radheef.info
ރަދީފު


ކެތި
ނ (1) ހުޅަނގުމޫސުމުގެ ތިންވަނަ ނަކަތް (2) ކައިރިކައިރިކޮށް އެކީގައި ލޮލަށްފެންނަން ހުންނަ ތަރިބޮނޑިއެއް
ކިބަކުރުން
މ ބައެއް ބާވަތުގެ ތަކެތި ފަޅިކުރުން މިސާލު: މިކާށި ކިބަ ކޮށްލަދޭށެވެ މިސާލު: މިމަސް ކިބަ ކޮށްލަދޭށެވެ
ކީސާ
ނ ފައިސާއާއި އަގުމާތް ތަކެތި އަޅާން ގެންގުޅޭ ކޮތަޅު ނުވަތަ ދަބަސް
ކީސާކުރުން
މ (1) މަޢުދަނީ ފައިސާ އާއި ޖަވާހިރުފަދަ ތަކެތި ކޮތަޅަށް އަޅައި ބަނދުކުރުން (2) މުދާ ވިއްކައިފައި ފައިސާއަށް ހެދުން
ކުނބުހެޔަށް
ކއ ފުރާދުއްވާ ތަކެތި ގަދަވެގެން ރިޔާ ދޫކޮށްލައިފައި ކުރާ ފައްސިޔަ
ކުނާ
ނ (1) ވަކައާއި ސުތުލިފަދަ އެއްޗެއް ދިގަށް ފުރައިގެން ހައިން ނުވަތަ އެފަދަ އެހެން އެއްޗެހީން ވިޔާތަކެތި (2) ގަދަ އަލި ބަލަން ނުކެރިގެން ލޮލަށް ހަދަންޖެހޭ ގޮތް
ކުނި
(1) ބައެއްތަކެތީގެ ތާޒާކަން ކެނޑިގެން އެވާ ފިލުނދު (2) ބައެއް ތަކެތި ފިލުނދު ވެގެން ވާނުބައި (3) ބޭނުމެއްނެތިގެން އުކައިލާން ޖެހޭ ތަކެތި (4) ފާރުގަނޑުގައި ހެދޭ ނުބައި މާއްދާ (5) އަނގަޔާ ކަރުތެރޭގައި ހެދެޭ ބައްޔެއް (6) ނިފާސްކަމުގެ ލޭ
ކުނިމިލަ
ނ (1) ހަމުގައި ހުންނަ މިލައާއި އެމިލައިގައި ތަތްލައިފައި ހުންނަ ހިރަފުސް (2) ގައިން ހިއްލާދަލާއި އެކުވެގެން ހަމުގައި ހުންނަ ހަޑިތަކެތި
ކުނިފޭބުން
މ (1) ވިހައި މަސްތުރަ ވުމަށްފަހު ހަޑިތަކެތި އައުން (2) ފުރަގަސް ފަރާތުން ނަޖިސްނޫން އެހެން ހަޑިތަކެތި އައުން
ކުރެހުން
ނ (1) ހަމައެއްގެ މަތީން އެއްޗަކަށް ވާނޭހެން އަޅައިފައި ހުންނަ ރޮނގުތައް މ (2) ވަކި ޤަވާއިދެއްގެ މަތިން ރޮނގުއެޅުން (3) ވަކިޤަވާއިދެއްގެ މަތިން ބިންވަޅު ނެގުމާއި ފޫވެއްޓުން (4) ތަސްވީރުފަދަ ތަކެތި ފެވުން (5) އެއްވެސް އެއްޗަކަށް ނުވާނޭގޮތަށް ރޮނގުތަކެއް އެޅުން (6) ގައިގެ ހަމުގައި ކޮންމެވެސް އެއްޗަކުން އެޅިގެން ކިރިޔާ ތެޔޮހަން ކެޑުން (7) ފޮޓޯނެގުން
ކެހުން
ނ (1) ނ. ގައިގެ ހަމުގައި އުފެދޭ ހިރުވުމެއް. (2) ހިރުވުން ފިލުވުމަށް އިނގިލިތަކުގެ ކޮޅުން ނުވަތަ އެހެންވެސް އެއްޗަކުން ގައިގެ ހަމުގައި ކޭއްތުން (3) ރާޅު އެއްޗަކުން ތަނެއްގައި ކޭއްތުން. (4) ތޫނު އެއްޗަކުން އެއްޗެއްގައި ކާއްތައިގެން ކުނޑި ނެގުން ނުވަތަ އުނިކުރުން. މިސާލު: )ހ( ކެލާކެހުން. )ށ( އުނބުކެހުން. (5) ފާރުގައި ސިމެންތި ޖަހާއިރުގައްޔާއި ތަޅުން އަޅަމުންދާއިރު އެއްވަރު ކުރުމަށް ސިމެންތިގަނޑު ފަތިގަނޑަކުން ކާއްތައި ހަމަކުރުން (6) އިލޮށި ފައްޗާއި ފިހިގަނޑު ފަދަތަކެތީން ކުނި އެއްކޮށް ސާފުކުރުން މިސާލު: ކުނިކެހުން. (7) ލޮލުގައި ހުންނަ ވަކި ވައްތަރެއްގެ ބައްޔެއް ބޭސްއަޅައިގެން ފިލުވުން. މިސާލު: ފުސްކެހުން. (8) އުޔާއި ބަރަންޏާއި ނަނު ފަދަ ތަކެތި އަތަށް ނުވަތަ އެއްޗަކަށް ދޫދޫކޮށް އޮޅުން. (9) ތަނެއްގައި ހުރި އެއްޗެހިތަކެއް އެއްފަހަރާ ގިނައިން ގެންދެވޭގޮތަށް އަތުން ނުވަތަ އެއްޗަކުން ފަރާތަކަށް ޖައްސައިލުން. )01( ދަމާފޮތިގަނޑެއް ނުވަތަ ފަރުދާއެއްފަދަ އެއްޗެއް މައްޗާއެކު އެއްފަރާތްކޮށްލުން. (11) އެއްޗެއްގެ މަތީ ތޮށި ތޫނު އެއްޗެއް ކާއްތައިގެން ފިލުވުން މިސާލު: ކަނޑޫކެހުން. (21) ނަގިލި ހިލިގެން ދެމެމުން ދިޔުން. މިސާލު: ނަގިލިކެހުން. )31( ހިފައިފައި ހުންނަންވާ އެއްޗެއް ނުހިފައި ކެހެމުން ދިއުން. މިސާލު: )ހ( ފުރޮޅުކެހުން. )ށ.( ރޯލުކެހުން. )41( އެމަށް ފައްތައިފައި އޮތް ދަލެއް އަތްމައްޗަށް ދެމުން މިސާލު: ދާކެހުން )51( ވިލާތައް ފަރާތްފަރާތަށް ޖެހުން މިސާލު: ވިލާކެހުން )61( ކުރުނބާއިން ހެވާ ނެގުން )71( އުސްކޮށް ހުންނަ ފަސްތައް ފަތުރައި އެއްވަރުކުރުން މިސާލު: ފަސްކެހުން )81( ރިޔާ ފަރުމާނު މައްޗަށް ބޮނޑިކުރުން މިސާލު: ރިޔާ ކެހުން )91( )ޏ ސ( ފުނާ އެޅުން މިސާލު: ބޯކެހުން )02( މަޖާޒު: ތުނބުޅި ބޭލުން
ކެހެރި
ނ (1) ޖަނަވާރުގެ އިސްތަށި. (2) ބައެއް ގަސްގަހުގެ ފަތުގައްޔާއި ގަންނަ ތަކެތީގައި ހުންނަ ހިމަ ލޯލި (3) އިސްތަށި (4) ކެހެރިއާ އެއްގޮތަށް ހަދައިފައި ހުންނަ ތަކެތި
ކެކުން
މ (1) ކައްކާތަކެތި ރޯފިލުން (2) ބޭނުންވަރަށް ކައްކާނިމުން (3) ހޫނުވެގެން ބޮކިޖެހުން (4) ބޮކިޖަހައި އުތުރުން (5) މަޖާޒު: ޖޯޝް އައިސްގެން ނުވަތަ ރުޅިއައިސްގެން ތެޅިތެޅިހުރުން
ކެއިންބުއިން
މ (1) ކައިބޮއިއުޅުން (2) ކާބޯތަކެތި ބޭނުންކުރުން
ކެއުން
މ (1) ކާއެއްޗެހި ހަފައިގެން ނުވަތަ ނަހަފާ އަރުން އެތެރެކުރުން (2) ފަޅުރަށްރަށާއި ގޮއިފާލައްބަ ފަދަ ތަންތަން ވަރުވާއަށް ލިއުއްވައިގެން ގެންގުޅުން (3) ހެފުން މަޖާޒު: (4) އެހެން މީހެއްގެ މުދަލުގައި ސިއްރުން ޖެހުން (5) ވަކިވައްތަރެއްގެ ތަކެތި ޤަބޫލުކުރުން މިސާލު: )ހ( ރިޝްވަތުކެއުން )ށ( ރިބާކެއުން
ކެމުން
މ (1) ނަފާކުރުން (2) ގިނަތަކެތި ހޯދުން (3) ޙާޞިލުކުރުން
ކެފުން
މ (1) ތުނިކޮށް ފަތިކޮށްހުންނަ އެއްޗެހި ތޫނު ހަތިޔާރަކުން ބައިކުރުން ނުވަތަ ބުރިކުރުން. މިސާލު: )ހ( ކަތުރުން ފޮއްޗާއި ކަރުދާހާއި ޓިނުފަދަ ތަކެތި ކެފުން. )ށ( ފިޔޮއްސާއި ކަޓަރުފަދަ އެއްޗަކުން އެއްޗެއް ކެފުން. )ނ( ގޭސް ނުވަތަ ލޭޒަރު ފަދަތަކެތިން ދަގަނޑުސީޓު ފަދަ ތަކެތިކެފުން )ރ( އަލިމަސްކަށިން ބިއްލޫރި ކެފުން (2) ހަށިގަނޑުން ބޮޑުކޮށްތަނެއް ކެނޑުން
ކޭކުލި
ނ ދޫނި ސޫފާސޫފީގެ ކާތަކެތި ފުރަތަމަ އެޅޭ ގުނަވަން
ކޮށާވަޅި
ނ ލަކުޑިއާއި ނާށި ފަދަ ތަކެތި ކޮށައި މަށަން ގެންގުޅޭ ތުނޑު ތޫނު އަތްމަތީ ވަޅިޔެއް. މީގެ ތިލަ ހުންނާނީ ބޯކޮށް އެއްފަރާތުގައި މިޔައަޅައިފައެވެ މުށްގަނޑު ވަށްވާނެއެވެ އޮންނާނީ މެދަށް ހިމަކޮށް ފުލަށް ފަލަކޮށެވެ
ކޮށި
(1) އެއްޗެއް ދިރުވައިލެވޭ ގޮތަކުން ނޭވާދަތިވެގެން އަންނަ ކެއްސުމެއް. (2) ގެރިބަކަރި ފަދަ ދިރޭ ތަކެތި ގެންގުޅުމަށް ނުވަތަ އެ ތަކެތި ބަންދު ކުރާން ހަދައިފައި ހުންނަތަން ނުވަތަ އެތި. (3) ގަސްއިންދުމުގެ ބޭނުމުގައި ވަށައި ފުޅަށް އަޅައިފައި އޮންނަތަން. (4) އިހުގައި އެކި ބާވަތުގެ ހެވިކަން ކުރުމަށާއި ބަޑިބޭހުގެ މަސައްކަތް ކުރުމަށް ސަރުކާރުން އުޖޫރަ ދެއްވައިފައި ތިބޭ އެކިއެކި ޖަމާއަތް. (5) އިހުގައި ހެވިކަން ކުރުމަށާއި ބަޑިބޭހުގެ މަސައްކަތް ކުރުމަށް ސަރުކާރުން ކަނޑައަޅުއްވާފައިވާ ބިން. މިސާލު: ބަންޑާރަކޮށި ތުރުކީކޮށި. (6) އަމިއްލައަށް ނުއިނދެވޭވަރުގެ ޅަކުދިން ރައްކާތެރިކޮށް ބޭންދޭގޮތަށް ހަދައިފައި ހުންނަ އެއްޗެހި. (7) ރަޙިމު. (8) އަނދެގެން ހުރި އެއްޗެއް ނުވަތަ ލައިފައިވާ ލިބާހެއް މައްޗަށް އުފުލައިލައި ބޮނޑިކޮށްލާ ކޮށްލުން. (9) ދަމައިފައިވާ ފޮތިގަނޑެއް އެއްފަރާތަކަށް ކަހައިލާ ކަހައިލުން )01( ދިރޭއެއްޗެހިތަކެއް އެއްތާކަށް ބޮޑިވެގަންނަގަތުން (11) ނއ ތޫނު ނޫން (21) ނއ މަޖާޒު: ވިސްނުންދެރަ )31( ނއ ނުފަރިތަ )41( ކޮށައިފައި ހުރި މިސާލު: ކޮށިފޯއް )51( ކއ ފަރުމާނާ ކައިރިއަށް ރިޔާ ޖައްސައިލާ ޖައްސައިލުން )61( ކއ ކައިރިކައިރީގައި ހުންނަ މިސާލު: ގެތައް ހުންނަނީ ވަރަށް ކޮށިކޮށް )81( )ޏ ސ ( ރާއްޖެތެރޭގައި ކުށްވެރިން ބަންދުކޮށް އުޅުނު ތަންތަން )91( "ކޮށުން" މިބަހުގެ ނިމިނިމުނުކަން
ކޮށް
ނ (1) މާކަނައާއި ރާބޮނދި ފަދަ ތަކެތި ކުއްލިއަކަށް ކޮށައިގަންނަ ގޮތަށް ކިޔާނަން (2) )މަލިކު( އ ކުރެން