radheef.info
ރަދީފު


މެ
އ ބަސްގަދަކޮށްލުމަށް ބޭނުންކޮށް އުޅޭ ބަހެއް މިސާލު: )ހ( ދަނޑު ކޮށީ ޙަސަނެވެ )ށ( ގޮވާންކޮށީވެސް އޭނާމެއެވެ
ގޯވިރިށާ
ނ )ސ ( މަޖާޒު: އަބަދު ރޯކުޑަކުދީންނަށް ކިޔާނަމެއް
ފާލައްބަގުޅި
ނ ބުޑުންކަނޑައިލައިފައި އޮންނަ ރުކެއްގެ ފަހަތު ކޮޅުން އެންމެ ފުރަތަމަ ނަގާބުރި
ފާސް
ނ (1) ތަޢުލީމީ ފެންވަރު ހުރިވަރު އަންގައިދޭ ސަނަދު. (2) ތަނަކަށް ވަނުމުގެ ހުއްދަ ދިނުމުގެ ގޮތުން ދޭލިޔުން ނުވަތަ ނިޝާން. (3) ފޭލުގެ އިދިކޮޅު. (4) ވަކި ކަމަކަށް މީހަކު އެކަށީގެންވާ ކަމަށް ނުވަތަ ވަކި ބައެއްގެ ތެރެއަށް ހުށަހެޅޭ ގޮތްތަކަކަށް ނުވަތަ ގޮތަކާމެދު އެއްބަސްވާ އެއްބަސްވުމާއި ނިންމާ ނިންމުން. (5) ތާސްބައިން "ނީލަން" ކުޅޭއިރު އެމީހެއްގެ ފަހަރު އައުމުން ދޫކޮށްލާ ދޫކޮށްލުން. (6) އަންހެނުން ދެ ބަޔަކަށް ބެހިގެން ކުޅޭ ކުޅިވަރެއް. (7) އެއްޗެއް ނުވަތަ ކަމެއް ނުވަތަ ތަނެއް ހުރީ ޤަވާޢިދާ އެއްގޮތަށްތޯ ނުވަތަ ނޫންތޯ ބަލައި ނިންމާ ނިންމުން
ފާސްކުރިހެދުން
ނ (1) ނަންބަރުހެދުން. (2) ދިގު ހެދުން. މިއީ ދެވަނަ ބޮޑު ހަނގުރާމައިގެ ދުވަސްވަރު ދިވެހި އަންހެނުން ލައި އުޅުނު ކަސަބު ބޯވަޅު ހެދުމުގެ ސާމާނު ނުލިބިގެން ސަރުކާރުން އުފެއްދެވި ޚަރަދު ކުޑަ ހެދުމެކެވެ މީގެ ތިން ނަންބަރެއްގެ ހެދުން އުފެއްދެވިއެވެ މިތަނުން މިހާރު ބޭނުންކުރަނީ އެކި ނަންބަރު އެއްކޮށްލައިގެން ހަދާފައިވާ ހެދުމެކެވެ
ފާސްކުރުން
މ (1) މީހެއްގެ ހަށިގަނޑުގައި ނުވަތަ ތަނެއްގައި ނުވަތަ ގެންގުޅޭ އެއްޗެއްގައި އެއްޗެއް ފޮރުވައިފައި އޮތްތޯ ބެލުން (2) ފޮތް ފަދަ ތަކެތި ލިޔެފައިވަނީ ރަނގަޅަށްތޯ ނުވަތަ ނޫންތޯ ބަލައި ނިންމުން (3) އެއްޗެއް ނުވަތަ ކަމެއް ހަމަޖެހިފައިވާ ގަވާއިދަކާ އެއްގޮތްތޯ ނުވަތަ ނޫންތޯ ބަލައި ނިންމުން
ފާޑަވާރި
ނއ ދިރިއުޅުމުގައި ދިމާވާ ކަމެއްގެ ސަބަބުން ހަދާނެ ގޮތެއް ނޭނގި ގޮތް ހުސްވެފައިވާ
ފާޑަވާރިވުން
މ ދިރިއުޅުމުގައި ދިމާވާ ކަމެއްގެ ސަބަބުން ހަދާނެގޮތެއް ނޭނގި ގޮތްހުސްވުން
ފިހާރައަށްދާ ކުޅިގަނޑު
ނ އޮށްވަޅު ކުޅުމުގައި ކުޅޭ ކުޅިގަނޑެއް މިއީ ކުޅޭ މީހާ އިންނަ ފަރާތަށް އެކަނި ބޮލިއަޅައިގެން ހުރިހައި ވަޅުތަކުންވެސް ފިހާރައަށްގޮސް ހުރިހައި ފުއް ހުސްކުރާ ކުޅިގަނޑެކެވެ މީގައި ބޮލިއަޅާނީ އެއްވަނަ ވަޅަށް )ފިހާރައާ އެންމެ ކައިރިވަޅަށް( އެއްފުއް ދެވަނަ ވަޅަށް ދެފުއް މިއުސޫލުންނެވެ
ފިހުރިސްތު
ނ ފޮތުގައި ހިމެނޭ މައިގަނޑު ނަންތައް އަންގައިދޭ ލިސްޓް
ފިނދު
ނ (1) އާދަމުގެ ދަރިންނާއި ޖަނަވާރާއި ދޫނި ސޫފާސޫފީގެ ބޮޑުކަމު ނަޖިސް ނުކުންނަ ދޮރާއި ކުޑަކަމު ނަޖިސް ނުކުންނަ ދޮރު. (2) ތެލަނގަ އާއި މަޑިފަދަ އެއްޗެހީގެ ފަހަތުކޮޅުގައި ގުޅާނަގޫ. (3) އިންސާނުންނާއި ޖަނަވާރުގެ ފިނދުމަސްގަނޑު. (4) އެއްލާގުޑީގެ ތެރޭގައި ހިމެނޭ ވާލުގެ ފަހަތުކޮޅުން ދެފަޅިއަށް ފަޅައިފައި ހުންނަތަން. (5) ކުކުޅު ހާލާއި ދޫނީގެ ފިނދުފަތްގަނޑު.
ފިނދުކިބަ
ނ މާކަޅުވާމަހާއި ޅިނދުމައްޗާ ދެމެދު ބޯކޮށް އޮންނަ ދެމަސްގަނޑުން އެއްމަސްގަނޑު
ފިނދުމަސްގަނޑު
ނ މާކަޅުވާމަހާ އުނަގަނޑާ ދެމެދު އުސްކޮށް ބޯކޮށް ފުރަގަހަށް އޮންނަ މަސްގަނޑު
ފިނޑި
ނއ (1) ނުކެރޭ (2) ހިތްވަރު ދެރަ (3) ކަންކަމާމެދު ޖެހިލުންވުން
ފިނޑިވުން
މ (1) ނުކެރުން (2) ހިތްވަރު ދެރަވުން (3) ކަންކަމާމެދު ޖެހިލުންވުން
ފިނި
ނ (1) ހޫނުގެ އިދިކޮޅު (2) ޝަބްނަމް (3) ޓެމްޕްރޭޗަރ ދަށުގައި ހުރުމުން މޫސުމަށް އަންނަ ބަދަލު (4) ފުރާނަ ދިއުމުން ހަށިގަނޑުގައި ހުންނަ ހޫނުކަން ކެނޑި އަންނަ ބަދަލު (5) އިންސާނާގެ ހަށިގަނޑަށް ވައިފެނުން އަރާމުކަން ލިބޭ ދަރަޖަ (6) ގަނޑުފެނާއި ފިނިކުރި އެއްޗިހިން ވާ އިޙްސާސް (7) މަޖާޒު: ނއ އުފާވެރިކަމެއް ނެތް (8) ޙިއްޞެއް ޙަރަކާތެއް ނެތް
ފިނިކުރުން
މ (1) އައިސްކުރުން (2) އިންސާނާގެ ހަށިގަނޑަށް ވައިފެނުން އަރާމުލިބިގަތުން (3) މަޖާޒު: ހޫނުކޮށް ހިނގަމުންކަމެއް މައިތިރިކުރުން (4) ރުޅިމަޑުކުރުވުން
ފިނިވުން
މ (1) ހޫނުގެ އަސަރުކެނޑުން (2) ގަނޑުފެނާއި ފިނިކުރި އެއްޗެހިންވާ އިޙްސާސް އުފެދޭ ގޮތްވުން މަޖާޒު: (3) ބިރުންފަސްޖެހޭ ގޮތްވުން (4) ރުޅި މަޑުވުން (5) ކަމެއްގެ ބާރުކެނޑުން
ފިނިމޫސުން
ނ (1) އަހަރުގެ ތެރޭގައި އަންނަ ފިނިދުވަސްވަރު. (2) އަހަރުގެ މަސްތައް ތަފާތު ހަތަރު މޫސުމަކަށް ބަދަލުވާ ތަންތަނުގައި ޚަރީފާއި ރަބީޢާ ދެމެދަށް އަންނަ މޫސުން ދުނިޔޭގެ އުތުރުގެތަން ތަނަށް މިމޫސުން އަންނަނީ ޑިސެމްބަރުން މާރިޗަށެވެ
ފިނިފެންމާ
ނ (1) ވާކޮށް ހެދޭ ކަށި ހުންނަ ގަހެއްގައި އަޅާ ފަސްފިޔައިގެ ފިޔަބަރި ތަކެއް ހުންނަމަލެއް )މީގެ އެންމެ ޢާއްމު ވައްތަރަކީ މަޑު ފިޔާތޮށި ކުލައެވެ މިކުލައިގެ މަލުގައި މަޑުމަޑު މީރުވަހެއް ހުރެއެވެ ( (2) ފިނިފެންމަލާ އެއްގޮތަށް ހަދައިފައި ހުންނަމާ
ފިންދުނި
ނ ރާރާގުޑީގެ އެންމެތިރިޔަށް ހުންނަދުނި