radheef.info
ރަދީފު


ހަދަ
ނ )ސ ( ފުފޭ
ކަވާބު
ނ (1) މަސްކަހައިގެން ހަވާދުލައި މޮޑެގެން ތެލުލައިފައި ހުންނަ ލައިގެންކާއެއްޗެއް (2) މަހާއި ފުށާއި އެއްކޮށްގެން ހަދާ ހެދިކާ އެއްޗެއް މިމުގުންނާއި މިނޫންވެސް މިފަދަ އެއްޗެހިން ހަދައި އުޅެއެވެ
ކަވާފުޅި
ނ ކަވާ ޖަހާތާނގައި ހިއްޕާން ހަދައިފައި އޮންނަ އެއްޗެއް މިކަމަށް ގެންގުޅެނީ ޖަނަވާރުގެ ދަޅެއް ބުރިކޮށްލައިގެން އޭގެ ބައެކެވެ
ކަމަރާ
ނ (1) ފުރާދުއްވާ އެއްޗެހީގެ ކޮޅުފަސްކޮޅުގައި ފުރާޅު ހަމަޔަށް ހަދައިފައި ހުންނަގެ (2) އޮޑިދޯނި ފަހަރުގައި މީހުން ނިދުމަށާއި ހިޔާވުމަށް ހަތަރެސްކަން ފޮށިގަނޑެއްހެން ހަދައިފައި ހުންނަހިޔާ (3) )ބދ ( އުޅުނބު
ކަމަރު
ނ (1) އުނަގަނޑުގައި އަޅާން ގެންގުޅޭ ބަކަލުގައި އެކި ވަރުވަރަށް ހަމަޖެއްސޭގޮތަށް ހަދައިފައި ހުންނަ ބަންދު (2) އެކިއެކި ބޭނުމަށްޓަކައި މޫނުމަތި އަޅުވައި ނެއްޓޭނޭހެން ހަދައިފައި ހުންނަ ބަންދު މިސާލު: )ހ( އަތުކުރީގަޑީކަމަރު )ށ( ތަންމަތިބަންނަކަމަރު
ކަމީރު
ނ (1) ކުދި ތައްޓަށް އަޅައިގެން ފެނުގެއާވިން ކައްކާ ފޮނިކާއެއްޗެއް. މިހުންނަނީ ހަލުވިދާހެން ބެދިފައެވެ. މިހަދަނީ ހަނޑުލު ފުށާއި ބޯކިރާއި ހަކުރުންނެވެ (2) ބައެއް އެއްޗެހި ހަދާން ތައްޔާރުކުރާ ފުށްގަނޑަށް ރުކުރާ ނުވަތަ ކާށިފެން ފަދަ އެއްޗެހި އަޅައިގެން ކުރާ ރާމާ
ކަމުންރެކުން
މ (1) ކުރާން ދިމާވާކަމަކުން މަކަރު ހަދައިގެން ނެއްޓިގަތުން (2) ޒިންމާ ބޮލުގައި ނޭޅުން (3) ޙަވާލުކުރާ ކަމެއް ބޮލުން ނައްޓައިލުން (4) ކަމަކާ ޙަވާލުނުވާން ވެގެން އުޅުން
ކަފަތަޅާމަޅި
ނ ކަފަތަޅާން ފަންވަތުން ހަދައިގެން ގެންގުޅޭ މަޅި
ކަފަތެޅުން
މ (1) އޮށްކަފަސާފުކުރުން (2) މައްޔިތުން ގައިގައި ލެވޭގޮތަށް ކަފަހަދައި ތައްޔާރު ކުރުން
ކަދާ
ނ (1) ފެން ބޯން ގެންގުޅޭ ލޯވަށި (2) ފޫލީ ބޯތަށްޓެއްގެ ސިފައިގައި ކަފުލޯއިން ހަދައިފައި ހުންނަކަންވާރެއް
ކަދާއަޑި
ނ ކަދާބަހައްޓާން ކޯދޮންނަ ލޯގަނޑެއްގެ ސިފައިގައި ހަދައިފައި ހުންނަ އެއްޗެއް
ކަތިވަޅި
ނ ތިލައިގެ ކުރީކޮޅު ފުޅާކޮށް ބޯވަށްކޮށް ހަދައިފައި ހުންނަ ވަޅިއެއް މިވަޅީގެ މުށްގަނޑު ހުންނާނީ ކުރުފަލަކޮށެވެ
ކަތުރާން
ނ ވަކިބާވަތެއްގެ ގަސްގަހުންނަގާ ކަޅުކުލައިގެ އޮލަތެލެއް. ކަތުރާންހަދަނީ މިތެޔޮ މަޑުގިނީގައި ކައްކައިގެންނެވެ. މިއި މީރުވަހެއްދުވާ ކަޅުކުލަ ގަދަ ހަރު އެއްޗެކެވެ ދިވެހީން ޢާއްމުކޮށް މިބޭނުންކުރަނީ ރޯގާ މޮޅުއިރު ދުންއަޅާށާއި ދެލަކުޑިގަނޑު ތަތްކުރާށެވެ
ކަތުރުމަޑަ
ނ މަޑައިގެބާވަތެއް. މިއީ ކަނިފަށުގައި ހުޅުލައިފައި ލައްޕައި ހުޅުވާން ހަދައިފައިހުންނަ މަޑައެކެވެ
ކަލަންޑަރު
ނ (1) އަހަރާއި މަހުގެ ދުވަސް ބަލާން ހަދައިފައި ހުންނަ އެއްޗެއް (2) ތަނަކުން ހިންގާ ހަރަކާތްތައް މަސްމަހަށް ބަހައިފައިވާ ގޮތުގެ ތާވަލު މިސާލު: )ހ( ކުޅިވަރު ކަލަންޑަރު )ށ( އަދަބީ ކަލަންޑަރު
ކަލަރު
ނ (1) އަންހެނުންގެ ބޮނބިފަޅިމައްޗާއި ކަރުވަޅު ނިވައި ކުރާންލައި ގިރުވާނު އަޅައިފައި ހުންނަ ކޮނޑުކެނޑިއެއް މިކޮނޑުކެނޑި އަންހެނުން ލައި އުޅެނީ ބޯވަޅުއެޅި ލިބާހާ އެކުގައެވެ (2) އަންހެނުންގެ ބޯވަޅު އެޅިލިބާހުގައި އަޅަން ވަކިން ހަދައިފައި ހުންނަ ގިރުވާނު
ކަލައިކުރުން
މ ދަގަނޑުން ހަދައިފައިހުންނަ އެއްޗެހީގައި ދަބަރުޖެހިޔަ ނުދިނުމަށް ތުތިޔާއަށް ލުން މިކަންކުރަނީ އެ އެއްޗެއް އަލިފާން އާވީގެ ތެރެއަށް ލައިގެން ސާފުކުރުމަށްފަހު މޫސަދަރު ހާކައި އެއަށްފަހު ކުޑަކޮށް ހޫނުކޮށްފައި ވިރުވައިފައިހުރި ތުތިޔާގެ ތެރެއަށް ލައިގެންނެވެ ތުތިޔައިން ނަގައި މޫސަދަރުކޮޅެއް އެއެއްޗެއްގެ މައްޗަށް އެޅުމުން ތުތިޔާ ހުންނާނީ އެއެއްޗެއްގައި ހަރުލައިފައެވެ
ކަލިވަތް
ނ (1) ގޯއްޗެއްގެ ތެރޭގައި މީހުންނަށް އުޅެވޭގޮތަށް ހަދައިފައި ހުންނަ ކުދި ކުދި ތަންތަންކޮޅު (2) ފޮއްޓެއް ނުވަތަ ދަބަހެއްގެ ތެރޭގައި އެއްޗިހިލާން ހަދައިފައި ހުންނަ ބައިބައި (3) މަތިންދާ ބޯޓު ތެރޭގައި މީހުންގެ އަތްމަތީ ސާމާނު ލާން ހަދައިފައި ހުންނަ ވަތްވަތްގަނޑު
ކަލިޔާކެރުން
މ )ޏ.( ކައްޓަލަ މަޑުކޮށް ރަނގަޅަށް ފިސްކޮށް ގޮށްފިލުވައިފައި ހަކުރު އަޅައިގެން ހިލައި ވަރުކުރުން. މިހުންނާނީ ކުދިކޮށް ފޯލި ފޯއްޔަށް ހަދައި ހިކި ކެޔޮފަތުގައި ބަންދުކޮށްފައެވެ
ކަލިޔާކެޑުން
މ )ސ.( ކައްޓަލަމަޑުކޮށް ރަނގަޅަށްފިސްކޮށް ގޮށްފިލުވައިފައި ހަކުރުއަޅައިގެން ހިލައިވަރުކުރުން މިހުންނާނީ ކުދިކޮށް ފޯލި ފޯއްޔަށްހަދައި ހިކިކެޔޮފަތުގައި ބަންދުކޮށްފައެވެ
ކަލްކިއުލޭޓަރު
ނ ހިސާބު ހަދަންގެންގުޅޭ އަތްމަތީ އާލަތެއް