radheef.info
ރަދީފު


ނ
އކ ތާނައިގެ ތިންވަނަ އަކުރު
ޙައްލުވުން
މ ކަމެއް ހަމަޖެހުން
ޙައްޖަށްދިއުން
މ ޙައްޖުގެ ފަރުޟު އަދާކުޅައުމަށް މައްކާއަށްދިއުން
ޙައްޖު
ނ (1) ޙައްޖު (2) އިސްލާމްދީނުގެ ފަސްވަނަ ރުކުން
ޙައްޖުވުން
މ ޙައްޖުގެ ފަރުޟުތައް އަދާކުރުން
ޙައްޖުމަސް
ނ (1) ހަނދުމަހުގެ 21 ވަނަމަސް (2) ހިޖުރީއަހަރު ނިމޭމަސް (3) އެމަހެއްގައި ޙައްޖު ދުވަސް ހިމެނޭމަސް
ޙައްޤަކަށް އެރުން
މ މީހެއްގެ ހަށިގަނޑަށް ނުވަތަ ޢިއްޒަތާއި އަބުރަށް ނުވަތަ ނަމަށް ނުވަތަ މުދަލަކަށް ގެއްލުމެއް ނުވަތަ އުނިކަމެއް ދިނުން
ޙައްޤު
ނ (1) ތެދު (2) އެމީހަކަށް ލިބެންޖެހޭ ޖެހުން (3) މީހެއްގެ މިލްކު (4) އަދްލު
ޙައްޤުވުން
މ (1) ކަމެއްކުރުން ވާޖިބުވުން (2) ކަމަކަށް އެކަށީގެންވުން (3) އަމިއްލަވުން ނުވަތަ މިލްކުވުން
ޙައްޤުވެރިން
ނ (1) ޙައްޤު ލިބެންޖެހޭ މީހުން (2) ޙައްޤު ލިބިފައިވާ މީހުން
ޙައްޤުވެރިޔާ
ނ (1) ޙައްޤު ލިބެންޖެހޭ މީހާ (2) ޙައްޤު ލިބިފައިވާ މީހާ
ޙަވާރީން
ނ (1) ޢީސާޢަލައިހިއްސަލާމުގެ ޞަޙާބީން އެބޭކަލުންގެ އަދަދެއްކަމުގައި ބުނެވެނީ ބާރައެވެ (2) މީހަކަށް ވަފާތެރިކަމާއެކު ޚިދްމަތްކުރާ މީހުން
ޙަވާލާ
ނ ވަކިމީހަކާ ނުވަތަ ވަކިއެއްޗަކާ ނުވަތަ ވަކިކަމަކާ ގުޅުވައި ބުނާ ބުނުން
ޙަވާލާދިނުން
މ ދައްކާވާހަކައެއްގައި ނުވަތަ ލިޔާއެއްޗެއްގައި އަނެކެއްގެ ބަހަކަށް ނުވަތަ ލިޔުމަކަށް އިޝާރަތްކުރުން
ޙަވާލުކުރުން
މ (1) މީހަކާ އެއްޗެއް ނުވަތަ ކަމެއް މަތިކުރުން (2) މަސްއޫލިއްޔަތު އުފުލާން ޖެއްސުން
ޙަވާލުވުން
މ ތިމާއާއި ޙަވާލުކުރާ ކަމެއް ނުވަތަ އެއްޗެއް ޤަބޫލުކުރުން
ޙަމްދު
ނ ރިވެތި ތަޢުރީފާއިޘަނާ މިބަސް ޚާއްޞަ ވެފައިވަނީ ﷲގެ ޙަޟްރަތަށެވެ
ޙަމްދު ޞަލަވާތް
ނ މާތްﷲ އަށްކުރާ ޙަމްދާއި ކީރިތި ރަސޫލާއަށް ކިޔަވާ ޞަލަވާތް
ޙަމްދުކުރުން
މ ރިވެތި ތަޢުރީފާ ޘަނާ މާތްﷲ އަށް ދެންނެވުން
ޙަމްދުއެޅުން
މ " އަލްޙަމްދުﷲ" އެވެ ކިޔާފައި މޫނުގައި އަތް ފިރުމައިލުން
ޙަފުލާ
ނ (1) އުފާވެރި މުނާސަބަތެއް ފާހަގަކުރުމަށް މީހުންތަކެއް އެއްތަނަކަށް އެއްވާއެއްވުން (2) އުފާވެރި މުނާސަބަތެއް ފާހަގަކުރުމަށް މީހުންތަކެއް އެއްވެފައި ވާތަން (3) އުފާވެރި މުނާސަބަތެއްގައިކުރާ ޖަލްސާ