radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ދަށް
ނ (1) މަތި މިބަހުގެ އިދިކޮޅު މިސާލު: އޭނާ ދަށްމަޤާމަކަށް ބަދަލުކޮށްފިއެވެ (2) ދެރަ މިސާލު: ފެންވަރު ދަށް (3) މަތިން އަޅާއެއްޗެއްގެ އެތެރެ މިސާލު: ރިޔާދަށުގައި ތިބިމީހުން (4) މަތިފަރާތްނޫން އަނެއްފަރާތް މިސާލު: އެސިޓީ އޮންނާނީ އެފޮތުގެ ދަށުގައި (5) އަނދެގެން ހުންނަ ނުވަތަ ލައިގެންހުންނަ އެއްޗެއްގެ އެތެރެ
ދަށްބަގަ
ނ (1) އާދައިގެ މީހުން (2) ދެރަމީހުން (3) ދެރަބަގަ
ދަށްކިބާކެޔޮޅު މޮޅުވާނެ
)މުސްކުޅިބަހެއް( ފަސޭހައިން ކަންތައްކުރެވޭ ގޮތަށް ހުންނަ މީހާއަށް އެހެން މީހުންނަށްވުރެ ރަނގަޅަށް ކަންތައް ކުރެވޭނެކަން ދެއްކުމުގެ ގޮތުން ބުނެއުޅޭ ބަހެއް
ދަށްޓަންމަޅި
ނ )ޏ ( މީހަކަށް އަނިޔާއެއް ލިބިދާފަދަ ގޮތަކަށް ހަދައިފައި ހުންނަތަން
ދަނބިދަރިފުޅު
ނ އަންހެން ދަރިފުޅާ އިން ނުވަތަ އިނދެގެންއުޅޭ މީހާ
ދަނގެތީމީހުންރޯދަވީއްލުން
)މިސާލުބަހެއް( ކައިނިމިގެން ފައިބާއިރު މުޅިސުފުރާ މައްޗަށް ކާއެއްޗެހި އެޅިފައިހުރުމުން ބުނެއުޅޭ ބަހެއް މިސާލު: މިތަންހީވަނީ ދަނގެތީ މީހުން ރޯދަވީއްލައިފައި އޮތްހެނެވެ
ދަނޑިމަސް
ނ (1) މަސްދޯނިފަހަރު ވަކިވަރަކަށް މަސްބާނައިގެން އައިމާ އެބޭނިމަހުން ގަނޑުވަރުތެރެއަށް ގެންދާމަސް މިމަސްގެންދާ ގޮތަކީ ތިންމީހުން ތިންދޮށީގެ ބުޅީގައި މަސް އަޅުވައިގެން ތިންދޮށި ކޮނޑުމަތީގައި ބާއްވައިގެން ކޮންމެ މީހަކު އެމީހަކު ދޮށީގެ ބުޅީގައި އަޅުވައިފައި އޮންނަމަހުގެ ނިގޫފަތުގައި ހިފައިގެންނެވެ (2) ޚާއްޞަގޮތްގޮތުން ދޯނިފަހަރުންދޭ މަސް
ދަނޑިފައި
ނ ދަނޑިއެއްގައި ހުރަހަށް ދަނޑިކޮޅެއް ބަނދެގެން ކުޅިވަރަށް ހިނގަން ބޭނުންކުރާ އެއްޗެއް. މީގައި ހިނގާއިރު ބޭނުންކުރަނީ ދެފަޔަށް ދެދަނޑިއެވެ. މިހުންނާނީ ފައިގެ ބޮޑުވާ އިނގިއްޔާއި ޝަހާދަތް އިނގިއްޔާ ދޭތެރެއަށްލައްވައިފައެވެ މިއެކި އުސްމިނުގައި ހިނގޭގޮތަށް ހަދައެވެ
ދަނޑިޖެހުން
މ ވަކިވަރަކަށް ބުރިކޮށްފައިހުންނަ ދަނޑިކޮޅުތައް ބޭނުންކޮށްގެން ކުޅޭ ކުޅިވަރެއްކުޅުން މީގެތެރޭގައި މަންގަލަން ދަނޑިއާއި މަލިކު ދަނޑިފަދަ ކުޅިވަރުތައް ހިމެނެއެވެ
ދަނޑު
ނ (1) އެއްވައްތަރެއްގެ ގަސްހައްދައިފައި ހުންނަ ތަންތަން މިސާލު: )ހ( ހަނޑޫދަނޑު )ށ( އަލަދަނޑު (2) ބައެއްކަހަލަ ކުޅިވަރުކުލޭ ބިން މިސާލު: )ހ( ބޯޅަދަނޑު )ށ( ހޮކީދަނޑު (3) މަޖާޒު: ކަމެއްގެ ދާއިރާ މިސާލު: އޭނާއަކީ ޅެންވެރިކަމުގެ ދަނޑުގައި ވަރަށް ކުރިއަރައިފައި ހުރި މީހެކެވެ
ދަނޑުވެރިޔާ
ނ ދަނޑުހައްދާމީހާ
ދަން
ނ (1) ތިންގަޑިއިރުގެ ވަގުތު. (2) ދުވަހެއްގެ އަށްބައިކުޅަ އެއްބައި. މިސާލު: ދަމަކަށް އިރުއަރައިފިއެވެ. (3) ދިއުން މިބަހުގެ ވާކަން )ވާހަކަ ދައްކާ ފުރަތަމަ މީހާ ބުނާގޮތް( މިސާލު: އަހަރެން އެގެއަށްދަން (4) ރޭގަނޑާ ނިސްބަތްކޮށް މާލަސްވެއްޖެއޭ ބުނާގޮތް
ދަންނަމީހާ
ނ (1) ކަންތައްތައް އެނގޭ މީހާ (2) ފެނިދެނިވެފައިވާ މީހާ
ދަންބެހުން
މ ފޯރިއަށްދާންޖެހޭ ގަޑިގަޑިއަށް މީހުން ހަމަޖެއްސުން
ދަންބެރުބޭލުން
މ ދަންބެރު ޖަހާންވާވަގުތު ދަންބެރު ނުޖެހިއްޖެނަމަ ދަންބެރު ޖަހާން އޮންނަ ބެރާއި ދަނޑިގަނޑު ނާބުސްޚާނުން ބާލައިގެން ދެގެދޭތެރެއަށް ގެންދިއުން މިހެންހަދަނީ ދަންބެރުޖަހާ މީހާ ޖޫރިމަނާ ކުރުމަށެވެ ދަންބެރު ބާލައިފިނަމަ ބެރުލިބޭނީ ބޮޑުބޭކަލަކު މެދުވެރިކޮށް ރަދުންނަށް އަށްލާރިން ވެދުން ކޮށްގެންނެވެ
ދަންމަރު
ނ (1) ތެޔޮއަޅައިގެން ރޯކުރާގޮތަށް ހަދައިފައި ހުންނަ އަލިކުރާ އެއްޗެއް މިއީ ފުލުގައި ދަނޑިއެއްލައިފައި އެއްތަނުން އަނެއްތަނަށް ގެންދެވޭ ގޮތަށް ހުންނަ އެއްޗެކެވެ (2) މަޖާޒު: ތަނެއް ނުވަތަ ބަޔަކު އިސްލާޙުކޮށް ތަރައްޤީ ކުރާމީހާ
ދަންފަޅި
ނ (1) އެއްކަމަކާ ބެހޭގޮތުން ބާްއްވާ ޖަލްސާތަކަކުން ޖަލްސާއެއް (2) ޝަރިއަތެއް ހިނގަމުންދާއިރު ބާއްވާ ކޮންމެ ބައްދަލުވުމެއް (3) ދުވާލަކު އިސްކޫލުގެ ކިޔެވުން އޮންނަ ގަޑިތައް (4) ފޯރިބަހައިގެން ތިބޭމީހުން ތިބެންޖެހޭ ގަޑިތައް (5) ދަން
ދަންތުރަ
ނ (1) އެއްގަމުގައިއުޅޭ ބައެއްކަހަލަ ދިރޭއެއްޗެހި ހިފުމަށްޓަކައި ޖަހާމަޅިއެއް މިމަޅިވަރަށް ގިނަގޮތްގޮތަށް ޖަހައެވެ (2) މަޖާޒު: މީހަކަށް ކެއްސެއް ދިނުމަށްޓަކައި ރާވާ ރޭވުން
ދަންޑެހެލު
ނ ނާފަހަރާއި އޮޑިފަހަރުގެ މަސައްކަތު މީހުންގެ ވެރިޔާ
ދަންޑެހެލުބޭކަލުން
ނ ކަލާސީންގެ ބައިތަކުގެ ވެރިކަން ދެއްވައިފައިވާ މީހުން