radheef.info
ރަދީފު


ނޫން
އ (1) ނަފީކަން ގަދަކުރުމަށްބުނާ "ނޫނޭ" ގެ އަދަބުވެރިގޮތް (2) ނޫނޭ- މިބަސް ލުއިކޮށް ބުނާގޮތް (3) މެނުވީ (4) ފިޔަވައި
ފޮރޮއްޕާކަށްނެތް
ނ ފޮރުއްޕާކަށްނެތް މިސާލު: އޭނާގެ އުނދަގޫ ބޮޑުކަމުން ކުޅަދާނަ ވަރެއްނޫން ނުވަތަ މިކަމާހުރެ ލާހިކު ވަރެއްނޫން
ފޮޅުން
މ (1) މާމަލުގެ ފިޔަތައް ހުޅުވުން. (2) ގޮވާމާއި ހަވާދު ފަދަ ތަކެތީގެ ކުނޑި ފިލުވުމަށް ނުވަތަ އޭގެ އެކިއެކި ބައިބައި ވަކިކުރުމަށް ބަތްޕޮޅި ނުވަތަ ދޮލަނގެއް ފަދަ އެއްޗަކަށް އަޅައިގެން ވަކިގޮތަކަށް ޙަރަކާތްކުރުން (3) ތަނެއްގައި ހުރި ހިރަފުހާއި މަކުނުވާ ފަދަ އެއްޗިހި ފޮތިގަނޑެއް ނުވަތަ އެނޫންވެސް އެއްޗަކުން ތަޅައިގެން ސާފުކުރުން (4) ހަނާކުރާއިރު ގޮވާމުގައި މާޖެހުން (5) ތަންތަނުން ދަވާދު ދަބަރު ފަދަ އެއްޗިހި އުފުލި ކެނޑިކެނޑިގެން ނެއްޓުން (6) އެކިއެކި ގޮތްގޮތް ދިމާވެގެން ގައިގެ ހަން ތޮށިތަކެއްހެން ނެއްޓެމުން ދިއުން (7) ތަނަކަށް އެޅިފައި ނުވަތަ ތަނެއްގައި ހަރުލައިފައި ހުންނަފެން އަތުގެ ނުވަތަ އެނޫންވެސް އެއްޗެއްގެ ޙަރަކާތުން ބުރުވައިލުން (8) ނޭފަތުގައި ހުންނަ އަރިދަފުސް ނެރެ ސާފުކޮށްލުން (9) މަޖާޒު: އުފަލުން ގޮސް މޫނުމަތި އުޖާލެވެގެން ދިއުން
ދަށް
ނ (1) މަތި މިބަހުގެ އިދިކޮޅު މިސާލު: އޭނާ ދަށްމަޤާމަކަށް ބަދަލުކޮށްފިއެވެ (2) ދެރަ މިސާލު: ފެންވަރު ދަށް (3) މަތިން އަޅާއެއްޗެއްގެ އެތެރެ މިސާލު: ރިޔާދަށުގައި ތިބިމީހުން (4) މަތިފަރާތްނޫން އަނެއްފަރާތް މިސާލު: އެސިޓީ އޮންނާނީ އެފޮތުގެ ދަށުގައި (5) އަނދެގެން ހުންނަ ނުވަތަ ލައިގެންހުންނަ އެއްޗެއްގެ އެތެރެ
ދަތުރުކުރުން
މ (1) ތިމާހުރިތަންނޫން އެހެން ތަނަކަށް ކަނޑުމަގުން ނުވަތަ އެއްގަމުމަގުން އައިސްގޮސްވުން (2) މީހަކު ނުވަތަ އެއްޗެއް އެއްތަނުން އަނެއް ތަނަށް ދިއުން މިސާލު: )ހ( އަލިދަތުރުކުރުން )ށ( އަޑުދަތުރުކުރުން (3) މަޖާޒު: ހިނގަމުން ނުވަތަ ދައުރުވަމުން ދިއުން މިސާލު: )ހ( ދުނިޔެ ދަތުރުކުރަމުންދާއިރު )ށ( ޚިޔާލު ދަތުރުކުރުން
ދިރިހުއްޓައި ކަށްވަޅަށް ދިއުން
މ މަޖާޒު: ނުއުފުލޭވަރުގެ ބޮޑު ދަރަންޏެއް ބޮލުގައި އެޅުން ނުވަތަ އެނޫންވެސް މާބޮޑަށް ލަދުގަންނަންޖެހޭ ފަދަކަމެއް ދިމާވުމުން ބުނެއުޅޭ ބަހެއް
ދިވާނާ
ނ (1) މޮޔަ (2) ބުއްދިހަމަނޫން
ދޫކަން
ނއނ (1) ބާރުނޫންކަން (2) ހިފެހެއްޓުމެއްނެތްކަން
ދެފައްލާމު
އ ޢަރަބި އަލިފުބާގެ ބުޅިލާމު ނޫން އަނެއްލާމު
ދެދޮރުއެއްވުން
މ އަންހެނަކަށް ވިހެއުމުގެ ތެރޭގައި ނުވަތަ އެނޫންެވެސް ގޮތަކުން ލިބޭ ގެއްލުމަކުން ކުރިމަތިފަރާތުގެ ދޮރާ ފުރަގަސްފަރާތުދޮރާ ދެމެދުގައި ހުންނަ ހުރަސްކެނޑިގެން ދެތަންއެކުވުން
ދެގަނޑެތި
ނ ބައެއް ކަހަލަ އެއްޗެހީގެ ދެއެއްޗަށް ކިޔާގޮތެއް މިސާލު: )ހ( ދެގަނޑެތި މަހުން އަތުވެއްޖެ )ށ( ދެގަނޑެތި ޖައްސައިފައި ބޯލްޓް އަޅާށެވެ )ނ( ލައިގެންހުރި ދެގަނޑެތިނޫން އެއްޗެއްނެތެވެ
ދޮންބައްޕަ
ނ މަންމައާއިން ނުވަތަ އިނދެގެން އުޅޭ ބައްޕަނޫން މީހާ
ދޮންބިސް
ނ (1) އަންހެންމަހުގެ ބަނޑުގައި ރީނދޫކުލައިގައި އޮންނަ އެއްޗެއް މިއޮންނަނީ ދެބަޔަށެވެ މީގެތެރޭގައި ހުންނަނީ ކުދިކުދި ފުއްތަކެކެވެ މިއިން ކޮންމެ ފުކެއްވާނީ މަހަކަށެވެ (2) ކިރުބިސް ނޫންބިސް
ދޮންކާފަ
ނ (1) މާމަ އިނދެގެން އުޅޭ ނުވަތަ މާމައިން ކާފަނޫންމީހާ. (2) )ޏ.( މުންނަ އިނދެގެންއުޅޭ ނުވަތަ މުންނައިން ކާފަނޫން މީހާ
ދޮންމަންމަ
ނ ބައްޕައިން ނުވަތަ އިނދެގެންއުޅޭ މަންމަނޫން މީހާ
ދޮންމާމަ
ނ (1) ކާފަ އިން ނުވަތަ އިނދެގެންއުޅޭ މާމަނޫން މީހާ. (2) މާފަ އިން ނުވަތަ އިންނަ މާމަނޫން މީހާ
ދޮރުތަންޑު
ނ ދޮރުލައްޕައިފައި ބަންދުކުރުމަށް ބޭނުންކުރާ ތަޅުނޫން އެހެން ތަކެތި މީގެ ތަފާތު ބާވަތްތައް ހުރެއެވެ
ދޯ
އ އާނބަސް ބުނުވުމުގެ ގޮތުން ސުވާލު ކުރުމަށް ބޭނުންކުރާ ބަހެއް މިސާލު: އަހަރެން މިބުނީ ތެދެއްނޫންދޯ
ދޯނިނެގުން
މ (1) އަޅައިފައިހުންނަ ދޯނިފަހަރު އޮންނަތަން ނޫން އެހެން ތަނަކަށް ގެންދިއުން (2) އަރިކޮށްފައި އޮންނަ ދޯންޏެއް ތެދުކުރުން
ދޯރި
ނ (1) ތެލާއި ފެނާއި އަދި އެނޫންވެސް ދިޔާތަކެތި އަނގަ ކުޑައެއްޗިއްސަށް އެޅުމަށްޓަކައި މަތިފުޅާކޮށް ތިރިހިމަކޮށް ހަދައިފައި ހުންނަ އެއްޗެއް (2) ފިތައިގެން އެއްޗިއްސަށް ތެޔޮދުއްވާން ވަށްކޮށްފަތިކޮށް އެއްކޮޅު ހިމަކޮށް އެތެރެއަށް ތެޔޮއެޅޭނޭހެން ހަދައިފައި ހުންނައެތި (3) ކުޑައިގެ ދަނޑީގެ ކޮޅުގައި ޖަހައިފައި ހުންނައެތި (4) ބައެއް އެއްޗެހި އަތުން ފަހައިއުޅޭއިރު އިނގިލިކޮޅަށް ޖަހައިފައި ހުންނަ އެތި (5) ގަލަން ފަދަތަކެތީގެ ތުނޑު ނިވާކުރުމަށް ޖަހައިފައި ހުންނަބައި
ތަންވިޔަރި
ނ އާދަވެގެން ނިދައި އުޅޭތަންނޫން ތަނެއްގައި ނިދަން ޖެހުމުން ނިދިނައިސްގެން އުޅޭ އުޅުން