radheef.info
ރަދީފު


ވައް
ނ (1) ގަސްގަހުގައި ގަންނަ މޭވާ ފަދަ ތަކެތި. މީގެ ތެރޭގައި ކާތަކެއްޗާއި ކައިނޫޅޭ ތަކެތި ހިމެނިގެންވެއެވެ. (2) އިހާގޮނޑީން ފަޅައިފައި ހުންނަ ތަންތަން. ގޮބޮޅިއާއި އެތުމައު ގެންފައި ހުންނާނީ މީގައެވެ. (3) އޮޑިދޯނި ފަހަރުގެ ފަށަނުން މައްޗަށް ދެފަރާތަށް ވާނޭހެން ދެކަތްޕަށް ހުންނަ ވައް. )ބުޑުވައް( (4) އޮޑިދޯނި ފަހަރުގެ ވަތްވަތުގައި މަޑޫތައް ހިފެހެއްޓުމަށް އެތެރެ ފަރާތުން ބަނޑު ފިލާގައި އަޅާވައް. )ފައިވައް( (5) ބައެއް ވެޔޮވެލާއި ބައެއް ގަސްގަހުގައި ދެފައިކައްޓަށް ހެދިފައި ހުންނަ ގޮފި މޫފަދަ އެއްޗެހި
ކަނޑުކާޅު
ނ (1) އުރަފަށުގައި އުލޭ ތުނބިފާޑުގެ ކަޅުކުލައިގެ މަހެއް. މި މަސް ތުންބަށްވުރެން ތުންކުރުވެފައި ނަގޫފަތުގެ ދެފަރާތުގައި ދެކަށި ހުންނާނެއެވެ (2) ކަނޑުމަތީ ދޫންޏެއް މިއީ މާރަނގައާ ވައްތަރު ކުޑަދޫންޏެކެވެ
ކަނޑުގެރި
ނ ވާލަންމަސް ޢާއިލާގެމަހެއް. މިމަހުގެ ސިފައާއި އުޅުން ވާލަންމަހާއި ވަރަށް ވައްތަރުވާނެއެވެ. މިބާވަތުގެ ފިރިހެންމަހުގެ ނިތްމަތިން މަހުގެ ކުރިއަށްވާ ގޮތަށް ދަޅެއް ފަޅާފައިހުރެއެވެ. އަންހެންމަހުގެ ނިތްމަތި ހުންނަނީ ގޮތްބެއްހެން އުސްވެފައެވެ. މަހުގެ މަތީބައިގެ ކުލައަކީ ގަދައަޅިކުލައެވެ ބަނޑުދަށްފަރާތް ހުންނަނީ ފަނޑުހުދު ކުލައެއްގައެވެ މަހުގެ އަނގަ ކުޑަވާނެއެވެ ހަންގަނޑު ބޯވެފައި ކުދިކުދި ހުޅުނބުތަކެއް ހުރެއެވެ
ކަނޑޫ
ނ (1) ޗަސްބިމުގައި ތެދަށް ހެދޭގަހެއް. މިއީ އެއްވަރަކަށް ގޮފިލަމުން ހެދޭގަހެކެވެ. (2) ކަނޑޫގަހުގެ ލަކުޑި. މިއީ ވަރަށް މޮޅު ލަކުޑިއެކެވެ. އޮޑިދޯނިފަހަރުގެ ފަށަންލުމަށް ބޭނުންކުރަނީ މިލަކުޑިއެވެ. (3) ކަނޑޫގަހުގެ ވައް. މިވަކަކީ މަލުން ނުކުންނަ ހިމަދިގުކޮށް ދެކޮޅަށްތޫރިކޮށް ހުންނަ ތޮޅިއެކެވެ. މިވައް ދޮންނުވާއިރު ހުންނަނީ ފެހިކުލައިގައެވެ. ދޮންވުމުން ރަތްފެހިކުލައަކަށް ބަދަލުވެއެވެ. މިވަކަކީ ފަލަމަޑީގެ ގޮތުގައި ކެއުމަށްވެސް ބޭނުންކޮށްއުޅޭ އެއްޗެކެވެ
ކަނަހަނދުން
ނ ބޭހަށް ބޭނުން ކުރަން ގެންގުޅޭ ލަކުޑިއެއް މި އެންމެ ވައްތަރުވާނީ ރަތްބަބުރު ކެލައާއެވެ
ކަނަމަދު
ނ (1) މިދިލިގަހުގެ ދޮންވެފައިވާވައް (2) މިދިލިވަކުގެ މަދު
ކަންނެލި
ނ ކަނޑުމަހުގެ ބާވަތެއް. މިއީ ލައްޓިއާއި ވައްތަރު ލައްޓީގައި ހުންނަގޮތަށް ތިކިނުހުންނަ އެއަށްވުރެ ބޮޑެތިވާ މަހެކެވެ. މީގެ ދެތިންވައްތަރެއް ހުރެއެވެ. މީގެ ތެރޭގައި ލޯބޮޑުކަންނެއްޔާއި ނިގޫ ދިގުކަންނެއްޔާއި ރީނދޫ އުރަހަކަން ނެލިހިމެނެއެވެ
ކަންނެލިބޮޑުމަސް
ނ ކަންނެލި ވައްތަރަށް ހުންނަކަމަށް ބުނެއުޅޭ ބޮޑުމަހެއް
ކަޅުބަޅިނދު
ނ )ޅ ( ބަޅިނދުގެ ތެރޭގައި އުޅޭ ކަޅުކުލަގަދަ ވައްތަރެއް
ކަޅުކަޅި
ނ ލޮލުގެ މެދުގައި ވައްކޮށް ހުންނަ ކަޅުތަން
ކަޅުވެން
ނ ވެނުގެ ބާވަތެއް މިއީ އެންމެބިޔަވާ ވައްތަރުގެ ވެނެވެ މިވެން ގާތްގަނޑަކަށް 2 2 މީޓަރަށް ބޮޑުވެއެވެ ދަތްތައް ހުންނާނީ ވައްކޮށް ވަރަށް ވަރުގަދަކޮށެވެ މިބާވަތުގެވެން އިންސާނުންނަށް ނުރައްކާތެރި ހަމަލަދީ އުޅެއެވެ މިވައްތަރުގެ ވެނުގެ ކުލަ ހުންނާނީ ކަޅުކުލައަކާއި ގަދަމުށި ނުވަތަ ކަޅުރަތް ކުލައަކަށެވެ
ކަޅުމާދޫނި
ނ މާދޫނީގެ ވައްތަރެއް މިދޫނީގެ ކުލައަކީ މުށިކުލައެވެ
ކައިތުވައް
ނ ކައިތުވައްބަޑި
ކައްކޮޅު
ނ (1) ބާވެ ގިނަ ދުވަސްވެފައި ހުންނަ ފޭރާމާއި ފޮތްފަދަ ތަކެތި (2) މަޖާޒު: މާބޮޑަށް މުސްކުޅިވައްތަރުޖަހާ މީހާ
ކައްޓި
ނ ނަގިލިވައްޓާލީމާ ނަގިލީގެ ދަތް އަޑީގައި ހަރުލެއްވުމަށްޓަކައި ނަގިލީގެ ތަނޑުގެ ފަހަތުކޮޅުގައި ހުރަހަށް ހަރުކޮށްފައި އޮންނަދަގަނޑު
ކަވަރު
ނ (1) މަޑައިގެ ވައްތަރެއް. މީގެ ކަނިފަށުގެ މެދުގައި ހުންނާނީ ހުޅުލާފައެވެ. ޖަހައިފައި ދަމައިގަތީމާ ކަނިފަށް ހުރަސްވާނެއެވެ. (2) އޮޑިދޯނިފަހަރު ބަންނައިރު މައްޔަލާއި ފަށަނާއި ވަވަތާއި އެއްކޮށްޖަހާ ފުރަތަމަ ތުނޑ ު (3) ފޮތުގެ ބޭރުން ލާ ގަނޑު
ކަވަރުނާ
ނ ފުރާދުއްވާ ބޮޑެތި އެއްޗެހި ބަނުމުގައި ފަށަނުން ފަށައިގެން އެތެރެއިން ބަނޑުފިލައިގައި މަތިކަނާ ހަމައަށް އަޅާވައް
ކަވައްކެނޑުން
މ ފޮނުވަތުން ތޮރުފާއިރު ވައްކޮށް ރީތިކޮށް ލޯވަޅު ހުންނާނޭހެން ފޫދުއްވައިލުން
ކަމަށްހެދުން
މ (1) ނެތް ސިފައެއް ހުރިކަމުގައި ދެއްކުން (2) ދޮގުން ކަންދެއްކުން މިސާލު: ނުދަންނަމީހަކު މާ ދަންނަ މީހެއްގެ ވައްތަރު ދެއްކުން
ކަފަ
ނ (1) ގަހެއްގައިއަޅާ ވަކެއްގެތެރޭގައި ހުންނަ ކެހެރިވައްތަރުގެ ހުދުކުލައިގެ ހާވިޔާއެއްޗެއް. މީގެ ދެވައްތަރެއްހުރެއެވެ. އެއްވައްތަރު ބޭނުންކުރަނީ ފޭރާން ވިޔުމަށާއި ރޮދިއުފެއްދުމަށެވެ. އަނެއްވައްތަރެއް ބޭނުންކުރަނީ ބާލީހަށާއި ގޮދަޑިފަދަތަކެއްޗަށް ލެއްވުމަށެވެ. (2) ބައެއްމޭވާ ފީވެގެންޖަހާ ކަފަހެން ހުންނަފޫ (3) ދަންޑެހެލު ބޭކަލުންނަށް ވީއްލިފައި ހުންނަ ކަލާސީމީހާ (4) ހަވަރުގެ އެކިއެކި މަސައްކަތް ކުރަންވީމާ ދޮށިމޭނާބޭކަލަކު ބޮޑުބޭކަލުންނަށް އަންގާ ފޮނުއްވުމަށް ހުންނަމީހާ (5) މަޖާޒު: ޖަމާޢަތެއްގެ ނުވަތަ ގެއެއްގެ މީހުންކުރެ އެންމެ ބަސްނުވިކޭމީހާ
ކަފިވައްގަނޑު
ނ އޮޑިދޯނިފަހަރުގައި ކުނބުކަފީގެ ފޫހެރެން އޮންނަ ބަނޑުވައްގަނޑު