radheef.info
ރަދީފު


ދިޔަ
ނ (1) އަންހެންދަރިފުޅު (2) މޭވާއާއި ގަސްގަހާގެހީގެ ބާވަތްތައް ފެލައިލީމާ ނުކުންނަ ދިޔާބައި (3) ލައިގެންކާއެއްޗެހީގައި ހުންނަ ދިޔާބައި (4) )މ ( ރިހަ (5) ހަށިގަނޑުގެ ތަންތަން ނުބައިވެގެން ނިކުންނަފެން (6) ބޮޑުވެކުޑަވާ ފެންގަނޑު (7) ކާށީގެ އެތެރޭގައި ހުންނަފެން (8) ދިއުން މިބަހުގެ ނިމިނިމުނުކަން (9) ޙައްޤަކާ ނުލައި މީހެއްގެ ފުރާނަޔަށް ނުވަތަ ގުނަވަނަކަށް ގެއްލުމެއް ދިނުމުގެ ސަބަބުން ޝަރުޢީގޮތުން ދޭންޖެހޭ އަގު
ގިރުން
މ (1) ހަރުއެއްޗެއް ނުވަތަ ތަތްއެއްޗެއް ދިޔާއެއްޗަކާ ނުވަތަ އޮލައެއްޗަކާ އެކުވުން ނުވަތަ އެއްކުރުން. (2) ރާޅާއި އޮއިގެ ސަބަބުން ރަށެއްގެ ފަސްގަނޑުން އުނިވަމުން ދިޔުން (3) އޮއްޓަރު އެއްޗެއްގައި ހުންނަ ހިލަ ނުވަތަ ވެލި ވަކިކުރުމަށް ފެނަށް އަޅައިގެން ނާށިގަނޑެއްފަދަ އެއްޗަކުން ދެބައި ވަކިކުރުން (4) ފާރުގަނޑެއް ނުބައިވެގެން ހަލާކުވެގެން ދިޔުން (5) ހިރުގަނޑުގައި އުފެދޭ ބައްޔެއްގެ ސަބަބުން ހިރުގަނޑު ހަލާކުވަމުން ދިޔުން (6) މޭވާފަދަ ތަކެތި ދޮންވެ ފައްކާވެގެންގޮސް ދިޔަފައިބާވަރަށް ފާވުން (7) ވިރުން
ގޫކަޅިޔާ
ނ )ގ ( ބޯވަދިލަމަހާއި ބޯވާފަދަ އެއްޗެހީގެ ހަށިގަނޑުގައިވާ ކުޑަކުޑަ ގުނަވަނެއް މީގައި ހުންނަނީ ގަދަކުލަޔެއްގެ ދިޔައެކެވެ މީގެ ބޭނުން ކުރަނީ ބިރުގަތުމުންނާއި ދުޝްމިނުންގެ ފުށުން ސަލާމަތްވުމަށެވެ
ގެވާލި
ނ ގޭގެ ފާރުކަނޑައިގެން ދިޔައިމާ އިތުރަށް ފޭވިޔަނުދިނުމަށްޓަކައި އެތަނަށް ހުރަހަށްލައްވާ ދަނޑިބުރި ނުވަތަ ގާބުރި
ގޮނޑުޖެހުން
މ ދިޔަވަރު އެންމެ ބޮޑަށް ފޫދުން
ގޯސާ
ނ )ހ ސ ( ކަތިކޮށް ހުންނަ ފުރާޅުމަތީ ހިނގާއިރު ކައްސައިލައިގެން ދިޔަ ނުދިނުމަށްޓަކައި ފުރާޅުމަތީގައި ފުރާޅުގެ ދިގަށް އަޅާ ވަކަރު
ސުރުކާހުތް
ނ މޭބިސްކަދުރު ދިޔައިން ހަދާހުތް
ޖޫސް
ނ (1) ފަނި (2) މޭވާފަދަ ތަކެތީގެ ދިޔައިން ތައްޔާރުކުރާ ބުއިމެއް
ޖޭމު
ނ (1) ގަހެއްގައިއަޅާ ކުދިކުދިމޭވާއެއް މީގެ އެތެރޭގައި ހުންނާނީ ފޮނިރަހަލާ ދިޔަޔާ އެކުވެފައިވާ ކުދިކުދި ފުއްތަކެއްކަހަލަ އޮށްތަކެކެވެ (2) ހަކުރު އަޅައިގެން މޭވާއިން ކައްކައި ތައްޔާރުކުރާ ކާ އެއްޗެއް މިބޭނުންކުރަނީ ޕާންފަދަ އެއްޗެހީގައި ޖަހައިގެން ކެއުން ފަދަ ކަންކަމަށެވެ
ޚިޔާލުފާޅުކުރުން
މ (1) ކަމަކާމެދު ވިސްނޭގޮތް ބުނެ ހާމަކުރުން (2) ބުއްދިޔަށް ފެންނަގޮތް ބުނެ ހާމަކުރުން (3) ކަމަކާމެދު ފިކުރަށް އަންނަގޮތް ބުނެހާމަކުރުން