radheef.info
ރަދީފު


ހުރެ
އ (1) ހެދި މިބަހުގެ މާނަ ދޭހަވަނީ އެހެން އެއްޗަކާއި ގުޅުވައިގެން ބުނީމައެވެ މިސާލު: މަދިރިޔާ ހުރެ ނިދޭކަށް ނެތެވެ (2) )ގ ( ރޫ
ކުރިރުއް
ނ ރުކުގެ ބާވަތެއް މިރުކުގައި ގަންނަ ތަކެތީގެ ކިހައްގަނޑާއި ފިހިގަނޑުގައި ހިތި ރަހައެއް ނުހުރެއެވެ
ކުރު
ނއ (1) ދިގުގެ އިދިކޮޅު. (2) ދިގުމިނުންމަދު. (3) ނ. މަސްކަނޑުގައި އުޅޭ ކުޑަ ކަޅު ދޫންޏެއް މީގެ ފިނދު ފަތުގައި ހުދުކުލައިގެ ބަންދެއް ހުރެއެވެ
ކުރުކުރު
ނ ފަލަމަޑީގެ ބާވަތެއް މިއީ މަތިވައް ފަތްހެން ފަތްހުންނަ ވެލެއްގެ ގޮނޑިއެކެވެ މީގެ ބޭރުހުންނަނީ ކަޅު މުށިކުލައެއްގައެވެ ތޮށިގަނޑުގައި ނަރުވާތަކެއް ފަޅައިފައިހުރެއެވެ މިވެލުގައި އަޅާ އެއްޗެއްސަށް ކިޔައި އުޅެނީ ކުރުކުރުކައްޓަލައެވެ އެ ހުންނަނީ ކުދި ކޮންނެވެ
ކުރުމަސް
ނ (1) ދިގުމަސް (2) ފަރުމަހުގެ ބާވަތެއް މިއީ ބޮނޑިމަސްކޮށް ހުންނަ ހިމަދިގު މަހެކެވެ މަހުގެ ކުލައަކީ ގަދަނޫކުލައަކަށްދާ ފެހިކުލައެކެވެ މަހުގެ ދެފަރާތުގައި ހުރަހަށް ކަޅުކުލައިގެ ރޮނގުތަކެއް ހުރެއެވެ މިއީ އެއްބަރިއަކަށް ދަތްތައް ހުންނަ އަނގަބޮޑު މަހެކެވެ
ކުޅަނދިލިމާ
ނ (1) އެތެރޭގައި ވައްތަރަކު ކަރުގަނޑެއް ހުރެފައި ކުކުޅުބިސްބުރަށް އެއްކޮޅަށް ދިގުކޮށް ހުންނަ ރީތިމަލެއް މިއީ ކުރަފަތްތޮޅި ވެލުގެ މަލެވެ މީގެ ދެކުލައެއް ހުރެއެވެ (2) ނަންރީތިމާ (3) ނޫމާ
ކުޅި
ނ (1) އެއްގަމުގައި ހެދިފައި ހުންނަ ފެންގަނޑު. (2) ހެވިކަން ފަރިތަ ކުރުމަށް ކުރާކަންތައް މީގެ ކިތަންމެ ބާވަތެއް ހުރެއެވެ. (3) ބައެއްކުޅިވަރު ތަކުގައި ވަކި ހަމަތަކެއްގެ މަތިން ބަދަލުކުރަމުން ގެންދާ ފިޔަވަޅުތަކުގެ ތެރެއިން ފިޔަވަޅެއް މިސާލު: ލަނގިރި ޖެހުމުގައި މާފަތިން ކުޅިހަދައި ނިމިގެން ކުރުދަނޑިއަށް ބަދަލުކުރުން. (4) ރާޒުވާއާއި ފަޗިސްފަދަ ކުޅިވަރުކުޅޭން ހަދައިފައި ހުންނަ އެއްޗެހީގެ ތެރެއިން އެކަތި (5) އެކި ބާވަތުގެ ބަޑިކުޅި ހަދާން ތައްޔާރުކޮށްފައި ހުންނަ ބޭސްގަނޑު (6) ނއ މިރުހުގައި ހުންނަ ރަހަ
ކުޅިތުޅާ
ނ ފަތްޕިލާވެލީގެ ބާވަތެއް މިއީ ގަނދަކޯޅިއާ ވައްތަރުގޮތަކަށް ހެދޭ ގަހެކެވެ މިގަހުގެ ފަތުގައި ކުޅިރަހައެއް ހުރެއެވެ މިފަތަކީ ބޭހަށް ބޭނުންކުރާ އެއްޗެކެވެ
ކުޅީކުކުޅު
ނ އެއްގަމު ދޫނީގެ ބާވަތެއް. މިއީ ވަލުގައި އުޅޭ ދޫންޏެކެވެ. މިދޫނީގެ ސިފަ އެންމެ ވައްތަރީ ދިވެހި ކަނބިއްޔާއެވެ. ދޫނީގެ ކުލައަކީ ދޮން ރީނދޫކުލައެވެ. ދޫނީގެ ފަތް ހުންނަ ކުލައާއި ކުރެހުން ސިފަކޮށްދައްކަނީ "ދޮންމިރުސް ކުކުޅާ" އެއްކަހަލަ ގޮތަކަށެވެ. ތުނބާއި ފައި ހުންނަނީ ދޮންކުލައިގައެވެ. ބައެއް ކުކުޅު ހާލުގައި ހުންނަ "ގޮށްކެޔޮފޮތި" ކަހަލަ ތަންކޮޅެއް ތުނބުގެ މަތީކޮޅުގައި ހުރެއެވެ
ކުއްޅަވައް
ނ (1) ބިޔަގަހެއްގައި އަޅާ ހުތް ކިހަސްމޭވާއެއް. މިހުންނަނީ މަތީގައި ބޮޑުތާފަތެއް ހުރެފައި ފުލުގައި ބޮނޑުނަގުލަށް ހުންނަ ނަރެއްލައިފައެވެ މިގަހުގެ މުލުން ނިރު )މޮށަވަ( ފަޅާނެއެވެ (2) ކުއްޅަވައްގަސް (3) ކުއްޅަވައް ބުރަށް ލިޔެލާ ޖަހައިފައި ހުންނަ ކުރަނޑިއެއް
ކުފިބޮލި
ނ ބޮލީގެބާވަތެއް މިބޮލީގެ ކުލަޔަކީ ފަނޑު ކިސަޑު ކުލައެވެ މީގައި ކުދިތިކިތަކެއްހެން އުފުލިފައި ހުންނަ ތަންތަން ކޮޅު ހުރެއެވެ އެތަންތަންކޮޅުގެ ކުލަބޮލީގެ ކުލަޔަށްވުރެ ތަންކޮޅެއް ކުލަގަދައެވެ މިބޮލީގެ ދެކޮޅުގައި ކަޅުކުލައިގެ ދެތިކިހުރެއެވެ
ކުދުފުއްލާ
ނ )ސ ( ފޫއެނބުރީގެ ބާވަތެއް މިއީ ހިމަކޮށް ގާތްގަނޑަކަށް 6 އިންޗި 4 އިންޗި ހާދިގު ކޮށް ބަދަބަދައަށް ހުންނަ ފޫއެނބުރިއެވެ މީގައި ރީތި ކުރެހުމެއް ހުރެއެވެ އެކި ތަންތަނުގައި ހުންނަނީ އެކިކުލައެވެ
ކުލަކޮކާމަސް
ނ ކޮކާމަހުގެ ބާވަތެއް. މިއީ ފަރުފަޅުތަކުގެ ބޭރުމަތީގައްޔާއި ގުންޑޮޅިތަކާ ފަރުގައި އުފެދިފައިހުންނަ ހޮހަޅުތަކުގައި ދިރިއުޅޭމަހެކެވެ. މުޅިމަހުގެ ހުރަހަށްވާގޮތަށް ދޮންނާރިނގުކުލައާއި ހުދުކުލައާއި ނޫކުލައިގެ ރޮނގުތަކެއް ހުރެއެވެ މަހުގެ ނިގޫ ފަތާއި ކުޑަ ކޮތަރިބައިގެ ކުލައަކީ ރީނދޫ ކުލައެވެ
ކުލަފާނަ
ނ ފާނައިގެ ބާވަތެއް. މިމަހުގެ ކުލައަކީ މުށިކުލައެވެ. މުޅިމަހުގައި ކަޅުކުލައިގެ ތިކިތަކެއް ހުރެއެވެ. ދެއަރިމަތީގައި ކަޅުކުލައިގެ ލައްތަކެއްހުރެއެވެ. މިއީ ވަރަށް ތަފާތު ކުލަކުލައަށް ކުލަ ބަދަލުކުރާ މަހެކެވެ
ކުޑަރިޔާ
ނ (1) އޮޑިދޯނިފަހަރުގެ ރިޔާބައިގައި ހިމެނޭ އެންމެ ކުޑަރިޔާ. މިއީ މައިކުނބަށްނަގާ ރިޔަލެކެވެ. މިރިޔާ ބޭނުންކުރަނީ ވިލާގަނޑުގެ ވައިތެރޭގައި އުޅަނދު ކަނޑުހެޔަށް ނުބާއްވައި ދުއްވުމަށާއި ހަޅައިގެ ގަދަވައިގައި ދުއްވުމަށެވެ. އަދި ވައިމަޑުއިރު ބާރަށް ދުއްވުމަށްޓަކައި އޮޑީގެ ކުރިއަށް ދައްސޫރައިގައި ދިއްކޮށް ތޫރިކޮޅުމަތީވަލުން ކުނބުކުރިޔަށް މިރިޔާ ނަގައިފައިހުރެއެވެ (2) ޖީބުރިޔާ
ކުޑާރަން
ނ ބޯލޮއިން ހަދައިފައި ހުންނަ ކުޑަ ތެއްޔެއް މިހުންނަނީ ފޫ ހިމަކޮށެވެ މިތެލީގައި ދެއުޅަށް ހުރެއެވެ މިތެލީގެ އަނގަމަތި ވަރަށް ކުޑަވާނެއެވެ
ކޫރުފާނަ
ނ ފާނައިގެ ބާވަތެއް. މިއީ ފަރުފަޅުތަކުގެ ބޭރުގައްޔާއި ހާހަލާއި ތިލަތިލައިގައި އުޅޭމަހެކެވެ މަހުގެ ކުލައަކީ މަޑު މުށިކުލައެވެ މަހުގެ ބޭރުގައި ގަދަރަތްކުލައަކަށްދާ ތިކިތަކެއް ހުރެއެވެ މިތިކިތައް މަހުގެ ފަހަތުކޮޅުގައި ހުންނަނީ ކޫރެއް ހެން ގުޅިފައެވެ
ކެތްނުލެވުން
މ (1) ހުރަހޮޅޭ އުނދަގޫދަތިކަންތަކުގެ މައްޗަށް ޝަކުވާ ނުކޮށް ނުހުރެވުން (2) އެކަމެއް ކުރަންވީގޮތާއި ޚިލާފަށް އަވަސްވެގަތުން
ކެލާ
ނ (1) ވަސްމީރު ކީލިހިމުން ލަކުޑިއެއް މީގެ ތިންބާވަތެއް ހުރެއެވެ. އެއީ ހުވަނދުކެލާ އަގަލިކެލާ ރަތްބަބުރުކެލާ މިއެވެ (2) ހއ އަތޮޅުގެ ރަށެއް
ކޭން
ނ (1) ވަކި ގޮތަކަށް އަތުރައި ތައްޔާރުކޮށް ބޮޑު މަލާފަތަކަށް އަޅައިފައި ހުންނަ ކެއުމެއް މީގެ ކިތަންމެ ބާވަތެއް ހުރެއެވެ (2) އެތައްބަޔަކު ކެއުމަށްޓަކައި ވަކިގޮތަކަށް އަތުރައި ތައްޔާރުކޮށްފައި ހުންނަ ކެއުމެއް
ކޮނޑުމައު
ނ (1) ފުރަތަމަ ޤާނޫނު އަސާސީ ފާސްވެގެން ވަޒީރުން ތުރުކުރެއްވި ކިނާރީއެޅި ހެދުންކޮޅުގައި ކޮނޑުމަތީގައި ހުންނަ މަޚުމާފަށް ކިލެގެބޭކަލެއްނަމަ މަޚުމާފަށުގެ މެދުގައި ރަންކުލައިގެ ތަރިއެއްހުރެއެވެ މިއީ ރަތުލޮއިން ހަދައިފައިހުންނަ އެއްޗެކެވެ ކިލެގެބޭކަލެއްނޫންނަމަ ހުންނަނީ ހަމައެކަނި މަޚުމާފަށެވެ (2) ސިފައިންގެ ޔުނިފޯރމުގައި ކޮނޑުމައްޗަށް އަރާފައި ހުންނަ ނިޝާން