radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
އުލުބޭންދުން
މ ބުނާތީ އިވޭގޮތުގައި މާއިހުޒަމާނުގައި މީހުންމަރަންކުރާ ކަމެއްކަމުގައި ބުނެވޭގޮތެއް ހަދާގޮތެއްކަމަށް ބުނަނީ ތޫނުކޮށްފައި ހުންނަ ދަގަނޑު އުލެއްގައި މީހާ ބައިންދަނީއެވެ ބޭންދީމާ އެއޫ ފުރަގަސް ފަރާތުން ވަދެގެންގޮސް ބޮލުން ނުކުންނަނީއެވެ
އުގާ
ނ (1) ރިނބުދޫ ހިމަރޯނަށް ކިޔާނަމެއް. މިއީ ވަރަށް ހިމަކޮށް މޮޅަށް ވަށައިފައި ހުންނަ ރޯނެކެވެ
އުގާރޯނު
ނ ކިފުޅިނުލައި މާހިމަކޮށް ހަރުކޮށް ވަށައިފައި ހުންނަ ރޯނެއް
އުޑަފައިން އިނުން
މ އެއްވެސް ތަނެއްގައި ފިނދުމަސްގަނޑު ނުޖެހި ހަމައެކަނި ދެފައިގެ ބާރުގައި އިނުން މިގޮތަށް އިންނައިރު ހުންނާނީ ދެފައިގެ ކުޑަކަޅުވާ މަހުގައި މާކަޅުވާމަސް ޖެހިފައެވެ
އުޑި
ނ (1) ބިންބި ފަދަ އެއްޗެހި މުގުރުމަށް ހިލައިން ހަދައިފައި ހުންނަ އެއްޗެއް މިހުންނާނީ ވަށްބުރުހަމަ ދެކިބައަށެވެ އަޑީކިބައިގެ މެދުގައި މަތީކިބަ އެމުނޭނޭގޮތަށް ނާރެހެއް ހުންނާނެއެވެ މަތީކިބައިގެމެދުގައި އެއްފަރާތުން އަނެއްފަރާތަށް ފޫގޮސްފައިވާ ލޯވަޅެއް ހުންނާނެއެވެ އަދި މަތީކިބަ އެނބުރުމަށްޓަކައި ހިފަހައްޓާނެ މުށްގަނޑެއްވެސް ހަރުކޮށްފައި ހުންނާނެއެވެ (2) )ސ ( އުނިޔަ
އުޑިއެޅުން
މ (1) އެއްޗެއް މުގުރުމަށްޓަކައި އުޑިތައްޔާރުކުރުން (2) އުޑީގެ ނާރެހުގައި މަތީކިބަ އެޅުވުން )އެއިރުހުންނަންވާނީ އުޑީގެ ދަށުގައި އެއްޗެއް ފަތުރާފައެވެ
އުޑުބަޅުކުރެއްވިހިސާބު
ނ (1) އުޑުދަށް (2) ހަތަރު އުދަރެހުން ވަށައިލެވިފައިވާ ހިސާބު (3) މުޅިދުނިޔެ
އުޑުބޮމަ
ނ (1) ތިންރިޔަން އަށަނގޫ )8 އަނގޫ( (2) ބަވަ (3) މެދުމިނުގެ މީހަކު ކޮޅަށް ހުރެފައި މައްޗަށް އަތްދަމައިލީމާ ފައިތިލަ ޖެހިފައި ހުރި ހިސާބުން ފަށައިގެން ދަމައިލި އަތުގެ މެދު އިނގިލީގެކުރިއަށް ހުންނަމިން
އުޑުވިލާ
ނ މަޢުދަނީއެއްޗެއް މިހުންނާނީ ބިއްލޫރި ކުލައިގައި ފަށްފަށަށް ވަކި ކުރެވޭ ގޮތަށެވެ މިއީ އަލިފާނުން އަނދާ އެއްޗެއްނޫނެވެ އެކަމަކު އެލެކްޓްރިކްގެ ބާރުން އެންދާލެވިދާނެއެވެ
އޫ
ނ (1) އެކި ބޭނުމަށްޓަކައި އެއްޗިއްސަށާއި ތަންތަނަށް ހަރާން ކޮޅު ފޭއްސައިގެން ގެންގުޅޭ އެއްޗެއް މިސާލު: މަސްފިހާއޫ ބެންބޮޅުނަގާއޫ (2) ޔޫރަޕްމީހުން ކާންގެންގުޅޭ ކަށިގަނޑު މިހުންނާނީ ދަނޑި ސަމުސަލެއްގެ ސިފާގައި ކޮޅު ހަތަރު ދަތަށެވެ (3) )ސ ( އުއި (4) ނއ އެއްކޮޅު ފޭހިފައިވާ
އޫރު
ނ (1) ހަތަރެސްފައިކުރު ހަށިގަނޑު ބޮނޑިމަސް. އަނގަކުޑަ ޖަނަވާރެއް މީގެ މަސް ވިލާތުމީހުން ވަރަށް ގިނައިން ކައިއުޅެއެވެ އިސްލާމުންނަށް މީގެ މަސްކެއުން ޙަރާމެވެ (2) ސުވަރު
އޫފިޔަމަދިރި
ނ (1) ހިމަދިގުކޮށް އަޅިކުލައިގައި ހުންނަ މަދިރިއެއް. މިބާވަތުގެ މަދިރި ލޭބޯއިރު ބަނޑުފުރުނީމާ ލޭތައް ދުއްވައިލައިފައި އަނެއްކާވެސް ބޯނީއެވެ. މިހެފީމާ އެހެން މަދިރި ހެފުމަށްވުރެ މާތަދުވާނެއެވެ
އޫގަނޑޮ
ނ )ސ ( (1) އުއިގަނޑު (2) ވިޔާން ފުރައިފައި ހުންނަ އުއިފަށްތައް
އެހީ
ނ (1) އަޅައިލުން (2) އެކިގޮތްގޮތުން މީހުންނަށް ކޮށްދޭލުއި
އެހީވުން
މ (1) އެކިގޮތްގޮތަށް މީހުންނަށް ލުއިކޮށްދިނުން (2) ވާގިވެރިވުން
އެހުރު
ނ ދަނޑުކޮށުމުގެ ހުރިހާކަމެއް ބެލެހެއްޓުމުގައި އިސްވެހުންނަ އެދުރުމީހާ
އެހެހޭ
އ މީހުންނާ ދިމާޔަށް ރަކިކޮށްލާން ބުނާ އަކުރެއް
އެހެލުން
މ ފުރާދުއްވާ އެއްޗިއްސާއި މޫދުގައި ހުންނަ ބޮޑެތި ލަކުޑި ގަނޑުގަނޑު ދަމައި އެއްގަމަށް އެރުވުން
އެހޭ
އ (1) މީހުންނާއި ދިމާޔަށް ރަކިކޮށްލާން ބުނާއަކުރެއް (2) އެއީހޭ
އެށެވެލި
ނ )ސ ( ތަންކޮޅެއް ބޮޑެތިކޮށް ފުއްހުންނަ ކަށިވެލި )މިވެލި ގިނައިން ހުންނަނީ ސ އަތޮޅުގައާއި ފުވައްމުލަކުގައެވެ