radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
އިސްކޫލްފޮތް
ނ މަދުރަސާ ކުދިން ލިޔެ ހިސާބުޖަހާން ގެންގުޅޭ ފޮތް މިފޮތުގައި ހުންނާނީ 04 ޞަފުޙާ ނުވަތަ 08 ޞަފުޙާއެވެ
އިސްއެރުން
މ (1) އަމިއްލައަށް އިސްވެގަނެގެން އުޅުން. (2) މަ ހާ މީހަކު ނެތިގެން އުޅުން. (3) ފަނިވެގެންގޮސް ހާލުމާބޮޑުވުން. )މިގޮތުގައި ދަތްޕިލާޖެހުން އިދިފުށަށް ދެމުންފަދަ ގޮތްގޮތްވެއެވެ
އިސްއޮބުން
މ އިސްޖެހުން
އިސްވުން
މ (1) މަޤާމަކަށް ވެރިވުން (2) އިމާމުކަމު ވުން (3) ކަމެއް ކުރުމުގައި އެކަން ކުރުވާ މީހެއްގެ ގޮތުން ކުރިއަށްޖެހުން
އިސްފަސްވުން
މ (1) ކުރިން ކުރަންވީ ކަމެއް ފަހުން ކުރެވުން (2) ކަމެއްގެ ތަރުތީބު އޮޅުން
އިސްފިރޭނު
ނ އިސްޕިރޭނު ނަރު ނުވަތަ ހިމަ ދަގަނޑު ވަކި ގޮތްތަކަކަށް އޮޅައިގެން ހަދައިފައި ހުންނަ ވަރުގަދަ ފަންވަރަކާއި ބާރެއް ލައިފައިވާ އެއްޗެއް
އިސްފިރޭނުސޯބު
ނ (1) ދިއްލާ ސޯބު (2) ގަޑިގައި ހުންނަ އިސްޕިރޭނު ހަރުކޮށްފައިވާ ސޯބު
އިސްދަރިވަރު
ނ ކަމެއްކުރާ ނުވަތަ ކަމެއް ދަސްކުރާ ބައެއްގެ ތެރެއިން އެކަމަށް މޮޅުވުމުގެ ސަބަބުން އެކަމުގައި އެންމެ ކުރިއަށް ތިބޭ މީހުންގެ ތެރޭގައި ހިމެނޭ މީހާ
އިސްދޮށަށްޖެހުން
މ (1) އިސްޖެހުން (2) އިސްއޮބުން
އިސްތަށި
ނ ބޮލުގައްޔާއި އަދިވެސް ގައިގެ ބައެއް ތަންތާނގައި ފަޅައިފައި ހުންނަ ހިމަ ދިގު އެއްޗެއް މިހުންނާނީ ނަރުތަކެއްގެ ސިފައިގައެވެ އާންމު ގޮތެއްގައި އޭގެ ކުލަ ކަޅު ނަމަވެސް އެހެން ކުލަ ކުލައިގައި ހުންނަ އިސްތަށިވެސް ހުރެއެވެ ޖަނަވާރުގައި މިގޮތަށް ފަޅައިފައި ހުންނަނީ ކެހެރިއެވެ
އިސްތަށިފުޅު
ނ މާތްބަހުން ވާހަކަދައްކާއިރު ބޮލަށް ކިޔާ ނަމެއް
އިސްތަށިފުޅުތުރުކުރެއްވުން
މ ބޯބޭލުމަށް މާތްބަހުން ކިޔާގޮތް
އިސްތިހާރު
ނ ގިނަމީހުންނަށް ކަމެއް އެންގުމަށްޓަކައި ލިޔާލިޔުން ނުވަތަ ގޮވާ ގޮވުން
އިސްތިހާރުކުރުން
މ ލިޔެގެން ނުވަތަ ގޮވައިގެން ގިނަމީހުންނަށް ކަމެއް އެންގުން
އިސްތިންގިބާޓަލް
ނ ނައުފަހަރުގެ ރިޔާދޫކުރަން ހުންނަ ވައު
އިސްތިންގީ
ނ ނައުފަހަރުގެ ދަންމާނު ބުޑު ތިރިކޮށް ނަގައި ހަދާން ހުންނަ ވާގަނޑު
އިސްތިންޖާކަރުދާސް
ނ އިސްތިންޖާކުރުމަށް ތައްޔާރުކޮށްފައި ހުންނަ ޚާއްޞަކަރުދާސް
އިސްލާންދީން
ނ އީމާންކަމުގެ ގޮތުން މާތްﷲ ގެ އެއްކައުވަންތަކަން ޤަބޫލުކޮށް އެކަލާނގެ ކިބަފުޅަށް ކިޔަމަންވެގެން ތިބޭމީހުންގެ ދީން މިހާރު މިބަސް ގިނައިން ބޭނުންކުރަނީ ސަލާމާއި ޞަލަވާތްލެއްވި މުހައްމަދުގެފާނުންގެ ދީނަށެވެ
އިސްޓާކީނު
ނ ފައިތިލައާއެކު ނިވާވާގޮތަށް ފަޔަށް ލެއްވުމަށްޓަކައި ދެމިކުރުވާގޮތަށް ވިޔެފައި ހުންނަ އުރައެއް
އިސްޓޭމްޕް
ނ (1) ޕޯސްޓުން ފޮނުވާ އެއްޗެހީގައްޔާއި ރަސްމީބައެއް ލިޔުން ތަކުގައްޔާއި އަދިވެސް އެފަދަ ބައެއް އެއްޗެހީގައި ހިއްޕަން ހަދައިފައި ހުންނަ އެއްޗެއް މިއީ އެއްފަރާތުގައި ތެރަސްލާފައި އަނެއްފަރާތުގައި ބައެއް ކުރެހުމާއި އަގުޖަހައިފައި ހުންނަ ޗާޕްކުރި ކަރުދާސްކޮޅެއް (2) އިސްޓޭމު