radheef.info
ރަދީފު


ފަރާ
ނ (1) ފަންސަވީސް ނާޅި (2) )ގ ( ފަރު
ކަޅުއޮށް
ނ ފަރުމަހުގެ ބާވަތެއް މިމަހުގެ ކުލައަކީ ކަޅުރަތްކުލައެވެ ބަޑުދަށް ފަރާތުގައި މިކުލަ ހުންނަނީ ވަރަށް ފަނޑުކޮށްނެވެ މަހުގެ ތުނބުން ފެށިގެން ލޯހުރަސްކޮށް ދެވަނަ ކޮތަރިބައި ނިމިފައިވާ ހިސާބަށް ކަޅުކުލައިގެ ރޮނގެއް ހުރެއެވެ މިރޮނގުގެ ފަހަތުން މަހުގެ ނަގޫކޮޅުގައި ކަޅުކުލައިގެ ލަފެއް ހުރެއެވެ މަހުގެ ތުނބުގައި ދެނަރުވާ ހުންނާނެއެވެ
ކަޅުމަސް ހިބަރު
ނ ހިބަރުގެ ބާވަތެއް މިއީ އިސްކޮޅުން ބޮޑު ދިގު މަހެކެވެ މަހުގެ މަތީ ތުނބުގެ ކޮޅު ވަކިން ދިގުވެފައި ހިމައެވެ މަހުގެ ބުރަކަށިމަތީގައި ދެކޮތަރިބައި ހުރެއެވެ މަހުގެ ނިގޫކޮޅުގެ ދެފަރާތުގައި ދެކުރަގަނޑު ހުރެއެވެ
ކަޅުފޮނިޔަމަސް
ނ ފޮނިޔަމަހުގެބާވަތެއް މިއީފަރާއި ފަޅުތަކުގެ ބޭރުގައްޔާއި އެތެރެވަރީގެ ކަނޑުތަކުގައި ދިރިއުޅޭމަހެކެވެ މިމަސް އާދައިގެ ފޮނިޔަމަހަށްވުރެ ކަޅުވާނެއެވެ ފޮނިޔަމަހުގެ ބޮލުގައި ހުންނަ ރޮނގުތަކެއް މިމަހަކު ނުހުރެއެވެ
ކައިރިންއެޅުން
މ ރިޔާނަގައިގެން ދުއްވާ ތަކެތި އަރިވެގެންގޮސް އަރިވެފައިވާ ފަރާތުގެ މަތިކަންމަތިން ފެންއެރުން
ކައިރުބޮލި
ނ ރިހާކުރުބޮލީގެ ސިފައަށް އެއަށްވުރެ ބޮޑުކޮށް ހުންނަ ގާތްގަނޑަކަށް 3 އިންޗިވަރުގެ ބޮއްޔެއް. މީގައި ހުންނާނީ ގަދަމުށި ކުލަޔާ ކިސުޑިކުލައިގެ ތިއްތިއްޖަހައިފައެވެ. ބަނޑުދަށް ފަރާތް ހުންނަނީ ރިހާކުރު ބޮއްޔާ އެއްގޮތަށެވެ
ކައްސައިލުން
މ (1) އަމިއްލަ ބާރަކާ ނުލައި ފަރާތަކަށް ފައިތިލަ ކެހިގެން ދިއުން (2) ހިތުގައި ރާވައިގެން ހުރި ކަމެއް ހަނދާން ނެތުން (3) ލޮންދައިލުން
ކައްޗާ
ނއ (1) ދެރަ. (2) ފައްކާނޫން. (3) ނ. ބަތާނަޔަށްލާ ދަވާދު. (4) އަޅިކުލައިގެ ދަވާދު. (5) ގުޑިއާއި މަޑިފަދަ ތަކެތި ދެފަރާތު އަރިމައްޗަށްދާ ދިއުން
ކަމިޝަން
ނ މަސައްކަތެއް ނުވަތަ ވިޔަފާރިއެއް ހޯދައިދިން ކަމަށްޓަކައި އެކަމަކުން ލިބޭ އާމްދަނީގެ ތެރެއިން އެކަން ހޯދައިދިން ފަރާތަށް ދޭ ފައިސާ
ކަލާނގެ
ނ (1) އިލާހު (2) އެފަރާތަކަށް އަޅުކަން ކުރެވޭ ފަރާތް
ކަލާސީ ހަނޑޫ
ނ އިހުގައި ކަލާސީންނަށް މުސާރައެއްގެ ގޮތުން ދައުލަތުގެ ފަރާތުން ދީއުޅުނު ހަނޑޫ
ކަޓާރިބޮލި
ނ )މ ( ބޮލީގެބާވަތެއް މީގެތުންފަތުގެ އެތެރެކައިރި ހުންނާނީ ކަޅުކޮށްނެވެ ދެފަރާތުގެ އަރިމަތީގައި ކުރެހުމެއްހުރެއެވެ ބޮޑުމިނަކީ ގާތްގަނޑަކަށް 3 އިންޗި ނުވަތަ 2/1 2 އިންޗިއެވެ
ކާރުދަވެރިން
ނ އިހުގައި ކާރުދަނަގާން ދައުލަތުގެ ފަރާތުން ފޮނުއްވާ މީހުން
ކާތަށްޓަށްވެލިއެޅުން
މ މަޖާޒު: ކާންބޯންލިބޭ ފަރާތަކުން އެލިބޭއެއްޗެއް މަނާވާނޭގޮތެއް ތިމާ މެދުވެރި ކުރުން
ކާލަނގަ
ނ (1) ކުންދާނާއި ކޯއްޓޭފަދަ އެއްޗެހި ތިރިކޮށް ބާއްވާން ބަންނަ ވައްތަރެއްގެ ޖުންގެއް (2) ބޮޑެތި އޮޑިފަހަރު ފަދަ އެއްޗެހި އެހެލައި ބާލާއިރު އަރިކޮށްފައި ބާއްވާން ރޯނު ދާފަރާ ލައިފައި ބަންނަ ފިލައެއް
ކާލިގަނޑުމިޔަރު
ނ މިޔަރުގެ ބާވަތެއް މި މިޔަރު ބޯ ހުންނަނީ ކާލިގަނޑެއްހެން ދެފަރާތަށް ބައެއް ނުކުމެފައެވެ މީގެ ލޯހުންނަނީ ދެފަރާތަށް ނިކުމެފައި ހުންނަ ބައިގެ ކޮޅުގައެވެ މިބާވަތުގެ ބޮޑެތި މިޔަރަކީ ނުރައްކާތެރި އެއްޗެކެވެ
ކިހިލިފަތި
ނ އަތުބުޑުގެ ދަށް ފަރާތުގައި އޮންނަ އަޑިކޮޅު
ކިހިލިފަތްދޮށް
ނ އަތުބުޑުގެ ދަށް ފަރާތުން ކިހިލިފައްޗާއެކު އެ ހިސާބުގަނޑު
ކިހުނު
ނ (1) ކުރިމަތީ ފަރާތުގައި ރިހި ދިލަނަގައި އަދި ބައެއް ފަހަރަށް ލޭ ނުވަތަ ދޮސް އަންނަ ބައްޔެއް (2) ބދ ބަނޑު
ކިރިސް
ނ (1) ދެފަރާތުގައި މިޔައެޅި ތުނޑުތޫނު ވަޅިއެއް މީގެ ތިލައިގައި ހުންނާނީ ހައެއްކަ އިންޗިއެވެ (2) )ސ ( ކިހިލި
ކިރުޅިޔަމަސް
ނ ފަރުމަހުގެ ބާވަތެއް މިއީ ކުދިއައިން ހަދައިގެން ފަޅުތެރޭގައާއި ވިލުވިލުގައި ދިރިއުޅޭ މަހެކެވެ މަހުގެ ކުލައަކީ ގަދައަޅިކުލައެވެ ބަނޑުދަށް ފަރާތުގައި ހުންނަނީ މަޑުއަޅިކުލައެވެ މަހުގެ ދިގަށް ހުންނަ ހުޅުނބު ބަރި ދެމެދުގައި ރަންކުލައިގެ ރޮނގެއް ހުރެއެވެ