radheef.info
ރަދީފު


ލާ
ނ (1) ފާލީސް ތައްޔާރު ކުރުމަށާއި ލަކުޑީގެ ބައެއް ތަކެތީގެ ބޭރުގައި ޖެހުމަށާއި ހަނުތެޅުމަށާއި ބައެއް ތަކެތި ބަންދު ކޮށްފައި އެޅުމަށް ބޭނުންކުރާ އެއްޗެއް މީގެ ދެތިން ވައްތަރެއް ހުރެއެވެ (2) ބަޑީލާ (3) ލުން މިބަހުގެ އަމުރު
ސެންޓު
ނ (1) މީރުވަސް ދުއްވުމަށް ފޭރާމުގައި ނުވަތަ ހަށިގަނޑުގައި އުނގުޅާ ވަރަށް ހަލުއި ދިޔާ އެއްޗެއް (2) ބައެއް ޤައުމުތަކުގެ ފައިސާގެ ލާރިޔަށް ކިޔާނަން
ސެލިއުޓު
ނ ސއިފައިންނާއި ގައިޑުންނާއި ސުކައުޓުންފަދަ މީހުން ޔުނިފޯމުގައި ތިބެ ކުރާ ސަލާމް
ސެލިއުޓުނެގުން
މ (1) ސިފައިންނާއި ގައިޑުންނާއި ސްކައުޓުން ފަދަމީހުން ފުރިހަމަ ޔުނިފޯމުގައި ތިބޭއިރު ގަދަރު ކުރަންޖެހޭ ފަރާތަކަށް އަތްނަގައި ސަލާންކުރުން (2) ސިފައިންނާއި ގައިޑުންނާއި ސްކައުޓުންފަދަ މީހުން ފުރިހަމަ ޔުނިފޯމުގައި ތިބޭއިރު ގައުމީ ސަލާމުގެ އަޑު އިވުމުން އަތްނަގައި ސަލާން ކުރުން
ސެލޯޓޭޕު
ނ އެއްޗެހި ތަތްކުރަން ބޭނުންކުރާ އެއްފަރާތް ތަތްލާ ތުނި އަލި ފީތާއެއް
ސެޓު
ނ (1) އެއް ބާވަތެއްގެ އެއްޗެހި ތަކެއް (2) އެކިކަހަލަ މަސައްކަތްތަކުގައި ބޭނުން ކުރަންޖެހޭ އާލާތްތައް
ސެޕްޓެމްބަރު
ނ މީލާދީ ކަލަންޑަރުގެ ނުވަވަނަ މަސް
ސޭލަ
ނ ބަރު އެއްޗެހި އުފުލާ ކުރޭނު
ސޮހޯ
ނ ކަންފަތުގައިލާ އެލުވާ އެއްޗެހި
ޑިންގީ
ނ (1) ކަނޑުފަޅާއި ކޯރުތަކުގައި ދުއްވުމަށް ވަކި ސިފަޔަކަށް ބަނދެފައި ހުންނަ އުޅަނދެއް (2) ވައިޖަހައިގެން ބޭނުންކުރާ ކުދި ލާންޗު
ޑިއުޓީ
ނ (1) އަދާކުރަންޖެހޭ ވަޒީފާ (2) އެތެރެކުރާ މުދަލާއި ބޭރު ކުރާ މުދަލުގެ އަގުގެ ނިސްބަތުން ސަރުކާރަށް ނަގާބައި
ޑިގުރީ
(1) ކޮލެޖަކުން ނުވަތަ ޔުނިވަރސިޓީއަކުން ލިބޭ ފާސް (2) ކޮލެޖަކުން ނުވަތަ ޔުނިވަރސިޓީއަކުން މީހަކަށް ދޭ ޝަރަފުވެރިކަމުގެ ފާސް (3) ފިނިހޫނުމިން ބަލާ މިންގަނޑު ބައިކޮށްފައިވާ ބައިތަކުން ބައެއް (4) ވައް ރޮނގެއް 360 ބަޔަށް ބައިކޮށްފައިވާއިރު އެއިން ބައެއް (5) ދަރަޖަ މިބަހުގެ 5 ވަނަ މާނަބަލާ!
ޑިސެންބަރު
ނ މީލާދީ ކަލަންޑަރުގެ ބާރަވަނަމަސް
ޑިޓެކްޓިވު
ނ (1) ޤާނޫނާއި ގަވާއިދާ ޚިލާފުވާމީހުން ހޯދުމުގެ މަސައްކަތް ކުރާމީހުން (2) ޢާންމުކޮށް ލިބެން ނުހުންނަ މަޢުލޫމާތު ހޯދައި އެއްކުރުމަށް ހަވާލުވެފައިވާ މީހާ
ޑެމަރޭޖް
ނ ބޯޓަކުން ބާލާމުދާ ކަސްޓަމުގެ ސަރަހައްދުން ބޭރަށް ނުގެންގޮސް ވަކި މުއްދަތެއް ފާއިތުވުމުން އިތުރަށް ހުންނަ ދުވަސް ތަކަށް މުދަލުގެ ވެރިފަރާތުން ދޭންޖެހޭ ޖޫރިމަނާ
ޒަބާނިއްޔަމަލާއިކަތުން
ނ ނަރަކައިގައި އަޒާބު ދެއްވުމުގެ ކަންކަމާ ހަވާލު ކުރެވިގެންވާ މަލާއިކަތުން
ޒަބޫރު
ނ ސަލާމްލެއްވި ދާއޫދުގެފާނަށް ބާވައިލެއްވިފޮތް
ޒައްގޫމުގަސް
ނ ޒައްގޫމު އަޅާގަސް މިއީ ތިރިކޮށްހެދޭ ކަށިހުންނަ ގަހެކެވެ މި ގަހުގެ މާ ވައްތަރުވާނީ ހުވަނދުމަލާއެވެ ނަމަވެސް މަލުގެ ކުލައަކީ ރީނދޫކުލައެވެ
ޒިންމާދާރު
ނ (1) މަސްއޫލުވެރިޔާ (2) ކަމެއްގެ ހަވާލުވެރިޔާ (3) ޒިންމާ އުފުލާމީހާ
ޒިޔާރަތްފުޅު
ނ ކީރިތި ރަސޫލާގެ ފަސްދާނު ވަޑުވައިފައި ވާތަނުގައި ކޮށްފައިވާ ޢިމާރާތް
ޒިޔާރަތްފުޅުލާރި
ނ (1) އިހުގައި ނަދުރު ބުނެގެން ޒިޔާރަތްފުޅަށް ހަދިޔާ ކުރާ ލާރި މިކަން ކުރާ ގޮތަކީ ރަބީޢުލް އައްވަލް މަހުގެ 21 ވަނަދުވަހު ގޭގޭގައި ޞަލަވާތް ކިޔަވާއިރު އެކި ޢަދަދަށް ބޮޑުލާރި ވަކިވަކިން ހުދުފޮތި ކޮޅަކަށްލައި އެލާރި ނުވެއްޓޭގޮތަށް ފޮތިކޮޅުގައި ގޮށެއް ޖަހައި އެލާރިތައް ޞަލަވާތް ކިޔަވާއިރު ބަހައްޓައިފައި ހުންނަ ފެންތައްޓަށް އަޅައި ސަލަވާތްކިޔަވާ ނިމުމުން އެތަށިން އެލާރިތައް ނަގައި ގޭގެ ކުދިންގެ އަތުގެ މުލައްދަނޑީގައި ބަންނަނީއެވެ. މިލާރި 3 ދުވަސް ފަހުން ކުދީންގެ އަތުން ނަގައި ގޭގެ ހުރަސް ނުވަތަ ތާވަކަރުގައި ބަނދެފައި ބެހެއްޓުމަށްފަހު ސަރުކާރު މެދުވެރިކޮށް ޒިޔާރާތްފުޅަށް ފޮނުވަނީއެވެ (2) ރަސްރަސްކަލުންނާއި އެފަދަ ބޭފުޅުން ނަދުރު ވިދާޅުވެގެން ޒިޔާރަތްފުޅަށް ފޮނުއްވަން ބަހައްޓަވާލާރި