radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
މަޅައިގަތުން
މ ޖެހުމަށްޓަކައިކުރާ ޙަރަކާތުގެވާހަކަ ހަރުކަށިކޮށް ބުނާގޮތް
މަޅި
ނ (1) އެއްޗެހީގައި ބެއްދުމަށް ގޮށެއް ޖަހައިގެން ހަދާ ބޮޅެއް މި ބޮޅު އޮންނާނީ އެއްކޮޅަށް ދަމާލީމާ ބާރުވެބެދޭ ގޮތަށެވެ (2) ނަނު ރޯނު ފަދަ ތަކެތިން ހަދާބޮޅެއް މިއީ އެއްޗެހި އަޅުވަން ނުވަތަ އެއްޗެހީގައި އަޅުވަން ބޭނުންކުރާ މަޅިއެކެވެ (3) މަޖާޒު: ކެހި
މަޅިއެއްލުން
މ (1) ވިއުމާއި ފެހުމާއި މާޖެހުމުގައި މަތީރޮއްޖާ އަޑީރޮދި ނުގުޅިގެން މަތީރޮދި މަޅިއެއްގެ ގޮތުގައި މައްޗަށް އެރުން (2) ވާ އަޅާއިރު އުޅިކަން ދޫވެގެން ކާށިޖެހުން
މަޅިމައްޗަށް ހުނިއެޅުން
މަޖާޒު: މަކަރާއި ހީލަތުން އަނެކަކަށް ބޮނޑިއެއްދޭން ނުވަތަ ކުށްވެރިކުރާން ރޭވުން
މަޅިމަތިވުން
މ (1) އެއްޗެއް ހިފަންވެގެން ޖަހައިފައި މަޅިއެއްގެ ތެރެއަށް އެއްޗެއްވަނުން (2) މަޖާޒު: ބޮނޑިއެއް ދިނުމުގެގޮތުން މީހަކު ރާވައިފައިވާ ރޭވުމެއްގައި ބެދޭގޮތްވުން
މަޅިޖެހުން
މ (1) ކުކުޅު ނުވަތަ ދޫނިފަދަ އެއްޗެއް ހިފުމަށްޓަކައި މެދުގައި ހުސްބުރެއް އޮންނާނޭހެން ދޫގޮށެއްޖެހުން )މިގޮށްޖަހައިފައި ހުންނާނީ ދަމާލީމާ ބާރުވާގޮތަށެވެ ( (2) މަޅި ހެދުން
މަޅީގައިބެއްދުން
މ (1) ދޫންޏާއި ކުކުޅުފަދަ ތަކެތި މަޅީގައި ޖެއްސުން (2) މަޖާޒު: މީހަކަށް ކެއްސެއްދިނުން
މަކުނުބަލި
ނ (1) ފިރިހެންނުންނާ އެޅޭ އެޅުން މަޖާޒު: (2) މަކުނުކުޅި (3) ފިރިހެންކުޅި
މަކުޑި
ނ (1) އެއްޗެއް ހިފެހެއްޓުމަށްޓަކައި ނުވަތަ ހުޅުވުނަ ނުދިނުމަށްޓަކައި ލަކުޑިން ހަދައި ހަރުކޮށްފައި ހުންނަ އެއްޗެއް. މިސާލު: ދޮރުފަތްލައްޕާފައި އަޅުވާ ލަކުޑި ދޮރު ހިފެހެއްޓުމަށް ދޮރުކަނީގައި ޖަހާފައި ހުންނަ މަކުޑި. (2) އެއްޗެހި ހިފެހެއްޓުމަށާއި ހަރު ކުރުމަށްޓަކައި ފާރަށް ލައްވައިފައި ހުންނަ ލަކުޑި (3) ތަނބުގެ މައްޗަށާއި ފުލަށް ލައްވާ ލަކުޑި (4) ޓިނުޖަހާއިރު ފަތިގަނޑާއި ޓިނުގަނޑާ ދޭތެރެއަށް ލައްވާ ލަކުޑިކޮޅު
މައިބަދަނެތުން
މ )ހ ( މަޖާޒު: ގެދޮރުނެތުން
މައިމޫ
ނ (1) ބައެއް ގަސްގަހުގެ މައިގަސް ގަނޑާ އެއްސީދަލަށް އަޑިއަށް ހުންނަ މޫ (2) ބައެއް ވައްތަރުގެ ގަސް ހިފެހެއްޓި ހުރުމުގެ ބާރު ލިއްބައިދޭމޫ (3) މަޖާޒު: ކަމެއްގައި ނުވަތަ ތަނެއްގައި ވެރިއެއްގެ ގޮތުން އެންމެ އިސްވެހުރިމީހާ
މައިފަތްގަނޑު
ނ )ޏ.( ކޮޅުފަލި ޖަހަން އިންނަ އިންނަ ފަތްގަނޑު
މައިފިއްލުން
މ (1) ކުކުޅު ހަލުގެ ޅައެއްޗެހި ވަކި ވަރަކަށް ބޮޑެތިވުމުން މައި އެއްޗާއި ދުރުކޮށްލުން މަޖާޒު: (2) ދަރިން ވަކި ވަރަކަށް ބޮޑެތިވުމުން މައިއެއްޗާއި ދުރުކޮށްލުން (3) ކުދިން ވަކި ވަރަކަށް ބޮޑުވެ އަމިއްލައަށް އުޅެވޭ ވަރުވުން
މައިދަރިވަންތަކަން
ނއނ މަޔާ ދަރިޔާ ދެމެދު ހުންނަންޖެހޭ ގާތްކަމާ ކުލުނުވެރިކަން
މައިދައިތަފަންވަރުވުން
މަޖާޒު: މައިދައިތަ ރުޅިއައުން
މައިދާ
ނ ބަނޑުގައި ކަނާތްފަރާތުގައި ހިސާބަކަށް މޭގަނޑުގެ ދަށުގައި އޮންނަ ކޮތަޅެއް މިއީ ކާއެއްޗެހި ހަޖަމްކުރުމުގެ މަސައްކަތްކުރާ ގުނަވަނެކެވެ މިގުނަވަނަކީ މައިކަށި ހުންނަހުރިހާ ޙައިވާނެއްގައިވެސް އޮންނަ ގުނަވަނެކެވެ
މައިދާން
ނ (1) ހާމަޔަށް އޮންނަ ތަނަވަސް ބިން. (2) ޚާއްޞަ ކަންކަމަށްޓަކައި މީހުން ނުކުމެ ތިބޭތަން. މިސާލު: ހަނގުރާމައިގެ މައިދާން. (3) މަޖާޒު: ވަކި ޚާއްޞަ ރޮނގެއް. މިސާލު: ކުޅިވަރުގެ މައިދާން ތަޢުލީމީ މައިދާން
މައިދޮރު
ނ (1) ގެއަށް ވަދެ ނުކުމެވާން ހުންނަ ބޮޑުދޮރު (2) މަޖާޒު: ފުރަގަސް ފަރާތު ދޮރު
މައިތިރިއޯގަ
ނކ ނަކަތްތެރިކަމުގެ ބަހުރުވައިން ނަގިލި ކެނބުޖެހުން ފަދަކަންކަމަށް މޮޅު އިރުވަރު
މައިތިރިވުން
މ (1) ހަމައިން ނެއްޓިގެން އުޅޭ ބަޔަކު ހަމަޔަކަށް އެޅުން (2) ހަރުކަށިކަން ކުޑަވުން (3) ބައްޔެއް އެހުރި ދަރަޖައަށްވުރެ ލުއިވުން (4) ކުރާގަދަ ވިއްސާރައެއް މަޑުވާގޮތްވުން (5) ރޯގާއެއްގެ ބާރުކެނޑުން