ވިހައިގެ ބޭހުގެ ތެރޭގައި ގާނަން ގެންގުޅޭ މުތްތަކުގެ ތެރެއިން މުތެއް
ވަކިގަނޑުއެޅުން
މ ރާރާ ގުޑީގެ ތެރެއިން ސަތަރު ހަނދުފަޅި މިނަންނަމުން ހަދާ ގުޑިއާއި ބޮޑު ތެލަނގާގައި ތުނޑު ކުރެހުންގަޑު އެޅުން ނުވަތަ ތުނޑު ކުރެހުންގަނޑު ތަތްކުރުން
ވަކީލުކަން
ނ (1) ވަކީލަކު ވަކީލެއްގެ ގޮތުން ކުރަން ޖެހޭކަންތައް (2) ވަކީލުކަމުގެ މަޤާމުގެ ނަން
ވައިވަނި
ނ ދިވެހި ރުކުގައި ގަންނަ ތަކެތި ޅައިރު ލިބޭ ގެއްލުމެއްގެ ސަބަބުން ފެޅިފައި ހުރެ ހަރުވީމާ ކިޔާ ނަން
ވައިމަތިބެލުން
މ (1) ވިއްސާރަ އަންނަންއުޅޭތޯ ނޫޅޭތޯ ބެލުން (2) ކަން ކުރާން އުޅުމުގައި ނުރައްކައުތެރިކަމެއް ވޭތޯބެލުން (3) މަޖާޒު: އަމުރުވެރިޔެއްގެ ރުހުން ހުރިނެތްގޮތް ބެލުން
)އުރަވަޅީ ވައި( ވައިފޭބުން
ނ ބައްޔެއްގެ ނަން މިބަލީގައި ވާގޮތަކީ ދަށްބަނޑަށް ތަދުވުމާއިއެކު ވައިގެ ސަބަބުން އުރަވަޅި ބޮޑުވަނީއެވެ
ވައު
ނ (1) މޭވާފަދަ އެއްޗެހީގެ ދިޔަ ބޮއިގެން އުޅޭ ރޭގަނޑަށް އުދުހޭ ޖަނަވާރެއް. މި ގަސްގަހުގައި ތިބޭނީ ފިޔަގަނޑުގައި ހުންނަ ބުޅި ގަނޑެއް އަޅުވައިގެން ބޯތިރިއަށް އެލުވައިލައިގެންނެވެ. (2) ރޯނު ވަކަ ސުތުލި ފަދަ އެއްޗިހީގެ ދެއުޅިއަށްވުރެ ގިނަ އުޅީގައި މާރަށްވުރެ ފަލަކޮށް ދިގުކޮށް އަޅައިފައި ހުންނަ އެއްޗެއް. (3) އުނދޯލި އެލުވައިފައި ހުންނަ ފަށް. (4) އޮލަ ނުވަތަ ތަތް އެއްޗަކުން ނުކެނޑިދެމޭ ފަށް. (5) ބައެއް ބާވަތުގެ ފަންޏާއި ގިނަ ބާވަތް ބާވަތުގެ މަކުނު ދޫކުރާފަށް. (6) އެގޮތް މިގޮތަށް ބޯކޮށް ގަސްހެދިފައި އޮންނަތަން. (7) ބައްޔެއްގެނަން. މިބަލީގައި ވާގޮތަކީ ބަލި ޖެހުނު ގުނަވަނެއްގެ ބާރު މުޅިން ނެތެނީއެވެ. )ނއ.( (8) ތެދަށް ނުހުންނަ. (9) ލެނބުން ހުންނަ. މިސާލު: ވައު އިލޮށި
ވައުބަލި
ނ ހަށިގަނޑުގެ ގުނަން ގުނަނަށް ޖެހޭ ބައްޔެއް މިބަލީގައި ވާގޮތަކީ އެގުނަވަނުގެ ބާރުމުޅީން ނެތެނީއެވެ އަދި އެގުނަވަނުގެ ބާރުނެތުނީމާ ދުވަސްކޮޅަކުން ހިމަވެސްވެދެއެވެ
ވަދުނަނު
ނ މަސްވަދު ނުވަތަ ފަތްވަދު ބަނދެގެން މަސްބާނަން ބޭނުންކުރާ ނަނުބައި
ވަދުފަތް
ނ (1) މަސްބާނަން ބުޅީގައި ބަންނަ ފަތް (2) ހާލުގެ ކަނދުރާގައި ނުވަތަ ޅިނދުމަތީގައި ހުންނަ ދިގުފަތް
ވަދުދޫކުރުން
މ (1) ވަދުމަސް ބާނަން ނަނުގައި ވަދުބުޅި ލައިގެން ކަނޑުތެރެއަށް ދޫކުރުން (2) ގާވަދު ފެއްތުން
ވަދުދެމުން
މ ވަދުމަސް ބާނަން ނަނުގައި ވަދުބުޅި ލައިގެން ކަނޑު ތެރޭގައި ދުއްވުން
ވަލީ
ނ (1) ޤާނޫނީގޮތުން ލިބިދޭ އެންމެ މަތީ ބާރު (2) އަންހެނަކު މީހަކާ އިންނަން ހުއްދަދިނުމުގެ ބާރު (3) ނއ ކަލާނގެ ހަޟްރަތާކުއްތަން
ވަލީއެރުން
މ އަންހެނަކު މީހަކާ އިންނަން ހުއްދަދިނުމުގެ ބާރު ޝަރުޢީ ގޮތުން ލިބުން
ވަލުފުޅަލި
ނ ގޭގެ އަންހެނުން އުޅޭ ފަރާތަށް ވަންނަން ހުންނަ ފުޅަލި. މިއީ ޚާއްޞަކޮށް އަންހެނުން ވަދެނިކުމެ އުޅުމަށާއި މަސް ދަރު ކުނިފަދަ ތަކެތި އެތެރެކޮށް ބޭރުކުރުމަށް ބަހައްޓާއުޅޭ ފުޅައްޔެކެވެ
ވަޑާންކަށި
ނ (1) ވަޑާން ކުރުމުގައި ތަކެތި ކޮންނަން ބޭނުންކުރާ އާލަތެއް (2) މޫދުގައި އުޅޭ މަހެއް