radheef.info
ރަދީފު


ރަސް
ނއ (1) ރަސްގެފާނަށް ނުވަތަ ރަސްކަމަށް ނިސްބަތްވާ (2) މޮޅު މިސާލު: ރަސްއައިން (3) އެންމެބޮޑު މިސާލު: ރަސްމަގު (4) އެންމެ ލޯބިވާ މިސާލު: މަގޭ ރަސްދަރިފުޅު (5) ނ ފަސްއޮށްކުޅޭއިރު ވިދިވިދިގެން ހަތްލަނޑުދިނީމާ ނުވަތަ ހުސްފުށަތުން ލާއިރު އޮށްބައި އެކަށް ހިފުނީމާ ކިޔާނަން
މަނިއްޕުޅު
ނ ރަސްމަތި ފުށުގެ ފިރިހެން ބޭފުޅުންނަށް ކިޔާ ނަމެއް
މަކުނުތަޅަންމަތި
ނ ރަސްކަމުގެ ގަނޑުވަރު ހުރައިރު ދެކުނުގެ ކޮޅުގެދެކުނުން ހިޔާ ކުރެވިފައިވާ ތަޅަންމަތި
މައްތިނިއުއްތަރަ
ނއ )ބދ ( ރަސްކަންމައްޗަށް އުފަން
މަތިގެ
ނ (1) އިހުގައި ގަނޑުވަރު ތެރޭގައި ތާންލޯއިން ހަތަރުފުރާޅުލައި ހިޔާކޮށްފައި ހުރި ދެބުރި ޢިމާރާތެއް މިއީ ކީރިތި މަހާރަދުން ރަސްކަމުގެ ހުރިހާ ކަމެއް ހިންގެވި އޮފީސް ޢިމާރާތެވެ (2) )ޏ ( ގެމަތި )އެއްބުރި ގޭގޭގައި ހުރަސް ބެރިތަކުގެ މަތީގައި ފިލާއަޅައިފައި އޮންނަތަން
މަތީބަނުން
މ ހަނގުބޭކަލުންގެ ރަސްމީ ހެދުމުގައި އުނަގަނޑު މަތީގައި ބަންނަ ފޮތިގަނޑެއް އުނަގަނޑު މަތީގައި އެއްސުން މިގޮތަށް ބަނދެ އުޅޭނީ ތިންމުށް ހަތަރުމުށް ހުންނަވަރުގެ ކުލަފޮތިގަނޑެކެވެ ނުވަތަ ރުމާލެކެވެ
މަތީބަންނައެތިގަނޑު
ނ ހަނގުބޭކަލުންގެ ރަސްމީ ހެދުމުގައި އުނަގަނޑުމަތީގައި ބަންނަ ފޮތިގަނޑު
މަލަކާ
ނ (1) ރަސްކަލެއްގެ އަނބިކަބަލެއް ނުވަތަ ދަރިކަނބަލެއް (2) ރަސްކަމުގައި އިންނެވި އަންހެން ބޭފުޅެއް
މަލާއިކަތުން
ނ މާތްރަސްކަލާނގެ އަމުރުފުޅުތަކަށް އުރެދުމެއްނުވާ ރޫޙާނީ ނޫރާނީ މަޚްލޫޤުން
މަލޫޠާ
ނ ރަސްމީ ޢިއްޒަތުގެ ހެދުންކޮޅު ތުރުކުރައްވާއިރު އެތެރޭން ތުރުކުރައްވާ ހެދުންކޮޅެއް
މަގުބެއްދުން
މ (1) އެއްވެސް އެއްޗަކަށް ނުވަތަ މީހަކަށް ނުދެވޭ ގޮތަށް މަގު ބަންދުކުރުން (2) މަޖާޒު: ކުރިއަށް ދިއުމަށް ހުރަސް އެޅުން
މަގުއަމާންވުން
މ (1) މަގުމަތީގައި އެއްވެސް ނުރައްކަލެއް ނެތުން (2) މަޖާޒު: ކުރަން އުޅޭ ކަންތަކަށް އެޅިފައި ހުންނަ ބައެއްޒާތުގެ ހުރަސްތައް ފިލުން
މަގުފުޅައްފޭލިދެމުން
މ ރަސްމީގޮތުން އެކިއެކި ޢިއްޒަތްތެރީން މާލެވަޑައިގަންނަވާއިރު މަގުގެ ދެފަރާތުގައި ފަތްދަނޑިޖަހައި އެއިން ކޮންމެ ދަނޑިއެއްގައި ދިދަނަގައި އެދަނޑިތަކުގެ ތިރީގައި ހުދުފޮތި ފާޓުގެ ފުޅާމިނަށް ދެމުން
މަސަލަސްޖެހުން
މ (1) ވަކި ވަގުތުތަކެއްގައި ވަކިހަމައެއްގެ މަތީން ޖަހާ ރަސްމީ ބެރެއް ޖެހުން (2) ކުޅިހުއްޓާރޭ ބަންޑާރަކޮށީ މީހުން ޖަހާ ކުޅިއެއްޖެހުން
މަސާހިބު
ނ (1) އަޅުގަނޑުގެ މާތްވެރިޔާ (2) ރަސްކަލެއްގެ އަރިހުގައި އާދޭހާ ދެންނެވުމުގެ ގޮތުން ބޭނުންކުރާ އާދެ ސާހިބު މިބަސްކުރުކޮށްލައިފައި ކިޔާގޮތެއް
މަސްކަނދުގަނޑު
ނ ބޮޑުވަތާ ކުނބުވަތާއި ދެމެދުގައި އޮންނަ އިންނަފަތް މަތީގައި ނަގައި އެޅޭގޮތަށް ބާއްވާ ހުރަސްބެރިއެއް. މިއީ މަސްބާނާއިރު އޭގައި މަސް ޖެއްސުމަށްޓަކައި ބާއްވާ ބެރިއެކެވެ
މަސްފުޅު
ނ (1) ގަނޑުވަރު ތެރެއަށް ގެންދާ ދަނޑިމަސް (2) ތަބްރޭޒުގެ ފާނާއި އިސްކަންދަރު ރަސްގެފާނާ ދެބޭފުޅުންގެ ފާތިޙާ ފަރީއްކޮޅަށް ގަނޑުވަރުތެރެއަށް ގެންދާމަސް
މަޑަގަސްކަރަބިބީ
ނ ލޯހުރަސްކޮށް ކަޅުކުލައިގެ ރޮނގެއް ހުންނަ މަހެއް މިބާވަތުގެ މަހުގެ ދެއަރިމަތީގައި އަޅިކުލައިގެ ވަރަށް ފާޅު ރޮނގުތަކެއް ހުރެއެވެ މިއީ ޖޯޑުޖޯޑަށް ދިރިއުޅޭ މަހެކެވެ މިއީ ކެއުމަށް ބޭނުންކުރާ މަހެއްނޫނެވެ
މަޖިލީހަށްނެރުން
މ )ހ ( ބެރުދުންމާރިތާޅަފިއްޔާއި ކުޅި ޖެހުންފަދަ ކަންތައްދަސްކޮށް ދިނުމަށްފަހު އެމީހަކު ރަސްމީގޮތުން އެކަން ކަމަށް ނެރުން
މަޖިލީހަށްއަރާ ބޭކަލުން
ނ އިހުގައި ރަސްމީގޮތުން ޚާއްޞަ ދަރަޖައެއް ދެއްވައިފައިތިބޭ މީހުން
މަޖިލީހުގައި އެޅުން
މ އިހުގައި މަތީ ދަރަޖައިގެ ބޭފުޅުން އަވަހާރަވީމާ ރަސްމީ ޢިއްޒަތުގައި ފަސްދާނުލުން