radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
ވަރުއެނގުން
މ (1) މިންވަރު އެނގުން (2) ދަރަޖަ އެނގުން (3) ބާރުއެގުން
ވަރުއެރުން
މ (1) މަޖާޒު: ހުންނަންވީވަރަށްވުރެ ހޫނުގަދަވެގަތުން (2) ޖޯޝްއައުން (3) ފޯރިގަދަވެގަތުން (4) މޭވާ ފަދަ ތަކެތި އެންމެ ބޮޑަށް ފައްކާވުން (5) އަލިފާނުގެ ހުޅުގަނޑު ބޮޑުވުން (6) ޒަކަރަށް ބާރުއެރުން
ވަރުއެރުވުން
މ (1) ފޯރި އަންނާނެ ގޮތް ހެދުން (2) ރުޅި އައިސްގެން އެއްޗެހި ގޮވުން (3) ރުޅި ގަދަވާގޮތް ހެދުން
ވަރުއޮޑު
ނ ކަމެއްގެ ނުވަތަ އެއްޗެއްގެ ތަފްޞީލު
މިނާފަތި
ނ. (1) މިނާ އަމުނައިގެން ހަދާ ގިލޭ (ގިލަފަތި) (2) ރޮދިފަދަ އެއްޗަކަށް އަމުނައިފައި ހުންނަ މިނާތަކެއް (3) (ހ) ތަސްބީޙަ
މިނިކާވަގު
ނ އިންސާނުންގެ މަސްކައިއުޅޭ ޖަނަވާރެއް މިއީ ބުޅަލާ ވައްތަރު އެއަށްވުރެ މާބޮޑު އެއްޗެކެވެ
މިނިކިރު
ނ އަންހެނާގެ އުރަމައްޗަށް އެރޭކިރު
މިނިއަނދާވަސް
ނ އިންސާނުންނާއި މިނޫންވެސް ފުރާނަ އެޅުއްވި ބައެއް އެއްޗެހި ނުވަތަ މިފަދަ އެއްޗެއްގެ ބައެއް އަނދާއިރު ދުވާވަސް
މިނިވަން
ނއ (1) އަޅުވެތިކަމެއް ނެތް (2) ހުހަށްހުރި (3) ބަންދެއް ނެތް (4) ޤާނޫނީ އަދި ސިޔާސީ ޙައްޤުތައް ލިބިގެންވާ (5) މުޢާ މަލާތު ކުރުމުގައި އެއްވެސް ހުރަހެއްނެތް
މިނިގުއި
ނ އާދަމުގެ ދަރިން ބޮޑުކަމުދާ އެއްޗެހި
މިނިޓް
ނ. މިނެއްޓު (ގަޑިއެއްގެ އިރުގެ ފަސްދޮޅަސްބައިކުޅަ އެއްބައި)
މިނުން
މ (1) ނާޅި އަޑުބާ ފަދަ އެއްޗަކުން ނުވަތަ އެނޫންވެސް ގޮތަކުން އެއްޗެއްގައި ހުރި މިންވަރު ބެލުން. (2) ފުރާދުއްވާ އެއްޗެހީގެ ބޮޑުމިނާއި އެއެއްޗިއްސަށް މުދާ އެރުވޭވަރު ބެލުން (3) ބިންބިމާއި ޢިމާރާތްފަދަ ތަންތަނާއި ލަކުޑިފަދަ ތަކެތީގެ ބޮޑުމިން ބެލުން (4) ކުންފުންޏާއި ފިހާރަ ފަދަ ތަންތަން ހިސާބުކުރުން
މިނެކިރުން
މ (1) އެއްޗެއް ވަޒަންކުރުން (2) އެއްޗެއްގައި ހުރިވަރެއް ބެލުން
މިނެއްޓު
ނ (1) ފަސްދޮޅަސް ސިކުންތު (2) އެއްގަޑިއިރުގެ ފަސްދޮޅަސްބައިކުޅަ އެއްބައި
މިނެދިންނާޅިއަކުންމިނެދިނުން
(މިސާލުބަހެއް) އެމީހަކު ކަންތައް ކުރި ގޮތަކަށް އެމީހަކާ ދޭތެރޭ ކަންތައްކުރުން.
މިން
ނ (1) އެއްޗެއްގެ ވަރު. (2) ލަފާކުރެވޭވަރު. މިސާލު: ދިގުމިން ކުރުމިން އޮލަމިން
މިންނަތް
ނ (1) ސާބިތުކަމާއެކީ ކުރާ ހިތްވަރު (2) ގަދަހިތްވަރު (3) ގަސްދުކުޅަ ކަމެއް ކުރުމަށް ދައްކާ ކެތްތެރިކަން
މިންނެގުން
މ މީހެއްގައި ނުވަތަ އެއްޗެއްގައި ނުވަތަ ތަނެއްގައި ހުރިވަރެއް ބެލުމަށް މިންއެޅުން
މިންބަރު
ނ މިސްކިތުގައި ޚުޠުބާ ކިޔާމީހާ އަރައިހުންނަން ހަދައިފައި ހުންނައެތި ނުވަތަ ތަން
މިންކެނޑުން
މ (1) އެއްޗެއްގައި ހުރި ދިޔާ ނުވަތަ އޮލަ އެއްޗެއްގެ މިންވަރު ބެލުމަށް ކުރާ ކަމެއް (2) އެއްޗެއް ވަކި ވަރަކަށް ބައިބައިކޮށްފައި ފާހަގަޖެހުން މިސާލު: ފުޅީގެ މިންކެނޑުން ތަށީގެ މިންކެނޑުން