radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ހުރާގޭތަފާ
ނ މީހުންގެ ގައިގައި އެމީހާ ބަލިކޮށްލުމަށްޓަކައި އަތުން ވަކިގޮތަކަށް އަޅާ އެތިފަހަރު
ހުޅުނބުފިލާ
ނ ފަތްޕިލާވެއްޔެއް މިއީ ވިނަހުންނަ ތަންތާ ގައި ހެދޭގަހެކެވެ މީގެ ފަތްހުންނާނީ ކޮޅުވައްކޮށް ކުދިކުދި ކޮށެވެ ފަތްބުރަނދަގޮޑީފަތާ ވަރަށް ވައްތަރުވާނެއެވެ މިފަތުގެ ދިޔަ ދުޅަވާތަންތާގައި ވަށައެވެ
ހުޅުފަން
ނ ރޭގަނޑުގައި ފަޅުން މަސްހިފާމީހާ އޭނާގެ ގާތަށް މަސްގެންނާން ރޯކޮށްގެން ގެންގުޅޭ ފަން ނުވަތަ އެފަދަ ކޮންމެވެސް އައްޔެއް
ހުކުރު ހިނގުން
ނ އިހުގައި ނަމާދުނުކުރާ މީހުންނާއި ހުކުރަށް ނުދާމީހުން ބެލުމަށް ހުކުރުދުވަހު ހަވީރު ފަނޑިޔާރުގޭގެ ނާއިބުބޭކަލަކާއި ދޭވާންޏަކާއި މަޖިލީހަށް އަރާ ބޭކަލަކާއި ދުއްރަހިފައިގެން ކޮލިހިނގާމަގު ވަށައިގެން ހިނގައިއުޅުނު ހިނގުމެއް. މިގޮތަށް ހިނގާއިރު މަގުމަތިން ފެންނަ ފިރިހެނުންކުރެން ހުކުރައްދިޔަތޯއާއި ނަމާދުކުޅަތޯ އަހައި ނޫންކަމަށްވާނަމަ އެމީހުން ތަޢުޒީރުކޮށްހަދައެވެ ރާއްޖެތެރޭގެ ރަށްރަށުގައި ވެސް ނައިބުންގެ ފަރާތުން މިކަން ކޮށް އުޅުނެވެ
ހުކުރު ޚުޠުބާ
ނ ހުކުރުނަމާދުގެ ކުރީގައި އިމާމުމީހާ ހަރުފަތަށްއަރައި ކިއުއްވާ ޚުތުބާ ނުވަތަ އިއްވާ ވަޢުޡާއި ނަސޭހަތް
ހުކުރުބެރު
ނ އިހުގައި ހުކުރުދުވަހު ނުވައެއްޖަހާއިރު ނާބުސްޚާނުގައި ޖަހާބެރު މިއީ މީސްތަކުން ހުކުރަށް ދާން ތައްޔާރުވުމަށް ޖަހާއުޅުނު ބެރެކެވެ
ހުކުރުޙަދީޘް
ނ ހުކުރުނަމާދަށް ބަންގިދީފައި މީސްތަކުންނާ ދިމާޔަށް އެނބުރިހުރެ މާމުދިންމީހާ ކިޔައިއުޅުނު މަޝްހޫރު ހަދީޘް
ހުއިފަތުނައި
ނ މޫދުގައި ހުއިގަސްތަކު ތެރޭއުޅޭ ނައެއްކަހަލަ އެއްޗެއް މީގެކުލަވެސް ހުއިފަތާ އެއްކުލަވާނެއެވެ
ހުއިފަތުމަސް
ނ ފަރުމަހުގެބާވަތެއް މިބާވަތުގެ ބޮޑެތިމަސް ދިރިއުޅެނީ މާކަނޑުގައެވެ ފަޅުތެރެއަށްވަދެއުޅޭ މީގެކުދިމަސް ދުވެއުޅެނީ އަރިއަށް ތިބެގެން ވަރަށް މަޑުމަޑުންނެވެ މިގޮތަށް މިމަސްދުވާއިރު ހީވަނީ މަރުވެފައިވާ ހުއިފަތް ކޮޅެއް އޮޔާ ދާހެނެވެ މަހުގެ ކުލައަކީ ގަދަމުށިކުލައެވެ މަހުގެ ނިގޫފަތް ހުންނަނީ ވަށްކޮށެވެ
ހުއިފިލަނޑާ
ނ މޫދުގައިއުޅޭ ދިރޭ އެއްޗެއް މީގެ ތަފާތު ވައްތަރުތައް ހުރެއެވެ ބައެއް އެއްޗެހި ކަޅުކުލައިގައި އުންފަޅައިފައި އަނެއްބައި އެއްޗެހި ކުކުޅުބިސް ކުލައިގައި ކަޅުލައް ޖަހައިފައިހުރެއެވެ މީގެތެރެއިން ބައެއް އެއްޗެހީގެ ބަނޑުގައި ބިއްލޫރި ކުލައިގެ ހިމަދިގު މަހެއް އޮވެއެވެ
ހުއިސުން
ނ (1) މީރުވަސްދުވާ ތޫނު ހިތިރަހަދޭ މުލެއް (2) ހުވަނދުބޭހުގެ ބާވަތެއް
ހުއްބުކޭން
ނ ހުއްބުކިޔަވާ މީހާއަށް ކައްކާ ބަދިގެއިން ގެންދާ ބޮނޑިބަތް މަލާފަތެއް
ހުއްދަބަލައިދިއުން
މ ގަނޑުވަރުތެރޭ ބޭފުޅުންނާއި ދައުލަތުގެ ކުރިޔަށް ތިއްބެވި ބޭފުޅުން ތިއްބަވާ ތަންތާނގެ ކައިރީގައި ތިބޭމީހުން އެބޭފުޅުން ތިއްބަވާ ތަންތާނގެ އެތެރެފެންނަވަރުގެ އުސްތާކަށް އަރަން ޖެހިއްޖިއްޔާ އެކަމުގެ އިޒުނަ ހޯދަން އެތަންތަނަށް ދިއުން
ހުއްގަނޑަ
ނ )ސ ( (1) ހުތް ހުންނަ ޒާތުގެ ދިޔާ ތަކެތި ކަމީރުވުމުން އަރާ ހުތްފޮނު (2) މަޖާޒު: ރުޅިގަނޑު
ހުވަނދު
ނ (1) މީރުވަސް (2) މީރުވަސްދުވާތަކެތި (3) މަޖްލިސްމަޖްލިސްގައި ދޭން ގެންގުޅޭ އަތަރުފަދަ ތަކެތި
ހުވަނދުހެދުން
މ މަޖްލިސް މަޖްލިސްގައި ހުވަނދު ދޭން ފިނިފެނާއި މީރުވަސްދުވާ އަތަރާއި ސެންޓްފަދަތަކެތި އެއްކޮށް ތައްޔާރުކުރުން
ހުވަނދުބޭސް
ނ މީރުވަސްދުވާ ބޭހުގެ ބާވަތްތަކެއް. އެއީ ކެލާ ބޮކަރު ކަޅަނގާރި ލާދަން ފޮތި ހުވަނދު މަހުލަނބޯއޮށް ކޮއްޗޭފަތް ހުއިސުން ކުމުންޒާނި މިއެވެ
ހުވަނދުކެލާ
ނ ކެލާގެ ބާވަތެއް. މިއީ ބޭހަށް ގެންގުޅޭ މީރުވަސްދުވާ ދޮންކުލައިގެ ލަކުޑިއެކެވެ
ހުވަނދުކޮތަން
ނ ފަތުގައި މީރުވަސްދުވާ ކުޑަވަރެއްގެ ގަހެއް. މިގަހަކީ ފަތްބޯކޮށް ހުންނަ ފަތުގައި ކެހެރިހުންނަ ޅަނދޮޅުކޮށް ހެދޭ ގަހެކެވެ މިއީ ބޭހަށް ބޭނުންކުރާ އެއްޗެކެވެ
ހުވަނދުމައު
ނ (1) މީރުވަސްދުވާ ހުދުމަލެއް. ދިވެހީން މާފެންއަޅާން ގިނައިން ގެންގުޅެނީ މިމަލެވެ. (2) )މކ.( މާކެޔޮޅުކަމުގެ އިސްޠިލާޙުގައި އެންމަހުގައި އަޅާފުޅަ