radheef.info
ރަދީފު


ކަހަލަ
އ (1) ޒާތް (2) ބާވަތް (3) ވައްތަރު (4) ފަދަ
ސެކަރީން
ނ އާދައިގެ ހަކުރަށްވުރެ ފޮނިގަދަ ހެދިހަކުރެއް މިބޭނުން ކުރަނީ އާދައިގެ ހަކުރު ބޭނުން ނުކުރެވޭ ކަހަލަ ކަންތަކަށެވެ
ސެޓު
ނ (1) އެއް ބާވަތެއްގެ އެއްޗެހި ތަކެއް (2) އެކިކަހަލަ މަސައްކަތްތަކުގައި ބޭނުން ކުރަންޖެހޭ އާލާތްތައް
ސޭމުރުޣު
ނ ސާމަރާ ދޫނި ކަހަލަ ބޮޑު ދޫންޏެއް މިއީ ކުރީގެ ވާހަކަ ތަކުގައި އެ ދޫންޏެއްގެ ވާހަކަ ގެނެސްފައިވާ ޚިޔާލީ ދޫންޏެކެވެ
ޑަޑަން
ނ ބަޑިތަކެއް ތަޅައިގަތުން ފަދަ ނުވަތަ އަޑުގަދަވާ ކަހަލަ އެއްޗެހި ތަކެއް ވެއްޓުން ފަދަ ކަމަކުން އިވޭ އަޑު
ޑަޔަސް
ނ ބިންމަތީގައި ތަންކޮޅެއް އުސްކޮށް ހަދައިފައި ހުންނަ ކުޑަ އިސްޓޭޖެއް ކަހަލަ ތަނެއް
ޑޮންޑޮން
ނ ބައެއް ކަހަލަ މޭވާގެ އަރަގު ކެމިކަލްތަކާ އެއްކޮށް ނުބައި ނުވާގޮތަށް ތައްޔާރުކޮށް ވަޔާއެކު ފުޅިފުޅިޔަށް އަޅައި ބަންދުކޮށްފައި ހުންނަ ބުއިމެއް
ޒުވާރި
ނ ގޮވާމުގެ ބާވަތެއް މީގެ ބޯށި ނުކުންނަނީ ގަހުގެ ފަތްވަޅުންނެވެ މީގެ ވަށައިގެން ހުންނަނީ އޮށްޖަހައިފައެވެ މީގެ ކޮޅުގައި މާބޮނޑިއެއް ކަހަލަ ފަށްތަކެއް ހުރެއެވެ މީގެ އެންމެ މަޝްހޫރު ކުލަތަކަކީ ހުދުކުލައާއި ރީނދޫ ކުލައާއި ރަތްކުލައެވެ މިއީ ފިހިގެންނާއި ކައްކައިގެންނާއި މާޖައްސައިގެންނާއި ފުށް ހަދައިގެން ކާއެއްޗެކެވެ
ޒުވާބުކިޔުން
މ އަންބާފަދަ ބައެއްކަހަލަ ލަވަކިޔާއިރު ނަގާކިޔާމީހާ ކިޔާބައިކީމާ އޭގެ ޖަވާބުގައި ކިޔާބައި ދެންތިބިމީހުން ކިޔުން
ޓިނބުލި
ނ (1) ސަތަރިއާއި ފަރުދާފަދަ ތަކެތި ދެމުމަށްޓަކައި ހަރުކޮށްފައި ހުންނަ އަނގޮޓިއެއްކަހަލަ ވަށްބޮޅެއް (2) ތާކިހަލާއި ބޯ ހެދުންފަދަ ތަކެތީގައި ވައިވެއްދުމަށްޓަކައި ކަނޑާ ލޯވަޅުގެ ކައިރިފަށް ހަލާ ކުވިޔަ ނުދިނުމަށް ހަރުކުރާ ވަށްބޮޅެއް ޢާއްމުކޮށް މިހަދައިފައި ހުންނަނީ މަޢުދަނީ އެއްޗަކުންނެވެ
ޓިއުބު
ނ ބައެއްކަހަލަ އެއްެޗެހި ޓެސްޓުކުރުމަށް ބޭނުންކުރާ އާލާތެއް މިހުންނާނީ އެތެރޭގައި ހޮއި ހުންނަގޮތަށް އެއްގޮތަށް އެއްކޮޅު ބައްދައިފައެވެ
ޓެނިސް
ނ (1) ކޯޓުއަޅައިގެން ކުޅޭކުޅިވަރެއް މިކުޅިވަރުގައި ދެމީހުންނަށް ނުވަތަ ހަތަރު މީހުންނަށް ބައިވެރިވެވެއެވެ ކޮޅެއްގައި އެކަކު ނުވަތަ ދެމީހުންނެވެ ޓެނިސްކޯޓުގައި ހުންނަނީ މެދުގައި ދާގަނޑެއް ދަމައިފައެވެ މިއީ ބޯޅައަކުން ދާގަނޑުމަތިން ކުޅޭކުޅިވަރެކެވެ ކުޅެން ގެންގުޅެނީ ރެކެޓެވެ (2) ރަބަރާއި ފޮތިން ހަދައިފައިހުންނަ ފައިތިލަ ފޮރުވޭ ކަހަލަ ފައިވާނެއް
ޓެލިޑްރާމާ
ނ ޓެލެވިޒަން މެދުވެރިކޮށްގެން ދައްކާގޮތަށް ކުޅެފައިވާ ބައެއް ކަހަލަ ތަމްސީލު ނުވަތަ ޑްރާމާ
ޓެލެކުސް
ނ (1) މުވާޞަލާތުގައި ބޭނުންކުރާ ޓައިޕްރައިޓަރެއް ކަހަލަ މެޝިނެއް. މިހުންނަނީ އޮޓޮލެޓިކް އެކްސްޗޭންޖާ ނަރުގެޒަރީއާއިން ގުޅިފައެވެ. އެތަން މެދުވެރިކޮށް ތަންތަނަށް މެސެޖާއި ޚަބަރު ފޮނުވައި ޚަބަރާއި މެސެޖް ލިބޭގޮތަކަށް މީގެ ބޭނުން ކުރެވެއެވެ (2) ޓެލެކްސް މެޝިން މެދުވެރިކޮށް ފޮނުވާ ނުވަތަ ލިބޭ ލިޔުން
ޓޭންކު
ނ (1) އެއްގަމު ސިފައިން ބޭނުންކުރާ ހަނގުރާމަމަތީ އުޅަނދެއް. މިހުންނަނީ މެޝިން ބަޑިޔާއި ލުއިބޮޑުބަޑި ހަރުކޮށްފައެވެ. މިއީ ވަޒަން ނުވަންނަ ގޮތަށް ހަދައިފައި ހުންނަ އެއްޗެކެވެ. މީގެ ފުރޮޅުތައް ހުންނަނީ ފުޅާކޮށް ފަތިކޮށް ހުންނަ ދިއުޅިއެއްކަހަލަ ބަންދެއްގެ ތެރޭގައެވެ (2) ފެން ނުވަތަ އެފަދަ ދިޔާތަކެތި އެޅުމަށް ހަދައިފައި ހުންނަ އެކި ވަރުގެ ތާނގީ
ޔުނިފޯރމް
ނ (1) ސިފައިންނާއި ފުލުހުންނާއި ސްކައުޓުން ފަދަ މީހުން ނުވަތަ ވަކިކަހަލަ ވަޒީފާތައް އަދާކުރާމީހުން އަޅާ ޚާއްޞަ ހެދުން (2) ސްކޫލްކުދިން އަޅާ ޚާއްޞަ ހެދުން
ޕާޕަރު
ނ މަސްރަހަދޭގޮތަށް ހަދައިފައި ހުންނަ ތުނި ރޮއްޓެއްކަހަލަ ކާ އެއްޗެއް މިކަނީ ތެއްލައިގެންނެވެ
ޕިޗު
ނ (1) މިއުޒިކު ކުޅުމުގައި ނުވަތަ ލަވަކިޔުމުގައި ގެންގުޅޭ އަޑުގެ ބަރުކަމުގެ މިންގަނޑު (2) ބައެއްކަހަލަ ކުޅިވަރުތައް ކުޅެން ހަދައިފައި އޮންނަތަން މިސާލު: ކިރިކެޓް ޕިޗު
ޖުމްހޫރީމޭވާ
ނ ބޭރުގައި ހަރުތޮށި ގަނޑެއް ހުންނަ އެތެރޭގައި ކެކުރި އޮށްތަކެއް ކަހަލަ އެއަށްވުރެ ބޮޑެތި އޮށްތަކެއް ހުންނަ މޭވާއެއް
ޖެހުން
މ (1) މީހެއްގެ ނުވަތަ ޖަނަވާރެއްފަދަ އެއްޗެއްގެ ގައިގައި ބޮނޑި ޔެއް އެޅުން. (2) ދެމީހެއްގެ ދެމެދުގައި އަރާރުން ނުވަތަ ދެކޮޅު ވެރިކަން އުފެދޭގޮތްވުން (3) ބައެއްކަހަލަ ތަކެތި ހެދުން މިސާލު: )ހ( ބުޅިޖެހުން )ށ( ހުޅިޖެހުން )ނ( ގޮނޑިމޭޒުފަދަ ތަކެތި ޖެހުން (4) މިޔުޒިކުގެ ބައެއްކަހަލަ ތަކެތި ކުޅުން މިސާލު: )ހ( ބެރުޖެހުން )ށ( ތަބުލާޖެހުން (5) ދެމީހަކު ނުވަތަ ދެއެއްޗެއް އައިސް ލައިގަތުން (6) ބައެއްކަހަލަ އެއްޗެހި ވެއްދުން މިސާލު: )ހ( ބަސްތާ އަށް ބަންބުޑި ޖެހުން )ށ( މޮހޮރުޖެހުން (7) ކިޔުމުގައި ނުވަތަ ޓައިޕުން ލިޔުމުގައި ކުށެއްވުން މިސާލު: )ހ( އޭނާ އަލްޙަމްދު ކިޔެވިއިރު ވަރަށް ގިނަ ކުށްޖެހުނެވެ )ށ( މިލިޔުން ކުށް ނުޖަހައި ޓައިޕް ކުރެވޭތޯ ބަލާށެވެ (8) ބައެއް ކަހަލަ ކަންތައްކުރުން މިސާލު: )ހ( ކުޅުޖެހުން )ށ( ދަނޑިޖެހުން )ނ( ބަޑިޖެހުން )ރ( ފަލިޖެހުން (9) ބައެއް ހާލަތުތައް މެދުވެރިވުން މިސާލު: )ހ( ބަނޑަށް ޖެހުން )ށ( ބިތްޖެހުން )ނ( ލޯބިޖެހުން )01( ދަތީގައި ނުވަތަ މަޅިފަތީގައި ތިބުން މިސާލު: )ހ( ދަތީގައި ޖެހުން )ށ( މަޅިފަތީގައި ޖެހުން (11) ތަތްކުރުން މިސާލު: )ހ( ސިމެންތިޖެހުން )ށ( މުށިޖެހުން
ޖެކެޓު
ނ ބައެއްކަހަލަ ހެދުމުގެ ބޭރުންލާ ހެދުމެއް