radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ފޭރޭމީހާ
ނ ހަމައެއް އިންސާފެއް ނުވަތަ ޙައްޤެއްނެތި އަނެކެއްގެ މުދަލެއް ނުވަތަ އެއްޗެއް އަތުލައި ގަންނަ މީހާ
ފޭބުން
މ (1) ތިރިއަށް އައުން (2) އޮހުން (3) ރަށެއް ފަދަތަނަކަށް އެރުން ނުވަތަ އެފަދަތަނެއް ދޫކޮށްލައިފައި ދިއުން (4) މިސްކިތް ފަދަ ތަނަކުން ނުކުތުން (5) ނަމާދުކޮށް އަވަދިވުން (6) ހިކިފަސްތާކު ހުރެފައި ފެންގަނޑަކަށް ނުވަތަ މޫދަށް އެރުން (7) އުޅަނދެއްގެ ފަޅުވެރިންގެތެރެއިން މީހަކު އަމިއްލަޔަށް ވަކިވުން (8) ފަތް ނުވަތަ އިސްތަށި ވެރުން (9) ދުވަސްކޮޅަކަށް ރަށެއްގައި ހުރެލުން
ފޭކުރުން
މ (1) ދުރުކުރުން (2) މީހަކުގެ ގާތުގައި މާބޮޑަށް އެއްޗެއްސަށް ކިއުން
ފޭދުން
މ (1) ތެތްކަން ދުރަށް ފެތުރިގެން ދިއުން (2) ނީރާލުން (3) މީހުންގަނޑުގެތެރެއިން ފުރޭނެމުން ފުރޭނެމުން ނުކުތުން (4) ދިޔާ އެއްޗެހީގެ ތެރޭގައި ހުންނަ ކިލަނބު ނުވަތަ އޮށްޓަރު އަޑިޔަށް އޮބުން
ފޭލި
ނ އަންހެނުންނާއި ފިރިހެނުން އަނުމަށާއި ބޮލުގައި އެޅުމަށް ވިޔެފައި ހުންނަ އެއްޗެއް މީގެ ކިތައްމެ ވައްތަރެއް ހުރެއެވެ
ފޭލިގެ
ނ ވަގުތީ ގޮތުން މީހުން އުޅުމަށްޓަކައި ފޮތިފަދަ އެއްޗަކުން ހަދައިފައި ހުންނަ ތަންތަން
ފޭލިގެ ޖެހުން
މ ފޭލިގޭގެ ތެރޭގައި މީހުންނަށް އުޅެވޭގޮތަށް ފޭލިގެ ކޮޅަށް ޖަހައި ތައްޔާރު ކުރުން
ފޭސްމުލޭރު
ނ އެއްވެސް ކަމެއް ނޭނގޭމީހާ
ފޮށާދެމުން
މ މީހަކު މަރުވެގެން ވަޅުލުމަށްފަހު މަހާނަމަތީ ހުދުފޮތިގަނޑެއް ދެމުން
ފޮށިފެޅުން
މ (1) މީހުންގެ ފޮށި ފަދަ ތަކެތި ފަޅައިގެން ވައްކަން ކުރުން. (2) މަޖާޒު: ފަށުވި ފަންނުގެ ތެރޭގައި ހިމެނޭ އަނެކެއްގެ އުފެއްދުމެއް ނުވަތަ އުފެއްދުމެއްގެ ބައެއް ތިމާގެ އަމިއްލަ އެއްޗެއްގެ ގޮތުގައި ބޭނުންކުރުން
ފޮށިގަނޑުމީހުން
ނ ވިޔަފާރިކުރާ ތަކެތި ފޮށިގަނޑަކަށް އަޅައިގެން ވިއްކަން ތިބޭ މީހުން
ފޮށުން
މ (1) ރުޅިއެރުވުމުގެ މަޤްޞަދުގައި ނުވަތަ ޖެއްސުމަށް މީހަކާއި ބެހިގަނެގެން އެއްޗެހި ކިޔާ އުޅުން (2) ނުރަނގަޅު ކަމެއް ކުރިމަތިވުން މިސާލު: ބަލިމަޑުކަމެއް ފެށުން
ފޮނިރަހަލިބުން
މ މަޖާޒު: މީރުކަން ލިބުން
ފޮނިބުއިން
މ (1) ކޮކާ މާބުރު ފަދަތަކެތި މާމެލާމެލީގެ ކަރުގަނޑުގައި ހުންނަ ފޮނިކޮޅު ބޮއިލުން (2) ފޮނިކޮޅު ދަމައިގަތުން (3) މަޖާޒު: އުފަލާއި މީރުކަން ހޯދައިގަތުން
ފޮނިކަން
ނއނ (1) ފޮނި މިބަހުގެ ނަންއިތުރުގެނަން. (2) މަޖާޒު: މީހެއްގެ ކިބައިގައި ހުންނަ ކަންދައްކާ ގޮތް. (3) މަޖާޒު: ވާހަކަދެއްކުމާއި ލިޔެކިޔުމުގައި ބޭނުންކުރާ ބަސްބަހުގެ ބަލާޣަތްތެރިކަން
ފޮނިކެނޑުން
މ މީހަކު އަމިއްލައަށް ތިމާގެ މޮޅު ވާހަކަ ދެއްކުން
ފޮނިކޮޅުބޯލުން
މ (1) މެހިމާބުރު ފަދަ ސޫފާސޫފި މާމެލާމެލީގެ ކަރުގަނޑުތެރޭގައި އުފެދޭ ފޮނިރަހަލާ ދިޔަފޮދު ބޮއިލުން (2) މަޖާޒު: ކަމެއްގެ ނުވަތަ އެއްޗެއްގެ ފައިދާ ނުވަތަ އުފާ ނުވަތަ މީރުކަން ލިބިގަތުން
ފޮނިތުޅާ
ނ ކުޅިތުޅަޔާ އެއްވައްތަރަށް ހުންނަ އެއަށްވުރެ ފަތްތައްތަން ކޮޅެއްބޮޑެތި ކޮށް ބޯކޮށް ހުންނަ ބޭހަށް ބޭނުންކުރާ ކުޑަވަރެއްގެ ގަހެއް. މީގެ ފަތްތައް އޮމާންވެފައި މީރުވަހެއް ހުންނާނެއެވެ އަދި ފަތްތަކުގެ ކޮޅުތޫރިވާނެއެވެ
ފޮނިތޮށި
ނ ގަހެއްގެ ތޮއްޓެއް. މިއީ ބޭހަށާއި ކާއެއްޗެއްސަށްލާން ބޭނުންކުރާ އެއްޗެކެވެ މީގައި ކުޅި ފޮނިރަހައެއްދެއެވެ
ފޮނިލޯލި
ނ ބޭހަށް ބޭނުންކުރާ ކުދިވިނައެއް. މީގައިވަރަށް ކުދިކުދި މާތަކެއް އަޅައެވެ. ފަތް ކޮއްޗޭފަތާ އެއްގޮތެވެ. ނަމަވެސް މިފަތުގައި ބޯކޮށް ކެހެރި ފަޅައިފައި ހުރެއެވެ