radheef.info
ރަދީފު


އޭ
ނއ (1) އެއީ އ (2) މީހަކަށް ގޮވައިލާން ކުރިއަށްގެންނަ އަކުރެއް (3) އޭތް (4) އޯތް
ވިއަމަސްކަކިޑި
ނ )ސ ( މޫދުގައި އުޅޭ އޭގެ މަސް ކެއުމަށް ބޭނުންކުރާ ނޫކުލައިގެ ކަކުންޏެއް
ވިއްދާލުން
މ އެއްޗަކަށް ބާރު ލިބޭނޭގޮތަށް އަނެކައްޗެއްގެ ކޮޅު އޭގައި ޖައްސައި ބާރުކުރުން
ވިއްދުން
މ (1) އެއްޗަކަށް ބާރުލިބޭނޭގޮތަށް އަނެކައްޗެއްގެ ކޮޅު އޭގައި ޖައްސައި ބާރުކުރުން (2) ކުއްލިކުއްލިއަށް އަރާ ރިހުން
ވިއްޔާ
އ ސަބަބު ދެއްކުމަށްޓަކައި ދެބަހެއް ގުޅައިދޭ އަކުރެއް މިސާލު: އޭނާ ރުހެނީ ވިއްޔާ އަހަރެން އެގެއަށް ދާނަން
ވުޟޫމަތީހުރުން
މ ވުޟޫކޮށްގެން އޭގެފަހުގައި ވުޟޫ ގެއްލޭ އެއްމެހައި ކަންތައް ތަކުން ރައްކާތެރިވެގެން ހުރުން
ވެހިން
ނ (1) އަހުލުވެރިން (2) ތަނުގެ އުފަން މީހުން (3) ފަންނަކަށް ހޭނިފައިވާ މީހުން މިސާލު: އޭނާއަކީ ބަހުގެ ވެއްސެކެވެ
ވެހޭތާފެންނެގުން
މ (1) މީހަކަށް ރަނގަޅަށް ކަމެއް ކުރިމަތިވެފައިވާ ވަގުތު އޭގެ ބޭނުން ކުރުން މަޖާޒު: (2) ލިބޭތާ ލިބިގަތުން
މަހާނަދޮށަށްދާމީހާ
ނ މަޖާޒު: އެކިއެކި ކެއުމަށް ނުކިޔަނީސް ދާމީހާ. މިބަސް އުފެދިފައި ވަނީ މަހާނަދޮށަށް ދާން ކިޔައިފައި އޮންނަ މީހުންނާއެކު އިތުރު މީހަކު ދިއުމުންނެވެ. ކިޔައިގެން ދިޔަ މީހުން ހީކުރަނީ އެއީ ގެއިން ފޮނުވައިގެން އައި މީހެއް ކަމަށެވެ. ގެއަށް ކާން ދިޔައިމާ ގޭމީހުން ހީކުރާނީ ކީމީހުން ގޮވައިގެން އައި މީހެއްކަމަށެވެ ކޮންމެއަކަސް އޭނާއަށް އެހެން މީހުންނެކޭ އެއްގޮތަށް އެތަނުން ކާން ލިބެއެވެ
މަހިނެގުން
މ ފަޅާއި ކަނޑުތެރޭގައި އުޅޭ މަސް ގަނޑު ނުވަތަ އެންގަނޑު ތިލަވެގެން އުޅޭއިރު އޭގެ ޙަރަކާތުން ކުދި ރާޅުތައް އުފެދުން
މަނިއްކޮޅާ!
މަޖާޒު: މަނިކާ ރޯއްޖާއޭ ބުނާގޮތަށް ބުނެއުޅޭ ބަހެއް
މަންޒިލް
ނ (1) ހުއްޓިތިބޭތަން (2) ދަތުރުވެރީން މަޑުކުރާތަން (3) ދަތުރުވެރިޔާ އޭނާގެ ދަތުރު ނިންމާތަން
މަރުނެތްފުޅިންފެންބޮއިގެން
މ މަޖާޒު: މާ އުމުރުގެ ދިގު މީހުނާމެދު ބުނާ ބަހެއް. މިސާލު: އޭނާހުރީ މަރުނެތްފުޅިން ފެން ބޮއިގެނެވެ. ދޫނި ސޫފާސޫފީގެ ތެރެއިން ކާޅާ މެދުގައްޔާއި ގަސްގަހާގެހީގެ ތެރެއިން ކަނދޮޅާމެދުވެސް މިހެން ބުނެއުޅެއެވެ
މަރުވާވަރުވުން
މ މަޖާޒު: ބައެއް ކަހަލަ ކަންތައް އޭގެ ނިހާޔަތަށް ދިއުމަށް ބުނެއުޅޭ ބަހެއް މިސާލު: ހީކަރުވައި ގަނެގެންގޮސް މަރުވާވަރުވުން ހިނި އައިސްގެން މަރުވާ ވަރުވުން ރުޅިއައިސްގެން މަރުވާ ވަރުވުން
މަކުނުފޮށި
ނ ފައިދިގު މަކުނުގެ ބިސްތައް އޭގެތެރޭގައި ހުންނަ ފޮށިގަނޑު
މައިމުޅަވުން
މ އަންހެން ދަރީގެ ދަރީންނަށް ކާފަ ނުވަތަ މާފައާއި މާމަގެ މުދާ ނުލިބޭގޮތްވުން )މިގޮތްދިމާވާނީ ބައްޕަ ނުވަތަ މަންމަ ދުނިޔޭގައި ހުއްޓައި އަންހެން ދަރިފުޅު މަރުވާއިރު އޭނާގެ ދަރިން ތިބުމުންނެވެ މައިމުޅަވުމޭ ކިޔަނީ މިގޮތް ދިމާވުމުން އަންހެން ދަރީގެ ދަރީން ކާފަ ނުވަތަ މާފަ ނުވަތަ މާމަގެ މުދަލުން މަޙުރޫމްވާތީއެވެ
މައިތިރި
ނއ (1) ހަރުކަށި ނުވަތަ ގަދަފަދަކަމުގެ އިދިކޮޅު (2) ނ ހަދާފަންޑިތައަކުން ނުރައްކަލެއް ވެދާނެތީ އޭގެ ދިފާޢުގައި ހަދާފަންޑިތަ
މަދިރިއަށްދުންޖެހުން
މ (1) މަދިރިއަޔަ ނުދިނުމަށްޓަކައި އެއްޗެހި އަންދައިގެން ދުންއަރާ ގޮތް ހެދުން (2) މަޖާޒު: ތަނެއްގައި ބައަކު މީހުން އުޅުމަށްފަހު އެމީހުން ނުވަތަ އޭގެ ތެރެއިން ގިނަބައަކު އެތަނަކުން ދިއުމުން ލިބޭ ފަޅުކަން ލިބުން
މަތިކެނޑުން
މ (1) ނާޅި ލާހި އަޑާފައި ފަދަތަކެތިން މިނާއިރު ތުނބަށްވުރެ މައްޗަށް ހުންނަބައިތުނބާ ހަމަކޮށްލުން (2) ކުރުނބާ ފަޅޯ ފަދަތަކެތީގެ މަތި ވަކިކޮށްލުން (3) ދަޅު ޑަބިޔާ ފީފާ ފަދަތަކެތީގެ މަތި ވަކިކޮށްލުން (4) އޮޑިދޯނިފަހަރު ބަނދެ ނިމިގެން ފޮނު ކިއްސަރު ހަމަވާހެން އޭގެ މަތީ ކައިރި ކޮށައިމަށައި އެއްވަރުކުރުން
މަތިއަންދާފިހުން
މ މަސްފަތަފޮޅި ބޯކިބާ ބަނބުކެޔޮ ފަދަ ތަކެތިފިހާއިރު އެފިހާ އެއްޗެއްގެ ދަށަށް އަލިފާންލުމާއިއެކު އޭގެ މަތީގައި ޖަސްތު ގަނޑެއް ފަދައެއްޗެއް ބާއްވައި އޭގެ މަތީގައި އަލިފާން ރޯކޮށްގެން އެއެއްޗެއް ރަނގަޅަށް ފިހެވެންދެން އެންދުން
މަތިތަޅާލުން
މ މަޖާޒު: (1) ބަޔަކު ކަމެއް ކުރުމަށް ރާވައިފައި ވަނިކޮށް އެކަމަކަށް ގަސްދުކޮށްފައިވާ ވަގުތުގެ ކުރިން އޭގެ ތެރެއިން އެކަކު ނުވަތަ އެކަން ދެނަހުރި އެހެން މީހަކު އެވާހަކަ ދެއްކުން (2) ކަމަކަށް ދޭންވާ ސަމާލުކަން ނުދީ މަތިމަތީން އެކަމެއް ކޮށްލުން