radheef.info
ރަދީފު


ޅ
ނ ތާނައިގެ ހަވަނައަކުރު
ފަސްކުޅި
ނ އިހުގައި ވިހައިގެން އުޅޭ އަންހެނުންނަށް ވިހެއުމުގެ ކަންތައް ހަމަޖެހުމަށްފަހު ދޭ އެއްޗެއް. މިއީ ބިލެތާއި ފޯކާއި ކަރަންފުލާއި ހުންޏާއި ފޮނިތޮއްޓާއި ކާފޫރުތޮޅި އާއި ބުން ބިލެތްގަނޑެއްގެ ތެރެއަށްލައި ބޮނޑިކޮށްލައިފައި ވިހައިގެން އޮންނަ މީހާގެ އަނގަޔަށް ލަވާ ބިލެއްގަނޑެކެވެ
ފަސްކޮޅެއެނބުރުން
މ ވާ އަޅާއިރު ފިޔަރީގެ ތެރެއިން ނުކުންނަތަން އަނބުރައި ހަރުކުރުން
ފަސްކޯމާޅި
ނ ބަންގިބެރު ނިންމާލަވަ
ފަސްއެޅުން
މ (1) ކޮނެފައިވާ ވަޅުގަނޑަކަށް ފަސްލުން (2) މަޖާޒު: ހިނގައިފައިވާ ކަމެއް ވަންހަނާ ކުރުން
ފަސްއޮށްކުޅުން
މ ފަސްއޮށްބައިން ވަކިގޮތަކަށް ކުޅޭ ކުޅިވަރެއް ކުޅުން
ފަސްފުޅިކިޔެވުން
މ އިހުގައި ގަނޑުވަރު ތެރޭގައި ހުންނަ ލޯގަނޑުން ފަސްފުޅިޔަށް ޖެހީމާ )ރޭގަނޑު އެގާރަ ޖެހީމާ( މެދު ޒިޔާރަތް ދޮށުގައި ދުޢާވެރިކަން ކިޔެވުން
ފަސްފުޅިދުމާދިއުން
މ އިހުގައި ގަނޑުވަރު ތެރޭގައި ހުންނަ ދަމުއަށީގެ ލޯގަނޑުން ފަސް ފުޅިޔަށް ޖެހީމާ )ރޭގަނޑު އެގާރަޖެހީމާ( އަލިފާން އަޅައިފައި ހުންނަ މުޖުމަރާއަކަށް ދުން އަޅައިގެން ކުދިބޭކަލަކު އެހިފައިގެން ހިއްތަން ދޮރާށިން ނުކުމުގެން މެދުޒިޔާރަތް ދޮށަށްގޮސް އެތާނގައި ދުޢާވެރިކަން ކިޔަވަން ތިބޭ މީހުންގެ ގާތުގައި ބެހެއްޓުން
ފަސްފުކަށްވާކުޅިގަނޑު
ނ އޮށްވަޅު ގޮނޑީގައި ކުޅޭ ކުޅިގަނޑުތަކުން ކުޅިގަނޑެއް މި ކުޅިގަނޑު ކުޅެ ނިމޭއިރު )ހިނދޭއިރު( ގޮނޑީގައި އޮންނާނީ ފަސް ފުކެވެ
ފަސްދޮޅަސް
ނ (1) ހަދިހަ (2) ހައްޓި (3) ބާރައިގެ ފަސްގުނަ
ފަސްތަނުގައި ބެހެއްޓި މުޅޯއްޓަކަށްވުން
)މިސާލުބަހެއް( ޒުވާން އުމުރުގައި ކަންނެތްވެ ރީތި ކަމާމެދު ފަރުވާކުޑަކޮށް އުޅޭ ނުވަތަ ޅައުމުރުގައި ކުދިން ގިނައިން ވިހައި ހަށިގަނޑު ދެރަވާ އަންހެނުންނާމެދު ބުނެއުޅޭ ބަހެއް
ފަސްތޮޅި
ނ ފާސްދޯރު
ފަޑައްކުތެޅުން
މ (1) ހަނޑުލާއި ބިންބި ފަދަ ގޮވާމުގެ ބާވަތްތައް ގެންގުޅޭ ތަންތަނަށް އެޅިފައި ހުންނަ އޮށްޓަރުތައް ނަގައި ސާފުކުރުން. (2) ބަސްތާ ފެޅިގެން އެޅިފައި ހުންނަ ހަކުރާއި ފުށާއި ސިމެންތި ފަދަ ތަކެތި ނަގައި ސާފުކުރުން
ފަޑިއެޅުން
މ ފަޑި ހަރުކުރުން
ފަޑީކޮޅުންބޭރަށް ދިއުން
މ މަޖާޒު: އެއްޗެއް އަތްމަތިވެފައި ނުލިބި ދިއުމުން ބުނެއުޅޭ ބަހެއް
ފަޑުއްކަތެޅުން
މ ފަޑައްކުތެޅުން
ފަޗިސްކުޅިބައި
ނ ރާޒުވާ ފަދައިން ލިޔެލާ ޖަހައިފައި ހުންނަ ގޮޓިއޭ ކިޔާ ކުޅިތަކެއް މި ހުންނާނީ ހަތަރު ކުލައިގައެވެ ދެން އޮންނާނީ އެތެރެއަށް ތިމަރަ އަޅައިފައި އޮންނަ ރިހާކުރުބޮލީގެ ކުދިވަރުގެ ހަ ބޮއްޔެވެ
ފަޗިސްކުޅުން
މ (1) ފަޗިސް ކިޔާ ކުޅިވަރު ކުޅުން (2) ގޮޓި ކުޅުން
ފަޗިސްއެޅުން
މ ފަޗިސް ކުޅޭއިރު ބޮލިތައް ތަޅުވާފައި އޮއްސައިލާއިރު އެއް ބޮލި ބަނޑުން އަނެއް ފަސްބޮލި އުއްޑުން އޮތުން އޭރުން އެ އެޅުނީ ފައްސިއްސެކެވެ ނުވަތަ ފަޗިހެކެވެ
ފާހަގަކޮޅު
ނ ވަކިތަނެއް ދެނެގަތުމަށްޓަކައި ފޮތަށް ލާ އެތިކޮޅު
ފާހަގައެޅުން
މ (1) ފާހަގަޖެހުން (2) އަންހެނުން ވިހަން ކައިރިވުމުގެ ޢަލާމާތެއްގެ ގޮތުން ފެން ނުވަތަ ލޭފާޅުވުން