radheef.info
ރަދީފު


ތުން
ނ (1) އިންސާނުންގެ ތުންފަތް. (2) ނާޅި ލާހި ފުޅިފަދަ ތަކެތީގެ އަނގަމަތީގެ ކައިރިފަށް (3) ދޫނިސޫފާސުއިތްޕާއި މަސްމަހާމެހީގެ ތުންގަނޑު (4) ކިރުބޯފުޅިން ކިރުދެމުމަށް ރަބަރުން ހަދައިފައިހުންނަ އެތި (5) ކުދިން މަސަލަސްކުރަން ބޯންދޭން ރަބަރުން ހަދައިފައި ހުންނަ އެއްޗެއް (6) ދުންބޯނޮޅިފަދަ ތަކެތީގެ ކޮޅުގައި ޖަހައިފައި ހުންނަތަންކޮޅު (7) ނަރުކެނޑިއާއި ހަނޑަސްފަދަ ތަކެތީގެ ކުރީކޮޅު (8) ފުޅިބައްތީގެ ފީތާލާން ހަދައިފައިހުންނައެތި (9) ކޮތަޅާއި ގޯނިފަދަ ތަކެތީގެ އަނގަމަތި )01( ވައިޖަހައިގެން ފުއްޕާ ތަކެތީގެ ވައިޖަހާތަން
ނިވާޖެހުން
މ (1) ވައި ނިވާވާނޭގޮތް ހޯދުން (2) ރަށްރަށުގެ ވައިދޮށް ފަރާތުން ނިވައި ލިބުން
ނިވުން
މ (1) އަލިފާން ހުރެފައި ނެތުން. (2) ދިއްލިފައި ހުރިއެއްޗެއްގެ އަލިކަން ދިޔުން. (3) ހޫނުފެނަށް ހިހޫފެން އަޅައިގެން ހޫނުކަން މަޑުކުރުން. (4) އިންޖީނު ރޭޑިޔޯ ފަންކާ ފަދަ ހިނގަހިނގާ ހުންނަ ތަކެތީގެ ހިނގުން ހުއްޓުން (5) އަވި މަޑުވުން ނުވަތަ ހަނދުވަރު ފަނޑުވުން
ނިމަ
ނ (1) ރަށްރަށުގެ ރައްޔިތުންކުރާ ދަތުރުތަކުގައި ރައިވެރިންނަށް ނުދެވޭތީ އެމީހުން އަތުން ނަގައި އުޅުނު ހަކުރު ނުވަތަ ތަކެތި (2) ދަތުރުވެރިންނަށް ބައެއް ރަށްރަށުން ހަދިޔާއަށް ދީއުޅުނު ތަކެތި މިތަކެތިދީ އުޅުނީ އެރަށްރަށުގެ ފަޅަށް ދަތުރުދޯނި ވަނީމައެވެ
ނިދިންހޭލުން
މ ހިތާއި ސިކުނޑިއާއި ހަޑިގަނޑަށް ލިބޭ ވަރުބަލިކަން ފިލުވައި އަރާމު ދިނުމަށްޓަކައި ތަބަޢީގޮތުން ހަށިގަނޑަށް އަންނަ ވަގުތީ ބަދަލު އައުމަށްފަހު އިހުހުރި ޙާލަތަށް ރުޖޫޢަވުން
ނިދުން
މ (1) ހިތާ ސިކުނޑީޔާ ހަށިގަނޑަށް ލިބޭ ވަރުބަލިކަން ފިލުވާ ޠަބިޢީ ގޮތުން އަރާމު ލިބިދިނުމަށްޓަކައި މުޅިހަށިގަނޑަށް އަންނަ ވަގުތީ ބަދަލުއައުން (2) ހޭލާހުރުމުގެ އިދިކޮޅު (3) މަޖާޒް: ހަރަކާތެއްނެތި ހިމޭނުންވުން
ނިގުޅައިލުން
މ ނިގުޅުން މިބަސް ލުއިކޮށްލުމުގެ ގޮތުންނާއި ގަދަކޮށްލުމުގެ ގޮތުން ބޭނުންކޮށް އުޅޭގޮތް
ނިޔަނދުރުލޭ
ނ ބައެއް މިހުންގެ ނޭފަތުން ދުވަސްދުވަހުން އަންނަލެޔެއް މިލެޔަށް މިނަންކިޔުނީ ނިޔަނދުރު ފަތް ފިސްކޮށްފައި ވަސްގަތީމާ ލޭ މަނާވާތީއެވެ
ނީރުން
މ (1) އެއްޗެއްގެ ދެރަކަމުންނޫނީ އެއެއްޗެއް ފޫވެއްޓިގެން އޭގައިހުރި ދިޔާއެއްޗެއް މަދުމަދުން ނުކުތުން (2) ދިޔާ އެއްޗެއް މަދުމަދުން ނުކުތުން (3) ލީކުވުން
ނީލަން
ނ (1) އެކަކަށްވުރެ އަނެކަކު މައްޗަށް އަގު ކިޔަމުން ގޮސް އެންމެ މައްޗަށް ކީ މީހަކު ގަތުން މަޖުބޫރުކުރާ ވިޔަފާރިއެއް (2) ނީލަމް
ނީލަންބެހުން
މ ދަރަނިވެރިއެއްގެ މުދާ ނީލަން ކިޔައިގެން ލިބޭ ފައިސާ ދަރަނީގެ މައްޗަށް ނިސްބަތުން ބަހައިދިނުން
ނީލަންފިހާރަ
ނ ނީލަމުގެ ގޮތުން އެއްޗެތި ވިއްކުމަށް ހުންނަތަން
ނުރަބޮޅު
ނ (1) ބުރަނދަ ވައްތަރަށް ހުންނަ ކުދިމަހެއް (2) މުޅިން ނުރަވެފައި ތިބޭ މީހުންނާ ދިމާއަށް މަލާމާތުގެ ގޮތުން ބުނާބަހެއް
ނުބައިއަޑު
ނ (1) ބިރުވެރިއަޑު (2) މަޖާޒު: މީހަކާ ބެހޭގޮތުން ދެކެވޭ ނޭދެވޭ ވާހަކަ
ނުބައިވުން
މ (1) މީރުނުވުން (2) ރަގަޅުނުވުން (3) ހެޔޮކޮށްނުހިތުން (4) ކުނިވުން
ނުކުޅެދުން
މ (1) ބުއްދީގެ ގޮތުން ނުވަތަ ޖިސްމާނީ ގޮތުން އުނިވެފައިވުން (2) ގުނަވަނަކަށް ލިބިފައިވާ ގެއްލުމަކުން ދާއިމީ ގޮތުގައި ބަލިވުން މަޖާޒު: (3) ކަމެއް ވެވޭނޭގޮތްނެތުން (4) ކަމެއްގެ ލަޔާޤަތާއި ޤާބިލިއްޔަތު ނެތުން
ނުކުޅެދޭމީހާ
ނ (1) ބުއްދީގެގޮތުން ނުވަތަ ޖިސްމާނީ ގޮތުން އުނިވެފައިވާމީހާ (2) ގުނަވަނަކަށް ލިބިފައިވާ ގެއްލުމަކުން ދާއިމީ ގޮތުގައި ބަލިވެފައިވާމީހާ މަޖާޒު: (3) ކަމެއް ވެވޭނޭގޮތް ނެތްމީހާ (4) ކަމެއްގެ ލަޔާޤަތާއި ޤާބިލިއްޔަތު ނެތްމީހާ
ނުއަތުރޯޅި
ނ (1) ވައިޖެހޭ ފަރާތްނޫން އަނެއް ފަރާތުން އަންނަރޯޅި. (2) ފުށަތުރޯޅި. (3) ވެރިޔަކު އޭނާގެ ދަށުން ހުންނަ މީހަކާމެދު އޭނާގެ ކުށެއްނެތި ކަމަކާނުލައި ރުޅިއައިސްގެން ކުރާކަންތައް
ނުވާކަމެއްނެތުން
މ މަޖާޒު: (1) ނުޖެހޭބައްޔެއް ނެތުން (2) ނުބެހޭ ކަމެއް ނެތުން
ނުފޯރުން
މ (1) ނުކުޅެދުން (2) ނުފުދުން (3) ބުއްދީގެ ތަނަވަސްކަން ނެތުން (4) ވާޞިލުނުވެވުން (5) ރައްދުނުވުން
ނުތަންވަޅުވުން
މ (1) ވަގުތު ނެތުން (2) ވަގުތު ކުޑަތަންވުން