radheef.info
ރަދީފު


ބޭނުން
ނ (1) މުހުތާދު (2) މަޤުޞަދު (3) މަޠުލަބު (4) ހާޖަތް (5) އެދޭއެދުން (6) ހިތްކިޔާކިޔުން މ (7) އެއްޗެއްގެ ތެރެއަށް އަނެކައްޗެއް ވެއްދުން ނުވަތަ ކޮއްޕުން (8) ބުޅީގައި ގަނުވައިގެން މަސްހިފުން (9) ކުރުނބާ ކިހައް ފަދަ ތަކެތި އިހާ އޮތްގޮތަށް ވާޖަހައިގެން ރުކުން ބޭލުން )01( ކަމެއްގެ ތެރެއަށް މަތިންބައިން ޖެހިގެން ވަނުން
ބޭސް އުށް
ނ މާމުއި ކުޅަނދުރުގެ ހަތައިން ނަގައިގެން ހަދާ އުށެއް މިހުންނަނީ މަޑުދޮން ކުލައެއްގައި އެތިއެތިގަނޑަށެވެ މިއީ ދިވެހިބޭހަށާއި ފާލީސްކުރުމަށް ބޭނުންކުރާ އެއްޗެކެވެ
ބޭސްކަރަ
ނ އަރިދަފުސް ރޯގާއަށް ބޭނުންކުރާ ދިވެހި ބޭހެއް. މިއީ ދުންނިކަފަތް ފެނުކައްކައިގެން ނުވަތަ ޅައަންނާރު ފޮޅިކޮށްގެން ހިއްތަލަފުށް ނުވަތަ ގޮދަން ފުށުގައި މަތިކަރާބޭހާ ދިޔާ ހަކުރު އަޅައިގެން ހިލާ ބޭހެކެވެ މިބޭސް ހިލުމުގައި ފޮނިތޮށި ކާފޫރުތޮޅި އަޅައެވެ ފޮނިތޮށި ކާފޫރުތޮޅި އަޅާނީ ބޭސްގަނޑު ހަރުވަމުން އަންނަ އިރުއެވެ
ބޮނބިކަޅިހި
ނ ބޮނބިން ހަދައިގެން ކިއްސަރު ވަޑާމުގައި ބޭނުންކުރާ ކަޅިހި
ބޮނބިފަންތޮށި
ނ ދަރަށް ބޭނުންކުރާ ބޮނތްބާއި ފަންތޮށި
ބޮނޑިކޮޕީ
ނ ތަރުކާރީގެ ބާވަތެއް. މިއީ ގަސްގަނޑު )ބޭރަށް( ވަކިން ނުފެންނަ ގޮތަށް ފަތްތައް އެކަތިގަނޑަކަށް )ބޯޅައެއްގެ ސިފަޔަށް( ބޮނޑިވެފައި އޮންނަ ތަރުކާރީއެއްގެ ގޮތުގައި ބޭނުންކުރާ ކުޑަ ގަހެކެވެ
ބޮނި
އމ (1) ބުއިން މިބަހުގެ އަމުރު މިއީ އިހުގައި ބޭނުންކޮށް އުޅުނު ގޮތެކެވެ މިސާލު: މިބޭސްކިޔާއި މާމުޔާއެކުބޮނީ (2) ރޯފަންފުޅަނގީގެ ޅައެއްޗެހި
ބޮން
ނ ހަތިޔާރެއް މިއީ ތަންތަން ގޮއްވާލަން ބޭނުންކުރާ އެއްޗެކެވެ މީގެ ތަފާތު ވައްތަރުތައް ހުރެއެވެ
ބޮންތިޖެހުން
މ ހެވިކަން ދަސްކުރުމުގައި ބޮންތިން ބޭނުންކުރާ ގޮތްތައް ދަސްކުރާން އެއްޗެހީގައި ޖެހުން
ބޮކަރު
ނ (1) މީރުވަސްދުވާ ލަކުޑިއެއް މިއީ ދުންއެޅުމަށާއި ބޭހަށް ބޭނުންކުރާ އެއްޗެކެވެ މިހުންނަނީ ކަޅުރަތްކުލައަކަށްދާ ކުލައެއްގައެވެ މިއީ އަތަރު ހެދުމަށް ބޭނުންކުރާ ލަކުޑިއެކެވެ
ބޮއްބޯ
ނ )ސ.( ކިރުއެރިފައިވާ އުރަމަތި. މިއި ކުޑަކުދިން ވާހަކަދައްކައި އުޅޭއިރު ކިޔައި އުޅޭ ގޮތެކެވެ. ފެން ނުވަތަ ދަޅު ކިރުފަދަ އެއްޗެހި ބޯން ބޭނުންވީމާވެސް މިހެން ކިޔައެވެ
ބޮއްކުރާ
ނ ދޯނިފަހަރު ބަންނަ ގޮތަށް ބަނދެފައި ހުންނަ ކުޑަ އުޅަނދެއް މިބަނދެފައި ހުންނަނީ ކޮލި ބޮޑުކޮންނެވެ. މިއީ ފަލިޖަހައިގެން ނުވަތަ ރިތުގެ ބޭނުންކޮށްގެން ދުއްވާ އެއްޗެކެވެ މި ކުރިން ޢާއްމުކޮށް ބޭނުންކޮށް އުޅެނީ ދަތުރުވެރިން އޮޑިފަހަރަށް އަރާ ފޭބުމަށެވެ މީގައި ކުނބެއް ހުންގާނެއް ނުހުންނާނެއެވެ
ބޮވައިގަތުން
މ ބުއިމަކަށް މާބޮޑަށް ބޭނުންވުން
ބޮވުން
މ (1) ބޯހިތްވުން (2) ބޯންބޭނުންވުން (3) ތިމާގެ އިޚުތިޔާރަކާ ނުލައި ދިޔާއެއްޗެއް އަރުތެރެޔަށް ދިއުން (4) ބޮއިނިމުން (5) )ޏ ސ( މަޅިމެހުން
ބޮލިފެން
ނ ކަރުތާފަތު ވިހަޔަށް ބޯންދޭ ފެނެއް މިއީ ފެންކައްކާ ބޮއްޔަށް އެކަމަށް ބޭނުންކުރާ ބޭސްއަޅައިގެން ކައްކާ ފެނެކެވެ
ބޮޑަދެއްކުން
މ (1) ދެކޮޅުވެރިކަމަކާ ނުލައި ދެރަނުވާންވެގެން ގޮތް ދޫނުކޮށް އުޅުން. (2) ކަމެއް ކުރާހިތުން ހުރެ ގޮތްދޫނުކުރުމުގެ ގޮތުން އެކަމެއް ނުކުރާން ބުނުން. (3) ބޭނުންވުމާއެކުވެސް ބޭނުންނުވާގޮތް ދެއްކުން. (4) ގާތްމީހަކު ލައްވައި ތިމާ ބޭނުންކަމެއް ކުރުވުމަށްޓަކައި ނުކިޔަމަންތެރިކަމެއް ނުވަތަ ނުރުހުމެއް ދެއްކުން
ބޮޑުބަރަނި
ނ (1) ތިންއުޅީގައި އަނބުރައިފައި ހުންނަ ނަނުބަރަނި (2) ފެކްޓަރީތަކުގައި ފަހަންބޭނުންކުރާ ބޮޑެތި ބަރަނި
ބޮޑުއާވިގަސް
ނ ފަރުބަދަމަތީގައި ހެދޭ އަބަދަށްފެހި ގަހެއް މިގަހުގެ އެކި ބައިތައް ބޭހަށް ބޭނުން ކުރެއެވެ ގަހުގެ ފަތް ހުންނަނީ ހިމަކޮށް ތޫރިކޮށެވެ
ބޮޑުމައްސާގު
ނ މައްސާގުގެ ބާވަތެއް މިއީ އެއްތަނޑަށް ހެދޭ ފަތްބޮޑެތި ގަހެކެވެ މީގެ ފަތަކީ ކެއުމަށް ބޭނުން ކުރާ އެއްޗެކެވެ
ބޮޑުމަތާދަތި
ނ ވަޑާމުގެ މަސައްކަތުގައި އިލިޖެހުމަށްޓަކައި ދެލަކުޑިގަނޑު ކައިރިކޮށް ޖައްސައި ހިމުން ކުރުމަށް ތިއްބާ އާލާތް މިއީ ކިއްސަރު ވަޑާމުގައި ބޭނުންކުރާ އާލާތެކެވެ
ބޮޑުފަތް
ނ މިއީ ދިގުކޮށް އުނިކޮށް ހުންނަ ފަތެކެވެ މިފަތުގެ ރަހަ މަޑުވާނެއެވެ މި އާއްމުގޮތެއްގައި ބޭނުން ކުރާނީ ދުފުމަށެވެ