radheef.info
ރަދީފު


ބަ
އ އައްބަ
ކުދީނާ
ނ ބިމުންމައްޗަށް ވަރަށް ކުޑަކޮށް ހެދޭ ގަހެއް. މިއީ ޒަވިވަހެއްދުވާ އާވި ކުޅިރަހައެއްދޭ ފެހިކުލަގަދަ ފަތެކެވެ. މިފަތް ހުންނަނީ ދެކޮޅު ވަށްކޮށް މެދަށް ފުޅާކޮށްނެވެ. ހަވާދާއި ޝަރުބަތާއި ސަޓަނި ހެދުމަށާއި ބޭހަށްވެސް މިފަތް ބޭނުންކޮށް އުޅެއެވެ
ކުދުބަތް
ނ )ލ ( ކުދިބަތް
ކުދުފުއްލާ
ނ )ސ ( ފޫއެނބުރީގެ ބާވަތެއް މިއީ ހިމަކޮށް ގާތްގަނޑަކަށް 6 އިންޗި 4 އިންޗި ހާދިގު ކޮށް ބަދަބަދައަށް ހުންނަ ފޫއެނބުރިއެވެ މީގައި ރީތި ކުރެހުމެއް ހުރެއެވެ އެކި ތަންތަނުގައި ހުންނަނީ އެކިކުލައެވެ
ކުލަހެދުން
ނ އެބައެއްގެ ޔުނިފޯމް ފިޔަވައި އެހެނިހެން ހެދުން
ކުލަބު
ނ (1) ޚާއްޞަ މަޤުޞަދަކަށްޓަކައި އެކުވެރިވެފައިވާ ޖަމާޢަތް (2) ޖަމާޢަތެއްގެ މީހުން ކުޅިވަރުކުޅެ ޚިޔާލުބަދަލުކޮށް ހަދާން ބައްދަލުކުރާ ގެ
ކުލަކޮކާމަސް
ނ ކޮކާމަހުގެ ބާވަތެއް. މިއީ ފަރުފަޅުތަކުގެ ބޭރުމަތީގައްޔާއި ގުންޑޮޅިތަކާ ފަރުގައި އުފެދިފައިހުންނަ ހޮހަޅުތަކުގައި ދިރިއުޅޭމަހެކެވެ. މުޅިމަހުގެ ހުރަހަށްވާގޮތަށް ދޮންނާރިނގުކުލައާއި ހުދުކުލައާއި ނޫކުލައިގެ ރޮނގުތަކެއް ހުރެއެވެ މަހުގެ ނިގޫ ފަތާއި ކުޑަ ކޮތަރިބައިގެ ކުލައަކީ ރީނދޫ ކުލައެވެ
ކުލަފާނަ
ނ ފާނައިގެ ބާވަތެއް. މިމަހުގެ ކުލައަކީ މުށިކުލައެވެ. މުޅިމަހުގައި ކަޅުކުލައިގެ ތިކިތަކެއް ހުރެއެވެ. ދެއަރިމަތީގައި ކަޅުކުލައިގެ ލައްތަކެއްހުރެއެވެ. މިއީ ވަރަށް ތަފާތު ކުލަކުލައަށް ކުލަ ބަދަލުކުރާ މަހެކެވެ
ކުލާތި
ނ (1) ކުނބު ކުރީގައި ގަދަކުރަން އަޅާ ބަންދު އަދި އެކަމަށް ބަންނަ ބަނުން (2) )ގ ( ގޮނޑުދޮށަށް ލައްވާ ތާރުވައްތަރުގެ ތެޔޮގުޅަގުޅަ
ކުލި
ނ (1) ތަނެއް ނުވަތަ އެއްޗެއް ކިރިއްޔާއަށް ހިފުމުގެ ސަބަބުން ދޭންޖެހޭ އެއްޗެއް (2) ދުވަހު މަސައްކަތް ނުވަތަ ވަގުތީ މަސައްކަތްތެއް ކުރުވައިފައި ދޭ އަގު
ކުލީބޯޓު
ނ މަޖާޒު: ފައިސާ ހިފައިފައި މީހުނާ ބަސްކިޔާ އަންހެނާ
ކުސަ
ނ (1) ދެގަނޑެއްޗެއް އެއްކުރާން ރޯނުން ނުވަތަ ނަނުން ފުރާ ބައިން. މިގޮތަށް ހުންނަ ކޮންމެ ބައިނެއް. (2) ފުށާއި ހުންޏާއި ހަކުރާ އަޅައިގެން ހިލާ ކާ އެއްޗެއް. (3) މަޖާޒު: އެއްޗަކަށްނުވާހެން ކުރާކަންތައް ނުވަތަ ހަދާ އެއްޗެއްނޫނީ ދައްކާ ވާހަކަ
ކުސަފުރުން
މ ދޭއްޗެއް އެއްކުރުމަށް ރޯނުން ނުވަތަ ނަނުން ބައިނެއް ފުރުން
ކުސަގަނޑު
ނ ކުސައަށްވާނޭހެން ފުރާ ބައިންގަނޑު
ކުސް
ނ (1) ކުޑަކުއްޖަކު ކަމެއް އެދިގެން ކުކުރާލުމަކާއެކީ ތަކުރާރުކޮށްބުނާ ބުނުން (2) ކުކުޅުހައު ބައެއްފަހަރަށް އަނެކައްޗަށް އަންގާން ގޮއްވާ އަޑު
ކުޑަ އޮޅަންނަ އޮޅި
ނ އިހުގައި އަސްކަރުންގެ ބައިތަކުގެ ތެރެއިން ބައެއްގެ ނަން މިބައި ޙަވާލުވެފައި އޮންނަނީ ދޮށިމޭނާ ބޭކަލަކާއެވެ
ކުޑަހިޔާ
ނ ދަތުރުއޮޑިޔާއި ބައްތެލިފަހަރުގެ ކުނބުން ކޮޅުފަހުގައި ދެފުރާޅަށް ކޮށްފައި ހުންނަހިޔާ
ކުޑަރިޔާ
ނ (1) އޮޑިދޯނިފަހަރުގެ ރިޔާބައިގައި ހިމެނޭ އެންމެ ކުޑަރިޔާ. މިއީ މައިކުނބަށްނަގާ ރިޔަލެކެވެ. މިރިޔާ ބޭނުންކުރަނީ ވިލާގަނޑުގެ ވައިތެރޭގައި އުޅަނދު ކަނޑުހެޔަށް ނުބާއްވައި ދުއްވުމަށާއި ހަޅައިގެ ގަދަވައިގައި ދުއްވުމަށެވެ. އަދި ވައިމަޑުއިރު ބާރަށް ދުއްވުމަށްޓަކައި އޮޑީގެ ކުރިއަށް ދައްސޫރައިގައި ދިއްކޮށް ތޫރިކޮޅުމަތީވަލުން ކުނބުކުރިޔަށް މިރިޔާ ނަގައިފައިހުރެއެވެ (2) ޖީބުރިޔާ
ކުޑަބަދިގެކޮޅު
ނ އިހުގައި ގަނޑުވަރުތެރޭ ބޭފުޅުން ތިއްބަވާ ތަންތާނގައި އަންހެން ބޭފުޅުން އަމިއްލަފުޅަށް އެއްޗެހި ކައްކަވައި ހައްދަވާން އެތެރެ ފަރާތުގައި ހަދައިފައި ހުންނަ ބަދިގެ
ކުޑަބޭރު
ނ (1) ކުޑައިކޮށްކައިރި (2) ހިސާބަކަށް ކައިރި
ކުޑަކަން
ނއނ (1) ބޮޑުކަން މިބަހުގެ އިދިކޮޅު (2) ކޮންމެ މިނަކުން ވެސް އުނިކަން