radheef.info
ރަދީފު


އަޑު
ނ (1) ދެއެއްޗެއް ޖެހުމުން ނުވަތަ އިންޖީނެއް ހިންގުމުން ނުވަތަ ވާހަކަ ދެއްކުމާއި މިނޫންވެސް މިފަދަ ކަންކަމާ ގުޅިގެން އިވޭ އިވުން. (2) އެއްގަމުގެ ބައެއް ޙައިވާނުގެ އެތެރެ ހަށީގައި އޮންނަކުޑަ މަޑުގުނަވަނެއް މިގުނަވަން އެންމެ ވައްތަރުވާނީ ލާގުޅައަކާއެވެ
ގިސްލައިރުއިން
މ ކަމަކާ މާބޮޑަށް ދެރަވެގެން ރޯއިރު ކުރުކޮށް ނޭވާލެވި ކުކުރާގޮތަށް އަޑުގޮއްވާ ރޯރުއިން
ގިސްލުން
ނ މާބޮޑަށް ހިތްދަތިވުމުން ނުވަތަ މާ ބޮޑަށް ރޮވުމުން ނޭވާ ލުމަށްދަތިވެގެން ވާގޮތަކުން ކުރުކޮށް ނޭވާލެވޭއިރު ގޮއްވޭ އަޑުއިއްވުން
ގުނގުރު
ނ (1) ނަށާއިރު ފައިގައި އަޅާ އެއްޗެއް މިއީ ގިގުނި ކަހަލަ އަޑު ކިޔާ ގޮތަށް ހުންނަ އެއްޗެކެވެ މިއީ މިއުޒިކު ކުޅޭއިރު އަތުން ތަޅުވަންވެސް ގެންގުޅޭ އެއްޗެކެވެ (2) މުށްގަނޑުލައިފައި ހުންނަ ގުނގުރު
ގުން
ނ )ސ ( (1) ބާރަށް ފައިޖަހަމުން ހިނގައިފައިދާއިރު އިވޭއަޑު (2) އެއްޗެއް އިތުރު ބާރަކާއެކު ދިރުވައިލާއިރު އިވޭއަޑު
ގުއްލަ
ނ ފެނުގެ ވަކިމިންވަރަކަށް ކިޔާނަމެއް )ގާތްގަނޑަކަށް އަށްޑިހަހައަޑުބާ ފެން
ގުގުރައިލުން
މ ގުގުރީގެ އަޑު އިވިލުން
ގުގުރި
ނ (1) ވިދާލުމާއެކު ވިއްސާރަ ވިލާގަނޑުގެ ތެރެއިން އިވޭ ގަދައަޑު (2) ނިދައިފައި ތިބޭ ބައެއް މީހުން ނޭވާ ލާއިރު ކަރުތެރެއިން ނުކުންނަ އަޑު
ގުގުރި ތަސްބީހަ
ނ ގުގުރީގެ އަޑު އިވުނީމާ ކިޔާ ތަސްބީހަ
ގުގުރިދެމުން
މ ނިދައިފައި އޮންނަމީހާ ނޭވާލާއިރު ކަރުތެރެއިން އަޑުގޮއްވުން
ގުގުރުން
މ ގުގުރީގެ އަޑު އިވުން
ގުގުމުން
މ (1) ވަކިއަޑެއް އޮޅުން ނުފިލުވާގޮތަށް އަޑުތަކެއް އެކުވެގެން އަޑުއިވުން (2) ވަކިއަޑެއް ވަކިކޮށް ބުނަން ނޭނގޭ ގޮތަށް އަޑުއިވުން
ގޮނޑީގައިޖަހާ ކޮޅުންއަޑުއެހުން
މަޖާޒު: މީހަކު ބުނާ އެއްޗެއް ބުނިގޮތް ނޫންގޮތްގޮތަށް އަޑު އިވޭ މީހުންނާ މެދު ބުނެއުޅޭ ބަހެއް
ގޮއިބައި
ނ (1) ސަރުކާރުގެ ބިމެއްގައި އަމިއްލަ މީހުންކުރާ އޮށްޓަރު ގޮވާމުން ސަރުކާރަށް ނަގާބައި. މިގޮތުން އެކިޒަމާނުގައި އެކި ރަށުން ނަގައި އުޅުނީ އެކިވަރަށެވެ. ބައެއް ދުވަސްވަރު 3/1 4/1 5/1 8/1 ނަގައި އުޅުނުކަމަށްވެއެވެ. (2) މީހުން އުޅޭ ރަށެއްގެ ގޯތީން ބޭރުގައި ތައްޖަހާ ތަކެތި. )ރުއް ފެންފޯއްރުއް ބަނބުކެޔޮ ކަށިކެޔޮ( ނޫން ތަކެތި ހެއްދުމުން އެތަކެތިން ލިބޭއެއްޗަކުން ސަރުކާރަށް ނަގާބައި (3) ހޭޅިން އަތިރި ބަންޑާރަޔަށް އޮންނަ ރަށްރަށާއި މީހުން އުޅޭ ވަގުފު ނޫން ފުރަބަންޑާރަ ރަށްރަށުގައި ކުރާ މަސްވެރިކަމުން ބަންޑާރަޔަށް ނަގާ މަސްބައި (4) ކޮންމެ ރާވެރިޔެއްގެ އަތުން ސަރުކާރަށްނަގާ ހަކުރުބައި )މިގޮތުންނަގާނީ ކޮންމެ ރާވެރިޔެއްގެ އަތުން މަހަކު އަޑުބައެކެވެ
ގޮއްވައިލުން
މ (1) އަނގައިން ފުމުމުން ނުވަތަ އެހެންވެސް ވަސީލަތަކުން އަޑުއުފެދޭ އެއްޗަކުން އަޑެއްނެރުން މިސާލު: ކަށިގަނޑު ގޮއްވައިލުން (2) ބަޑީގެ ވަޒަން ފޮނުވައިލުން (3) ބަޑިބޭސް ނުވަތަ ޑައިނަމައިޓް ފަދަ އެއްޗެއް ބޭނުންކޮށްގެން ތަންތަނާއި އެއްޗެހި ފުނޑު ފުނޑު ކޮށްލުން (4) )ޏ ( ރޮއްވައިލުން
ގޮއްވާހަން
ނ ހަމަށް ވައިދީފައި ދޫކޮށްލުމުން އަޑުގޮވާގޮތަށް ހަދައިފައި ހުންނަހަން
ގޮއްވުން
މ (1) ފުމެގެން ނުވަތަ ވައިހިންގައިގެން އަޑުނެރޭ އެއްޗަކުން އަޑު ނެރުން މިސާލު: ބަރުގޮނު ގޮއްވުން (2) ބަޑީގެ ވަޒަން ފޮނުވައިލުން (3) ބަޑިބޭސް ނުވަތަ ޑައިނަމައިޓް ފަދަ އެއްޗެއް ބޭނުންކޮށްގެން ތަނެއް ނުވަތަ އެއްޗެއް ފުނޑު ފުނޑުކޮށްލުން (4) މަޖާޒު: މަލާމާތް ކުރުން (5) )ޏ ( ރޮއްވުން
ގޮވުން
މ (1) އަނެކަކަށް އިއްވަން އަނގައިން އަޑުނެރުން (2) ދިރޭއެއްޗެހީގެ އަނގައިން އަޑުނެރުން (3) ބަޑީގެ ވަޒަންނުކުތުން (4) ބަޑިބޭސް ނުވަތަ ޑައިނަމައިޓްގެ ސަބަބުން ތަނެއް ނުވަތަ އެއްޗެއް ފުނޑު ފުނޑުވުން (5) ފުނޑުފުނޑުވެގެން ބުރަބުރައިގެން ދިއުން (6) ޚަބަރެއް އިއްވުން މިސާލު: ޚަބަރުގޮވުން (7) )ޏ ( ރުއިން (8) މަޖާޒު: ކަމަކަށް އިލްތިމާސެއްކުރުން
ސައިލެންސަރު
ނ (1) އިންޖީނުގެ ދުންބޭރު ކުރާއެތި މި އެއްޗަކީ އިންޖީނުގެ އަޑުމަޑު ކުރުމަށްވެސް ބޭނުންކުރާ އެއްޗެކެވެ (2) ބައެއްކަހަލަ ހަތިޔާރުގެ އަޑުމަޑު ކުރުމަށް ބޭނުންކުރާ އެއްޗެއް
ސިބިބި
ނ މަލާމާތުގެ ގޮތުން އަނގައިން ލައްވާ އަޑުއަޑު
ސިބިބިލެއްވުން
މ މަލާމާތުގެ ގޮތުން އަނގައިން އަޑު ލެއްވުން