radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
ބޮޑުފާގަ
ނ ފާގައިގެ ބޮޑެތި ވައްތަރު މިހުންނާނީ އާދައިގެ ފާގަޔަށްވުރެ އުންތައް ތަންކޮޅެއް ފަތާކޮށެވެ ބޮޑުމިން އާދައިގެ ތޮރަޔާ ގާތްކުރާނެއެވެ
ބޮޑުފިނިހައް
ނ ފިނިހަކުގެ ބާވަތެއް. މިހުންނަނީ ފޫއެނބުރި ފާޑަށް އެއަށްވުރެ ފަލަކޮށްނެވެ. މިއީ ގަސްގަހަށް ގެއްލުންދޭ އެއްޗެކެވެ. މިފިނިހަކައަކީ ވަރަށް އަވަހަށް ގިނަވާ ވިހަ އެއްޗެކެވެ މީގެ ތޮށިގަނޑު އާދައިގެ ފިނިހަކުގެ ތޮށިގަނޑަށްވުރެ ތުނިވާނެއެވެ މިފިނިކަމުގެ ތޮށިގަނޑުގައި ހުންނަނީ ގަދަމުށިކުލައެވެ ތޮށިގަނޑުގައި ފަނޑު މާޒާން ކުރެހުމެއް ހުރެއެވެ
ބޮޑުފިނިހައްގަސް
ނ ރާނބާގަސް ފާޑަށްހެދޭ ފަތުގައި ދޮންރޮނގު ހުންނަ ގަހެއް ބޮޑުފިނިހައް މާލެ ގެނެވުނީ މިކަހަލަ ގަހެއްގައިކަމަށް ބުނެއެވެ
ބޮޑުފުފޭތަޅައިލުން
މ މަޖާޒު: މީހަކު ފަޟީހަތް ކުރުމުގައި އެމީހާ އެންމެ ދެރަވާނޭ ވާހަކައެއް ބުނުން
ބޮޑުފެހި
ނ އިހުގައި ބޯވަޅު އެޅި ލިބާސް ލައިއުޅުނު ފޭރާމެއް މިއީ ކަޅު ފެހިކުލައިގެ ފޮއްޗެއްގައި ހިމަރޮނގު ބަޔެއްގެ މެދުތެރޭގައި އެއަށްވުރެ ކުޑަތަންކޮޅެއް ފުޅާ ރޮނގެއްހެން ހުންނަ ފޮއްޗެކެވެ ރޮނގުބައި ހުންނާނީ ކަޅުފެއްސަށްވުރެ އަޅި ފެހިކުލައެއްގައެވެ މިގޮތަށް ރޮނގު ހުންނަ ރަތްކުލައިގެ ފޮތިވެސް ހުރެއެވެ އެއަށް ކިޔަނީ ބޮޑުފެހީގެ ރަތެވެ
ބޮޑުފެއްސަންގޮތްހެދި
ނ ބކ. އިހުގައި ބޯވަޅު އެޅި ލިބާސް ލައިއުޅުނު ފޭރާމެއް. މިއީ މުޅި ފޮތިގަނޑު ކަޅުފެހި ނުވަތަ ރަތްކުލައިގައި ހުރެފައި ބޮޑުފެހީގެ ރޮނގުބަޔާ ވައްތަރު ގޮތަކަށް ރޮނގުބައި ހުންނަ ފޮއްޗެކެވެ
ބޮޑުފޭލި
ނ ފިރިހެނުން އަނދެއުޅުނު ފޭއްޔެއް މި ފޭލި އާދައިގެ ފޭއްޔަށްވުރެ ބޮޑެތިވާނެއެވެ މިއީ ރަސްމީ ކަންކަމުގައި އަނދެ އުޅުނު ފޭއްޔެކެވެ
ބޮޑުދައިތަ
ނ މަންމަ ނުވަތަ ބައްޕަޔާ އެއްބަނޑު އެއްބަފާ ނުވަތަ އެއްބަނޑު ނުވަތަ އެއްބަފާ އަންހެނާ
ބޮޑުދަތި
ނ ބޮޑެތި އެއްޗެހި ތިއްބާން ބިމަށްޖަހައިފައި ހުންނަ އެތިގަނޑެއްގައި ހަރުކޮށްފައި ހުންނަ ދަތި
ބޮޑުދުންދޭ ޒިޔާރަތް
ނ ބޮޑުދުމާދާއިރު ދުޢާވެރިކަން ކިއަވަން މަޑުކުރާ ފަންސަވީސް ޒިޔާރަތް، އެއީ (1) އަބުލް ބަރަކާތުލް ބަރުބަރީ ޒިޔާރަތް (2) ސައްޔިދު ރަސްގެފާނުގެ ޒިޔާރަތް (3) އައްސައްޔިދު ސާމީ އަލްމުރުތަޟާ ޒިޔާރަތް (4) އައްސުލްޠާނުލްޣާޒީ މުޙައްމަދު ޝަމްސުއްދީނު ޒިޔާރަތް (5) އިސްކަންދަރު މަހާރަދުންގެ ޒިޔާރަތް (6) ޙަސަން ޢިއްޒުއްދީނު ރަދުންގެ ޒިޔާރަތް (7) މުޙުޔިއްދީނު ރަދުންގެ ޒިޔާރަތް (8) މުޙައްމަދު ޢިމާދުއްދީނު ދިޔަމިގިލީ ރަދުންގެ ޒިޔާރަތް (9) އިބުރާހިމު ރަސްގެފާނުގެ ޒިޔާރަތް (10) ދަންނަ މުޙައްމަދު ރަސްގެފާނުގެ ޒިޔާރަތް (11) ދަރުމަވަންތަ ރަސްގެފާނުގެ މިސްކިތް (12) ޙަބުޝީގެފާނުގެ މަޤާމް (13) ފަޤީހުމޫސާގެ ޒިޔާރަތް (14) ފަތާލީސީދީގެ ޒިޔާރަތް (15) ބޮޑުރަސްގެފާނު ޒިޔާރަތް (16) ޙާޖީ އެދުރުކަލޭފާނުގެ ޒިޔާރަތް (17) އިބުރާހީމު ރަސްގެފާނު (އަލްހިލާލީ) ގެ ޒިޔާރަތް (18) ފަޤީހުސުލައިމާނުގެ ޒިޔާރަތް (19) މާފަންނު އާމިސްކިތްތެރޭ ޒިޔާރަތް (20) ޤާޟީ ޢީސަލްޔަމަނީގެ ޒިޔާރަތް (21) ޢަލީ ރަސްގެފާނުގެ ޒިޔާރަތް (22) ޢުމަރުމާފަތް ކަލޭފާނުގެ ޒިޔާރަތް (23) ދޮނަކުޅީޝައިޚުކަލޭފާނުގެ ޒިޔާރަތް (24) ދޮންބުޅާފާށަނޢގެ ޒިޔާރަތް (25) ދެބޭރަނިންގެ ޒިޔާރަތް
ބޮޑުދެލަވަ އެއްކުރާލަވަ
ނ ދަނޑިބެރުގެ ލަވައެއް
ބޮޑުދޮލަނގުކޮޅު
ނ (1) ހިތިވިލޭރޭ ފަރިއްކޮޅު ގެންދާއިރު އެންމެ ކުރީގައި ހުންނަ މީހާގެ ބޯމަތީގައި ބަހައްޓައިގެން ގެންދާ ބޮޑު ދޮލަނދު މިހުންނަނީ މުކައްބަ ޖަހައި ހުދުފޮތިން ބަނދެފައެވެ (2) ބޮޑުދޮލަނގު މިބަހަށް އެންމެ މާތްކޮށް ކިޔާގޮތް
ބޮޑުތަރުތީބު
ނ ދީނީ ތަޢުލީމާ ބެހޭގޮތުން އަލީއެދުރުތަކުރުފާނު ލިޔުއްވާފައިވާ ފޮތެއް މިފޮތުގެނަމަކީ ޒުހުރުލް ކާމިލާތު ފީ އަހާމުލް އިބާދާ
ބޮޑުތަކުރުފާނު ވާހަކަ
ނ ޣާޒީ ބަންޑާރައިންގެ ހަޔާތާއި އެރަދުން އަނދިރި އަނދިރީންގެ ކިބައިން ރާއްޖެ ސަލާމަތްކުރެއްވި ވާހަކަ މިވާހަކަ އާބަކުރު ރަސްގެފާނުން ފެށިގެން ކަލާފާނާ ހަމައަށް ވެސް ކިޔައެވެ އަދި ކޮއިމަލާއިން ފެށިގެން އައްސުލްޠާނު މުހައްމަދު މުޢީނުއްދީނުލް އައްވަލާ ހަމަޔަށްވެސް ކިޔައެވެ
ބޮޑުތަކުރުދަން
ނ ދަމުހަރުގެޔަށް ދަމަށްއެރި ޒަމާނުގައި ހެންވޭރު ރައްޔިތުން ބައިކޮށްފައި އޮންނަ 4 ބައިން ކުރެއެއްބައި
ބޮޑުތަކުބީރު
ނ ޒުލްހައްޖާމަހު 9 ވަނަރޭ ފަތިސްނަމާދުން ފެށިގެން އެމަހުގެ ތޭރަވަނަ ދުވަހުގެ ޢަޞުރުނަމާދާއި ދެމެދުގައި ކޮންމެނަމާދެއްގެ ފަހުގައި ކިޔާ ތަކުބީރު
ބޮޑުތަވީދު
ނ ކޮންމެވެސް ބޮޑުބައްޔަކަށް ފަންޑިތަ ހަދައި އެކަން ފަސޭހަވީމާ އެކަމުގެ ރައްކަލަކަށް އެންމެފަހުން އަޅާ ތަވީދު
ބޮޑުތަގަރި
ނ (1) ފެނަށް އެރޭން ހަދާއިފައި ހުންނަ ދިގު އުސްތަގަރި (2) ބޮޑެތިތަގަރި
ބޮޑުތާހީދު
ނ އެދުރު ޢުމަރު މާފަތް ކަލޭގެފާނު ހެއްދެވި ތާހީދު ރައިވަރުފޮތް
ބޮޑުތޮޅި
ނ (1) ފަރުމަހުގެ ބާވަތެއް މިއީ ތުންގަނޑު ކުރުކޮށް ހުންނަ ތޮޅިޔެކެވެ (2) ވަރަށް ބިޔަކޮށް ހެދޭ ލަކުޑި ދެރަ ގަހެއް މިގަހުގެ ތޮޅި މުށެއްހާ ދިގުވާނެއެވެ