radheef.info
ރަދީފު


މެ
އ ބަސްގަދަކޮށްލުމަށް ބޭނުންކޮށް އުޅޭ ބަހެއް މިސާލު: )ހ( ދަނޑު ކޮށީ ޙަސަނެވެ )ށ( ގޮވާންކޮށީވެސް އޭނާމެއެވެ
ފެންބަޑި
ނ (1) ޢީދުވިލޭރޭ މެންދަމު ކިލެގެ ބުރުޒުން ޖަހާބަޑިއެއް (2) ހުކުރު ދުވަހު 01 ޖެހީމާ ކިލެގެ ބުރުޒުން ޖަހާބަޑިއެއް މިބަޑިޖަހަނީ ރަދުން ހުކުރަށް ފައިންޕުޅު އަޅުއްވާނެކަން އެންގުމަށް ޓަކައެވެ
ފެންކަނި
ނ (1) ވާރޭކަނި (2) އެންމެ ހިމަފޮދު ވާރޭގެ ތިކި
ފެންކަރު
ނ ފެންވައިރު ކުރާއިރު ބޭނުންކުރާ ފަސޭހައިން ގޮތްގޮތަށް ލެނބޭ ހޮޅިއެއް. މިއެލްމެނިއަމުންވެސް ޕްލާސްޓިކުންވެސް ހަދައިފައި ހުރެއެވެ. މިބޭނުން ކުރަނީ ފެން ފޮނުވާދޭ ހޮޅިއާއި އަތް ދޮންނަ ތަށީގެ އިސްކުރާއި ނުވަތަ ފާޚާނާތަށީގެ ތާނގީއާއި ގުޅުމަށެވެ
ފެންކައްކާބޮލި
ނ (1) ބޮލީގެ އެންމެ ބޮޑެތި ވައްތަރު މިބޮއްޔަށް ފެންކައްކާ ބޮއްޔޭ ކިޔަނީ ކަރުވިހަ ފަދަ ވިހައަށް ބޭސްފެނެއް މިބޮއްޔަށް އަޅައިގެން ކައްކާތީއެވެ މިއީ ވިލުދޮޅީގައި ނުވަތަ ދޮންފަޅުގައި އުޅޭ ބޮއްޔެކެވެ މިބޮލީގެ ތުންފަތަށްވާ ހިސާބު )މަސްގަނޑު އަރާ ހިސާބު( ހުންނާނީ ރަތްކުލައެއްގައެވެ ބޭރުތޮށިގަނޑުގައި އުންތަކެއް ހުންނާނެއެވެ (2) މަޖާޒު: އެމީހެއްގެ ބޭނުމެއް ޖެހުނީމާ ކަމޭ ހިތައިގެން އުޅެފައި ބޭނުން ކެނޑުނީމާ އަޅާ ނުލައި ތިބޭ މީހުންނާމެދު ބުނެއުޅޭ ބަހެއް
ފެންކައްކާބޮލީގެޢިއްޒަތް
ނ )މިސާލުބަހެއް( ވަކިމީހެއްގެ ފަރާތުން ނޫނީ ފުއްދެން ނެތްކަމެއް އެމީހަކު ލައްވައި ކުރުވަން ވީމާ އެމީހަކަށް ކަމޭހިތާ ކަމޭހިތުން
ފެންކަފާޅަ
ނ )ޏ ސ ( މެންކަފާޅަ
ފެންކިހުނު
ނ ކިހުނުގެ ބާވަތެއް. މިބަލީގައި ވާގޮތަކީ ފެންފޮދެއްހެން ހުންނަ ދިޔައެއް ކުރިމަތިފަރާތުގެ ދޮރުން އައުމެވެ
ފެންކިޔެވުން
މ ފެންމެތުރުން
ފެންއޮހުން
މ އެއްޗަކުން ނުވަތަ ތަނަކުން ގިނަ މިންވަރަށް ފެން ނުކުމެގެން ތިރިއަށް ފޭބުން
ފެންފުށްޓަށް މަހާނަގާ ވިއްކުން
މިސާލު: އެއްޗެއް އެންމެގިނައިން އުފައްދާ ނުވަތަ އުފެދޭ ތަނަކަށް އެބާވަތުގެ އެއްޗިހިތަކެއް ހިފައިގެން ވިއްކަން ދިޔައިމާ ބުނާގޮތެއް މިސާލު: ތިޔައުޅެނީ ފެންފުއްޓަށް މަހާނަގާ ވިއްކަންތާއެވެ
ފެންފުން
ނއ ހަމަބިމުން ފެށިގެން ފެން ހުންނަ ހިސާބާދެމެދުގެ ދުރުމިން ބޮޑު
ފެންފުންކަން
ނއނ ހަމަބިމުން ފެށިގެން ފެން ހުންނަ ހިސާބާއި ދެމެދުގެ ދުރުމިން ބޮޑުކަން
ފެންފުޅި
ނ (1) ބައެއްކަހަލަ އިންޖެކްޝަން ޖަހާއިރު ބޭނުންކުރަންޖެހޭ ފެން ހުންނަފުޅި (2) ފެންއަޅައިފައި ހުރި ކޮންމެ ފުޅިއެއް
ފެންފުމުން
މ ދުންމާރި ފުމެން ދަސްކުރުމަށް ދުންމާރީގެ ކޮޅު ފެނަށް ލައިގެން ފުމެ ނޭވާގިލާން ދަސްކުރުން
ފެންފޭބުން
މ (1) އުސްތަނަކުން ފެންއޮހުން. މިސާލު: ފަރުބަދަމަތިން ފެން އޮހުން. (2) ފުރާޅު ފަދަތަނަކުން ނުވަތަ ފެންއަޅައިފައި ހުރި އެއްޗަކުން ތަނެއް ހަލާކުވެގެން ފެންއޮހުން (3) ވާރޭ ހުއްޓުމަށްފަހު ގަސްގަސް ހެލިލުމުން ފެން އޮހޮރުން (4) ހަށިގަނޑުގެ ތަނަކުން ފެންނުކުމެ އޮހޮރުން
ފެންފޮޅިދޮލަނގު
ނ ބާރަ މާލޫދު ކިޔާރޭ ރަސްމީގޮތުން މާލޫދުހަރުގެއަށް ގެންދާ ކޭމެއް. މިދޮލަނގުގައި ހުންނާނީ ފެންފޮޅިއާއި ކިރާއި ހިކިރިހައެވެ
ފެންފޮޅިތާނަ
ނ އިހުގައި ތާނަ ލިޔެއުޅުނު ގޮތެއް މިލިޔުމުގައި ކޮންމެ އަކުރެއް އަޅައިފައި އެއަކުރާ ގުޅިގެން އެއަކުރެއްގެ ވަށައިގެން ބޮޅުތަކެއް އަޅައެވެ
ފެންފޯއްދޫނި
ނ އެއްގަމުދޫންޏެއް މީގެފަސް ވައްތަރެއް ހުރެއެވެ އެންމެ ވައްތަރުވާނީ ކުޑަވަރެއްގެ މައިނާއަކާއެވެ މީގެ ކުލަޔަކީ މުށިކުލައެވެ ބޮޑު މިންވާނީ ގާތްގަޑަކަށް 3 އިންޗި 4 އިންޗި ވަރެވެ
ފެންދިއްގާ
ނ ފަތުގައި ފެހިކުލަގަދަ ފަތުގެ ތަނޑު ރަތް އަދި ފަތުގައި ކުރަނުލާ ހުންނަ ދިއްގާ. ދިއްގާ އާއިލާގައި ހިމެނޭ ކަށިދިއްގަލާއި މާދިއްގަލާއި ވެޔޮ ދިއްގަލާ ޚިލާފަށް ފެންދިއްގާ ވަރަށް ހަލުއިކޮށް އަވަހަށް ހެދިގަންނާނެއެވެ
ފެންދެމުން
މ (1) ކޯރު ނަރުދަމާ ފަދަ ތަންތާގައި ފެންހިގުން (2) ތަނެއްގައި ނުވަތަ އެއްޗެއްގައި ހުންނަފެން ކޮންމެވެސް ވަސީލަތެއް ބޭނުންކޮށްގެން ވަކިކުރުން (3) ރޯގަސް ފަދަ އެއްޗަކުން ފެންހިކޭގޮތްވުން (4) ހަށިގަނޑުތަންކޮޅެއް ދެރަވުން