radheef.info
ރަދީފު


ފޭ
ނ ދުރު
ފުރަގަސްފަރާތްފޭބުން
މ (1) ވަޔަކުން ނުވަތަ ބަނޑުހިކިގެން ލިބޭ ހާނީއްކައަކުން ފުރަގަސް ފަރާތުން ނަޖިސް ނިކުންނަ ހޮޅީގެ ކޮޅުބޭރަށް ނުކުތުން (2) ބުރި ފޭބުން
ފުރޭނުން
މ (1) ދިޔާ އެއްޗިއްސާއި ހިކިތަކެތި ފުރޭންޏަށް ނުވަތަ އެފަދަ އެއްޗަކަށް އަޅައިގެން ރާޅުބަޔާއި ހިމުން ބައި ވަކިކުރުން. (2) ދިޔާ އެއްޗިއްސާއި ހިކިތަކެތި ފުރޭންޏަށް ނުވަތަ އެފަދަ އެއްޗަކަށް އަޅައިގެން ކަމުދާ ބަޔާއި ކަމުނުދާ ތަކެތި ވަކިކުރުން. (3) މީހުންތަކެއް ނުވަތައެއްޗެހި ތަކެއްގެ ތެރެއިން ވަކިބަޔެއް ހޮވައި ވަކިކުރުން (4) ބައެއްގެ ތެރެއިން ފޭދިގެން ގޮސް އެބަޔަކާ ވަކިވުން
ފުއްވުން
މ (1) މަޢުދަނީ ތަކެތިން ހަދާގެވެހި ކަންވާރުތަކާއި ގަހަނާތަކުގެ ކުރެހުންތައް އުސްކޮށް ހުންނާނެހެން ބެހެއްޓުން (2) ތައްގަނޑަކަށް އޮއްބައިގެން ފުފޭގޮތް ހެދުން (3) ބޮޑާހޭކުން (4) ތިމާ ރުޅި އައުމުން ކަންބޮޑުވާ ފަދަ ފަރާތަކަށް މާބޮޑަށް ނުރުހުމުގެ ކުލަ މޫނުމަތިން ދެއްކުން
ފުފޭމުށި
މ ތެޅިފައި ހުންނަ ފުފޭގެ އެތިއެތި ކޮޅު
ފުލަށް ފޭދުން
މ (1) ހިނގައިފައިދާ ބައިގަނޑެއްގެ ތެރެއިން ފޭދިގެން ފަހަތަށް ދިއުން (2) ދިޔާ އެއްޗެއްގެ ތެރޭގައި ހުންނަ ކިލަނބު ނުވަތަ އޮށްޓަރު އަޑިޔަށް އޮބުން
ފުލުންދިއުން
މ (1) ފުލުގޮށް މޮހުން (2) ފުލުން ފޭބުން (3) މަޖާޒު: ކަމެއް ބޮއްސުންލުން
ފުލުމާރު
އޮޑިދަށްމާރު މިއީ އެންދައު އޮޑިޔާ ފޭވިޔަނުދޭން ޖަހާވަލެކެވެ
ފުސްއެރުން
މ (1) ލޮލުގެ ކަޅުކަޅީގެ މައްޗަށް ފުސްފޭބުން (2) އުދަރެހުން ފުސްވިލާ އަރަމުން ދިއުން (3) ބިއްލޫރި ފަދަ އެއްޗެހި ފުސްވުން
ފޫ
ނ (1) ބައެއް ކަހަލަ ކާއެއްޗެހި ގިނަ ދުވަސްވެ ހަލާކުވެގެން ނުވަތަ ވައި ބަންދުވެ ދުވަސްވެގެން އޭގައިޖަހާ ކަފަގޮތަށް ނުވަތަ ކެހެރި ފާޑަށް ހުންނަ އެއްޗެއް. މިއީ ދިރުން ހުންނަ ހުދުކުލައަކަށްދާ އެއްޗެކެވެ. ދުވަސް ވީވީހެން ކުލަ ބަދަލުވަމުންގޮސް ކަޅުކުލައަށް ބަދަލުވެއެވެ. (2) ދާ ހިއްލާ ހިކުނީމާ ގައިގަޔާއި ފޭރާމުގައި ހުންނަ ހިކިފައިވާ ލޮނު. (3) ޖަންބާއި ޖަނބުރޯލުފަދަ ތަކެތީގެ މަލުގެ ފިޔަ ވެރުނީމާ މޭވާއަކަށްވުމުގެ ކުރީގައި ހުންނަބައި. (4) އެއްޗެހި ހަރުލާގޮތަށް ހުންނަ ކޮންމެ އެއްޗެއްގެ އަޑީގެ ދެފަރާތް. މިސާލު: ތެލި ވަޅު ތާނގީ ދަޅުފަދަ އެއްޗެހީގެ ފޫ (5) މަސްއަރީގެ ނިމޭކޮޅު (6) ދަނޑި ނުވަތަ ރިތް ފަދަ ތަކެތީގެ ފަލަކޮޅު (7) ފިނދުމަސްގަނޑު (8) މޭވާއާއި ތަރުކާރީފަދަ ތަކެތީގެ ތަނޑު ހުންނަކޮޅު ނޫން އަނެއް ކޮޅު
ފޫގޮޅިޖެހުން
މ (1) އަންހެނުން ޙައިޟުވެގެން އުޅޭއިރު ނުވަތަ ނިފާސްކަމުގެ ދުވަސްވަރު ލޭނުފައިބާ ގޮތަށް ފޮތިގަނޑަކުން ބަންދުކުރުން (2) ބައްޔެއްގެ ސަބަބުން ވައި ނުހިފޭ ނުވަތަ ނަޖިސް ނުހިފޭ މީހުން ފޮތިގަނޑަކުން ދޮރު ބަންދުކުރުން
ފޫޖެހުން
މ (1) ބައެއް ކަހަލަ ކާ އެއްޗެހި ގިނަދުވަސްވެ ހަލކުވާން ވެގެން ނުވަތަ ވައި ބަންދުވެގެން އޭގައި ކަފަގޮތަށް ނުވަތަ ކެހެރި ފާޑަށް ހުންނަ އެއްޗެއް އުފެދުން (2) ދާ ހިއްލާ ހިކުނީމާ ގައި ގައްޔާއި ފޭރާމުގައި ހިކިފައިވާ ލޮނު އުފެދުން
ފެނަށްއެރުން
މ (1) ކަސްއަޅައިފައި ތިބޭ މީހުންނާއި ގައިގައި ބޭސްގަނޑު ހިއްޕާފައިވާ މީހުން އެތަކެތި ފޫދުމަށްޓަކައި ފެންއަޅައިފައި ހުންނަ އެއްޗަކަށް އެރި ފޫއްދުން. (2) މާބަނޑުމީހަކު ފަރުވާއަށްޓަކައި ބޮޑެތި އެއްޗިއްސަށް ފެން ނުވަތަ ލޮނު އަޅައިގެން އެއަށް އެރި އޮތުން (3) ފެންގަނޑަށް ފޭބުން
ފެންކޯސަޅަ
ނ )ސ ( (1) އެއެއްޗެއްގައި ހުންނަންވާ ވަރަށްވުރެ ގިނައިން ފެން ހުންނަ ކާއެއްޗެހި (2) ގިނައިން ފެންބުއިމުން ފުފޭ މަހެއް
ފެންއޮހުން
މ އެއްޗަކުން ނުވަތަ ތަނަކުން ގިނަ މިންވަރަށް ފެން ނުކުމެގެން ތިރިއަށް ފޭބުން
ފެންއޮހޮރުން
މ )ސ ( ފެންފޭބުން
ފެންތެލިކާށި
ނ އިހުގައި އުޅޭމީހުން ބޭނުންކުރަން އެތެރޭގައި ބަހައްޓައިފައި ހުންނަ ފެންތެލި ނުވަތަ ފުފޭ ބެހެއްޓިފައި ހުންނަ ތިން ކާށި
ފެންތެލިފުފޭ
ނ އިހުގައި ވިހައިގެން އުޅޭމީހުން ބޭނުންކުރަން ފެންއަޅައިފައި އެތެރެގޭގައި ބަހައްޓައިފައި ހުންނަ ފުފޭ
ފެއްސުން
މ (1) ދިރޭ އެއްޗެއް ދުރަށް ފޮނުވުން (2) މީހަކު ލައްވާ ފޭރާން ފަދަ އެއްޗެއް ފެހުމުގެ މަސައްކަތް ކުރުން
ފެވުން
މ (1) ކުދިކޮށް ލިޔެފައި ހުންނަ އަކުރު ފަލަކުރުން (2) ހިމަކޮށް ދަމައިފައި ހުންނަ ރޮނގު ފަލަކުރުން (3) އެއްތަނެއްގައި އެކި ކުލަކުލަގޮތް ގޮތަށްލުން (4) ފޭލީގެ ކަޅުކޮށް ހުންނަ ބައިގައި އުޅުނބު ދިޔަހާކައިގެން ކުލަ ގަދަކޮށް ރީތި ކުރުން (5) ރޮނގު ނުވަތަ އަކުރު ފަދަ ތަކެތީގެ ކުލަ ގަދަ ކުރުން (6) މަޖާޒު: މީހެއްގެ ނަން ޚާއްޞަގޮތެއްގައި ފާހަގަކޮށް ލިއުން
ފޭހިލުން
މ ފޭއްސާލުން