radheef.info
ރަދީފު


ރަތް
ނ (1) ވިއްސާރަ ދުނީގެ ކުލަތަކުގެ ތެރެއިން އެންމެ ތިރިޔަށް ހުންނަ ކުލަ (2) ސާފުލޭގައި ހުންނަ ކުލަ (3) ބެރެބެދިމަލުގައި ހުންނަ ކުލަ މިބަސް ނަން އިތުރަކަށްވެސް ބޭނުންކުރެއެވެ
މާލީސާ
ނ )ސ ( ފަރުމަހެއް )ހުޅުނބު ހުންނަ ކަޅުރަތްކުލައިގެ ފަރުމަހެއް
މާގެދަ
ނ ގެދައިގެ ބޮޑެތި ބާވަތް މިއީ ހުދުގެދައާއި ރަތްގެދައަށްވުރެ ބޮޑަށް ފެތުރެމުން ހެދޭގަހެކެވެ މިގެދައިގެ މަތީ ފަރާތުގައި ހުންނާނީ ފެހިކުލައެވެ ދަށް ފަރާތާއި ތަނޑުގަނޑުގައި ހުންނާނީ ދަނބު ކުލައެވެ
މުށި
ނ (1) ރަތްކުލައާއި އަޅިކުލައާ އެއްވީމާ ނިކުންނަ ކުލަތައް (2) އަތްކަންކުރާ މީހުން ރަންރިހިތަޅަން ގެންގުޅޭއެތި (3) ބިންމަތީގައި ގޮޅި ގޮޅިއަށް ރޮނގު )މުށިގެ( އަޅައިގެން ކުޑަކުދިން ކުޅޭ ކުޅިވަރެއް (4) ތަވައާއި ފުފޭފަދަ އެއްޗެހި ހެދުމަށް ކޯރު ކިސަޑުން ހަދާއެއްޗެއް (5) ގަސްއިންދުމަށް ހަދައިފައި ހުންނަ އެއްޗެހި (6) އެއްޗެހި ދޮންނަން ހަދައިފައި ހުންނަ މުށިގަނޑު
މުނިޔާ
ނ އަޑުރީތި ކުޑަ ދޫންޏެއް )މިދޫނީގެ ބޮޑު މިނަކީ ގާތްގަނޑަކަށް ދެއިންޗިބައި ނުވަތަ ތިން އިންޗިހާވަރެވެ މިއީ ގޮވާމާއި މޭވާކައި އުޅޭ ދޫންޏެކެވެ މުނިޔާގެ ތިންވައްތަރެއް އުޅެއެވެ އެއީ ޖަންގަލީ މުނިޔާއާއި ރަތްމުނިޔާއާއި ފަރުބަދަމަތީ މުނިޔާއެވެ
މުތައްބަޚުރޮށި
ނ ދަމައިފައި އޮންނަ ފުށްގަނޑެއްގެ މައްޗަށް ކުކުޅުބިސް ނުވަތަ ތަރުކާރީ ނުވަތަ މަސްއަޅައި ފަތް ޖަހައިލުމަށް ފަހު ރަތްތޮށި ވަންދެން ފިހެ ތައްޔާރުކުރާ ކާއެއްޗެއް
މުގު
ނ (1) ޢާއްމުކޮށް ރިހަކައްކަން ގެންގުޅޭ ކުދިއޮށްޓަރެއް މީގެވަރަށް ގިނަބާވަތް ހުރެއެވެ މިސާލު: ރަތްމުގު ނޫމުގު ފެހިމުގު (2) )ބދ ( އަނިޔާވެރިކަން
މުސައްލަކުނާ
ނ ގެފުޅާއި ޒިޔާރަތްފުޅު ކުރަހައިފައި ހުންނަ ކުނާ
މެހުމާން
ނ (1) އެނބުރިދާގޮތަށް ވަގުތީގޮތުން ޒިޔާރަތްކުރާމީހާ (2) ވަގުތީ ގޮތުން އައިސް ހުންނަމީހާ (3) ދަޢުވަތުދީގެން އަންނަމީހާ
މެދުފޭލި
ނ (1) ފޭލިގެ މެދުތެރޭގައި ކަޅުރަތް ކުލައިގެ އޮންނަ ފުޅާބައި (2) ބާރަތޭރަ އަހަރުގެ ކުދިން އަނުމަށް ވިޔެފައި ހުންނަ ފޭލި
މޭ
ނ (1) އިންސާނުންނާއި މައިކަށި ހުންނަ ސޫފާސޫފީގެ ހަށިގަނޑުގެ ތެރޭގައި އޮންނަ ރަތްމުށި ކުލައިގެ ގުނަވަނެއް މިއީ ހަކުރު ގުލްކޯޒަށް ބަދަލުކޮށްދީ ކާއެއްޗެހި ހަޖަމުކުރުމަށް ބޭނުންވާ ރީނދޫ ދިޔައެއް އުފައްދައިދޭ ގުނަވަނެކެވެ (2) މޭމަތި (3) އިރުމަހުގެ ފަސްވަނަ މަސް
މޭއްޔަފަނި
ނ ހިކިފަސްގަނޑުގެ ތެރޭގައި ތިބޭ ރަތްކުލައިގެ ކުދި ފަންޏެއް
ފަހުދުވަސް
ނ (1) އާޚުރަތް ދުވަސް (2) ކަމެއްގެ ނުވަތަ އަހަރެއްގެ ނުވަތަ މައްސަރެއްގެ އެންމެ ފަހު ދުވަސް
ފަށްދެމިދަންބޮޑު
ނ ފަރުފަރާއި ފަޅުފަޅުގެ މުރަކަތަކުގެ ނިވަލުގައި ގިނައިން އުޅޭ މަހެއް. މިއީ ކުލަފަނޑު ރަތް މަހުގެ ކަރުތާފަތުގެ ކޮޅުގައި މަހުގެ ހުރަހަށްވާގޮތަށް ގަދަމުށި ކުލައިގެ ފުޅާފަށެއް ހުންނަ މަހެކެވެ
ފަންކުރަފި
ނ )ކަންފަތުއުނގުރި( ހިމަދިގު ފާޑަށް އިންޗިއެއްހައި ދިގުމިނުގައި ހުންނަ ހިކިފަން ކުލައިގެ ކުރަތްޕެއް. މިކަހަލަ ކުރަފި ވަރަށް ގިނައިން ކަންފަތަށް ވަދެއެވެ
ފަންތޮށިމުގުރާން
ނ މުގުރާމުގެ ބާވަތެއް މިހުންނަނީ ރަތްމުށިކުލައިގެ ދިގު ރޮނގު ތަކެއް ދަމައިފައެވެ
ފަންޑިތަފޮތި
ނ ރަތްތަގައްލާފޮތި. މިއީ ދިވެހީން އިހުޒަމާނުގައި ފަންޑިތަ ހަދައި އުޅުމަށް ވަރަށް ގިނައިން ބޭނުންކޮށް އުޅުނު ފޮއްޗެކެވެ. މިއީ އާދައިގެ ފޮއްޗަށް ވުރެބޯ ރަތްކުލައިގެ ފޮއްޗެކެވެ މިފޮއްޗަށް ބައެއް މީހުން ތަގައްލާ ފޮއްޗޭވެސް ކިޔައެވެ
ފަތްކެޔޮ
ނ ދޮންނުވާއިރު ފަލަމަޑީގެ ގޮތުގައި ބޭނުންކުރާ ދޮންވުމުން މޭވާއެއްގެ ގޮތުގައި ބޭނުންކުރާ އެއްޗެއް. މިސާލު: ބޮންތިރަތްކެޔޮ. ސަންޕާކެޔޮ ފުސްކެޔޮ މާޅޮސްކެޔޮ ބޮޑުކެޔޮ އޮށިކެޔޮ ރަތްކެޔޮ ކަނދިލިކެޔޮ ސުވާސާކެޔޮ ފުސްމާޅޮސްކެޔޮ
ފަލިދަ
ނ ފެނުކައްކައި ފުޑައިފައި ހުންނަ ހަރުބޮންތި ރަތްކެޔޮ ބޯތައްޓަކަށް ބޯތައްޓެއްގެ ގަބުޅި ހުނި އަޅައިފައި ހަނޑޫފުށާއި ހަކުރު އަޅައިގެން ހިލާ ފޮނިކާއެއްޗެއް މި ހުންނަނީ ގުޅަގުޅަޔަށް ވަށައި ދުމަށީގައި ޖަހައި ހިއްކައިފައެވެ
ފަސްފުޅިކިޔެވުން
މ އިހުގައި ގަނޑުވަރު ތެރޭގައި ހުންނަ ލޯގަނޑުން ފަސްފުޅިޔަށް ޖެހީމާ )ރޭގަނޑު އެގާރަ ޖެހީމާ( މެދު ޒިޔާރަތް ދޮށުގައި ދުޢާވެރިކަން ކިޔެވުން
ފަސްފުޅިދުމާދިއުން
މ އިހުގައި ގަނޑުވަރު ތެރޭގައި ހުންނަ ދަމުއަށީގެ ލޯގަނޑުން ފަސް ފުޅިޔަށް ޖެހީމާ )ރޭގަނޑު އެގާރަޖެހީމާ( އަލިފާން އަޅައިފައި ހުންނަ މުޖުމަރާއަކަށް ދުން އަޅައިގެން ކުދިބޭކަލަކު އެހިފައިގެން ހިއްތަން ދޮރާށިން ނުކުމުގެން މެދުޒިޔާރަތް ދޮށަށްގޮސް އެތާނގައި ދުޢާވެރިކަން ކިޔަވަން ތިބޭ މީހުންގެ ގާތުގައި ބެހެއްޓުން