radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
މައިލަގޮނޑިޔަށްކެތްނުވުން
މަޖާޒު: ދަރިޔަކަށް ކިތަންމެ ކުޑަވެސް ދެރަޔެއްލިބޭ ހިނދަކު މައިމީހާއަށް ލިބޭވޭން
މައިސޯބު
ނ (1) ގަޑީގެ ކަށި އަނބުރައިދޭ ސޯބު (2) މަޖާޒު: ތަނެއްގެ އެންމެ ބޮޑު މީހާ (3) ޗާބީދޭ އެއްޗެއްގެ ކެނބު ގުޅިފައިވާ ފުއްކެނޑިބުރު ނުވަތަ ނާރެސް މިބުރު ނުވަތަ ނާރެސް އެނބުރުމުގެ ސަބަބުން އެ އެއްޗެއް ހިންގައިދެއެވެ
މައިސޯބު އެނބުރޭގޮތަށޭ ކުދިސޯބު އެނބުރޭނީ
މަޖާޒު: (1) ބޮޑެތި މީހުން އުޅޭ ގޮތަށޭ ކުޑަކުދިން އުޅޭނީ (2) ވެރިން އުޅޭ ގޮތަކަށޭ ދަށުގައި ތިބޭ މީހުން އުޅޭނީ
މައިޒާން
ނ ހުސްވަގުތުގައި. މީހުން ހިތްފަސޭހަކުރުމަށާއި މަޖާވާހަކަ ދައްކައި ޚިޔާލު ބަދަލު ކުރުމަށް ހަދާފައި ހުންނަތަނެއް. މިކަހަލަ ތަންތަން ހަދާފައި ހުންނާނީ ހުސް ތަންތަނުގައި ހިޔާބޮޑެތި ގަސްގަސް ދޮށުގައްޔާއި ހިޔާ ލިބޭ ތަންތާގައެވެ ރުއްވަކަރާއި ކަށިކެޔޮ ހޮޅުން އަށިހަދައިގެންނެވެ ފަހަކަށް އައިސް ރާނާއި ސިމެންތި ޖަހައިގެންވެސް މައިޒާން ހަދާ އުޅުނެވެ
މައިޒާންގެ
ނ އިހުގައި މާލޭގެ ހަތަރު އަވަށުގައި އަވަށު ރައްޔިތުންނަށް އަންގަންޖެހޭ ކަންތައްތައް އިޢްލާން ކުރުމަށާއި އެތާގެ ސަރަޙައްދަށް އަވަށު މީހުން އެއްކޮށް ވާހަކަ ދައްކައި ނަޞޭޙަތް ދިނުމަށް ހަދާފައި ހުންނަ ތަނެއް
މައުފޭރު
ނ )ސ ( ޖަޑާގެ ވައްތަރެއް
މައްރަތްދަނޑި
ނ ކޮށީމީހުންގެ ތެރެއިން އާދައިގެ މީހުން ކުޅި ޖަހަން ގެންގުޅޭ ދަނޑި
)އަށާރަ މަޑުލުގެ ދޯންޏެއްނަމަ ސަތާރަވަނަ މަޑޫ( މައްކާރިމަޑޫ
ނ އޮޑިދޯނި ފަހަރުގެ ދޮޅިމަޑުލާއި ޖެހިގެން ތިރިއަށް ހުންނަމަޑޫ
މައްދު
ނ ޢަރަބި ލިޔާއިރު އަކުރުދަމާގޮތަށް ކިއުމަށްޓަކައި ޖަހާ ނިޝާން
މައްސަލަ
ނ (1) ޙައްލުކުރަން ނުވަތަ ނިންމުމެއް ނިންމަންޖެހޭ ކަމެއް (2) ނުރަނގަޅުކަމެއް (3) އުނދަގުލެއް (4) ހަމަނުޖެހުމެއް
މައްސަލައުފެއްދުން
މ މައްސަލަޖެހުން
މައްސަލަޖެހުން
މ (1) ހައްލުކުރަން ނުވަތަ ނިންމުމެއް ނިންމަންޖެހޭކަމެއް ކުރިމަތިވުން (2) ދީނީ ނުވަތަ ޤާނޫނީ ގޮތުން ޙުކުމެއް ކަނޑައެޅޭ ފަދަ ކަމެއް ކުރިމަތިވުން (3) ހަމަނުޖެހުން އުފެއްދުން (4) ކުށެއްޖެހުން
މައްސަލަޖެއްސުން
މ (1) ޙައްލުކުރަން ނުވަތަ ނިންމުމެއް ނިންމަން ޖެހޭ ކަމެއް ކުރިމަތި ކުރުން (2) ދީނީ ނުވަތަ ޤާނޫނީ ޙުކުމެއް ކަނޑައަޅަންޖެހޭ ފަދަކަމެއް ކުރިމަތި ކުރުން (3) ހަމަނުޖެހުން އުފެއްދުން (4) އުނދަގުލެއް ކުރިމަތި ކުރުން
މަދަންއެޅުން
މ (1) އޮޑިދޯނި ފަހަރުގެ ހިންމިތަކުގައި މަދަން އަޅައި ބެއްދުން (2) މަޖާޒު: ބާރު ނާންނަ ޒަކަރެއް އިނގިލިން ކޮއްޕައި ފަރުޖަކަށް ވެއްދުން
މަދިރި
ނ ލޭބޯ އުދުހޭ ކުޑަ ސޫތްޕެއް މީގެ ހޮނޑުން އިންސާނުންނާއި ޖަނަވާރުންގެ ހަށިގަނޑުން ލޭދަމައި ލޭ ދޫކޮށް ހަދައެވެ މިއީ ބަލި ފަތުރާއެއްޗެކެވެ
މަދިރިއަށްދުންޖެހުން
މ (1) މަދިރިއަޔަ ނުދިނުމަށްޓަކައި އެއްޗެހި އަންދައިގެން ދުންއަރާ ގޮތް ހެދުން (2) މަޖާޒު: ތަނެއްގައި ބައަކު މީހުން އުޅުމަށްފަހު އެމީހުން ނުވަތަ އޭގެ ތެރެއިން ގިނަބައަކު އެތަނަކުން ދިއުމުން ލިބޭ ފަޅުކަން ލިބުން
މަދިރިމުކައްބަ
ނ ކުޑައެއްހެން ހުޅުވައި ލެއްޕޭގޮތަށް ހަދައިފައިހުންނަ މަދިރިގެއެއް މިއީކުޑަކުދިންގެ ތަންމަތީގައި ޖަހާއެއްޗެކެވެ
މަދިރިފައި
ނ މަޖާޒު: ގޮނޑިމޭޒުފަދަތަކެތީގައި މަދިރީގެފަޔާ އެއްބައްޓަމަށް ޖަހައިފައި ހުންނަފައި )އިންސާނުންގެ ހިމަދިގުކޮށް ހުންނަފަޔަށްވެސް މިހެންކިޔައެވެ
މަދުބެއްދުން
މ ވާއަޅާއިރު އުޅިތައް އެއްވަރަށް ހުންނާނެހެން ބެހެއްޓުމަށްޓަކައި މަދުފަށް ދުއްވައި އެފަށުގައި އުޅިތައް ޖައްސައި ބާރުކުރުން
މަދުބެދުން
މ (1) ވަކިވަރަކަށް ހަރުނުވާއިރު ހޮއި އޮންނަމޭވާ ހޮއިބެދޭ ވަރަށް ހަރުވުން މިސާލު: ކެޔޮގަނޑު ބެދޭ ވަރަށް ހަރުވުން (2) އޮށުގެ ޖާގަ ފުރޭވަރަށް މޭވާ ހަރުވުން