radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
އަތްމަތިފޯލި
ނ ބަށިކުޅޭއިރު ސައްޕުޖަހާފައި ދެންޖަހާފޯލިތަކެއް މިފޯލިތައް ހަމަވެއްޖެނަމަ ނުވަތަ މިއިންފޯއްޔެއްގައި އަތްޖެހިފައި ނުހިފުނުނަމަ ދެންޖަހާފޯލި ޖެހުމުން ލަނޑުދެވުނީއެވެ
އަތްފައިފޯރުން
މ (1) ތިމާގެބާރު ފޯރުން (2) އިޚްތިޔާރު ލިބުން
އަތްފަސޭހަރޮނގު
ނ ދެފަރާތަށް ދެބޮޅުވާނޭހެން މަތިންތިރިޔަށް އަޅާރޮނގު
އަތްދަށުންދިއުން
މ (1) ކުރަންވީކަމެއް ހަނދާންނެތިގެން ދިއުން (2) ނަނުގައި މަސް ބާނާއިރުގަނެގެން ދަމަނިކޮށް އަތްދަށު ނަނުކަނޑައިގެންދިއުން (3) ތިމާގެ އިޚްތިޔާރަށް ލިބިފައިވާ އެއްޗެއް ނުވަތަ ކަމެއްނެއްޓިގެންދިއުން
އަތްދަށުވަޑިން
ނ މާވަޑިމީހާޔާއެކީ ވަޑާންކުރާން އުޅޭމީހުން
އަތްދަށުދޮށިއެޅުން
މ (1) ކެޔޮޅުމީހާގެ ފަހަތުގައި ހުރެގެން ދޮށިއެޅުން މަޖާޒު: (2) ވެރިއެއްގެ ދަށުން ކަންތައްކުރުން (3) މަސައްކަތެއްގައި މީހަކާ އެހީވުން
އަތްދާނި
ނ މައްޔިތާ ގަޔަށް ފެންއަޅާން ގެންގުޅޭ ދަނޑިކުރުދާނި
އަތްލުން
މ (1) އަތްޖެއްސުން (2) އަތްބޭނުން (3) ގަޔަށް އެރުން (4) އަތުލުން
އަލަ
ނ (1) މަޝްހޫރު ފަލަމަޑިއެއް. މީގެކިތަންމެ ބާވަތެއް ހުރެއެވެ. މިސާލު: މާއަލަ ގޮބޮޅިއަލަ (2) އިޝްޤީލޯތްބަށްވެސް މިހެން ކިޔައެވެ
އަލަށް
ކއ (1) ފުރަތަމަޔަށް (2) އައުކޮށް
އަލަނާސި
ނ ޅަބޯކެޔޮގަހެއްކަހަލަ ގަހެއްގެކުރިން ނުކުންނަ ރަތްކުލައެއްގެ ފޮނި މޭވާއެއް މިހުންނާނީ ބޮޑެތި އުންތަކެއް ފަޅައިފައެވެ މިމޭވާގެމަތީކުރިވެސްދާނީ ހެދެމުންނެވެ ނަމަވެސް އެކުރިޔަކު ދެނެއް މޭވާއެއްނުގަންނާނެއެވެ މީވަރަށްމީރު އަދި މީރުވަސްދުވާ މަޝްހޫރު މޭވާއެކެވެ
އަލަނާސިބޮލި
ނ ބޮލީގެ ބާވަތެއް: މިއީ ދޮން އަލަނާސިއާއި ދާދި އެއްކުލައެއްގައި ހުންނަ ބޮއްޔެކެވެ މިބޮލީގެ ބޭރުތޮށިގަނޑު ހުންނަނީ އަލަނާސިއާ ވައްތަރު ގޮތަކަށެވެ
އަލަފަތުބަޖިޔާ
ނ ބޭރުގައި އަލަފަތްލައި ތެލުލައިފައިހުންނަ ބަޖިޔާ
)މުސްކުޅިބަހެއް( ނުބައި އެއްޗަކުން ރަނގަޅު އެއްޗެއް ނުއުފެދޭނެޔޭ ބުނުމަށް ބުނެއުޅޭބަހެއް އަލަގަހަކުން ކެޔޮނިރެއް ނުފަޅާނެއެވެ
އަލި
ނ (1) އަނދިރީގެ އިދިކޮޅު (2) ސާފު (3) ހަވާސާ (4) ލޮލޮގެ ކޮޔަށް އޭގެ އަސަރުކޮށްގެން ތަކެތި ފެންނަބާރު (5) ތަކެތިދަސްކުރާން ހިތަށްލިބޭ ބާރު
އަލިހަވާސާ
ނއ (1) ނުހަނު ސާފުކޮށް އަލިކޮށް އޮންނަ ތަނަވަސް މިބަސް ބުނެއުޅެނީ ތަންތަނާ ނިސްބަތްކޮށްގެންނެވެ ނ (2) ފަންޑިތަ ހެދުމުގެ ތެރޭގައި ކިޔަވާ ދުޢާއެއްގެ ނަން
އަލިނަރު
ނ ބަޑިބޭހު ކުޅިވަރުތެރޭގައި ގެންގުޅޭ ރޯކުރީމާ ރީތިހުދު އައްޔެއްވާ ހިމަނަރެއް މީގެ ދެބާވަތެއް ހުރެއެވެ އެއީ މާޖަހާނަރާއި މާނުޖަހާނަރެވެ މާޖަހާނަރު ހުންނާނީ ނަރުފަށެއްގެ އެއްބުރީގައި ބަޑިބޭސް ލާފައެވެ މާނުޖަހާ ނަރުހުންނާނީ ބާދަލާފަށެއް ހެންނެވެ
އަލިމަނިކު
ނ ނިޔަމިކަމުގެފޮތެއް މިފޮތަށް އިނގިރޭސި ބަހުންކިޔަނީ "އަލްމަނަކް" އެވެ
އަލިފާން
ނ (1) ގިނި. (2) އެންދުމުގެ ބާރުގަދަ މަޝްހޫރު އެއްޗެއް. (3) އެނދުމާ ފިހުމާ ރޯވުމުގެ ބާރު ހުންނަ އަލިކަމާ ހޫނުކަން އުފައްދާ މަޝްހޫރު މާއްދާ. (4) އެއްޗެއްގައި ރޯވުމުން އުފެދޭ އައްޔާއިހޫނު (5) އެއްޗެހީގައި ރޯވާ ބާރު
އަލިފާންއާވި
ނ ރޯވުމެއް ހޫނުވުމެއްނެތި ފިހުމާއި އެނދުމުގެ ބާރު ހުންނަ ދިޔާއެއްޗެއް. މިއީ ކައްސަނދުވާނި ބާރޯޒް އަދިވެސް މިބާވަތުގެ މަޢުދަނީ އެއްޗެހީން ނަގާއެއްޗެކެވެ