radheef.info
ރަދީފު


ހެން
އ (1) ކަހަލަ (2) ފަދަ (3) އެއްގޮތަށް މިސާލު "ކަލޭ ބައްޕަ އުޅޭހެން އުޅޭ" (4) ވައްތަރަށް
ބޮކަރުމާ
ނ (1) ތާޅަފިއްޔެއްގޮތަށް ހުންނަ ރީނދޫކުލައިގެ މަލެއް މިމަލުގެ ތަނޑާވީ ކޮޅަށް ހިމަވެފައި މަލުގެ ކުރީގެ އެތެރެއަށް ހުންނަ ބައިފުޅާވާނެއެވެ މިބަޔާއެއްކޮށް މަލުގައި ފަސްފިޔަ ހުރެފައި އެއްފިޔަ އަނެއްފިޔައަށް ހުންނާނީ ވަކިވެފައެވެ މިމަލުގައި ބޮކަރު ވަހާގާތް މަޑުލުއި މީރުވަހެއް ދުވައެވެ މިގަހުގެ ފަތަކީ އަރިމަތީގައި ވަރަށް ގިނަ ތުނޑުލައިފައި ކޮޅަށް ތޫރިކޮށް ހުންނަ ހިމަދިގު ފަތެކެވެ (2) ތުނި ފޮނިތޮށިހެން ހުންނަ ބޮކަރުވެސް ދުވާ އެއްޗެއް މިއީ ދުން އަޅާން ގެންގުޅޭ އެއްޗެކެވެ
ބޮކި
ނ (1) ފެނާއި އެހެނިހެން ދިޔާއެއްޗެހީގެ ތެރޭގައި ހުންނަ ވައިގެ ބަނޑިބަނޑި (2) ކަރަންޓުން ދިއްލޭގޮތަށް ހުންނަ ނަރުކޮޅެއްލައިފައިވާ ބިއްލޫރި އެއްޗެއް އާންމުގޮތެއްގައި ހުންނާނީ މީގެ ފޫ ހޯލްޑަރަކަށްޖެހޭ ގޮތަށެވެ މީގެ ވަރަށް ގިނަ ވައްތަރުހުރެއެވެ (3) އެތެރެ ހުހަށް އޮންނަގޮތަށް ބިއްލޫރިން ނުވަތަ އެހެނިހެން ތަކެތިން ހަދައިފައި އޮންނަ ބޯޅަ
ބޮކިޖެހުން
މ (1) އެއްޗެއް ކެކެމުން އަންނައިރު އަޑިން އަރާބޮކި މައްޗަށް ފާޅުވުން (2) އެއްޗެއް ވިރުވާ އަޅާއިރު އޭގައި ކުދިކުދި ބިހިހެން ތަންތަން ހުރުން (3) ބޮކި ހަރުކުރުން
ބޮއި
ނ (1) ތަނެއް ނުވަތަ އެއްޗެއް ފާހަގަކުރުމަށްޓަކައި ފެންމަތީ އޮންނާނެހެން ހަރުކޮށްފައި ނުވަތަ އުޅަނދުފަހަރު އެޅުމަށް ފެންމަތީ އޮންނާނެހެން ހަރުކޮށްފައި އޮންނަ ކޮންމެ އެއްޗެއް (2) އުޅަނދުފަހަރު ތަނެއްގައި ނުވަތަ އެއްޗެއްގައި ޖެހިގެން ގެއްލުމެއްވިޔަ ނުދިނުމަށް ކައިރިފަށުން ބޭރުން އެލުވައި ހަރުކޮށްފައި އޮންނަ އެއްޗެއް (3) ބުއިން މިބަހުގެ ވާކަމާއި އަމުރު
ބޮއްބޯ
ނ )ސ.( ކިރުއެރިފައިވާ އުރަމަތި. މިއި ކުޑަކުދިން ވާހަކަދައްކައި އުޅޭއިރު ކިޔައި އުޅޭ ގޮތެކެވެ. ފެން ނުވަތަ ދަޅު ކިރުފަދަ އެއްޗެހި ބޯން ބޭނުންވީމާވެސް މިހެން ކިޔައެވެ
ބޮލަށްކޮށްޕި
ނ (1) ބޮލުގައި އަޅާން ކައިރީގައި ރޫޖައްސައިފައި ގޮނިކޮށް ފޮތިން ފަހައިފައި ހުންނަ އެއްޗެއް. (2) މޫނު ފިޔަވައި ބޮލާއި ކަނދުރާޔާއި ކަރާއެކު ނިވާވާނޭހެން ބޮލަށް ފައްތާން ވިޔެފައި ހުންނަ އެއްޗެއް
ބޮލިމަލާފަތަށްނެށުން
މ ދިވެހިސަގާފީ ނެށުމެއް މިނެށުން ނަށާނީ ކުޑަލޯމަލާފަތަކަށް ބޮލި އަޅައިގެން ލަވަޔަކަށް ހަމަވާނޭހެން އެތަޅުވަމުންނެވެ މިނެށުން ނަށާނީ އަންހެނުންނެވެ ނުވަތަ ފިރިހެނުން އަންހެން ހެދުން އަޅައިގެންނެވެ
ބޮޑުހިތި
ނ (1) އިހުގައި ރަސްކަމުގެ ފަރާތުން ރަސްމީގޮތުން ފާހަގަ ކުރާ ދެދުވަހާއި އެދެދުވަހުގެ ރެއަށް ކިޔާ އުޅުނު ނަމެއް. ރަމަޟާންމަހުގެ ބާވީސް ވަނަ ދުވަހަކީ ހެންވޭރު ބޮޑުހިތި ދުވަހެވެ. އެދުވަހުގެ ރެއަކީ ހެންވޭރު ބޮޑުހިތި ވިލޭރެއެވެ. ރަމަޟާންމަހުގެ ސައުވީސް ވަނަ ދުވަހަކީ މާފަންނު ބޮޑު ހިތި ދުވަހެއެވެ. އެދުވަހުގެރެއަކީ މާފަންނު ބޮޑުހިތި ވިލޭރެއެވެ. ހެންވޭރު ބޮޑުހިތި ވިލޭރޭ ރަދުން ރަސްމީ ޢިއްޒަތުގައި ހިއްޗަށް ވަޑައިގަންނަވާނީ ލޮނުޒިޔާރަތްކޮޅުގައި ހުންނަ ޙަބުޝީގެފާނުގެ މަޤާމުފުޅަށް ޒިޔާރަތްކުރައްވައި ފާތިޙާ ވިދާޅުވާށެވެ. މާފަންނު ބޮޑުހިތިވިލޭރޭ ރަދުން ޢިއްޒަތުގައި ވަޑައިގަންނަވަނީ ޢަލިރަސްގެފާނުގެ ޒިޔާރަތަށް ފާތިޙާ ވިދާޅުވާށެވެ. (2) މާލެއަތޮޅުގެ ފަޅުރަށެއް (3) އާދައިގެ ހިތިގަސް
ބޮޑުބަޑި
ނ ހަރުގައި ނުވަތަ އެހެންވެސް ތަނެއްގައި ބާއްވައިގެން ގޮއްވާ ކަންފަތްލީ ބަޑި
ބޮޑުބޭބެ
ނ މަންމަޔާ ނުވަތަ ބައްޕަޔާ އެއްބަނޑު އެއްބަފާ ނުވަތަ އެއްބަނޑު ނުވަތަ އެއްބަފާ ފިރިހެން މީހާ
ބޮޑުބޭކަނބަލުން
ނ އިހުގައި ބޮޑު ހަނޑޫ ދެއްވައިފައި ތިބޭ އަންހެނުން. މީގެ ތެރޭގައި ކަމުވޮށި ކުރައްވައިފައިވާ ބޭފުޅުންނާއި ކަމުވޮށި ބޭފުޅުންގެ އަނބި އަނބިކަނބަލުންނާއި މެދުރީ މުސްކުޅިޔާގެ އަމުރުގެ ދަށުން ރަސްމީ ބައެއް ކަންތައް ކުރައްވާ އަންހެން ބޭފުޅުން ހިމެނެއެވެ
ބޮޑުކަފަ
ނ ކަފަގަހުގެ ބާވަތެއް މިގަހުގެ ފަތް ހުންނާނީ ވަރުކަނދު ގަހުގެ ފަތްހެންނެވެ މިއީ ވަރަށް ބިޔަކޮށް ހެދޭ ގަހެކެވެ
ބޮޑުކުނާ
ނ ރަސްމީގޮތުން އެކިއެކި ބޭނުމަށްޓަކައި ރާއްޖޭގައި ވިއުއްވާކުނާ މިކުނާ ހުންނަނީ ރޯލު ކުނާހެން ދިގުކޮށެވެ
ބޮޑުކެކުރި
ނ (1) ކެކުރީގެ ބާވަތެއް މިހުންނާނީ ފޯލިކޮށް ތޮރާހެން އެއަށްވުރެ ފަލަކޮށެވެ (2) ބޯވަޅުއެޅި ލިބާސް ކަނޑާ ފޮއްޗެއްގެ ނަން
ބޮޑުކޮލި
ނ ދަނޑުމަތީގައި ހެދޭ ވެލެއް މިއީ އަލަ ނިރުގެ ފަތްހެން ފަތް ހުންނަ ވެލެކެވެ
ބޮޑުމާލޫދު
ނ ރަށް ފުށުގައި އެހެން ރަށްރަށުގެ މީހުންނަށް ކިޔައިގެން ކިޔައި އުޅޭ މާލޫދު
ބޮޑުފެހި
ނ އިހުގައި ބޯވަޅު އެޅި ލިބާސް ލައިއުޅުނު ފޭރާމެއް މިއީ ކަޅު ފެހިކުލައިގެ ފޮއްޗެއްގައި ހިމަރޮނގު ބަޔެއްގެ މެދުތެރޭގައި އެއަށްވުރެ ކުޑަތަންކޮޅެއް ފުޅާ ރޮނގެއްހެން ހުންނަ ފޮއްޗެކެވެ ރޮނގުބައި ހުންނާނީ ކަޅުފެއްސަށްވުރެ އަޅި ފެހިކުލައެއްގައެވެ މިގޮތަށް ރޮނގު ހުންނަ ރަތްކުލައިގެ ފޮތިވެސް ހުރެއެވެ އެއަށް ކިޔަނީ ބޮޑުފެހީގެ ރަތެވެ
ބޮޑުތަކުރުދަން
ނ ދަމުހަރުގެޔަށް ދަމަށްއެރި ޒަމާނުގައި ހެންވޭރު ރައްޔިތުން ބައިކޮށްފައި އޮންނަ 4 ބައިން ކުރެއެއްބައި
ބޮޑުގުންބާ
ނ ބޮޑުކަމުބޭރަށް ދެވޭނެގޮތް ހެދުމަށާއި އެހެނިހެން ބޭނުމަށްޓަކައި ފުރަގަސްފަރާތުން ދިޔާތަކެތި ފޮނުވާން ގެންގުޅޭ އާލަތެއް
ބޮޔަށްގުއިރޭ
ނ ބޯކަޅު ހުދު ދޫންޏެއް މިއީ މާދޫންޏާ ވައްތަރު ދޫންޏެކެވެ މިދޫންޏަށް މިހެންކިޔަނީ ބޮއިގައި އިންނަލެއް ގިނަކަމުންނެވެ