radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ކޮޅުރިޔަލުވައި
ނ ބޮޑުރިޔަލުގައި ދުއްވަން ކެރޭ އެންމެ ގަދަވައި
ކޮޅުބިތް
ނ (1) ފުރާޅު ފަންގެލާއިރު ފަންވަތުގެ ކޮޅު ފުރާޅުގެ ކޮޅަށް އޮޅާލާތަން (2) ގޭގެ ދެކޮޅުންކުރެ ކޮންމެ ކޮޅެއްގައި ހުންނަބިތް
ކޮޅުކަނދު
ނ އޮޑިދޯނިފަހަރުގެ ހުރަސްފިލާގެ ދިރުނބާކޮޅުން ދެފަރާތުގައި ޖަހައިފައި ހުންނަ ފަށްބުރި
ކޮޅުކުރުން
މ (1) އެއްޗެއް ނަގައި ތެދަށް ބެހެއްޓުން (2) ކަމެއް ނިންމުން (3) ރިޔާނަގައިގެން ދުއްވާތަކެތި ވަޔާދިމާއަށް ނެގެހެއްޓުން (4) ފިރިހެން ހަށީގައި ވާގިޖެއްސުން
ކޮޅުއުނދޯލި
ނ އިހުގެ ގޭގޭގައި އެތެރޭގެ ދެކުނު އެނދު ހުންނަތާ ހުންނަ އުނދޯލި
ކޮޅުއުނގުރި
ނ ދިރުނބާކޮޅުން ފަށަނުގައި ތޮރުފައިފައި ހުންނަ އުނގުރި
ކޮޅުވަށިންއުކުން
މ އެންވަތުން ނަގާގޮތަށް ވަށިން ކަނޑަށް އެންއުކުން. މިގޮތަށް އެން އުކަނީ ދަހި މަސްއައިނުގައި މަސްބާނާއިރު އެން އުކުން މަދުވުމުގެ ސަބަބުން މަސްއައިން ހިނގައިދާނެތީއެވެ
ކޮޅުވަން
ނ (1) ފުޅަފުގައި ނުވަތަ ބިތުގައި ކޮޅަށް ޖަހަން ފަންތޮށިގަނޑު ބުރިކޮށްފައި ހުންނަ ހިކިފަން (2) ކޮޅުފަން
ކޮޅުވުން
މ (1) ކަމެއް ނިމުން (2) ފިރިހެން ހަށީގައި ވާގިޖެހުން (3) މީހަކު ލައްވައި ހިންމިޔަށް ހަޅަނގު ވެއްދުން
ކޮޅުވެށުން
މ ދިގުދައު އެޅުމުގައްޔާއި ރޮދުއެޅުމުގައި ދެކޮޅުޖައްސައި ފުށުއަރުވައިލުން
ކޮޅުމައްޔަލުންޖެހުން
މ އޮޑިދޯނިފަހަރު އޭގެ ދުވެލީގައި ގޮސް ދިރުނބާ މައްޔަލުގެ ކޮޅުން އެއްޗެއްގައި ޖެހުން
ކޮޅުމަތި
ނ (1) މުންޑުގެ މެދުތެރޭގައި އެހެން ކުލަކުލައިގެ އުއިން ހަދައިފައި ހުންނަތަން (2) ފޭލީގެ ދެކޮޅުގައި ކަސަބުން ހަދައިފައި ހުންނަތަން (3) ވިޔެފައި ހުންނަ ހަރުވާޅު ދާގަނޑުގެ ދެކޮޅުގައި ކަސަބާއި ފަށުވިން ހަދައިފައި އޮންނަތަން (4) ކުޅިޖަހާއިރު ލައިއުޅުނު ހަރުވާޅުގެ ކުރިމަތީގައި އެލުވާން ކަސަބާއި ފަށުވިން ހަދައިފައި އޮންނަ އެތި (5) މަޖާޒު: ކަމެއްގެ ނުވަތަ ވާހަކައެއްގެ ފެށުމުގެ ނުވަތަ ނިމުމުގެ އަލާމާތް
ކޮޅުމަތިހެދުން
މ (1) ވިޔެފައި ހުންނަ ހަރުވާޅު ދާގަނޑުގެ ދެކޮޅުގައި ކަސަބާއި ފަށުވިން އެހުންނަ ތަން ތައްޔާރުކުރުން (2) ކުޅިޖަހާއިރު ލައިއުޅުނު ހަރުވާޅުގެ ކުރިމަތީގައި އެލުވާ ކަސަބާއި ފަށުވީގެ ކޮޅުމަތި ތައްޔާރުކުރުން (3) ވިޔެފައި ހުންނަ އެއްޗެހީގެ ކޮޅު ހެދުން
ކޮޅުމަތިލުން
މ (1) މުންޑާއި ފޭލިފަދަ ތަކެތީގެ ކޮޅުމަތި ވިޔުން (2) އިހުގައި ވިޔެގެން ގެންގުޅުނު ހަރުވާޅު ދާގަނޑު ދެކޮޅުގައި ކަސަބާއި ފަށުވިން އެހަދާ ގޮތްތައް ހެދުން (3) ކުޅިޖަހާ ހަރުވާޅުގެ ކުރިމަތީގައި އެލުވާން ކަސަބާއި ފަށުވިން ހަދާ ކޮޅުމަތި ހަރުކުރުން
ކޮޅުމަތިޖެހުން
މ (1) ވިޔުމުގައި ކޮޅުމައްޗަށް ވާތަން ހެދުން (2) މަޖާޒު: ކަމެއް ފެށުމުގެ އަލާމާތް ފެނުން
ކޮޅުފަހުލަގޮނޑި
ނ މަސްއޮޑިފަހަރުގެ ކޮޅުފަހުގައި ތިލަގަނޑު ޖަހާން ނެރެފައި ހުންނަ ތަން
ކޮޅުފައިންޖެހުން
މ (1) އިހާނެތިކޮށްލުމުގެގޮތުން މީހެއްގެގައިގައި ފައިކުރުކޮށްފައި ފައިންޖެހުން. (2) މަޖާޒު: މީހެއްގެ ފަރާތުންލިބޭ ހެވަތާއި ލާބައަކަށް ނުބަލައި އެފަރާތަކަށް އިހާނެތިވާގޮތެއްގައި ވަކިވެގަތުން
ކޮޅުފަސް
ނ (1) އޮޑީގެ ކޮޅުފަސްކޮޅު މައްޔަލުގެ މަތީގައި ޚާއްޞަ ވަނައެއްލައިފައި ހުންނަ މުލައް (2) ކޮޅުފަސްކޮޅު
ކޮޅުގައު
ނ ބޯދިހިފާ މެދުރީގައި ބަރީގެ ބަދަލުގައި އައްސާން ހަދައިފައި އޮންނަ ގައު
ކޮކާ
ނ (1) ހަށިގަނޑު ކުޑަ ފިޔަގަނޑުބޮޑު އުދުހޭ ސޫތްޕެއް މިއުޅެނީ މާމަލުގެ ފޮނިބޮއިގެންނެވެ މީގެ ވަރަށް ގިނަ ވައްތަރު ހުރެއެވެ މީގެ ފިޔަގަނޑު ތަފާތު ކުލަކުލައިގައި ހުރެއެވެ (2) މޫދުގައި އުޅޭ ފަތިމަހެއް (3) ކޮކާލުގެ ސިފައިގައި ހަދައިގެން އެއްލާން ގެންގުޅޭ ބާވަތެއްގެ ގުޑިޔެއް (4) ބާވަތެއްގެ ބޮއްޔެއް