radheef.info
ރަދީފު


ބޮޑު
ނއ (1) ކުޑައެވެ ބުނާ ބަހުގެ އިދިކޮޅު (2) ކޮންމެ މިނަކުންވެސް އިތުރު (3) މޮޅު (4) ޢިއްޒަތްތެރި
ބޮޑައި
ނ ކުރިކީލަ މަހުގެ ބާވަތެއް މިއީ މޫދުގެ ތިލަ ހިސާބުގައި )ހުދުފަޅުމަތީ( އުޅޭ މަހެކެވެ އާންމުކޮށް މިމަސް ތިބެނީ ގާދަށުގައެވެ މިމަސް ދުވެ ހަދަނީ ފަސްގަނޑާއި ވަރަށް ކައިރިން ނަގޫފަތްޖެހޭ ހިސާބުންނެވެ މަހުގެ ކުލައަކީ ކަޅު އަޅި ކުލައެވެ ކުރިކީލަ މަހަށްވުރެ މިމަހުގެ ބޯ ބޮޑުވާނެއެވެ
ބޮޑައިބުރަކި
ނ )ވ.( ބުރަކީގެ ބާވަތެއް. މިބުރަކި އާދައިގެ ބުރެއްކަށްވުރެ ތަންކޮޅެއް ބޮޑެތިވާނެއެވެ. މީގެ ބޮޑުމިން ގާތްގަނޑަކަށް ދޮޅު އިންޗި ވަރުވާނެއެވެ
ބޮޑައްޓާ
ނ )ގ ( ބޮޑުއަށި
ބޮޑަދިޔަ
)ލ ( ބޮޑުދިޔަ
ބޮޑު ދެގެރި ތަޅަންޏާ މަހާނަގަލަށް ބާރުކުރާނެ
(މުސްކުޅިބަހެއް) ބޮޑުދެގެރި ތަޅަންޏާ ކަށްގަލަށް ބާރުކުރާނެ
ބޮޑުހަނޑޫ
ނ ކަމުވޮށި ބޭފުޅުންނާއި ބޮޑުބޭކަލުންނާއި ކަނބަލުންނަށް ސަރުކާރުން އިހުގައި އިނާޔަތެއްގެ ގޮތުގައި ދެއްވި އެއްޗެއް މިއީ މަހަކު 03 ނާޅިމަގުން ދެއްވި ހަނޑުލެކެވެ
ބޮޑުހާޖިވެރިކަން
ނ އިންސާނުންގެ ބޮޑުކަމު ނަޖިސް
ބޮޑުހިތި
ނ (1) އިހުގައި ރަސްކަމުގެ ފަރާތުން ރަސްމީގޮތުން ފާހަގަ ކުރާ ދެދުވަހާއި އެދެދުވަހުގެ ރެއަށް ކިޔާ އުޅުނު ނަމެއް. ރަމަޟާންމަހުގެ ބާވީސް ވަނަ ދުވަހަކީ ހެންވޭރު ބޮޑުހިތި ދުވަހެވެ. އެދުވަހުގެ ރެއަކީ ހެންވޭރު ބޮޑުހިތި ވިލޭރެއެވެ. ރަމަޟާންމަހުގެ ސައުވީސް ވަނަ ދުވަހަކީ މާފަންނު ބޮޑު ހިތި ދުވަހެއެވެ. އެދުވަހުގެރެއަކީ މާފަންނު ބޮޑުހިތި ވިލޭރެއެވެ. ހެންވޭރު ބޮޑުހިތި ވިލޭރޭ ރަދުން ރަސްމީ ޢިއްޒަތުގައި ހިއްޗަށް ވަޑައިގަންނަވާނީ ލޮނުޒިޔާރަތްކޮޅުގައި ހުންނަ ޙަބުޝީގެފާނުގެ މަޤާމުފުޅަށް ޒިޔާރަތްކުރައްވައި ފާތިޙާ ވިދާޅުވާށެވެ. މާފަންނު ބޮޑުހިތިވިލޭރޭ ރަދުން ޢިއްޒަތުގައި ވަޑައިގަންނަވަނީ ޢަލިރަސްގެފާނުގެ ޒިޔާރަތަށް ފާތިޙާ ވިދާޅުވާށެވެ. (2) މާލެއަތޮޅުގެ ފަޅުރަށެއް (3) އާދައިގެ ހިތިގަސް
ބޮޑުހިސާބަށްދިއުން
މ މަޖާޒު: ބޮޑުހިސާބުގައި ޖެހުން
ބޮޑުހޯގުޅާ
ނ ކަނޑުމަތީ ދޫންޏެއް މިދޫނީގެ ބޮޑުމިނަކީ ގާތްގަނޑަކަށް 51 ވަރަކަށް އިންޗިއެވެ މުޅިދޫނީގެ ކުލައަކީ ކަޅުކުލައާއި ގާތްކުރާ ގަދަމުށިކުލައެވެ ތުން ހުންނަނީ ކަޅު އަޅިކުލައެއްގައެވެ ފައިގެ ކުލައާއި ހަށިގަނޑުގެ ކުލަ އެއްގޮތްވާނެއެވެ ދޫނީގެނިސްބަތުން ތުންދިގުކޮށް ގަދަފަދަކޮށް ދައްކައެވެ ފިނދުފަތް ހުންނާނީ ކުރިއަށް ފޭހިފައި ހުންނަގޮތަށެވެ ބިސްއަޅާއުމުރުގެ ދޫނީގެ ފިޔައިގެ ދަށްފަރާތާއި އެކުބަނޑުދޮށް ފަރާތް ހުންނާނީ ހުދުކުލައިގައެވެ
ބޮޑުނާބަ
ނ އިހުގައި ބޮޑު ދެހިތީގައި ޖަހާއުޅުނު ނާބައެއް ބޮޑުނާބަ ޖަހަނީ ހިތިގެ ދޮށުގައި ބޮޑުދެހިތީގައެވެ
ބޮޑުރިހި
ނ ބޮޑުލާރި
ބޮޑުރިޔާ
ނ ރިޔާ ބައިގެ އެންމެ ބޮޑުރިޔާ
ބޮޑުރެވި
ނ ރެވީގެ ފުއްބޮޑު ބާވަތް
ބޮޑުބާލީސް
ނ ކުޑައަށީ ހުރަސް ކުނަލުގެ ބިތްކައިރީގައި އަރިޔަށް ބަހައްޓައިފައި ހުންނަ ބާލީސް. މިބާލީސް ހުންނާނީ އަށީގެ ފެންޑާއާ ވީ ފަރާތުގައެވެ. މިބާލީހުގެ ދިގުމިނަކީ ހުރަސްކުނަލުގެ ފުޅާމިނެވެ. ފުޅާމިނަކީ އޭގެ މަގަތުގައި އޮންނަ ބޮޑުކަންނޭލުގައި މެދު ބުރަކަށި ޖައްސައިލީމާ ބޮލާއި ކަނދުރާ ބާލީހުގައި ޖެހިފައި އޮންނަވަރެވެ
ބޮޑުބުނުން
މ (1) ބޮޑުތޮޅުން (2) ފޮނިކެނޑުން
ބޮޑުބުރުގާ
ނ މޫނާދިމާގައި ދޯހަޅި ފޮތިކޮޅެއް ހަރުކޮށްފައި އޮންނަ މުޅިމީހާ ނިވާވާވަރުގެ ބޮޑުދޮޅިއެއް
ބޮޑުބުމަރު
ނ ފިލާފޮތި ބުމަރު. މިއީ ނަނުގަނޑު ބުމަރަށް ވުރެ މާބޮޑު ބުމަރެކެވެ. މިބުމަރު ޖަހަނީ ނަނުގަނޑުގެ އެއްކޮޅު ބުމަރުގައި އޮޅަމުންގޮސް މަތީ ކައިރިޔާ ހަމަވީމާ ބާކީ އޮންނަ ކޮޅު ފިލާ ފޮތީގެ މެދުގައި ހުންނަ ލޯވަޅަކުން މަގަތު ފަރާތަށް ލައްވައި ފިލާ ފޮއްޗާއެކު ހިފަހައްޓައިފައި ބާރަށް ދަމައިގަތުމާއެކު ބުމަރު ހިފަހައްޓަން ޖައްސައިފައި ހުރި އިނގިލި ނައްޓައިލަނީއެވެ މިބުމަރު އެނބުރެމުންދާއިރު ވަރަށް ރީތި ބޫން އަޑެއް އިވޭނެއެވެ
ބޮޑުބެރުލަވަ
ނ (1) ކާސިމަޖާ ކުރާއިރު ބޮޑުބެރުގައި ޖަހާބެރު (2) ކާސިމަޖާ ކުރާއިރު ކިޔާ ލަވަ
ބޮޑުބެއި
ނ )ދ ( ބޮޑުބޭބެ