radheef.info
ރަދީފު


ލުމަ
ނ (1) އުއިކޮށާ ނުވަތަ ރޮދިއޮޅާ ސަރަކައިގެ ފޯއްޔެއް ނއ (2) ތެދަށްހުރި އެއްޗެއްކަން އަންގައިދިނުމަށް ބުނާ ބަހެއް މިސާލު: )ހ( ތެދުލުމައެއް ހެން ހުރި ރުކެއް )ށ( އޭނާގެ ހަށިގަނޑު ހީވަނީ ތެދުލުމައެއްހެންނެވެ
ލޭނު
ނ (1) ކަނޑުގައި ދެކޮޅަށް ދެބޮއިލައިފައި މަސްހިފުމަށް އަޅައިފައި އޮންނަ ނަނުބައި. މީގައި ހުންނާނީ ތަންތަންކޮޅުން ފުރާވަރު އެލުވައި އޭގައި މިޔަވާލި ހަރުކޮށް ބުޅިލައިފައެވެ. (2) ކަރަންޓުލުމަށް ނުވަތަ ޓެލެފޯން ލުމަށް ދަމައިފައި އޮންނަ ނަރުބައި
ލޭއެރުން
މ ހަށިގަނޑުގެ ގުނަވަކަށް ލިބޭ ގެއްލުމަކުން ހަމާއިމަހާ ދެމެދުގެ ތަނަކުން ލޭފެންނަގޮތްވުން
ލޮނުވެލިމޮޑުން
މ ހަށިގަނޑުގެ ގުނަވަނަކަށް ލިބޭ ގެއްލުމަކަށް ފަރުވާ ދިނުމުގެ ގޮތުން މޫދަށްއެރި އެތަނެއްގައި މޫދުގެ ވެލިން މަސާޖުކުރުން
ލޮރީ
ނ ހަތަރުފުރޮޅު ނުވަތަ އެއަށްވުރެ ގިނަ ފުރޮޅު ލައިފައި ހުންނަ އެއްގަމުގައި ދުއްވާ އިންޖީނުލީ އެއްޗެއް. މިއީ އެއްތަނުން އަނެއްތަނަށް މުދާ އުފުލުމަށް ބޭނުންކުރާ ފަހަތު ބައިގައި މުދާ އެރުވޭގޮތަށް ހަދައިފައި ހުންނަ އެއްޗެކެވެ މިއީ ޕިކަޕަކަށްވުރެ ބޮޑު އެއްޗެކެވެ
ލޮގު
ނ (1) ހިސާބު އިލްމުގެ ހަމަޔަކަށް ކިޔާ ފަންނީ ނަމެއް މިއީ ގުނަކޮށް ގެއްލުމަށް ފަސޭހަކުރުމަށް ބޭނުންކުރާ ހަމައެކެވެ (2) އެ ޢަދަދެއްގައި ދިހައެއްގެ ބާރުހުރި ވަރު ބަލައިގެން ހިސާބު ހެދުމުގައި ބޭނުންކުރާ ގޮތެއް
ލޯގަނޑު
ނ (1) މޫނު ބެލުމަށްޓަކައި ތައްޔާރުކޮށްފައި ހުންނަ ރަހަލީ ބިއްލޫރި (2) ލޮއިން ހަދައިފައި ހުންނަ ކަންވާރެއް މިއީ އެކިއެކި އެއްޗިހި ކައްކަން ބޭނުންކުރާ އެއްޗެކެވެ (3) ނަމޫނާ ކުރަޔާ އެކުގައި މީހުން އަތް ދޮއްވައި ކޯދޮއްވައި ހަދަން ގެންގުޅޭ ކަންވާރު (4) ލޯ ތާނެއްގެ ބައެއް
ލޯޖަހައިގެން ބެލުން
މ ލޯވަޅަކުން ނުވަތަ ބާކޮޅަކުން ތަނެއްގެ އެތެރެ ބެލުމަށްޓަކައި އެފަދަ ތަނަކާ ލޯ ކައިރިކުރުން
ގަނޑުމަށި
މ ކިޔަވާ ފިލާގައި ލުމަށް ގުޅަވަށައިފައި ހުންނަ މަށި
ގަރަޑަމާ
ނ (1) ނުބައިވަހެއްދުވާ ކިލާކުލައިގައި ކިސުޑިގޮތަށް ހުންނަ މަލެއް އާއްމުގޮތެއްގައި މީގެގަސް ހުންނަނީ ރަށްރަށުގެ ވަލުތެރޭގައެވެ (2) މަޖާޒު: މީހަކު ނުވަތަ އެއްޗެއް ކަމުނުދާކަން ދެއްކުމަށް ނުވަތަ ދެރަކޮށްލުމަށް ބުނެއުޅޭބަހެއް މިސާލު: ހައްތާވެސް ގަރަޑަމަލެވެ
ގަރުމަށިތެޔޮ
ނ ރާއްޖެއަށް ބޭރުންގެންނަ ތެލެއް މިއީ ކަޅުރަތްކުލައިގައި ހުންނަ އޮލަތެލެކެވެ ލަކުޑީގައިލުމަށާއި ބޭހަށް ބޭނުންކުރާ އެއްޗެކެވެ
ގަބުރުސްތާނު
ނ މީހުން ވަޅުލުމަށް ޚާއްޞަކޮށްފައިވާ ތަން
ގަޅިބަޑި
ނ )ސ ( އެހެލައި ބޭލުމަށް ފަސޭހަކުރުމަށް އޮޑިދޯނިފަހަރުގެ ފަށަނާ ކަނދާ ދެމެދަށް ލައްވާ އެއްޗެއް
ގަދަބައްޔަށްހިފުން
މ (1) ކާކުތޯ ގަދަވަނީ ބެލުމަށް ބަނޑުމުސާރައަށް ބެއްދުން (2) މޮޅުވާ މީހަކު ބެލުމަށް ދޫނުކޮށް ހިފެހެއްޓުން
ގަލަށްކިޔުން
މ ކަނޑު ދަތުރު ކުރާއިރު ކުރިމަތިން އަންނަ ތިލަ ގާގަލުން ނެއްޓޭނޭ ގޮތް ދެއްކުން މިކަން ބެލުމަށްޓަކައި ދިރުނބާ ކޮޅުގައި މީހަކު ހުންނާނެއެވެ
ގަޑި
ނ ވަގުތު ބެލުމަށް ބޭނުންކުރާ އެއްޗެއް. އަތުގައި އެޅުމަށާއި ފާރުގައި ހަރުކުރުމަށާއި މޭޒުމަތީގައި ބެހެއްޓުންފަދަ އެކިއެކި ގޮތްގޮތަށް ބޭނުންކުރެވޭ ގޮތަށް ތަފާތު ބޮޑުމިނުގައި ތަފާތު ވައްތަރުވައްތަރަށް މި ހަދައިފައި ހުރެއެވެ
ގާމަތިގޮވި
ނ )ބ ( ތޮށިމަތީގައި ގާގަލުމަތީގައި މަޑުން ހުންނަ މަހެއް
)ހަރުބަހެއް( އަމިއްލައަތުން އެއްޗެއް ބީވިކަމުގައި ވިޔަސް ޝަރިޔަތާ ހަމަޔަށް ނުގޮސް ވޭތޯބެލުމަށް ނަސޭޙަތްތެރިވުމުގެ ގޮތުން ބުނެއުޅޭބަހެއް ގާތުންބޮލިކޮއްޓެއެއްދީގެން ނަމަވެސް ފަނޑިޔާރުގެއަށް ނުގޮސްވޭތޯ ބަލާށެވެ
ގާޑިޔާ
ނ (1) އެއްޗެހި އުފުލުމަށް ފުރޮޅުލައިގެން މަގުމަތީގައި ދެމޭ ގޮތަށް ނުވަތަ ކޮއްޕޭ ގޮތަށް ހުންނަ އެއްޗެއް (2) ބައިސްކަލު
ގިއްގެޅުން
މ (1) އަނެކަކު ގަންނަވައިލި ގަންނަވައިލުމަކުން ވެއްޓި އިނދަޖެހުން މަޖާޒު: (2) މީހަކު ކުރިކަމަކުން އަނެކެއްގެ އަގުވެއްޓުން ނުވަތަ މަޤާމް ދަށްވުން (3) ވާހަކައަކުން ނުވަތަ ޒުވާބަކުން ދެރަވުން
ގިގުނި
ނ (1) ހަލުވައިލީމާ އަޑުކިޔާ ގޮތަށް އެތެރެޔަށް ހަރުއޮށެއް ކަހަލަ އެއްޗެއް ނުވަތަ އެތިކޮޅުތަކެއް ލައި ބައްދައިފައި ހުންނަ މައުދަނީ އެއްޗެއް މީގެ ކިތަންމެ ވައްތަރެއް ހުރެއެވެ މިސާލު: ހަލާދަނޑީގެ ފުލުގައި ލުމަށާއި ނަށާ މީހުންގެ ފައިގައި އަޅައި އުޅުމަށް ބޭނުންކުރާ ގިގުނި (2) ވިހަ ގިގުނި ގަހުގެ ހިކިތޮޅި