radheef.info
ރަދީފު


ކޮށް
ނ (1) މާކަނައާއި ރާބޮނދި ފަދަ ތަކެތި ކުއްލިއަކަށް ކޮށައިގަންނަ ގޮތަށް ކިޔާނަން (2) )މަލިކު( އ ކުރެން
ލުއިފަސޭހަކުރުން
މ (1) ކުރާމަސައްކަތެއްގައި އެހީތެރިވެދިނުން (2) މަސައްކަތެއްގައި އަތްގާތްކޮށްދިނުން
ލުއިފަސޭހަކޮށްދިނުން
މ (1) މީހަކުކުރާ ކަމައެއްގައި އަތްގާތްކޮށްދިނުން (2) އަނެކަކު ކުރާކަމެއްގައި އެހީތެރިވެ ދިނުން
ލުމަފަތި
ނ )ސ ( ސަރަކައިގެ ފޯލިތައް ހަރުކޮށްފައި ހުންނައެތި
ލޫޅިހިކާ
ނ )ޅ ( ހިކައިގެ ބާވަތެއް މިހުންނަނީ ހުދުކޮށް ފަތިކޮށެވެ
ލޫދިގަތުން
މ (1) ސޮއްސައިލުން (2) ދަތިތަނަކުން ދެމިގަނެގެން ނުކުތުން (3) ބަޔަކު މީހުން ހިފަހައްޓައިގެން އުޅެނިކޮށް އެމީހުންގެ އަތްދަށުން ދެމިގަތުން
ލޫޓުމާރުކުރުން
މ ތަންތަން ތަޅައި ސުންނާފަތިކޮށް މުދާ ފޭރުން
ލެނގިލުން
މ ލެނގުން މިބަސް ލުއިކޮށް ބުނާގޮތް
ލެންސު
ނ އައިނާއި ކެމެރާއާއި ދުރުމިފަދަ އެއްޗެހިން ތަނެއް ނުވަތަ އެއްޗެއް ސާފުކޮށް ބޮޑުކޮށް ނުވަތަ ކުޑަކޮށް ބަލަން ހުންނަ ބިއްލޫރި ފަދަ އެއްޗެއް މީގެ ދެފުށް ނުވަތަ އެއްފުށް ހުންނާނީ ފުއްޕުން ލައިފައެވެ
ލެބޯޓަރީ
ނ (1) އެކިކަންކަމާއި އެކި އެއްޗެއްސާއި އެކިއެކި ބައްޔާ ބެހޭ ތަޙުލީލުތައް ކުރާތަން. (2) އެފަދަ ތަޙުލީލުތައް ކުރެވޭގޮތަށް އެކަންކަމަށް ބޭނުންވާ ސާމާނުލައި ތައްޔާރުކޮށްފައި ހުންނަ ތަންތަން
ލެއްގުން
މ (1) އެއްޗެއްގެ ތިރިފޭކޮށް މަތި ތަނެއްގައި ޖެއްސުން (2) އޮޔާއި ވަޔާއެކު އައިސް ގޮނޑުދޮށަށް ބީހުން (3) މަޖާޒު: ބުރައެއް އުފުލުމަކާ ނުލައި އިއްތިފާގުން ކަމެއް ނުވަތަ އެއްޗެއް ލިބުން
ލެއްޕުން
މ (1) ފޭވެފައި ހުރި ދެއެއްޗެއް ކައިރިކޮށްޖެއްސުން (2) މަޅައިލުން (3) ބަންދުކުރުން (4) ހުޅުވުމުގެ އިދިކޮޅު
ލޭނު
ނ (1) ކަނޑުގައި ދެކޮޅަށް ދެބޮއިލައިފައި މަސްހިފުމަށް އަޅައިފައި އޮންނަ ނަނުބައި. މީގައި ހުންނާނީ ތަންތަންކޮޅުން ފުރާވަރު އެލުވައި އޭގައި މިޔަވާލި ހަރުކޮށް ބުޅިލައިފައެވެ. (2) ކަރަންޓުލުމަށް ނުވަތަ ޓެލެފޯން ލުމަށް ދަމައިފައި އޮންނަ ނަރުބައި
ލޭންޑްރޯވަރު
ނ އެއްގަމުގައި ދުއްވާ އިންޖީނުލީ އެއްޗެއް. މިއީ ޚާއްޞަކޮށް އާރމީން ބޭނުންކުރާ ވެހިކަލެކެވެ
ލޭބަލު
ނ (1) އެތެރޭގައި ހުރި އެއްޗެއް ބަޔާންކޮށްދިނުމަށް ބޭރުގައި ތަތްކޮށްފައި ހުންނަ ލިޔުންކޮޅު (2) ތައްޔާރީ ހެދުމުގައި ހެދި ތަނާއި ފޭރާމުގެ ބާވަތާއި ސައިޒު އަންގައިދިނުމަށް ހަރުކޮށްފައި ހުންނަ ލިޔުންކޮޅު
ލޭބޯފަނި
ނ ވައިގައި ތެތްކަންކުޑަ ވަކިމިންވަރަކަށް ފިނި ސަރަޙައްދުގެ ވިނަ އާއި ތިރިގަސްތަކުގެ ތެރޭގައި އުޅޭ ފަންޏެއްެ. މިފަނި ހަރަކާތްތެރިވަނީ އޭގެ ދެކޮޅުޖައްސާ ހިންދެމޭގޮތަށް ފިރުކިގެންނެވެ. މިފަނި އިންސާނުންގެ ހަމުގައިޖެހުމުން ލޭބޮއި ހަދައެވެ. މިފަނި އިންސާނާގެ ހަށިގަނޑުން ނައްޓުވައިލަން އެންމެ ފަސޭހަގޮތެއް ކަމަށް އެނގިފައިވަނީ ގަދަކޮށް ގިރައިފައި ހުންނަ ލޮނުތިއްކެއް ޖައްސައިގެން ނުވަތަ ސައިބޯނި ލައިގެންނެވެ
ލޮނދިގަނޑު
ނ ލޮނދިކޮށް ހުންނަ އެއްޗެހީގެ ބައިބައި ނުވަތަ ގުޅަވަރު މިސާލަކަށް: ކުކުޅު ބިހާއި ވެލާބިހުގައި އޮންނަ ލޮނދިގަނޑު
ލޮނުހަކުރު
ނ މީރާގައި ހިލައިފައި ކުޑަކޮށް ލޮނުލައިފައި ހުންނަ ހަކުރެއް މި ހުންނަނީ އަވީލައިގެންނާއި ދުމަށީގައި ޖަހައިގެން ހިއްކައިފައެވެ މިއީ ގަނޑުގަނޑަށް މުރަނަކޮށް ތަތްކޮށް ހުންނަ ހަކުރެކެވެ
ލޮނުހިންދުން
މ މަސްކޮށައި ރިހަކައްކާ ގޮތަށް ތައްޔާރުކޮށް ފަހުން ރިހަ ކެއްކުމަށްޓަކައި ވަގުތީގޮތުން ކުޑަފެންފޮދެއްގައި ލޮނުލައިގެން މަސް ކައްކައި ރޯފިލުވައިލައިފައި ބެހެއްޓުން
ލޮނުހުނި
ނ ލޮނާއި ފެނާއި ކާށި ހުނިއެއްކޮށްގެން ތައްޔާރުކުރާ ލައިގެންކާ އެއްޗެއް
ލޮނުބިހި
ނ މޫދު ލޮނުގެ އަސަރުކޮށްގެން ގައިންނަގާ ބިއްސެއް