radheef.info
ރަދީފު


ކަށް
ނ (1) މަރުވެފައި އޮތް މީހާ (2) މުޅަ
ނާރުޖެހުން
މ ކޮންމެވެސް ބައްޔަކަށްޓަކައި ތޫނުއެއްޗެއް ހަރައިގެން ލޭހޮޅިޔަކުން ލޭނެރުން
ނާޅި
ނ (1) ގޮވާމުގެ ބާވަތްތައް މިނާން ގެންގުޅޭ ހަތަރު ލާހީގެ މިންވަރު ހުންނަ އެއްޗެއް (2) ހަތަރުލާހީގެ މިންވަރު އެއީ ގާތްގަޑަކަށް ދެރާތަލެވެ
ނިއުޅުން
މ (1) އޮޅާފައި އޮތް ފޮތި ނުވަތަ ދޫލަ ރޯލެއް ފަތުރައިލުން. (2) އެތައް ފައްތަކެއް ހަރުކޮށް އެއް އުޅިއަކަށް ހަދައިފައިވާ ގޮތް ކެނޑި ފައްތަށް ވަކިވަކިކުރުން (3) އެއްޗެއްގައި ހުންނަ މަޢުނަވީ ބަންދުކަމެއް މޮހެލުމަށް ފަންޑިތަވެރިންކުރާ ކަމެއް
ނިވާފަތް
ނ (1) ތަޅުދަނޑިވަޅު ފޮރުވާން ތަޅުވަޅުމަތީގައި ހަރުކޮށްފައި ހުންނަ އެތިކޮޅު (2) ދޮރުފަތް ލެއްޕީމައި ދެދޮރުފަތް ދެމެދުން ހާއަޅާތަން ނިވާކުރުމަށް އެއްދޮރުފަތުގައި ހަރުކުރާ ފަތިގަނޑު މިފަދަ ބޭނުމަށްޓަކައި ހަރުކުރާ ކޮންމެ އެއްޗަކަށްވެސް މިނަމުން ކިޔައެވެ
ނިވާފަތްގަނޑު
ނ (1) އެއްޗެއް ނިވާކުރުމަށާއި ރައްކާތެރި ކުރުމަށްޓަކައި ޖަހާނިވާ (2) މަޖާޒު: މީހަކަށް ނުވަތަ ބަޔަކަށް ރައްކާތެރިކަންދޭ މީހާ
ނިފާޅަ
ނ )ޅ ( ފަތްޕިލާވެއްޔެއް މިއީ ބިލެތް އަރާހެން ރުއްރުކަށާ ގަސްގަހަށް އަރާ ވެލެކެވެ މިވެލުގެ ފަތްތައް ހުންނާނީ ބިލެތާ އެއްފާޑަކަށް އެއަށްވުރެ ބޮޑެތިކޮށެވެ މިއީ ވަރަށް ގިނައިން ދިވެހި ބޭހަށް ބޭނުންކުރާ ފަތެކެވެ
ނިސްބަތުންބެހުން
މ ހިއްސާ ގިނަވީވަރަކަށް ގިނައިން މަދުވީ ވަރަކަށް މަދުން ލިބޭނޭގޮތަށް ހިމަނައިގެން ބައިކުރުން
ނިސްބަތުންބެލުން
މ އެއެއްޗެއްހުރި މިންވަރަކުން ހުރިހާ ބަޔަކަށްވާވަރު ބެލުން
ނީލަން
ނ (1) އެކަކަށްވުރެ އަނެކަކު މައްޗަށް އަގު ކިޔަމުން ގޮސް އެންމެ މައްޗަށް ކީ މީހަކު ގަތުން މަޖުބޫރުކުރާ ވިޔަފާރިއެއް (2) ނީލަމް
ނީލަންގޮވުން
މ ނީލަމަކަށް ނެރޭ މުދައު ވިއްކަން ގޮވުން
ނުކުޅަދާނަވުން
މ (1) ލާހިކުވާވަރުނުވުން (2) ކޮންމެވެސް ފަރާތަކުން ލިބޭ އުނދަގުލަކަށް ކެތްވާވަރުނުވުން (3) ނުހޮރުއްޕާންވުން
ނުކުޅެދުން
މ (1) ބުއްދީގެ ގޮތުން ނުވަތަ ޖިސްމާނީ ގޮތުން އުނިވެފައިވުން (2) ގުނަވަނަކަށް ލިބިފައިވާ ގެއްލުމަކުން ދާއިމީ ގޮތުގައި ބަލިވުން މަޖާޒު: (3) ކަމެއް ވެވޭނޭގޮތްނެތުން (4) ކަމެއްގެ ލަޔާޤަތާއި ޤާބިލިއްޔަތު ނެތުން
ނުކުޅެދޭމީހާ
ނ (1) ބުއްދީގެގޮތުން ނުވަތަ ޖިސްމާނީ ގޮތުން އުނިވެފައިވާމީހާ (2) ގުނަވަނަކަށް ލިބިފައިވާ ގެއްލުމަކުން ދާއިމީ ގޮތުގައި ބަލިވެފައިވާމީހާ މަޖާޒު: (3) ކަމެއް ވެވޭނޭގޮތް ނެތްމީހާ (4) ކަމެއްގެ ލަޔާޤަތާއި ޤާބިލިއްޔަތު ނެތްމީހާ
ނުވަވަނަ
ނއ ނުވަޔަކަށްވާ
ނުފަރިތަކަން
ކއ (1) ކަމަކަށް ބީރައްޓެހިކަން (2) އެކަމެއްކުރަން ރަނގަޅަށް އެނގިފައިނުވާކަން
ނުފިރުކެވެނިސް ދުވަން ނޫޅޭށެވެ
(ހަރުބަހެއް) (1) ކަމެއް ކުރަން ރަގަޅަށް ނޭގެނީސް އެކަންމޮޅަށް ދަންނަމީހަކަށް ހެދިގެން ނޫޅޭށޭ ބުނުމަށްޓަކައި ބުނެއުޅޭ ބަހެއް (2) ތިމާ އުޅެންވާނީ ތިމާގެ ފެންވަރުންނޭ ބުނަން ބުނެއުޅޭ ބަހެއް
ނުފެންނަތާކިހާ
ނ ޚިޔާލީ ތާކިހަލެއް. މިތާކިހާއެޅުމުން އެމީހަކު އެހެން މީހުންގެ ލޯތަކަށް ގެއްލިދާނެކަމަށް ފުލޯކު ވާހަކައިގައި ބުނެވެއެވެ
ނުދޮންނަފޮތި
ނ (1) ކުކުޅުބިސް ކުލައަކަށްދާ ކުޑަކޮށް ތެޔޮގޮތް ހުންނަ ދެރަފޮއްޗެއް އިހުގައި މިފޮތި އަންނަންވެސް ގެންގުޅެއެވެ (2) އަންނަފޮތި
ނުލިބިގެންވާތާވި
ނ އަންހެނުން ލިބާސްލާ ފޭރާމުގެ ރޮނގުހުންނަ ބާވަތަކަށް ކިޔާ ނަމެއް
ނުސީދާހިލޭ ޖެހުން
މ ފުޓުބޯޅައާއި ހޮކީފަދަ ކުޅިވަރުގައި ކުށްކުރާ ބަޔާ އިދިކޮޅަށްދޭ ޖެހުން މިޖެހުމުގައި އެހެން ކުޅުން ތެރިއެއްގެ ގައިގައި ނުޖެހި ސީދާ ގޯލަށް ވަނަސް ލަނޑަކަށް ނުވާނެއެވެ