radheef.info
ރަދީފު


ދަށް
ނ (1) މަތި މިބަހުގެ އިދިކޮޅު މިސާލު: އޭނާ ދަށްމަޤާމަކަށް ބަދަލުކޮށްފިއެވެ (2) ދެރަ މިސާލު: ފެންވަރު ދަށް (3) މަތިން އަޅާއެއްޗެއްގެ އެތެރެ މިސާލު: ރިޔާދަށުގައި ތިބިމީހުން (4) މަތިފަރާތްނޫން އަނެއްފަރާތް މިސާލު: އެސިޓީ އޮންނާނީ އެފޮތުގެ ދަށުގައި (5) އަނދެގެން ހުންނަ ނުވަތަ ލައިގެންހުންނަ އެއްޗެއްގެ އެތެރެ
ގަންބަޅެނަގެހެ
ނ )ބ ( (1) ކުޑަކުދިން ގޮވައިގެން މޫދަށްގޮސް ކުޅިވަރެއްގެ ގޮތުން ގަންބައިލައިފައި ނަގާއިރު ބުނާއެއްޗެއް (2) ބޮޑު ވަރިހަމަ (3) ކޮންމެގޮތެއް ވަރިހަމަ
ގަންދައިލުން
މ ގުންދާލުން މިއީ ދަށްބަހުރުވައިގައި ބޭނުންކުރާ ބަހެކެވެ
ގަޅިބަޑި
ނ )ސ ( އެހެލައި ބޭލުމަށް ފަސޭހަކުރުމަށް އޮޑިދޯނިފަހަރުގެ ފަށަނާ ކަނދާ ދެމެދަށް ލައްވާ އެއްޗެއް
ގަމަތްދިނުން
މ ނަމާދަށް ތައްޔާރުވުމުގެ ގޮތުން ގަމަތުގެ އިބާރާތް ކިއުން
ގަތްކޮޅުމަޅި
ނ މިޔަރުގަތުމުން ދޯނި ކައިރިއަށް ގެނެސްފައި ވާގަނޑަކުން ނަނުމެދަށް ލައިފައި ހަދާމަޅިއެއް މި މަޅި ހެދުމުގެ ބޭނުމަކީ މިޔަރުގެ ބޯ މަޅީގެ ތެރެޔަށް ލައްވައިގެން ގެނެސް މިޔަރުގެ ފީކަރުގައި ބައްދައިގެން ދޯންޏަށް ނެގުމެވެ
ގާރީ
ނ (1) ތަޖުވީދަށް ޤުރުއާން ކިޔެވުމުގެ ފާސް ލިބިފައިވާމީހާ (2) ތަޖުވީދުމަގަށް ޤުރުއާން ކިޔަވާމީހާ
ގިއްގަޅުވައިލުން
މ (1) މީހަކުވެއްޓި އިނދަ ޖެހޭގޮތަށް ގަންނަވައިލުން މަޖާޒު: (2) ތިމާގެ ބާރުން އަނެކެއްގެ އަގުވެއްޓައިލުން ނުވަތަ މަޤާމް ދަށްކޮށްލުން (3) ވާހަކަދައްކައިގެން ނުވަތަ ޒުވާބުކޮށްގެން ދެރަކޮށްލުން
ގިއްގެޅުން
މ (1) އަނެކަކު ގަންނަވައިލި ގަންނަވައިލުމަކުން ވެއްޓި އިނދަޖެހުން މަޖާޒު: (2) މީހަކު ކުރިކަމަކުން އަނެކެއްގެ އަގުވެއްޓުން ނުވަތަ މަޤާމް ދަށްވުން (3) ވާހަކައަކުން ނުވަތަ ޒުވާބަކުން ދެރަވުން
ގުންދައިލުން
މ ދިރުވައިލުން މިއީ ދަށްބަހުރުވައިގައި ބޭނުންކުރާ ގޮތެކެވެ
ގުއިރެވުން
މ (1) ބޮޑުކަމުދެވުން (2) މަޖާޒު: ކެއްސެއް ނުވަތަ ދެރައެއް ލިބުން މިސާލު: ކޮބާ! ގުއިރެވިއްޖެއެއްނު! މިއީ ދަށްބަހުރުވައިގައި ބޭނުންކުރާ ބަހެކެވެ
ގެނބިލުން
މ އަމިއްލަޔަށް ފެންގަނޑެއްގެ ތެރެއަށް ނުވަތަ މޫދަށް ފެތިލުން
ގޮރުހެނޑުން
މ ކުޑަކަމުދިއުން މިއީ ދަށްބަހުރުވައިގައި ބޭނުންކުރާ ބަހެކެވެ
ގޮމިއަރު
ނ )މ ( ލޭނުފައްތައިގެން އަޑިންބާނާ މިޔަރެއް މީގެ ބަނޑުހުންނަނީ ވައްކޮށް މެދަށް ފަލަކޮށެވެ
ސަންޕާއޮނު
ނ އޮނުގެ ބާވަތެއް މިއީ ބަދަތައް ދިގު ތެދަށް ހެދޭ އޮނެކެވެ
ސަރަންފީގޮނޑި
ނ އޮށޯވެވޭ ގޮތަށް ހުންނަ ގޮނޑިއެއް މި ގޮނޑީގެ އަތްގަނޑު ހުންނާނީ ދެފަށްކޮށެވެ އަތްގަނޑުގެ ދަށްފަރާތް ހުޅުވައި ލައްޕައި ހެދޭގޮތަށެވެ އެދެއަތްގަނޑު ހުޅުވައިލައިފައި އޭގެ މަތީގައި ފައިބާއްވައިގެން އޮށޯވެ ހެދެއެވެ
ސާޖަންޓު
ނ (1) ފުލުހުންގެ ތެރޭގައި ހިމެނޭ މަގާމެއްގެ ނަން އެމެރިކާގައި މިއީ ކެޕްޓަނުގެ ދަށުގައި ހުންނަމީހާގެ މަޤާމެވެ (2) ސިފައިންގެ ތެރޭގައި ހިމެނޭ މަގާމެއް މިއީ ކޯޕްރަލަށްވުރެ މަތިނަމަވެސް ސްޓާފު ސާޖެންޓަކަށްވުރެ ދަށް މަޤާމެކެވެ
ސިނގުބަނޑު
ނ (1) ކާޑުބަލީގެ ސަބަބުން ނުވަތަ މެލޭރިޔާ ހުން ޖެހިފައި ފަސޭހަނުވެ ގިނަދުވަސް ވުމުން ހަށިގަނޑު އަނަރޫފަވެފައި ތިބޭ ކުދިންގެ ހުންނަ ބޮޑެތި ބަނޑު (2) މަޖާޒު: ފައިސާގެ އަގު ދަށްވެ ޚިދުމަތާއި މުދަލުގެ އަގު މައްޗަށްދާ ދިއުން
ސީސޯ
ނ މެދަށް އެއްޗެއް ލައްވައި ދެކޮޅަށް ކުދިން އަރައިގެން ކިރޭ ގޮތަށް ބާއްވައިފައިވާ ފިލާ މިއީ ކުޑަކުދީން ކުޅުމަށް ބޭނުންކުރާ އެއްޗެކެވެ
ސޮބުޅާލުން
މ ކެއުން މި ބަސް ދަށް ބަހުރުވައިން ބުނާގޮތެއް
ޒިޔާރަތްފުޅުލާރި
ނ (1) އިހުގައި ނަދުރު ބުނެގެން ޒިޔާރަތްފުޅަށް ހަދިޔާ ކުރާ ލާރި މިކަން ކުރާ ގޮތަކީ ރަބީޢުލް އައްވަލް މަހުގެ 21 ވަނަދުވަހު ގޭގޭގައި ޞަލަވާތް ކިޔަވާއިރު އެކި ޢަދަދަށް ބޮޑުލާރި ވަކިވަކިން ހުދުފޮތި ކޮޅަކަށްލައި އެލާރި ނުވެއްޓޭގޮތަށް ފޮތިކޮޅުގައި ގޮށެއް ޖަހައި އެލާރިތައް ޞަލަވާތް ކިޔަވާއިރު ބަހައްޓައިފައި ހުންނަ ފެންތައްޓަށް އަޅައި ސަލަވާތްކިޔަވާ ނިމުމުން އެތަށިން އެލާރިތައް ނަގައި ގޭގެ ކުދިންގެ އަތުގެ މުލައްދަނޑީގައި ބަންނަނީއެވެ. މިލާރި 3 ދުވަސް ފަހުން ކުދީންގެ އަތުން ނަގައި ގޭގެ ހުރަސް ނުވަތަ ތާވަކަރުގައި ބަނދެފައި ބެހެއްޓުމަށްފަހު ސަރުކާރު މެދުވެރިކޮށް ޒިޔާރާތްފުޅަށް ފޮނުވަނީއެވެ (2) ރަސްރަސްކަލުންނާއި އެފަދަ ބޭފުޅުން ނަދުރު ވިދާޅުވެގެން ޒިޔާރަތްފުޅަށް ފޮނުއްވަން ބަހައްޓަވާލާރި