radheef.info
ރަދީފު


ކުރުން
މ (1) ކަމަކަށް ޢަމަލީ ސިފަގެނައުން (2) ކަމެއްހިންގުން
ކަމީރުކުރުން
މ ބައެއް ކާއެއްޗެހި ހަދާން ތައްޔާރުކުރާ ފުށްގަނޑު ރާމާ ކުރުން
ކަމުންދުރުކުރުން
މ (1) އެމީހާއާއި ޙަވާލުކޮށްފައިވާ ކަމަކުން ވަކިކުރުން (2) ވަޒީފާނެގުން
ކަމޭހީކުރުން
މ (1) އޯގާވެރިކަމާއެކު މާތްކޮށް ހިތުން (2) އިޙްތިރާމުކުރުން (3) ފަރުވާ ބެހެއްޓުން
ކަފުންކުރުން
މ (1) ކަފުން ލެއްވުން (2) ކަފުން ލެވުން
ކަލައިކުރުން
މ ދަގަނޑުން ހަދައިފައިހުންނަ އެއްޗެހީގައި ދަބަރުޖެހިޔަ ނުދިނުމަށް ތުތިޔާއަށް ލުން މިކަންކުރަނީ އެ އެއްޗެއް އަލިފާން އާވީގެ ތެރެއަށް ލައިގެން ސާފުކުރުމަށްފަހު މޫސަދަރު ހާކައި އެއަށްފަހު ކުޑަކޮށް ހޫނުކޮށްފައި ވިރުވައިފައިހުރި ތުތިޔާގެ ތެރެއަށް ލައިގެންނެވެ ތުތިޔައިން ނަގައި މޫސަދަރުކޮޅެއް އެއެއްޗެއްގެ މައްޗަށް އެޅުމުން ތުތިޔާ ހުންނާނީ އެއެއްޗެއްގައި ހަރުލައިފައެވެ
ކަލަމުކުރުން
މ އެއްގަހެއްގެ ގޮފިކޮޅެއް އަނެއްގަހެއްގައި ތަތްކޮށް ރޯކުރުން
ކަލުފާތުކުރުން
މ ނާފަހަރުފަދަ ބޮޑެތި އެއްޗެހި ކޮޅައި ހިންމީގައި އެއްޗެހި އަޅައި ހެދުން
ކަސީދާކުރުން
މ ކަސަބުން ޖަރީކުރުން
ކަސްރަތު ކުރުން
މ ހަށިގަނޑުގެ ނާރުތައް ދޫކޮށް މަސް ހަރުކޮށް ލޭހިންގުވާން ހަރަކާތްކުރުން ނުވަތަ މިފަދަ ބޭނުމުގައި ކުޅޭ ކުޅިކުޅިވަރު ކުޅުން
ކަޑައްތުކުރުން
މ ހުރަސްކޮށް ދިއުން
ކާވެނިކުރުން
މ އަންހެނަކާ ފިރިހެނަކު ފިރިއަކާ އަންބެއްގެ ގޮތުގައި ދިރިއުޅަމަށް ދީނީ ހަމަތަކުގެ މަތިން އެދެމީހުން ގުޅުވައިދިނުން
ކާފުކުރުން
މ އެއްޗެއް ނުވަތަ މުދާތަކެއް ނަގައިލައި ހަލާކުކުރުން
ކާސިކުރުން
މ ހޯޖާކުރުން
ކާސިމަޖާކުރުން
މ ކާސިމަޖާ ކުޅިވަރުކުޅުން
ކާޑުބަދަލުކުރުން
މ އެއް ގެއެއްގެ ކާޑުގައި އޮތް މީހަކު އަނެއް ގެއެއްގެ ކާޑުގައި ޖެހުން
ކިރިއްޔާކުރުން
މ ކުއްޔަށް ހިފުން
ކިބަކުރުން
މ ބައެއް ބާވަތުގެ ތަކެތި ފަޅިކުރުން މިސާލު: މިކާށި ކިބަ ކޮށްލަދޭށެވެ މިސާލު: މިމަސް ކިބަ ކޮށްލަދޭށެވެ
ކީސާކުރުން
މ (1) މަޢުދަނީ ފައިސާ އާއި ޖަވާހިރުފަދަ ތަކެތި ކޮތަޅަށް އަޅައި ބަނދުކުރުން (2) މުދާ ވިއްކައިފައި ފައިސާއަށް ހެދުން
ކުށުސަޖިދަކުރުން
މ ކުށުސަޖިދަ ޖެހުން
ކުށްކުރުން
މ ހުއްދަނޫން ކަންތައްކުރުން