radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ކޮކާބިބީ
ނ ބިބީގެ ބާވަތެއް. މަހުގެ ދެއަރިމަތީގެ ކުލައަކީ ހުދުކުލައެވެ. ދެއަރިމަތީގައި ދެކަތްޕަށްވާ ގޮތަށް އަޅިކުލައިގެ ރޮނގުތަކެއް ހުރެއެވެ. މަޑުކޮތަރިބައިގެ މަތިން ފެށިގެން މަހުގެ ލޯހުރަސްކޮށް ބަނޑުދަށް ފަރާތުގެ ކޮތަރިބައިގެ ނިމޭ ހިސާބަށް ކަޅުކުލައިގެ ފުޅާ ރޮނގެއް ހުރެއެވެ މަހުގެ ނިގޫ ކޮޅުގައި ހުންނަނީ ރީނދޫކުލައެވެ
ކޮކާބުރުން
މ މަޖާޒު: އެނބުރުން އަރައިގެން ގޮސް ކުލަކުލައިގެ ކުދިކުދި އެތިކޮޅުތަކެއް މޫނު މަތީގައި އެނބުރޭގޮތަށް ލޮލަށް ފެންނަ ގޮތްވުން
ކޮކިން
ނ ކޮކާ ކިޔާގަހުގެ ފަތުން ނަގާ މަސްތުވާ އެއްޗެއް އާންމުގޮތެއްގައި މިހުންނަނީ ހިކި އުވަހެންނެވެ
ކޮއި
ނ (1) ދަރިންނަށް ނުވަތަ ކުދިންނަށް ކިޔާ ނަމެއް (2) ލޮލުގެ ކަޅުކަޅީގެ މެދުގައި ވަށްކޮށް ހުންނަ ތަންކޮޅު ލޮލަށް އަލިވަންނަނީ މިތަނުގެ ތެރެއިންނެވެ މިބައި އަލިގަދަވާ ވަރަކަށް ކުޑަވެ އަނދިރިވާ ވަރަކަށް ބޮޑުވެއެވެ
ކޮއިބޮނޑި
ނ އިހުގައި ހަނގުބޭކަލުންގެ އަނބިން ވިހޭމާ އެމީހަކު އަށީބޭކަލުންނަށް ދޭންޖެހޭ ކެއުމެއް. ނުވަރޭ ފެނުން ނުކެނޑެނީސްދޭނަމަ ކޮންމެވެސް ކާއެއްޗެއް ދެނިކޮށް ފުދުނީއެވެ. އޭގެ ފަސްވެއްޖެނަމަ ދޭންވާނީ ހަތަރުނާޅި އަވެއްޔާއި އެޔާވާނެ އެހެން އެއްޗެއްސެވެ
ކޮއްބޯވިލާ
ނ )މ.( ފަށަލަ ފަށަލައަށް ބޯކޮށް ހުންނަ ވިލާ މިކަހަލަ ވިލާތަކުގެ ކައިރިފަށް ހުދުވާނެއެވެ މިއީ ވިއްސާރައެއް ގާތްވެއްޖެކަމުގެ ނިޝާނެއް ކަމުގައި ބުނެއެވެ
ކޮއްތަށް ދީފައި ބަނޑަށްދޭ ވަރަށް ހުރުން
(މިސާލުބަހެއް) އެއްޗެއް މާގިނައިން ހުރީމާ ދީއުޅޭ މިސާލެއް މިސާލު: އެގޭގައި ކޮއްތަށް ދީފައި ބަނޑަށްދޭވަރަށް ހިކަނދިފަތް ހުރެއެވެ
ކޮއްތުގުޑުގުޑާ
ނ ގޭގައިއުޅޭ ނޯކަރުން ދުންބޯން ބޭނުންކުރި ގުޑުގުޑާ ގިނައިން މިކަމަށް ގެންގުޅޭނީ ކަނާ ނޮޅިއެވެ
ކޮއްޓައިގަތުން
މ އުކުނޑިކޮއްޓުން )ކޮއްޓުމުގެ ތިންވަނަ މާނައިގައި
ކޮއްޓުން
މ (1) މީހެއްގެ ގައިގައި ނުވަތަ އެއްޗެއްގައި އިނގިލިން ނުވަތަ އެއްޗަކުން ކުއްލި ޙަރަކާތަކާއެކު ޖައްސައިލުމަށްފަހު ނައްޓައިލުން (2) ބިއްސާއި މުލިއްސާއި ފޮޅުފަދަ އެއްޗެހީގެ ތުން ތުއްވުން (3) އުކުނޑި ކޮއްޓުން (4) ފުޓުބޯޅައާއި ހޮކީފަދަ ކުޅިވަރު ކުޅޭއިރު ދުރަށް ބޯޅަ ފޮނުވައިނުލައި ގާތުގައި ބާއްވައިގެން މަޑުމަޑުން ޖަހަމުން ޖަހަމުން ގެންދިއުން (5) )ޏ ސ ( ކޮރުން (6) މަޖާޒު: މީހެއްގެ ހަވާލުގައި އޮތްކަމެއް އަވަސް ކުރުމަށް އުޅުން
ކޮއްޗޭ ބަނޑިޔާ
ނ ކޮއްޗޭން ގެނެސް އުޅުނު މުށި ބަނޑިޔަލެއް މީގައި ކަރެއް ނުހުންނާނެއެވެ މިއީ ވަށް ބަނޑިޔަލެކެވެ
ކޮއްޗޭފަތް
ނ ހުވަނދުބޭހަށް ބޭނުންކުރާ ފަތެއް މިއީ ފަތުގެ ބޭރުގައި ކުދި ކެހެރިތަކެއް ހުންނަ މީރުވަސްދުވާ ފަތެކެވެ ފަތް ހުންނާނީ ތުނޑުތުނޑުލާފައެވެ މިފަތުގެ ތަނޑު ކުރުވާނެއެވެ
ކޮވެލިބަޑި
ނ )ހ ( ވިހަ ލަގޮނޑި ގަހުގައި ގަންނަ ބޯށި
ކޮވެލިފާނަ
ނ (1) ފާނައިގެ ބާވަތެއް މިއީ ފަރުފަރުގެ މުރަކަތަކުގެ ނިވަލުގައި އުޅޭ މަހެކެވެ މަހުގައި ހުންނަނީ ދިއްލިފައި ހުންނަ ރަތްނާރިނގު ކުލައެވެ ބޮލުން ފެށިގެން މުޅި މަހުގައި ނޫކުލައިގެ ކުދިކުދި ތިކިތަކެއް ހުރެއެވެ ކަންފަތުގެ ފަހަތުކޮޅު ހުންނަނީ ރީނދޫ ކުލައެއްގައެވެ (2) ބުޅަލަފާނަ
ކޮމާ
ނ މިފާހަގަ މިއީ ޖުމްލައެއްގެ ތެރޭގައި ކުޑަކޮށް މަޑުކޮށްލަންޖެހޭ ތަންތަން ފާހަގަކުރުމަށް ޖަހާ ނިޝާނެކެވެ
ކޮމާކޯޅި
ނ ލިޔުމުގައި ބޭނުންކުރާ ނިޝާނެއް މިނިޝާން ވައްތަރުވާނީ ޖެހިޖެހިގެން ޖަހާ ދެކޮމާއާއެވެ މިނިޝާން ބޭނުންކުރަނީ އެހެން މީހެއްގެ ޢިބާރާތެއް އޭނާ ބޭނުންކޮށްފައިވާ ގޮތަށް ލިޔުމުގެ ތެރޭގައި ބޭނުން ކުރާއިރުއާއި ލަފުޒަކުން ދޭހަވާމާނަނޫން މާނައެއްގައި އެލަފުޒު ބޭނުން ކުރާއިރު އެ ޢިބާރާތެއްގެ ނުވަތަ އެލަފުޒެއްގެ ފެށޭތަނުގައާއި ނިމޭ ތަނުގައެވެ
ކޮތަނބިރި
ނ ހަވާދުގެ ބާވަތެއް މިއީ އަސޭމިރުސް ފުކެއްވަރަށް ވައްކޮށް މަޑުރީދޫކުލައިގައި ހުންނަ ފުކެކެވެ މީގެ ގަހުގެ ފަތުގެ ކުލަ ހުންނަނީ މަޑުފިޔާތޮށި ނުވަތަ ހުދުކުލައިގައެވެ މިގަހުގެ މާ ހުންނަނީ ބޮނޑިކޮށެވެ
ކޮތަން
ނ ކައިރީގައި ތުނޑުހުރެފައި ވައްކޮށް ފަތްހުންނަގަހެއް މިއީ ބޭހަށްގެންގުޅޭ ފިލާވެއްޔެކެވެ މީގެފަތުގައި ކެހެރި ހުންނާނެއެވެ މީގެ ކިތަންމެބާވަތެއް ހުރެއެވެ
ކޮތަރި
ނ (1) މަހުގެ ބުރިކަށިމަތީގައްޔާއި މަހުގެ ބަނޑުދަށުން ފޫޅުދަނޑީން ތިރީގައި ހަނިކޮށް ތުނޑުތުނޑަށް އުފުއްލާފައި ހުންނަފަށް (2) ދުންމާރި އެދުރުމީހާގެ ދުންމާރީގެ މަތީފަރާތުގައި މަހުގެ ކޮތަރިފާޑަށް ގުދުކޮށް ހަރުކޮށްފައި އޮންނަ ތުނޑުބައެއް މިހަރުކުރާނީ ރަސްމީ ބޮޑެތި ދުވަސްދުވަހަށެވެ
ކޮތަރިރީނދޫދަންބޮޑު
ނ ދަންބޮޑުގެ ބާވަތެއް މިއީ ބުރަކަށިމަތީ ކޮތަރިބައިގެ ހަރުކަށިތައް ރީނދޫ ކުލައިގައި ހުންނަމަހެކެވެ ކަރުތާފަތުގެމަތީ ކައިރިފަށުގައި ކަޅުކުލައިގެ ލަފެއްހުރެއެވެ މަހުގެ ކުލައަކީ މަޑުރަތްކުލައެވެ ހުޅުނބުތަކުގެ ކައިރިފަށް ހުންނަނީ ގަދަ ރަތްކުލައިގައެވެ