radheef.info
ރަދީފު


މެ
އ ބަސްގަދަކޮށްލުމަށް ބޭނުންކޮށް އުޅޭ ބަހެއް މިސާލު: )ހ( ދަނޑު ކޮށީ ޙަސަނެވެ )ށ( ގޮވާންކޮށީވެސް އޭނާމެއެވެ
ފިލި
ނ (1) އަކުރުގެ އަޑުނެރޭގޮތް އޮޅުން ފިލުވައިދިނުމަށް ޖަހާ ނިޝާން. މިސާލު: އަބަފިލި އިބިފިލި (2) ގަހެއްގެ ނަން (3) ފުރޯދަނޑިއާއި ވަޑާން ކައްޓާއި ކޮށާވަޅި ފަދަ އެއްޗެހީގެ މުށްގަނޑުގައި ދަގަނޑުން ނުވަތަ ލޮއިން އަޅައިފައި ހުންނަ ބަންދު (4) އެންހިފާއިރު ދަލުތެރެއަށް ޖަހަން ފިލިމަހުން ކަހައިފައި ހުންނަ މަސް (5) ފަރު ކެޔޮޅުކަމުގައި މަސްތިލަ ކުރުމަށް އުކާ ކަރުގޮހޮރު ފަދަ ތަކެތި (6) "ފިލުން" މިބަހުގެ ނިމިނިމުނުކަން މަޖާޒު: (7) ރިޝްވަތު (8) ކަމެއް ކުރުވުމަށް ބާޜުއެޅުވުމުގެ ގޮތުންދޭ އެއްޗެހި
ފިލިވަހަށް އައުން
މ (1) މޫދުތެރެއަށް ފިލިޖަހައިލީމާ އޭގެ ވަހަށް މަސްތައް ނުވަތަ އެންތައް އެތަނަކަށް ޖަމާވުން (2) މަޖާޒު: ތަނެއްގައި ތިމާ ގަޔާވާ ކަމެއް ހިނގާކަން އެނގުމުން އަވަސް އަވަހަށް އެތަނަކަށް ދިއުން
ފިލިދަނޑި
ނ )ޅ ( ބޯދި ނަގާއިރު މެދުރީގެ ތުންފަތުގައި ބަނދެފައި އޮންނަ ދަނޑި
ފިލިޖެހުން
މ (1) ތާނައާއި ޢަރަބި ލިޔާއިރު އަކުރުގެ އަޑު ނެރޭނެގޮތް ދެއްކުމަށް އެ އަކުރުތަކުގެ ތިރީގައި ނުވަތަ މަތީގައި އަކުރަށް ވުރެ ކުޑަ ނިޝާނެއް )ފިލި( ޖެހުން (2) އަކުރުގެ އަޑު ނެރުމަށް އަކުރާ ގުޅައިފައި ހުންނަ ކުޑަ ނިޝާން ޖެހުން (3) އަކުރަކާޖެހިގެން ފިލިއަކުރެއް ލިއުން (4) ފިލިމަހުގެ އެތިއެތި ކޮޅު އުކުން މަޖާޒު: (5) ރިޝްވަތު ދިނުން (6) ކަމެއް ކުރުވުމަށް ބާރުއެޅުމަށް އެއްޗެހި ދިނުން
ފިލުނދު
ނ (1) ކައްކައިފައި ހުންނަ ކާއެއްޗެހި ރާމާވުމަށް ފަހު ކުނިވުމުގެ ކުރިން އައިސްފައި ހުންނަ ބަދަލު. (2) ދިރޭ އެއްޗެހި )އިންސާނުން ނާއި ޖަނަވާރާއި މަސްމަހާމެހި ފަދަ( މަރުވުމަށްފަހު ގިނައިރުވުމުން މަސް ގަނޑު ކުނިވާން ފެށުމުގެ ކުރިން ހަންގަނޑު ދޫވެ މަސްގަނޑު މަޑުވާ މަޑުވުން
ފިލުނދުވުން
މ (1) ކައްކައިފައި ހުންނަ ކާއެއްޗެހި ރާމާވުމަށްފަހު ކުނިވުމުގެ ކުރިން ދެން އަންނަ ބަދަލު އައުން. (2) ދިރޭ އެއްޗެހި )އިންސާނުން ނާއި ޖަނަވާރާއި މަސްމަހާމެހި ފަދަ( މަރުވުމަށްފަހު ގިނައިރުވުމުން މަސްގަނޑު ކުނިވާން ފެށުމުގެ ކުރިން ހަންގަނޑު ދޫވެ މަސްގަނޑު މަޑުވުން
ފިލުން
މ (1) ފޮރުވިގަތުން މިސާލު: މީހަކަށް ނުފެންނަން ފިލުން (2) އެއްޗެއްގައި ހުރި ނިޝާނެއް ފޮހެވުން މިސާލު: ގަމީހުގައި ހުރި ލައްގަނޑު ފިލުން (3) ހަނދާނުގައި ހުރިކަމެއް ހަނދާނުން ކެހުން މިސާލު: ރަށުގެ ހަނދާންތައް ފިލުން
ފިލްމު
ނ (1) ބައިސްކޯފު ދައްކާފީތާ (2) ފޮޓޯ ނުވަތަ ފިލްމް ނެގުމަށް ކެމެރާއަށް ލައްވާ ރޯލު
ފިޔަ
ނ (1) އުދުހޭ އެއްޗެހީގެ ވަރަ. (2) މާމެލާމެލީގައި ކަރުގަނޑުގެ ވަށައިގެން ބޭރަށް ނުކުމެފައި ހުންނަ ބައިތައް. (3) ފަންކާއާއި ބުރަފަތި ފަދަ ތަކެތީގައި ހިމަދިގުކޮށް ނުވަތަ ކުރުފަލަކޮށް ވަށައިގެން ބޭރަށް ނުކުމެފައިވާ ވައިފޮނުވައިދޭ ނުވަތަ ފެނުތެރޭ އަނބުރައިދޭ ބައި މިފަދަ ތަކެތީގައި ޢާއްމު ގޮތެއްގައި ހުންނާނީ ތިންފިޔައެވެ (4) ފިޔަ އަކުން ނައްޓައިލެވޭ ފަށް
ފިޔަބިނދުން
މ (1) ފިޔަ ހުންނަ އެއްޗެހީގެ ފިޔަ މުގުރުން (2) މަޖާޒު: ކަމެއް ކުރެވޭނެ ގޮތެއް ނެތުން
ފިޔަވަހި
(1) ތަރައްޤީއަށްޓަކައި ކުރެވޭ މަސައްކަތެއްގެ ތަފާތު ބައިތަކުގެ ތެރެއިން ބައެއް (2) މަޝްރޫޢެއްގެ ނުވަތަ ކަމެއްގެ ފާހަގަ ކުރެވޭފަދަ ބައިބައި
ފިޔަވަޅުއެޅުން
މ މަޖާޒު (1) ކަމަކާއިމެދު ގޮތެއް ހޯދުން (2) ކަމަކާމެދު ކުރަންއޮތް ކަމެއް ކުރުން
ފިޔަވަޅުފުޅު
ނ ފިޔަވަޅަށް އެންމެ މާތްކޮށް ކިޔާގޮތް
ފިޔަވައި
އކ (1) މެނުވީ (2) ނޫނީ
ފިޔަމޯޅިވުން
މ މާމެލާމެލީގެ ފިޔަ ވަޅޯވުން
ފިޔަފާޅިގަނޑު
ނ ފިޔަފާޅިއަށް ނިކަމެތިކޮށް ބުނާގޮތް
ފިޔާތޮށިކުލަ
ނ (1) ރަތްކުލަ ފަނޑުވަމުންގޮސް އެންމެފަހުން ހުންނަކުލަ (2) ފިޔާގެ ތޮށީގައި ހުންނަ ކުލަ (3) ޤައުމީ ފިނިފެންމަލުގެ ކުލަ
ފިޔުން
މ އަނގަ ލޯ މުށް ބަންދުކުރުމަށް ބޭނުންކުރާ ބަހެއް މިސާލު: )ހ( އަނގަ ފިޔުން )އަނގަލެއްޕުން( )ށ( ލޮލުފިޔުން )ލޯމެރުން( )ނ( މިށިފިޔުން )މުށްކެވުން
ފީ
ނ (1) ލަކުޑިޔާއި މޭވާއާއި މިނޫންވެސް ބައެއް ތަކެތި ގިނަދުވަސް ވެގެންވާ ހަލާކު. (2) ދޫނިސޫފާސޫފި ބިސްތައް މަތީގައި އޮންނަ އޮތުމުން ބިހަށް އަންނަ ބަދަލު. (3) ބިހަށް ގެއްލުމެއް ލިބިގެން ނުވަތަ ގިނަ ދުވަސް ވެގެންވާ ހަލާކު (4) ބިސް ފީކުރާ ދުވަސްވަރު ކުކުޅަށްވެފައި ހުންނަގޮތް (5) ބައެއް ތަކެތީގައި ހަލާކު ވާންވެގެން ޖަހާ ކަޅުކުލައިގެ ލައްތަކެއް (6) ބައެއް ޒާތުގެ ޚިދުމަތަށާއި ބައެއް ހުއްދައަށް ދައްކަންޖެހޭ ފައިސާ (7) މަޖާޒު: ކަމުނުދާ (8) ރަނގަޅު ނޫން
ފީހުން
ނ މަޑުގޮތަކަށް އަންނަ ހުމެއް މިހުމުގައި ކުޑަކުޑަކޮށް ހީކެރުވުމެއް ހުންނާނެއެވެ