radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
ޅަޔަށްއެޅުން
މ (1) ފުރާދުއްވާ ތަކެތީގެ ޅަމައްޗަށް އޮއްސައިފައި ބެހެއްޓުން. (2) މަޖާޒު: އަށި އެނދު ފަދަ ތަންތާނގައި އެގޮތްމިގޮތަށް އޮށޯވެތިބުން
ޅަޖެހުން
މ (1) އޮޑިދޯނި ފަހަރުގެ އެތެރެވަތުގައި ދެބަނޑު ފިޔަލަށް ފޯރާވަރަށް ހުރަހަށް ޅައަޅައިފައި އޭގެމަތީގައި ފަންޖެހުން (2) އޮޑިދޯނިފަހަރުގެ ވަތުގައި ހުރަހަށް އަޅާން ދަރުދަނޑީން ތައްޔާރު ކޮށްފާ އޮންނަ އަށިގަނޑު އެތެރެވަތުގައި އަޅާ ފަންގިދަމާ ހެދުން
ޅިސް
ނ (1) ދެގަނޑެއްޗެއް އިންދާއިރު ގަދަކުރާން އެދެގަނޑެއްޗަށް އެތެރޭން ތޮރުފައިފާ ޖަހާ އިލި މީގެ ދެކޮޅުހުންނާނީ ފޭއްސައިފައެވެ (2) ބދ އިލި
ޅިޔަ
ނ (1) ލަކުޑިގަނޑުގައި އުއިނާރާ އޮންނަތަން (2) ގަސްގަނޑުގެތެރެއަށް ތޮށި ވަދެފައި އޮންނަތަން (3) މަސްގަނޑުތެރޭ ހުންނަ ފަށްފަށް (4) ވަކިބާވަތެއްގެ ކުރެހުމަކައި ލިޔުމެއްގެސިފަ (5) މަސްގަނޑުބުރިވެ ވަކިނުވާވަރަށް ވަޅިން އަޅާތަން (6) މަސްގަނޑުގައި ހުރަހަށްއަޅާ ދެޅިޔަދޭތެރޭގެ ފޮތިވަރު (7) ބައެއްތަކެތި ވަކިނުކޮށް ކަފައިފައި ހުންނަ ކެފުން
ޅިޔަނެގުން
މ އަކުރުތަކެއްގެ ބައްޓަމަށް ޅިޔަކަނޑައި ނަގާކުރެހުން މިކަން އާއްމުކޮށް ކޮށްއުޅެނީ ލަކުޑީގައެވެ
ޅިޔަބެދުން
މ ކައްކާ އެއްޗެއް އޮލަވަމުން އައިސް އެތިކޮޅެއްނެގީމާ އެނެގިތަން އެނގެން ހުންނަވަރަށް އޮލަވުން
ޅިޔައަކުރު
ނ ފައިކޮޅުތައް ދިގުކޮށް ހުންނާނޭހެން ލާމަހަމުން ލިޔެފައިހުންނަ ޢަރަބި ލިޔުމެއް މިބަލަލާއިރު ފުރަތަމަ ފެންނާނީ ކުރެހުމެއް ހެންނެވެ އިހުގެ ބައެއް މިސްކިތް މިސްކިތުގެ ބެރީގައްޔާއި ބައެއް މަހާނަގަލުގައި މިލިޔުން ލިޔެފައި ހުރެއެވެ
ޅިޔަޖެހުން
މ ޅިޔަ އެޅުން
ޅީ
ނ (1) ފޮނިގަދަ އެއްޗެހި ގިނައިން ކޭމާ އަނގަޔަށާއި ކަރުތެރެއަށް ވާގޮތް (2) ފޫހި
ޅީވުން
މ (1) ފޮނިގަދައެއްޗެހި ގިނައިންކޭމާ އަނގަޔަށާއި ކަރުތެރެޔަށް އެވާ ގޮތްވުން (2) ފޫހިވުން
ޅެން
ނ ހިތުގައި އުފެދޭ ޝުއޫރެއް ނުވަތަ ހިތަށްވައްދާ ޝުއޫރެއް މާނައެއް ދޭހަވާގޮތަށް ވަޒަނަކަށް ފެތޭނޭހެން ބައިތުތަކެއްގެ މައްޗަށް އެކުލަވައިލައިގެން ފާޅުކުރާ ބަސްތައް
ޅެންހެދުން
މ ޅެންއެކުލަވައިލުން
ޅެންބައި
ނ (1) އެއް މައިގަނޑު ނަމެއްގެ މައްޗަށް އެކަކު ހަދައިފައި ހުންނަ ޅެންތައް މިސާލު: ސިޔަރަތުގެ ރަންހާރު (2) ޅެމެއް މިސާލު: ޤުރުއާން ޅެންބައި
ޅޮހާރު
ނ ވިހައިގެ ބޭހުގެ ތެރެއިން ހިމެނޭ އެއްޗެއް މިއީ ޅޮސްގަހުގެ އާރު ކަމަށް ބުނެއެވެ
ޅޮނގު
ނ ފަރުމަހުގެ ބާވަތެއް. މިއީ ލޯބޮޑު ހުޅުނބު ބޯ ހުދުކުލައާއި މަޑުމުށި ކުލައެއް ހުންނަ ވަރަށް މަޑުމަޑުން ދުވާ މަހެކެވެ
ޅޮސް
ނ ލަކުޑި ދެރަ އަވަހަށް ބޮޑުވާ ގަހެއް މީގެ ފަތްހުންނާނީ އަހިފަތާ ގާތްގޮތަކަށް އެއަށްވުރެ ބޮޑެތި ކޮށެވެ
ޅޮސްއުނދޯއްޔަށް އެރުވުން
މަޖާޒު: މީހަކު ހައްލައިގެން އެމީހާޔަށް މިވަނީ މޮޅުކަމެކޭ ހީވާގޮތުގައި ދެރައެއް ދިނުން
ޅޮސްމިޔަރު
ނ ނިދަން މިޔަރުގެ ވައްތަރެއް. މިއީ އާދައިގެ މިޔަރަށްވުރެ ކުރު ބަނޑުބޮޑު މިޔަރެކެވެ ކަންފަތް ތަންކޮޅެއް ދިގުވާނެއެވެ މިއީ ވަކިން އުޅޭ މިޔަރެކެވެ އޮޔާދާ އެތިއެތި ކޮޅުގެ ކައިރީ ހުއްޓި ހުންނާނެއެވެ
ކަހަނބުކަކުނި
ނ )މ ( ރާޅުޖަހާ ހިސާބު ފަސްގަނޑު ތެރޭ އުޅޭ ކިރުކުލައިގެ ކަކުންޏެއް މީގެ ބަނޑު ދަށްފުށް ހުންނާނީ ރީނދޫ ކުލައިގައެވެ
ކަހަނބުކޮކާ
ނ )ޅ ( ކަހަނބާ ވައްތަރު ގޮތަކަށް ބުރަކަށި މަތި އޮމާންކޮށް ހުންނަ ބޮޑު މެއްސެއްވަރުގެ އުދުހޭ އެއްޗެއް މިއީ ފީވެފައި ހުންނަ ލަކުޑީގައި އުޅޭ އެއްޗެކެވެ އަދި ދަނޑުމަތީ ގަސްތަކުގެ ތެރޭގައިވެސް އުޅެއެވެ މިކޮކާ ޗިސްވެއްޖެނަމަ ވަރަށް ނުބައިވަހެއް ދުވައެވެ