radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ހިނިވަރުނަ
ނ އެންމެ މާތް މީހުން ހޭ ހިނި މިބަސް މިހާރު ބޭނުންކުރަނީ ރަސޫލުﷲ ޞައްލަﷲ ޢަލައިހިވަސައްލަމައަށް ނިސްބަތްކޮށް ލިޔާލިޔުމާއި ދައްކާ ވާހަކަ ދެއްކުމުގައެވެ
ހިނިވަރުނަކުރެއްވުން
މ އެންމެ މާތް މީހުން ހޭ ހުނުން މިބަސް މިހާރު ބޭނުންކުރަނީ ޚާއްސަކޮށް ރަސޫލުﷲ ސައްލަﷲ ޢަލައިހިވަޞައްލަމައަށް ނިސްބަތްކޮށް ލިޔާލިޔުމާއި ދައްކާ ވާހަކަ ދެއްކުމުގައެވެ
ހިނިވަރުނަވުން
މ އެންމެ މާތް މީހުންގެ ހެވުން މިބަސް މިހާރު ބޭނުންކުރަނީ ޚާއްޞަކޮށް ރަސޫލުﷲ ޞައްލަﷲ ޢަލައިހިވަސައްލަމައަށް ނިސްބަތްކޮށް ލިޔާލިޔުމާއި ދައްކާ ވާހަކަ ދެއްކުމުގައެވެ
ހިނޭ
ނ (1) ވެލާ ކަހަނބު ފަދަތަކެތި ބިސް އަޅައިފައި އެތަން ފޮރުވުމަށް ފަސްގަނޑަށް ހަދާގޮތް މަޖާޒު: (2) ފަސްގަނޑު ހާވައިފައިހުންނަ ހުރުން (3) ތަންމަތިއަޅައިފައިހުރި އެނދެއްގެ ފޮތިގަނޑު ބޮނޑިކޮށްލައި ބާލިސްތަކާއި އެއްޗިހި އެފުށް މިފުށަށް ޖަހާ ޖެހުން
ހިނޭޖެހުން
މ (1) ވެލާ ކަހަނބު ފަދަ ތަކެތި ބިސްއަޅައިފައި ބިސްވަޅު ނާންގާން ފަސްގަނޑު އެގޮތް މިގޮތަށް ހޭވުން މަޖާޒު: (2) ބިންމަތީގައި ނުވަތަ ފަސް ފުންޏެއްގައި ބަކައެޅުން (3) ގައިގެ އެތަން މިތާގައި އުނގުޅޭ ގޮތަށް ބައެއްކަހަލަ މަސައްކަތް ކުރުން މިސާލު: ރިހާކުރު ނުވަތަ ދިޔާހަކުރު ފަދަ ތަކެތިން ހިނޭޖެހުން
ހިންނަ
މ މީހުންއުޅޭ ރަށްރަށުގައި ވަރުވާއަށް ލިޔެދެވޭ ގޮތަށް ޚާއްޞަކޮށްފައިވާ ބިންބިން
ހިންމި
ނ (1) ދެއެތިގަނޑެއްގެ ދެކައިރިބެދޭތަން (2) ދެއެތިގަނޑު ޖެހުނީމާ ޖެހޭތަން އެނގޭން ހުންނަ ރޮނގު
ހިންދީން
ނ (1) ހިންދުސްތާނުގެ އަހުލުވެރިން (2) ހިންދުސްތާނަށް ނިސްބަތްވެގެންވާ މީހުން (3) ބުދަށް އަޅުކަންކުރާ ވަކިމަޛުހަބެއްގެ ބައެއް
ހިންދުކޮކާބިބީ
ނ ކޮކާބިބީގެ ބާވަތެއް މިއީ ދެއަރިމަތީގައި ހުދުކުލަ ހުންނަ މަހެކެވެ މިމަހުގެ ބޮލުގައި ލޯހުރަސްކޮށް ކަޅުކުލައިގެ ވަރަށް ފުޅާ ރޮނގެއް ދެމިފައި ހުރެއެވެ މަހުގެ ކޮތަރިބައިގައި ހުންނަނީ ރީނދޫ ކުލައެވެ މަހުގެ ދެއަރިމަތީގައި ދެކަތްޕަށް ހުންނަ އަޅިކުލައިގެ ފަނޑު ރޮނގެއް ހުރެއެވެ
ހިންދުދިދަމަސް
ނ ދިދަމަހުގެ ބާވަތެއް މިއީ ފަޅުފަޅާއި ފަރުފަރުގައި އުޅޭ މަހެކެވެ މިމަހުގެ ތަލަމައްޗާއި ލޮލުގެ މަތީފަރާތުން ކޮޅަށް އޫކޮށް އުފުލިފައި ހުންނަ އުފުލުންތަކެއް ހުރެއެވެ މަހުގައި ހުންނަނީ ހުދުކުލައާއި މުށިކުލައެވެ
ހިންދޫ
ނ )ބދ ( ނުވާދުހުން ވާ ބޮޑު
ހިންދޫރަތިކި
ނ ހިންދީ ދީނުގެމީހުން ނިތްކުރީގައިޖަހާ ހިންދޫރައިގެ ތިކި
ހިންގުންތެރިން
ނ (1) ކަމެއް ނުވަތަ އެއްޗެއް ހިމޭންވިއަނުދީ ޙަރަކާތް ތެރިކުރުމުގެ ސިފަލިބިފައިވާ މީހުން (2) ގިނަކަންތައްތަކެއް ފުރިހަމައަށް ކުރިޔަށް ގެންދިޔުމުގެ ކުޅަދާނަކަށް ލިބިފައިވާ މީހުން
ހިރަފުސްކުލަ
ނ (1) މަޑުއަޅި ކުލަ (2) ހިރަފުހުގައި ހުންނަކުލަ
ހިރިހަމައިދިކަން
ނ ކަންގަތި ކޮލީގެ ނަމެއް. މިކޮލި ލެވިފައިވާ މީހުންގެ ކަމަކީ ދަޢުލަތުގެ އެންމެ އިސް ވެރިޔަކަށް ހުންނަ މީހަކަށް ލަފާދިނުމާއި ބޮޑެތި ޢިއްޒަތުގެ ރަސްމިއްޔާތުތައް ފުރިހަމަކުރުމުގެ ގޮތުން ބައިވެރިވުމެވެ
ހިރިކުއްޅަ
ނ ބޭހަށް ބޭނުންކުރާ ފަތްޕިލާވެއްޔެއް. މިފަތް ހުންނާނީ ތަނޑެއްނެތި ގަހުން ފަޅައިފައެވެ. މިފަތުގެ ސިފަ ހުންނަނީ ކުއްޅަ ފިލާފަތާ ވައްތަރު ގޮތަކަށެވެ. މާހުންނަނީ މަލުގެ ބުޑު ފެހިކޮށް ފިޔަތަކަށް ފެށޭ ހިސާބު މަޑުފިޔާތޮށި ކުލައަކުން ފެށިގެން ކުލަގަދަވަމުންގޮސް މަލުގެ ކުރީކޮޅު ވައިލެޓު ކުލައިގައެވެ ފިޔަތައް ހުންނާނީ ނަރުތަކެއްހެއް ހިމަކޮށެވެ
ހިރިމަގޫ
ނ ބޭސްވެރިކަމަށް ގެންގުޅޭ ފަތްޕިލާވެއްޔެއް މީގެ ފަތް ހުންނާނީ ފުސްކުލައިގައި މަގޫފަތުގެ ބައްޓަމުގައި ކުދިކޮށެވެ
ހިރިމި
ނ ރުނބާ މުށީން ރުނބައެއްގެ ސިފައިގައި ހަދައިފައި ހުންނަ ކަންވާރެއް މިއީ ފަސް އަޑުބަޔާއި ވިހި އަޑުބަޔާ ދެމެދުގެ މިންވަރެއް ގަންނަ އެއްޗެކެވެ
ހިރިމިރިހި
ނ )މ.( ފިލާވެއްޔެއް. މިއީ މިރިހިފަތުގެ ސިފައިގައި ފަތްތައް ވަރަށް ކުދިކޮށް ހުންނަ ވިނައިގެ ތެރޭގައި ހިމެނޭ ބާވަތެކެވެ
ހިރިފާޅަ
ނ ބޭހަށް ބޭނުންކުރާ ފަތްޕިލާވެއްޔެއް. މިއީ ކުއްޅަފިލާ ވައްތަރަށް ހުންނަ ވަރަށް ކުޑަކުޑަ ހުދުމަލެއް އަޅާ ގަހެކެވެ ބޮޑުމިންވާނީ ގާތްގަނޑަކަށް ދެހިންޗި ހާވަރެވެ ފަތްވެސް ހުންނާނީ ކުއްޅަފިލާ ފަތް ހުންނަ ގޮތަށް އެއަށްވުރެ ކުދިކޮށެވެ