radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ފޯރާމީހާ
ނ ތަނަވަސްކަން ލިބިފައިވާމީހާ
ފޯރީހެދުން
ނ ތަންތަނުގައި ފާރަވެރިކަމު ތިބޭމީހުން އެވާޖިބު އަދާކުރާއިރު އަޅާ ޔުނީފޯރމް
ފޯރުންތެރިން
ނ ކަންކަމުން ފުދިގެން ތިބޭ މީހުން
ފޯރުންތެރިޔާ
ނ ފޯރާމީހާ
ފޯކަސް
ނ (1) އަލިގޮސް އެއްޗެއްގައި ޖެހިފައި ބަދަލުވާން ފަށާ ހިސާބު. (2) ވަކި ދުރުމިނެއްގައި ހުންނަ އެއްޗެއް ނުވަތަ ތަނެއް ހަމަ ލޮލަށް ސާފުކޮށް ފެންނަ ފެނުން (3) ޖަލްސާއެއްގައި އެކަމެއްގެ މައްޗަށް އެންމެ ބޮޑަށް ބަލާލި ކަންތައް ބަލާލިގޮތް (4) އެކަމެއްގެ މައްޗަށް މީހުންގެ ނަޒަރު ހުއްޓިފައި ހުންނަ ހުރުން
ފޯކަސްކުރުން
މ (1) ދުރުމީއެއް ނުވަތަ ކެމެރާއެއްގެ ލެންސުން އެއްޗެއް ސާފުކޮށް ފެންނާނެގޮތް ހެދުން (2) މަޖާޒު: ކަމެއްގެ މައްޗަށް ބޮޑަށް ނަޒަރު ހުއްޓައިލުން ނުވަތަ ނަޒަރު ހިންގައިލުން
ފޯކުޅުން
މ (1) ގުޅަކުޅޭ ފަސްގަނޑުގައި ދޭދޭމީހުން ހިފުން (2) އާދަކާދައިގެ މަތިން އަންނަ ފޯ ކެއްކުމުގެ ރަސްމިއްޔާތަށް ފަހު ކުޅެވޭ ކުޅިވަރުތައް ކުޅުން
ފޯމު
ނ (1) އެކިކަންކަމަށް އެދޭ މީހުންނާއި އެކި ތަންތަނަށް ވަންނަ މީހުންނާބެހޭ މަޢުލޫމާތު ލިޔާގޮތަށް ހުސްތަންތަން ދޫކޮށްފައި އޮންނަ ލިޔުމެއް ނުވަތަ ކަރުދާހެއް (2) ޘާނަވީ ކިލާސްތަކަށް ކިޔައި އުޅުނު ނަމެއް (3) ކިޔަވާ ކުދީންނަށް އިމްތިޙާނު ނިމިގެން ދޭނަތީޖާއާއި ފެންވަރު އަންގައިދޭ ކަރުދާސް
ފޯޑަރު
ނ ކަމީރުކުރުމަށް އަޅާފުށް
ދަހަރާމަނިކުފާނު
ނ ދީދިކިޔާމީހަކަށް ދަހަރާކަން ދެއްވީމާ ކިޔާގޮތް
ދަހިކޮށްލުން
މ (1) ފިލިޖައިހައިގެން މަސްގަނޑު ދަހިވާނެގޮތް ހެދުން (2) މީރުކާއެއްޗަކުން އެތިކޮޅެއްދީފައި އަނެއްބައި ނުދީ ހިފެހެއްޓުން (3) ކަމަކަށް ނުވަތަ އެއްޗަކަށް އެދުންވެރި ކުރުވުން (4) ހިތްޖައްސައިލުން
ދަހިވިއްކުން
މ ފެންނަންހުރި އެއްޗަކަށް ދަހިލަވައި ގަނެގެން ހުންނަ ހުރުން މިސާލު: މީހަކުއެއްޗެއް ކަނިކޮށް ފެނުނީމާ ކާހިތުން ދަހިވިއްކުން
ދަހިވިގަނި
ނ މަޖާޒު: މާބޮޑަށް ދަހިމީހާ
ދަހިދިއްކެޑުން
މ )ސ ( މީހަކު އެއްޗަކަށް ދަހިކުރުވުން
ދަހިލަވަޖެހުން
މ )ސ ( މަޖާޒު: ކާއެއްޗެއް ލިބިދާނެކަމުގެ އުއްމީދުގައި ކާގަޑީގައި ގެއެއްގައި ވާހަކަ ދައްކަން ތިބުން ނުވަތަ އިނުން
ދަށަށްދިއުން
މ (1) މީހާހުރި މަޤާމުން ދަށްވުން (2) ދަތުރުކުރާ އެއްޗެހިދާންވީ މިސްރާބަށްވުރެ ވައިދަށަށް ޖެހެމުން ދިއުން (3) ކަމަކުން ދެރަވުން
ދަށަށްޖެހުން
މ (1) ހުރިވަރަށްވުރެ ތިރިޔަށް ޖެހުން (2) ހިފަމުންގޮސް އެކަކު ވަތަށް ޖެހުން (3) ގަމީސް ފަޓްލޫނުގެ އެތެރެއަށް ލެއްވުން (4) ދަށްވާން ފެށުން
ދަށުވުން
މ (1) އެއްޗެއްގެ ދަށުގައިވުން މަޖާޒު: (2) ތިމާގެ އިޚްތިޔާރެއް ނޯންނަގޮތަށް އަނެކެއްގެ ބާރުގެ ދަށުގައިވުން (3) ކަމެއްގައި ބެދުން (4) އަޅުވެތިވުން (5) މީހެއްގެ ތައްޕާހުގައިވުން
ދަށުފަންތި
ނ (1) ދެރަމިސާލު: ދަށުފަންތީގެ މީހުން (2) ކުރު މިސާލު: ދަށުފަންތީގެ ރުއް
ދަށުލުން
މ (1) އެއްޗެއްގެ ދަށަށް ވެއްދުން މަޖާޒު: (2) ތިމާގެ އިޚްތިޔާރެއް ނޯންނަގޮތަށް އަނެކެއްގެ ބާރުގެ ދަށަށްލުން (3) ކަމެއްގައި ބެއްދުން (4) އަޅުވެތި ކުރުން (5) މީހެއްގެ ތައްޕާހުގެ ދަށަށް ގެނައުން (6) ވަތަކުތޯ ޖެހުން