radheef.info
ރަދީފު


ކޮޅު
ނ (1) އެއްޗެއް ނުވަތަ ކަމެއްގެ ނިމޭތަން ނޫނީ ފެށޭތަން (2) ކުޑަކަމާއި މަދުކަމުގެ މާނައިގައި ބޭނުންކުރާ ބަހެއް މިސާލު: )ހ( ގާކޮޅެއް )ށ( އެތިކޮޅެއް (3) ބައެއް އެއްޗިއްސަށް މާތްކުރުމަށްޓަކައި އެތަކެތީގެ ނަމުގެ ފަހަތަށް ގެންނަބަހެއް މިސާލު: )ހ( ހަށިކޮޅު )ށ( ގެކޮޅު )ނ( ފަތްކޮޅު
ބަތްޖެހުން
މ ހަނޑުލު ބޮނޑިބަތް ފޯލިކޮށް އޮޅައި މިލުވައިފައި ހުންނަ ކެޔޮފަތަށްލައި އޭގެ ދެކޮޅު ބަންދުކޮށްލުން މިކަން ކުރަނީ ބަދިގޭ މީހުންނާއި މެދުރި މީހުންނެވެ މިއީ ރަސްމީ ގޮތުން އޮލީ ކިޔަވާއިރު ކައްކާ ބޮނޑިބަތެކެވެ
ބަލި
ނ (1) ހަށިގަނޑުގެ ހިނގުމަށް ބުރޫއަރާ ސަބަބު (2) ޞިއްޙަތަށް ގެއްލުން ލިބޭގޮތުން ހަށިގަނޑަށް ހުށަހެޅޭ ކަންތައް (3) ބާރުދެރަ (4) ވަރުދެރަ (5) ދުޅަހެއިކަމުގެ އިދިކޮޅު (6) ވަރުގަދަ ކަމުގެ އިދިކޮޅު (7) ވައިބާރުކަމުގެ އިދިކޮޅު
ބަލިހެލުން
މ (1) މީހެއްގެ ހުންނަ ވިޔާނުދާ ހަޑިހުތުރު ޢަމަލެއް ތަކުރާރު ކުރުން (2) ދާއިމީ ބައްޔެއް ހުރުމާއެކު ދުވަސް ދުވަސްކޮޅުން ބަލިނުބައިވުން
ބަލިކަން
ނއ (1) ވަރުދެރަކަން (2) ބަލިވެއުޅޭކަން (3) ވަރުގަދަކަމުގެ އިދިކޮޅު (4) ބާރުދެރަކަން
ބަޑިކުރެދި
ނ ގަލުގައި މަތާ ޖެހުން ފަދަ ކަންކަމަށް ބޭނުންކުރާ ފަލަ ކުރެދި. މިހުންނަނީ އެއްކޮޅު ފޭއްސައިފައެވެ
ބަޑިކޮޅު
ނ (1) ރަދުން ޢިއްޒަތުގައި ތަންތަނަށް ވަޑައިގަންނަވާއިރު އަރިހުގައި ގެންދާ ބަޑިކޮޅު. މިހިފައިގެން ހުންނަ މީހާ ހުންނާނީ ރަދުންގެ އެންމެ އަރިހުގައި ވާތްޕުޅު ފަރާތުގައެވެ. މިއީ ތިލަލީ ބަޑިކޮޅެކެވެ. (2) ބަޑި މިބަހުގެ އެންމެ މާތްގޮތް
ބަޑިކޮޅުހިފާކަން
ނ (1) ރަދުން ޢިއްޒަތުގައި ތަންތަނަށް ވަޑައިގަންނަވާއިރު ގެންދާ ބަޑިކޮޅު ހިފުމުގެ ވަޒީފާ (2) ބަޑިބޭސް މުގުރާ މީހުންގެ ވެރިކަން
ބަޑިއެރުން
މ (1) ފުފިގެން އެރުން (2) އެތެރެއަށް ވައިވަދެގެން ތަންތަންކޮޅުން އުފުލުން
ބަޑިދަނޑި
ނ (1) ބަޑިއުފުލާން ގެންގުޅޭ ފަލަ ތަންޑިޔާ (2) އެއްޗެއް އޮބަހައްޓާން އަޅައިގެން ދެކޮޅު ހިފަހައްޓާ ދަނޑި
ބާ
ނ (1) ތާނާއިގެ ފަސްވަނަ އަކުރަށް ކިޔާނަން. ނއ. (2) ބައު. (3) އާކަމުގެ އިދިކޮޅު. (4) ގިނަދުވަސްވެފައިވާ. (5) ގެންގުޅެފައިވާ. (6) ނ. ލަކުޑިއަށް ގެއްލުމެއް ލިބިގެން ހެދޭ ހޮއި ނުވަތަ ވާ ފީ. (7) އެއްޗަކަށް ގެއްލުމެއް ލިބިގެން ފޫގޮސްފައިވާ ލޯވަޅު. (8) އަންހެންލޯފިނދު. (9) ކުޑަކުދިންގެ ބަހުގައި ކީރިތި ޤުރުއާން ނުވަތަ ލިޔެފައި އޮންނަ ކޮންމެ އެއްޗެއް. )01( ބައެއް ސުއާލު ކުރާއިރު ފަހަތަށް ގެންނަ އަކުރެއް. މިސާލު: މިގޭގައި މީހަކުއުޅޭބާ ގަންނާނެއްބާ
ބާރު
ނ (1) ހަކަތަ. (2) ގަދަފަދަ. (3) ވާން. (4) ތަކެތި ކޮއްޕުމަށް ނުވަތަ ދަމައިގަތުމަށް ނުވަތަ އުފުލުމަށް ހުންނަވާގި. (5) ހަލުއި. މިސާލު: އެދޯނި ދަތުރުކުރީ ބާރު ދުވެއްޔެއްގައެވެ. (6) ހެދުން ފަދަ ތަކެތި ހެޔޮވަރު ނުވެގެންވާ ދަތި. (7) ދޮރުފަދަ ތަކެތި ވަރުނުވެގެންވާ ތާށި. (8) އެއްޗެއްގެ ތެރެއަށް އެއްޗެއް ވަދެގެންވާ ތާށި. (9) ވަޔާއި އޮޔާއި ކަނޑާއި އަޑުފަދަ އެއްޗެގި ވާގަދަ މިސާލު: )ހ( މިއަދަކީ ވައިބާރު ދުވަހެކެވެ )ށ( އަޑު ބާރުނުކުރާށެވެ )01( އިންޖީނުފަދަ ތަކެތީގެ ހިނގުންވާ މަތި މިސާލު: މިއިންޖީނު އަމިއްލައަށް ބާރުވެފައި މަޑުވަނީއެވެ (11) މަޑުގެ އިދިކޮޅު (21) އިސްކުރު ބޯލްޓް ފަދަ އެއްޗެހި ޖަހައި ކުރާ ހިމުން )31( މަތިގަނޑު އުނގުރި ފަދަ އެއްޗެހި ޖަހައި ކުރާ ހަރު
ބާރުކަން
ނއނ (1) ގަދަފަދަކަން. (2) ވާންކަން. (3) ހަލުއިކަން. (4) ހެދުން ފަދަ ތަކެތި ހެޔޮވަރު ނުވެގެންވާ ދަތިކަން. (5) ދޮރުފަދަ ތަކެތި ވަރުނުވެގެންވާ ތާށިކަން. (6) އެއްޗެއްގެ ތެރެއަށް އެއްޗެއް ވަދެގެން ތާށިވާކަން. (7) ވަޔާ އޮޔާ ކަނޑާ އަޑު ފަދަ އެއްޗެހި ގަދަވާކަން (8) އިންޖީނުފަދަ ތަކެތީގެ ހިނގުން މަތިވާކަން (9) މަޑުކަމުގެ އިދިކޮޅު
ބާބާކޮޅު
ނ "ބާކޮޅު" މި ލަފްޒުގެ ގިނަ ނަމެއް
ބާފޮތިފާނަ
ނ ފާނައިގެ ބާވަތެއް މިމަހުގެ ނިގޫފަތުގެ ކޮޅުހުންނަނީ ވަށްކޮށެވެ މަހުގެ ކުލައަކީ އަޅިމުށި ކުލައެވެ ބުރިކަށިމަތީގައި ހުދުކުލައިގެ ލައްތަކެއް ހުރެއެވެ މިމަސްމަރުވުމުން މުޅިމަސް ގަދައަޅި ކުލައަށް ބަދަލުވެ ހަސްނެތިބާވެފައިވާ ފޮތިގަނޑެއްގެ ކުލައަށް ބަދަލުވެދެއެވެ
ބާދަނޑި
ނ (1) މީހުންނަށް ހާނިއްކަ ދިނުމުގެގޮތުން ދެއަތްދަމައިފައި އަތުގައި ބަންނަ ދަނޑި ގަނޑު (2) އަރާދަނޑި (3) ކުދިންކުޅޭއިރު ކަނބިލި ފަދަ ދޫނީގެ ދެފިޔަ ދެފަރާތަށް ދަމައިފައި ދެފިޔައިގެ ދެކޮޅު ހިފަހައްޓަން ހުންނަ ދަނޑިގަނޑު
ބާދަނޑި އެޑުން
މ (1) އެއްޗެއް ބިނދިގެން ދެބުރި ޖައްސާ ހިފެހެއްޓުމަށް އެހެން ދަނޑިގަނޑެއް އަޅާ ބަނުން (2) ދެއަތް ދެފަރާތަށް ދަމައިފައި ދަނޑި ގަނޑެއްގެ ދެކޮޅު ދެއަތް ތިލައިގައި ބަނުން (3) އަރާދަނޑި ބަނުން (4) ދޫނިގެ ދެފިޔަ ދެފަރާތަށް ދަމައިފައި ދެފިޔަމަތީ ދަނޑިގަނޑެއް އަޅައިފައި ދެފިޔައިގެ ދެކޮޅު ދަނޑި ގަނޑުގެ ދެކޮޅުގައި އެއްސުން
ބާތުންމަސް
ނ ހަނދީގެ ބާވަތެއް މިއީ ހަލުވިމަހާ ވައްތަރު މަހެކެވެ މިމަހުގެ މަތީބައިގެ ކުލައަކީ ފެހިކުލައަކަށްދާ މުށިކުލައެކެވެ ބަނޑުދޮށް ފަރާތާއި އަރިމަތި ހުންނަނީ ރިހި ހުދުކުލައިގައެވެ ކަރުތާފަތްގަނޑުގެ މަތީބައިގެ ކޮޅުގައި ކަޅުކުލައިގެ ކުޑަލަފެއް ހުރެއެވެ
ބާޒު
ނ ދޫނީގެ ބާވަތެއް މިއީ ފައިން ވަކިހިއްޕައި ނޮޅައި ކައިއުޅޭ ދޫންޏެކެވެ މިދޫނި ބޮޑުވަނީ ގާތްގަނޑަކަށް މީޓަރެކަށެވެ މީގެ ސިފައަކީ މިދަރިކޮޅުގައި ހިމެނޭ "އެހެނޑަ" އާއި "ސުރުމުތި" ވެސް ތިބޭ ސިފައެވެ މިވައްތަރުގެ ހުރިހާ ދޫނިވެސް އުދުހޭނީ ހޯރައަޅައިގެނެވެ
ބާޠިލު
ނ (1) ހައްޤުގެ އިދިކޮޅު (2) ކަމުނުދާ ނުދިއުން (3) އުވޭ އުވުން
ބިހި
ނ (1) ގައިގެހަމުން އުފުލޭ ކުދިކުދި ތަންތަންކޮޅު މީގެ އެތައްވައްތަރެއް ހުރެއެވެ. މިސާލު: ދާބިހި ފެންބިހި ހަރުބިހި އުން. (2) ރޯގާގެ ގޮތުގައި ފެތުރޭ )ގައިގެހަމުންނަގާ( ބަލިބަލި. މިސާލު: ހިމަބިހި ފާނަބަސަންދު ކަށިވިދުރި (3) މޫނުގައި ޖަހާ އޮށާޅަ (4) ގަސްގަހުގެ ފަތުގެ ދަށުގައި ހުންނަ އެތިއެތިކޮޅު (5) ބައެއްތަކެތި ފެނުކެއްކީމާ ނުވަތަ ހޫނުކުރީމާ އުފުލޭ ކުދިކުދި ތަންކޮޅުކޮޅު (6) ޒިންކާއި އެލްމެނިޔަމް ފަދަ ތަކެއްޗަށް ލޮނުގެ އަސަރުކުރުމުން އުފުލިފައި ހުންނަ ހަރު ތަންކޮޅުކޮޅު