radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
ބޯބޭލުން
މ ރޭޒަރު ނުވަތަ ކުރަފަތް ތޫނުއެއްޗަކުން ކަހައިބޮލުގެ އިސްތަށިތައް ފިލުވުން
ބޯބޮ
ނ (1) ކުޑަކުދިންގެ ބަހުރުވައިގައި ބޮލުގައި އަޅާއެއްޗެތި
ބޯބޮޑުކަން
ނއނ (1) ފައިދާއެއްވާކަހަލަ ކަންތަކުން ފައިދާނަގާން އެނގޭކަން (2) ބުއްދިގަދަކަން
ބޯބޮޑުއާނި
ނ އެއްއިންޗި ނުވަތަ އިންޗިއެއްގެ 4/3 ބައިހުންނަވަރުގެ އާންޏެއް. މީގެ ބޯހުންނާނީ ފަތާކޮށެވެ. ޢާއްމުކޮށް މި ބޭނުންކުރަނީ ލަކުޑި ބޯޓު ފަހަރުގެ ފެނުންތިރިޔަށް ހުންނަބައިގާ ލޮއިޖެހުމަށެވެ
ބޯބޮޑުވުން
މަޖާޒު: (1) ފައިދާއެއް ވާކަހަލަކަންތަކުން ފައިދާ ނަގަން އެނގުން (2) ބުއްދިގަދަވުން
ބޯބޯބޮއްތަލޯ
ނ ކުޑަކުދީންގެ އަތްތިލައިގައި އިނގިލި ތަޅަމުން ކިޔާބަންޖެއްގެ ނަން. އެއީ ބޯބޯ ބޮއްތަލޯ ދެފަނިކާ ފެންބަތޯ އޮޑިވަތު ދިޔަ ހިއްކަތޯ ބޯލަ ގެނައި މަސްފަތަފޮޅި ކާލައިގެން ބޯލަ ހޯދަން އަރާއަރާ ފައިބާ ފައިބާ
ބޯބޯމަތިން ނެގުން
މ އެންމެންގެ އަތުން އެއްޗެއް ނެގުން
ބޯބޯމަތިންގެންދިއުން
މ ގިނަބައެއްގެތެރޭ އެއްޗެއް ނުވަތަ މީހެއް ބޯމައްޗަށް އުފުލައިގެން އެއްބަޔަކު އަތުން އަނެއް ބަޔެއްގެ އަތަށް ދެމުން ގެންދިއުން
ބޯޅަ
ނ (1) ތަފާތު ކުޅިވަރުތައް ކުޅުމަށްޓަކައި ވަށްކޮށް ހަދައިފައި ހުންނައެއްޗެއް (2) ބެޑްމިންޓަން ކުޅެން ގުންގުޅޭ މަލެއްހެން ހަދައިފައި އޮންނަ އެތި (3) ރަނގަބީ ކުޅެން ގެންގުޅޭ ކުކުޅުބިސް ބުރަށް އޮންނައެތި
ބޯޅަކިންކިރިމާ
ނ ގުލްސަންޕާމަލުގެ ވައްތަރެއް މިގަހުގެ ފަތްހުންނާނީ ކޮޅުވަށްކޮށެވެ މިމައު ގުލްސަންޕާ މަލަށްވުރެ ތަންކޮޅެއް ބޮޑު ވާނެއެވެ
ބޯޅަޖެހިފާނަ
ނ ފާނައިގެ ބާވަތެއް މިއީ ވަރަށް ހިމަ ދިގުކޮށްހުންނަ މަޑުމުށިކުލައިގެ ފާނައެކެވެ މަހުގައި ރަތްކުލައަކަށްދާ ކުދިކުދި ތިކިތަކެއް ހުރެއެވެ މިތިކިތަކުގެ ތެރޭގައި މަހުގެ ދިގަށްވާގޮތަށް ހުދުކުލައަކަށްދާ ރޮނގުތަކެއްހުރެއެވެ
ބޯކަށިކެޔޮ
ނ ކަށިކޭލުގެ ބާވަތެއް މިއީ ދޮންވީމާ ވަކުގެ ފުލާއެކު ރަތްވާ އަނގަކަހާ ކަށިކޭލެކެވެ
ބޯކަން
ނއނ (1) ތުނިކަން މިބަހުގެ އިދިކޮޅު (2) އެއްޗެއްގެ ދެފުށުގެ ދެމެދުގައި ހުންނަ ދުރުމިނުގެ ފުޅާކަން
ބޯކަރުދާސް
ނ ބޯކޮށް ހަދައިފައި ހުންނަ ކަރުދާސް މީގައި އެތައް ފަށަލަތަކެއް ހުރެއެވެ މިއީ ފޮށިގަނޑުގަނޑު ހެދުމަށާއި ފޮތްފޮތުގެ ބޭރުގަނޑު ހެދުމަށާއި މިފަދަ ކަންކަމަށް ބޭނުންކުރާ އެއްޗެކެވެ
ބޯކިބާ
ނ ފުށަށް ކާށިކިރު ނުވަތަ ހުނިއަޅައިގެން ފޮނިކޮށް ނުވަތަ ލޮނުކޮށް ފިހާ ހެދިކާއެއްޗެއް މިފިހަނީ ކޮންމެވެސް ކަންވާރަކަށް އަޅައިގެންނެވެ
ބޯކު
ނ (1) ދަގަނޑުފަދަ އެއްޗަކުން ނުވަތަ ލަކުޑިޔާ ދަނޑިފަދަ ތަކެތިން ނުވަތަ ރޭނުމުގައި ހަނދުފަޅިބުރަށް ދޮޅި ދާންހެން މަތިވައްކޮށް ހަދާ އެއްޗެއް. މިއީ ހައްދާ ވެޔޮގަނޑުފަދަ ތަކެތި އޭގެ މައްޗަށް އެރުވުމަށް ހަދައިފައި ހުންނަ އެއްޗެކެވެ (2) )ގ ( ބޮއް
ބޯކުރުން
މ ތަރުކާރީ ނުވަތަ މޭވާ ނުވަތަ ފަލަމަޑީގެ ބައެއް ބާވަތް ކޮށައިގެން ހަކުރުގައި ކައްކައި އޮލަކުރުން
ބޯކެހުން
މ )ސ ( ފުނާއެޅުން
ބޯކެޔޮވަލަކު ހުޅުލީހެން
މިސާލު: (1) ޚަބައެއް ފެތުރިގެންދިޔަލެއް ހަލުއިކަން އަންގައިދިނުމަށް ބުނެއުޅޭ ބަހެއް (2) އަބަދު އަރާރުންވާ މީހާ ރުޅިއަންނަގޮތަށް އެއްޗެއް ބުނެވުމުން ކުއްލިއަކަށް އަރާ ރުންވެގަތުމަށް ބުނެއުޅޭބަހެއް
ބޯކޮޅުބެލުން
މ މަޖާޒު: ކަމަކާމެދު ޝައްކުކުރެވިގެން މީހަކު ނުވަތަ ބަޔަކުގޮސް އުޅޭ ތަންތަނާއި ވަދެއުޅޭ ތަންތަން އެމީހަކަށް ނުވަތަ އެބަޔަކަށް ނޭނގޭގޮތަށް ބެލުން