radheef.info
ރަދީފު


ލާ
ނ (1) ފާލީސް ތައްޔާރު ކުރުމަށާއި ލަކުޑީގެ ބައެއް ތަކެތީގެ ބޭރުގައި ޖެހުމަށާއި ހަނުތެޅުމަށާއި ބައެއް ތަކެތި ބަންދު ކޮށްފައި އެޅުމަށް ބޭނުންކުރާ އެއްޗެއް މީގެ ދެތިން ވައްތަރެއް ހުރެއެވެ (2) ބަޑީލާ (3) ލުން މިބަހުގެ އަމުރު
ޚަޞީލަތް
ނ (1) މީހެއްގެ އުޅުމުގައި އަންނަގޮތް (2) އަޚުލާޤު
ޚާރިޖީވަޒީރު
ނ (1) ބޭރާބެހޭ ވަޒީރު (2) )ބދ ( ވެލާނާ
ޚާލިޤު
ނ ވަނިވިހައިތާ ވާތަކެތި ހައްދަވާ ރަސްކަލާނގެ
ޚިތާނުކުރުން
މ (1) ޒަކަރުގެ ކުރީގައި ދިގުކޮށް އޮންނަ ހަންކޮޅު ކަނޑައިލުން (2) އަންހެންކުދިންގެ ކުޅަދިލީގެ މަތީގައި ތޫނު ކަމެއް ޖައްސައިލައި ލޭ ދައްކައިލުން (3) ނަކަތްގެލެއްވުން (4) ގޭބޭންދުން (5) ކުރަފަތްޖެހުން (6) އިސްލާންކުރުން (7) ބޭންދުން (8) ބޭއްވުން (9) ހިތާނުގެލެއްވުން
ޚުލްޤު
ނ (1) އަޚްލާޤު (2) ޚަސީލަތް (3) ރީތި ސިފަ
ޚުލްޤުހެޔޮ
ނ (1) އަޚުލާޤު ރަނގަޅު (2) ޚަސީލަތް ރަނގަޅު
ޚުލްޤުހެޔޮކަން
ނއނ (1) އަޚުލާޤު ރަނގަޅުކަން (2) ޚަސީލަތް ރަނގަޅުކަން
ޚުޘޫޢު
ނ (1) ކަލާނގެ ކިބަޔަށްވާ ބިރުވެތި (2) އަޅުކަމެއްގައި ހިތަށް ގެންނަ މަޑުމޮޅިކަން
ޚޯންފޯސް
ނ ރަސްރަސްކަލުންނަށް ފަރީއްކޮޅު ތައްޔާރުކުރާއިރު މަލާފަތްކޮޅު ބަނދެފައި އޭގެމަތީގައި އަޅައިފައި އޮންނަ ފޮތިގަނޑެއް
ޝަހާދަތުގެ ދެކަލިމަ
ނ އަޝްހަދު އައްލާއިލާހަ އިއްލަﷲ ވައަޝްހަދު އަންނަ މުޙައްމަދައް ރަސޫލުއްﷲ
ޝަހާދަތް ކިޔައިއިސްލާންވުން
މ އިސްލާމް ވުމުގެ ނިޔަތުގައި ޝަހާދަތް ކިޔައި އިސްލާމްދީނަށް ވަނުން
ޝަރަހަކުރުން
މ އެއްޗެއްގެ މާނަ ސާފުކޮށް އޮޅުން ފިލާގޮތަށް ބަޔާން ކުރުން
ޢަރުޝި
ނ (1) މާތް ރަސްކަލާނގެ އަރުޝި ފުޅު (2) ތަޚުތު
ޝަރުޠު
ނ (1) ލާޒިމު (2) ކޮންމެހެން ބޭނުން (3) އެއާނުލައި އެކަމެއް ފުރިހަމަނުވާ ކަންތައް
ޝަފާޢަތް
ނ ޤިޔާމަތް ދުވަހު މީސްތަކުންގެ ހިސާބު ބެއްލެވުން އަވަސްކޮށް ދެއްވުމަށް ކީރިތި ރަސޫލާ ﷲ ގެ ޙަޟްރަތުން އެދިވަޑައިގަންނަވާ އެދިވަޑައިގަތުން
ޝަފާޢަތްފުޅަށްޖެހުން
މ އިހުގައި ޞަލަވާތްފުޅަށް ވަތްކޮށްފައި ވަލީވެރީންގެ ފާތިޙާފުޅަށް ވަކިން ބަތްކޮޅެއް ވަތްކުރުން. މިކަން ކުރާގޮތަކީ ލާހި ބޯތައްޓަކަށް ބަތްއަޅައި ބާރުކޮށްފައި ޞަލަވާތްފުޅުތަށީގެ އެއްއަރިމައްޗަށް ބޯތަށި ބަންޑުން ޖަހަނީއެވެ ދެން ބޯތަށި ނަގާއިރު ހުންނާނީ ބޮނޑިބަތެއް ހެންނެވެ
ޝަފާޢަތްތެރިވެވަޑައިގަތުން
މ ޤިޔާމަތްދުވަހު މީސްތަކުންގެ ހިސާބު ބެއްލެވުން އަވަސް ކޮށްދެއްވުމަށް ކީރިތި ރަސޫލާ ﷲ ގެ ޙަޟްރަތުން އެދި ވަޑައިގަތުން
ޤަދަރު
ނއ (1) ޝަރަފު (2) ޢިއްޒަތް (3) އިޙުތިރާމު (4) ޚާއްޞަ މަތިވެރި އިޙްތިރާމް (5) އުޅުމާއި އަޚްލާޤުގައި ހުންނަ މާތްކަން
ޤަދަރުއުފުލުން
މ (1) ޝަރަފުއިތުރުވުން (2) ޢިއްޒަތް ބޮޑުވުން (3) އިޙްތިރާމް ބޮޑުވުން (4) އުޅުމާއި އަޚްލާޤުގައި ހުންނަމާތްކަން އެހެން މީހުން ބޮޑަށް ބަލައިގަތުން
ޤަދަރުވެރިން
މ (1) ޝަރަފުވެރީން (2) ޢިއްޒަތްތެރީން (3) އިޙްތިރާމްކުރެވޭ މީހުން (4) ޚާއްޞަމަތިވެރި އިޙްތިރާމް ލިބިފައިވާ މީހުން (5) އުޅުމާއި އަޚްލާޤުގައި މާތްގޮތް ހުންނަ މީހުން (6) ބޮޑުން